Hippocrates, Oeuvres Completes D'Hippocrate., AFORISMOI., 72.

(히포크라테스, Oeuvres Completes D'Hippocrate., AFORISMOI., 72.)

Σπασμὸσ ἐξ ἐλλεβόρου, θανάσιμον. Ἐπὶ τρώματι σπασμὸσ ἐπιγενόμενοσ, θανάσιμον. Αἵματοσ πολλοῦ Ῥυέντοσ, σπασμὸσ ἢ λυγμὸσ ἐπιγενόμενοσ, κακόν. Ἐπὶ ὑπερκαθάρσει σπασμὸσ ἢ λυγμὸσ ἐπιγενόμενοσ, κακόν. Ἢν μεθύων ἐξαίφνησ ἄφωνόσ τισ γένηται, σπασθεὶσ ἀποθνήσκει, ἢν μὴ πυρετὸσ ἐπιλάβῃ, ἢ ἐσ τὴν ὡρ́ην ἐλθὼν, καθ’ ἣν αἱ κραιπάλαι λύονται, φθέγξηται. Ὁκόσοι ὑπὸ τετάνου ἁλίσκονται, ἐν τέσσαρσιν ἡμέρῃσιν ἀπόλλυνται‧ ἢν δὲ ταύτασ διαφύγωσιν, ὑγιέεσ γίνονται. Τὰ ἐπιληπτικὰ ὁκόσοισι πρὸ τῆσ ἥβησ γίνεται, μετάστασιν ἴσχει‧ ὁκόσοισι δὲ πέντε καὶ εἴκοσιν ἐτέων γίνεται, τουτέοισι τὰ πολλὰ ξυναποθνήσκει. Ὁκόσοι πλευριτικοὶ γενόμενοι οὐκ ἀνακαθαίρονται ἐν τεσσαρεσκαίδεκα ἡμέρῃσι, τουτέοισιν ἐσ ἐμπύημα καθίσταται. Φθίσισ γίνεται μάλιστα ἡλικίῃσι τῇσιν ἀπὸ ὀκτωκαίδεκα ἐτέων μέχρι πέντε καὶ τριήκοντα ἐτέων. Ὁκόσοι κυνάγχην διαφεύγουσι, καὶ ἐσ τὸν πλεύμονα αὐτέοισι τρέπεται, ἐν ἑπτὰ ἡμέρῃσιν ἀποθνήσκουσιν‧ ἢν δὲ ταύτασ διαφύγωσιν, ἒμπυοι γίνονται. Τοῖσιν ὑπὸ τῶν φθισίων ἐνοχλουμένοισιν, ἢν τὸ πτύσμα, ὅπερ ἂν ἀποβήσσωσι, βαρὺ ὄζῃ ἐπὶ τοὺσ ἄνθρακασ ἐπιχεόμενον, καὶ αἱ τρίχεσ ἀπὸ τῆσ κεφαλῆσ Ῥέωσι, θανατῶδεσ. Ὁκόσοισι φθισιῶσιν αἱ τρίχεσ ἀπὸ τῆσ κεφαλῆσ Ῥέουσιν, οὗτοι, διαῤῬοίησ ἐπιγενομένησ, ἀποθνήσκουσιν. Ὁκόσοι αἷμα ἀφρῶδεσ ἀναπτύουσι, τουτέοισιν ἐκ τοῦ πλεύμονοσ ἡ τοιαύτη ἀναγωγὴ γίνεται. Ὑπὸ φθίσιοσ ἐχομένῳ διάῤῬοια ἐπιγενομένη, θανατῶδεσ. Ὁκόσοι ἐκ πλευρίτιδοσ ἔμπυοι γίνονται, ἢν ἀνακαθαρθῶσιν ἐν τεσσαράκοντα ἡμέρῃσιν, ἀφ’ ἧσ ἂν ἡ Ῥῆξισ γένηται, παύονται‧ ἢν δὲ μὴ, ἐσ φθίσιν μεθίσταντα. Τὸ θερμὸν βλάπτει ταῦτα πλεονάκισ χρεομένοισι, σαρκῶν ἐκθήλυνσιν, νεύρων ἀκράτειαν, γνώμησ νάρκωσιν, αἱμμῤῬαγίασ, λειποθυμίασ, ταῦτα οἷσι θάνατοσ. Τὸ δὲ ψυχρὸν, σπασμοὺσ, τετάνουσ, μελασμοὺσ καὶ Ῥίγεα πυρετώδεα. Τὸ ψυχρὸν, πολέμιον ὀστέοισιν, ὀδοῦσι, νεύροισὶν, ἐγκεφάλῳ, νωτιαίῳ μυελῷ‧ τὸ δὲ θερμὸν ὠφέλιμον. Ὁκόσα κατέψυκται, ἐκθερμαίνειν, πλὴν ὁκόσα αἱμοῤῬαγέει, ἢ μέλλει. Ἕλκεσι τὸ μὲν ψυχρὸν δακνῶδεσ, δέρμα περισκληρύνει, ὀδύνην ἀνεκπύητον ποιέει, μελαίνει, Ῥίγεα πυρετώδεα ποιέει, σπασμοὺσ καὶ τετάνουσ. Ἔστι δὲ ὅκου ἐπὶ τετάνου ἄνευ ἕλκεοσ νέῳ εὐσάρκῳ, θέρεοσ μέσου, ψυχροῦ πολλοῦ κατάχυσισ ἐπανάκλησιν θέρμησ ποιέεται‧ θέρμη δὲ ταῦτα Ῥύεται. Τὸ θερμὸν ἐκπυητικὸν, οὐκ ἐπὶ παντὶ ἕλκεϊ, μέγιστον σημεῖον ἐσ ἀσφαλείην, δέρμα μαλάσσει, ἰσχναίνει, ἀνώδυνον, Ῥιγέων, σπασμῶν, τετάνων παρηγορικόν‧ τὰ δὲ ἐν τῇ κεφαλῇ, καὶ καρηβαρίην λύει‧ πλεῖστον δὲ διαφέρει ὀστέων κατήγμασι, μάλιστα δὲ τοῖσιν ἐψιλωμένοισι, τουτέων δὲ μάλιστα, τοῖσιν ἐν κεφαλῇ ἕλκεα ἔχουσι‧ καὶ ὁκόσα ὑπὸ ψύξιοσ θνήσκει, ἢ ἑλκοῦται, καὶ ἑρ́πησιν ἐσθιομένοισιν, ἕδρῃ, αἰδοίῳ, ὑστέρῃ, κύστει, τουτέοισι τὸ μὲν θερμὸν φίλιον καὶ κρῖνον, τὸ δὲ ψυχρὸν πολέμιον καὶ κτεῖνον. Ἐν τουτέοισι δεῖ τῷ ψυχρῷ χρέεσθαι, ὁκόθεν αἱμοῤῬαγέει, ἢ μέλλει, μὴ ἐπ’ αὐτὰ, ἀλλὰ περὶ αὐτὰ, ὁκόθεν ἐπιῤῬεῖ‧ καὶ ὁκόσαι φλεγμοναὶ, ἢ ἐπιφλογίσματα ἐσ τὸ ἐρυθρόν καὶ ὕφαιμον Ῥέποντα αἵματι νεαρῷ, ἐπὶ ταῦτα, ἐπεὶ τά γε παλαιὰ μελαίνει‧ καὶ ἐρυσίπελασ τὸ μὴ ἑλκούμενον, ἐπεὶ τό γε ἑλκούμενον βλάπτει. Τὰ ψυχρὰ, οἱο͂ν χιὼν, κρύσταλλοσ, τῷ στήθεϊ πολέμια, βηχέων κινητικὰ, αἱμοῤῬοϊκαὶ, καταῤῬοϊκά. Τὰ ἐν ἄρθροισιν οἰδήματα καὶ ἀλγήματα, ἄτερ ἕλκεοσ, καὶ ποδαγρικὰ, καὶ σπάσματα, τουτέων τὰ πλεῖστα ψυχρὸν πολλὸν καταχεόμενον Ῥηί̈ζει τε καὶ ἰσχναίνει, καὶ ὀδύνην λύει‧ νάρκη δὲ μετρίη ὀδύνησ λυτική. Ὕδωρ τὸ ταχέωσ θερμαινόμενον καὶ ταχέωσ ψυχόμενον, κουφότατον. Ὁκόσοισι πιεῖν ὀρέξιεσ νύκτωρ τοῖσι πάνυ διψῶσιν, ἢν ἐπικοιμηθῶσιν, ἀγαθὸν. Γυναικείων ἀγωγὸν, ἡ ἐν ἀρώμασι πυρίη, πολλαχῆ δὲ καὶ ἐσ ἄλλα χρησίμη ἂν ἦν, εἰ μὴ καρηβαρίασ ἐνεποίεεν. Τὰσ κυούσασ φαρμακεύειν, ἢν ὀργᾷ, τετράμηνα, καὶ ἄχρι ἑπτὰ μηνῶν ἧσσον‧ τὰ δὲ νήπια καὶ πρεσβύτερα εὐλαβέεσθαι. Γυναικὶ ἐν γαστρὶ ἐχούσῃ ὑπό τινοσ τῶν ὀξέων νουσημάτων ληφθῆναι, θανατῶδεσ. Γυνὴ ἐν γαστρὶ ἔχουσα, φλεβοτομηθεῖσα, ἐκτιτρώσκει‧ καὶ μᾶλλον ᾖσι μεῖζον τὸ ἔμβρυον. Γυναικὶ αἷμα ἐμεούσῃ, τῶν καταμηνίων Ῥαγέντων, λύσισ. Γυναικὶ, τῶν καταμηνίων ἐκλειπόντων, αἷμα ἐκ τῶν Ῥινῶν Ῥυῆναι, ἀγαθόν. Γυναικὶ ἐν γαστρὶ ἐχούσῃ, ἢν ἡ κοιλίη πουλλὰ Ῥυῇ, κίνδυνοσ ἐκτρῶσαι. Γυναικὶ ὑπὸ ὑστερικῶν ἐνοχλουμένῃ, ἢ δυστοκούσῃ, πταρμὸσ ἐπιγινόμενοσ, ἀγαθόν. Γυναικὶ τὰ καταμήνια ἄχροα, καὶ μὴ κατὰ τὰ αὐτὰ αἰεὶ γινόμενα, καθάρσιοσ δεῖσθαι σημαίνει. Γυναικὶ ἐν γαστρὶ ἐχούσῃ, ἢν οἱ μασθοὶ ἐξαίφνησ ἰσχνοὶ γένωνται, ἐκτιτρώσκει. Γυναικὶ ἐν γαστρὶ ἐχούσῃ ἢν ὁ ἕτεροσ μασθὸσ ἰσχνὸσ γένηται, δίδυμα ἐχούσῃ, θάτερον ἐκτιτρώσκει‧ καὶ ἢν μὲν ὁ δεξιὸσ ἰσχνὸσ γένηται, τὸ ἄρσεν‧ ἢν δὲ ὁ ἀριστερὸσ, τὸ θῆλυ. Ἢν γυνὴ μὴ κύουσα, μηδὲ τετοκυῖα, γάλα ἔχῃ, ταύτῃ τὰ καταμήνια ἐκλέλοιπεν. Γυναιξὶν ὁκόσῃσιν ἐσ τοὺσ τιτθοὺσ αἷμα συστρέφεται, μανίην σημαίνει. Γυναῖκα ἢν θέλῃσ εἰδέναι εἰ κύει, ἐπὴν καθεύδειν μέλλῃ, ἀδείπνῳ ἐούσῃ, μελίκρητον διδόναι πιεῖν‧ κἢν μὲν στρόφοσ αὐτὴν ἔχῃ περὶ τὴν γαστέρα, κύει‧ ἢν δὲ μὴ, οὐ κύει. Γυνὴ ἔγκυοσ, ἢν μὲν ρσεν κύῃ, εὔχροόσ ἐστιν‧ ἢν δὲ θῆλυ, δύσχροοσ. Ἢν γυναικὶ κυούσῃ ἐρυσίπελασ ἐν τῇ ὑστέρῃ γένηται, θανατῶδεσ. Ὁκόσαι παρὰ φύσιν λεπταὶ ἐοῦσαι ἐν γαστρὶ ἔχουσιν, ἐκτιτρώσκουσι, πρὶν ἢ παχυνθῆναι. Ὁκόσαι δὲ μετρίωσ τὸ σῶμα ἔχουσαι ἐκτιτρώσκουσι δίμηνα καὶ τρίμηνα ἄτερ προφάσιοσ φανερῆσ, ταύτῃσιν αἱ κοτυληδόνεσ μύξησ μεσταί εἰσι, καὶ οὐ δύνανται κρατέειν ὑπὸ τοῦ βάρεοσ τὸ ἔμβρυον, ἀλλ’ ἀποῤῬήγνυνται. Ὁκόσαι παρὰ φύσιν παχεῖαι ἐοῦσαι μὴ ξυλλαμβάνουσιν ἐν γαστρὶ, ταύτῃσι τὸ ἐπίπλοον τὸ στόμα τῶν ὑστερέων ἀποπιέζει, καὶ, πρὶν ἢ λεπτυνθῆναι, οὐ κύουσιν. Ἢν ὑστέρη ἐν τῷ ἰσχίῳ ἐγκειμένη διαπυήσῃ, ἀνάγκη ἔμμοτον γενέσθαι. Ἔμβρυα τὰ μὲν ἄρσενα ἐν τοῖσι δεξιοῖσι, τὰ δὲ θήλεα ἐν τοῖσιν ἀριστεροῖσι μᾶλλον. Ὑστέρων ἐκπτώσιεσ, πταρμικὸν προσθεὶσ, ἐπιλάμβανε τοὺσ μυκτῆρασ καὶ τὸ στόμα. Γυναικὶ τὰ καταμήνια ἢν βούλῃ ἐπισχεῖν, σικύην ὡσ μεγίστην πρὸσ τοὺσ τιτθοὺσ πρόσβαλλε. Ὁκόσαι ἐν γαστρὶ ἔχουσι, τουτέων τὸ στόμα τῶν ὑστερέων ξυμμέμυκεν. Ἢν γυναικὶ ἐν γαστρὶ ἐχούσῃ γάλα πουλὺ ἐκ τῶν μαζῶν Ῥυῇ, ἀσθενὲσ τὸ ἔμβρυον σημαίνει‧ ἢν δὲ στερεοὶ οἱ μαστοὶ ἐώσιν, ὑγιεινότερον τὸ ἔμβρυον σημαίνει. Ὁκόσαι διαφθείρειν μέλλουσι τὰ ἔμβρυα, ταύτῃσιν οἱ τιτθοὶ ἰσχνοὶ γίνονται‧ ἢν δὲ πάλιν σκληροὶ γένωνται, ὀδύνη ἔσται ἢ ἐν τοῖσι τιτθοῖσιν, ἢ ἐν τοῖσιν ἰσχίοισιν, ἢ ἐν τοῖσιν ὀφθαλμοῖσιν, ἢ ἐν τοῖσι γούνασι, καὶ οὐ διαφθείρουσιν. Ὀκόσῃσι τὸ στόμα τῶν ὑστερέων σκληρόν ἐστι, ταύτῃσιν ἀνάγκη τὸ στόμα τῶν ὑστερέων ξυμμύειν. Ὁκόσαι ἐν γαστρὶ ἔχουσαι ὑπὸ πυρετῶν λαμβάνονται, καὶ ἰσχυρῶσ ἰσχναίνονται, ἄνευ προφάσιοσ φανερῆσ τίκτουσι χαλεπῶσ καὶ ἐπικινδύνωσ, ἢ ἐκτιτρώκουσαι κινδυνεύουσιν. Ἐπὶ Ῥόῳ γυναικείῳ σπασμὸσ καὶ λειποθυμίη ἢν ἐπιγένηται, κακόν. Καταμηνίων γενομένων πλειόνων, νοῦσοι ξυμβαίνουσι, καὶ, μὴ γινομένων, ἀπὸ τῆσ ὑστέρησ γίνονται νοῦσοι. Ἐπὶ ἀρχῷ φλεγμαίνοντι, καὶ ὑστέρῃ φλεγμαινούσῃ, στραγγουρίη ἐπιγίνεται, καὶ ἐπὶ νεφροῖσιν ἐμπύοισι στραγγουρίη ἐπιγίνεται, ἐπὶ δὲ ἥπατι φλεγμαίνοντι λὺγξ ἐπιγίνεται. Γυνὴ ἢν μὴ λαμβάνῃ ἐν γαστρὶ, βούλῃ δὲ εἰδέναι εἰ λήψεται, περικαλύψασ ἱματίοισι, θυμία κάτω‧ κἢν μὲν πορεύεσθαι δοκέῃ ἡ ὀδμὴ διὰ τοῦ σώματοσ ἐσ τὰσ Ῥῖνασ καὶ ἐσ τὸ στόμα, γίνωσκε ὅτι αὐτὴ οὐ δι’ ἑωυτὴν ἄγονόσ ἐστίν. Ἢν γυναικὶ ἐν γαστρὶ ἐχούσῃ αἱ καθάρσιεσ πορεύωνται, ἀδύνατον τὸ ἔμβρυον ὑγιαίνειν. Ἢν γυναικὶ αἱ καθάρσιεσ μὴ πορεύωνται, μήτε φρίκησ, μήτε πυρετοῦ ἐπιγινομένου, ἆσαι δὲ αὐτῇ προσπίπτωσι, λογίζου ταύτην ἐν γαστρὶ ἔχειν. Ὁκόσαι ψυχρὰσ καὶ πυκνὰσ τὰσ μήτρασ ἔχουσιν, οὐ κυί̈σκουσιν‧ καὶ ὁκόσαι καθύγρουσ ἔχουσι τὰσ μήτρασ, οὐ κυί̈σκουσιν, ἀποσβέννυται γὰρ ὁ γόνοσ‧ καὶ ὁκόσαι ξηρὰσ μᾶλλον καὶ περικαέασ, ἐνδείῃ γὰρ τῆσ τροφῆσ φθείρεται τὸ σπέρμα‧ ὁκόσαι δὲ ἐξ ἀμφοτέρων τὴν κρᾶσιν ἔχουσι ξύμμετρον, αἱ τοιαῦται ἐπίτεκνοι γίνονται. Παραπλησίωσ δὲ καὶ ἐπὶ τῶν ἀῤῬένων‧ ἢ γὰρ διὰ τὴν ἀραιότητα τοῦ σώματοσ τὸ πνεῦμα ἔξω φέρεται πρὸσ τὸ μὴ παραπέμπειν τὸ σπέρμα‧ ἢ διὰ τὴν πυκνότητα τὸ ὑγρὸν οὐ διαχωρέει ἔξω‧ ἢ διὰ τὴν ψυχρότητα οὐκ ἐκπυροῦται, ὥστε ἀθροίζεσθαι πρὸσ τὸν τόπον τοῦτον‧ ἢ διὰ τὴν θερμασίην τὸ αὐτὸ τοῦτο γίνεται. Γάλα διδόναι κεφαλαλγέουσι κακόν‧ κακὸν δὲ καὶ πυρεταίνουσι, καὶ οἷσιν ὑποχόνδρια μετέωρα καὶ διαβορβορύζοντα, καὶ τοῖσι διψώδεσι‧ κακὸν δὲ, καὶ οἷσι χολώδεεσ αἱ ὑπ χωρήσιεσ ἐν ὀξέσι πυρετοῖσιν ἐοῦσι, καὶ οἷσιν αἵματοσ πολλοῦ διαχώρησισ γέγονεν‧ ἁρμόζει δὲ φθινώδεσι μὴ λίην πολλῷ πυρέσσουσιν‧ διδόναι δὲ καὶ ἐν πυρετοῖσι μακροῖσι βληχροῖσι, μηδενὸσ τῶν προειρημένων σημείων παρεόντοσ, παρὰ λόγον δὲ ἐκτετηκότων. Ὁκόσοισιν οἰδήματα ἐφ’ ἕλκεσι φαίνεται, οὐ μάλα σπῶνται, οὐδὲ μαίνονται‧ τουτέων δὲ ἀφανισθέντων ἐξαίφνησ, τοῖσι μὲν ὄπισθεν σπασμοὶ, τέτανοι, τοῖσι δὲ ἔμπροσθεν μανίαι, ὀδύναι πλευροῦ ὀξεῖαι, ἢ ἐμπύησισ, ἢ δυσεντερίη, ἢν ἐρυθρὰ μᾶλλον ᾖ τὰ οἰδήματα. Ἢν, τραυμάτων ἰσχυρῶν ἐόντων καὶ πονηρῶν, οἴδημα μὴ φαίνηται, μέγα κακόν. Τὰ χαῦνα, χρηστὰ, τὰ ἔνωμα, κακά. Τῷ τὰ ὄπισθεν τῆσ κεφαλῆσ ὀδυνωμένῳ ἡ ἐν μετώπῳ ὀρθίη φλὲψ τμηθεῖσα, ὠφελέει. Ῥίγεα ἄρχεται, γυναιξὶ μὲν ἐξ ὀσφύοσ μᾶλλον καὶ διὰ νώτου ἐσ κεφαλήν‧ ἀτὰρ καὶ ἀνδράσι μᾶλλον ὄπισθεν, ἢ ἔμπροσθεν τοῦ σώματοσ, οἱο͂ν ἀπὸ πήχεων καὶ μηρῶν‧ ἀτὰρ καὶ τὸ δέρμα ἀραιὸν ἔχουσι, δηλοῖ δὲ τοῦτο ἡ θρίξ. Οἱ ὑπὸ τεταρταίων ἁλισκόμενοι ὑπὸ σπασμοῦ οὐ πάνυ τι ἁλίσκονται‧ ἢν δὲ ἁλίσκωνται πρότερον, εἶτα ἐπιγένηται τεταρταῖοσ, παύονται. Ὁκόσοισι δέρματα περιτείνεται καρφαλέα καὶ σκληρὰ, ἄνευ ἱδρῶτοσ τελευτῶσιν‧ ὁκόσοισι δὲ χαλαρὰ καὶ ἀραιὰ, σὺν ἱδρῶτι τελευτῶσιν. Οἱ ἰκτεριώδεεσ οὐ πάνυ τι πνευματώδεέσ εἰσιν.

일치하는 문장이 없습니다.

SEARCH

MENU NAVIGATION