Hippocrates, Oeuvres Completes D'Hippocrate., AFORISMOI., 83.

(히포크라테스, Oeuvres Completes D'Hippocrate., AFORISMOI., 83.)

Τὰσ κυούσασ φαρμακεύειν, ἢν ὀργᾷ, τετράμηνα καὶ ἄχρι ἑπτὰ μηνῶν, ἧσσον δὲ ταύτασ‧ τὰ δὲ νήπια καὶ τὰ πρεσβύτερα εὐλαβέεσθαι χρή. Ἐν τῇσι φαρμακείῃσι τοιαῦτα ἄγειν ἐκ τοῦ σώματοσ, ὁκοῖα καὶ αὐτόματα ἰόντα χρήσιμα, τὰ δὲ ἐναντίωσ ἰόντα παύειν, Ἢν μὲν οἱᾶ δεῖ καθαίρεσθαι, καθαίρωνται, ξυμφέρει τε καὶ εὐφόρωσ φέρουσι, τὰ δὲ ἐναντία, δυσχερῶσ. Φαρμακεύειν θέρεοσ μὲν μᾶλλον τὰσ ἄνω, χειμῶνοσ δὲ τὰσ κάτω. Ὑπὸ κύνα καὶ πρὸ κυνὸσ ἐργώδεεσ αἱ φαρμακεῖαι. Τοὺσ ἰσχνοὺσ τοὺσ εὐημέασ ἄνω φαρμακεύειν, ὑποστελλομένουσ χειμῶνα. Τοὺσ δὲ δυσημέασ καὶ μέσωσ εὐσάρκουσ, κάτω, ὑποστελλομένουσ θέροσ. Τοὺσ δὲ φθινώδεασ, ὑποστελλομένουσ τὰσ ἄνω. Τοὺσ δὲ μελαγχολικοὺσ, ἁδροτέρωσ τὰσ κάτω, τῷ αὐτῷ λογισμῷ τἀναντία προστιθείσ. Φαρμακεύειν ἐν τοῖσι λίην ὀξέσιν, ἢν ὀργᾷ, αὐθημερόν‧ χρονίζειν γὰρ ἐν τοῖσι τοιουτέοισι κακόν. Ὁκόσοισι στρόφοι, καὶ περὶ ὀμφαλὸν πόνοι, καὶ ὀσφύοσ ἄλγημα μὴ λυόμενον μήτε ὑπὸ φαρμακείησ, μήτ’ ἄλλωσ, εἰσ ὕδρωπα ξηρὸν ἱδρύεται. Ὁκόσοισι κοιλίαι λειεντεριώδεεσ, χειμῶνοσ φαρμακεύειν ἄνω, κακόν Πρὸσ τοὺσ ἐλλεβόρουσ τοῖσι μὴ Ῥηϊδίωσ ἄνω καθαιρομένοισι, πρὸ τῆσ πόσιοσ προϋγραίνειν τὰ σώματα πλείονι τροφῇ καὶ ἀναπαύσει. Ἐπὴν πίῃ τισ ἐλλέβορον, πρὸσ μὲν τὰσ κινήσιασ τῶν σωμάτων μᾶλλον ἄγειν, πρὸσ δὲ τοὺσ ὕπνουσ καὶ μὴ κινήσιασ, ἧσσον‧ δηλοῖ δὲ καὶ ναυτιλίη, ὅτι κίνσισ τὰ σώματα ταράσσει. Ἐπὴν βούλῃ μᾶλλον ἄγειν τὸν ἐλλέβορον, κίνει τὸ σῶμα‧ ἐπὴν δὲ παῦσαι, ὕπνον ποίει, καὶ μὴ κίνει. Ἐλλέβοροσ ἐπικίνδυνοσ τοῖσι τὰσ σάρκασ ὑγιέασ ἔχουσι, σπασμὸν γὰρ ἐμποιέει. Ἀπυρέτῳ ἐόντι, ἀποσιτίη, καὶ καρδιωγμὸσ, καὶ σκοτόδινοσ, καὶ στόμα ἐκτικρούμενον, ἄνω φαρμακείησ δέεσθαι σημαίνει. Τὰ ὑπὲρ τῶν φρενῶν ὀδυνήματα ἄνω φαρμακείην σημαίνει‧ ὁκόσα δὲ κάτω, κάτω. Ὁκόσοι ἐν τῇσι φαρμακοποσίῃσι μὴ διψῶσι, καθαιρόμενοι οὐ παύονται πρὶν ἢ διψήσωσι Ἀπυρέτοισιν ἐοῦσιν, ἢν γίνηται στρόφοσ, καὶ γουνάτων βάροσ, καὶ ὀσφύοσ ἄλγημα, κάτω φαρμακείησ δεῖσθαι σημαίνει. Ὑποχωρήματα μέλανα, οἱονεὶ αἷμα, ἀπὸ ταυτομάτου ἰόντα, καὶ ξὺν πυρετῷ, καὶ ἄνευ πυρετοῦ, κάκιστα‧ καὶ ὁκόσῳ ἂν τὰ χρώματα πλείω καὶ πονηρότερα ᾖ, μᾶλλον. κάκιον‧ ξὺν φαρμάκῳ δὲ ἄμεινον, καὶ ὁκόσῳ ἂν πλείω χρώματα ᾖ, οὐ πονηρόν. Νοσημάτων ὁκόσων ἀρχομένων, ἢν χολὴ μέλαινα ἢ ἄνω ἢ κάτω ὑπέλθῃ, θανάσιμον. Ὁκόσοισιν ἐκ νουσημάτων ὀξέων ἢ πολυχρονίων, ἢ ἐκ τρωμάτων, ἢ ἄλλωσ πωσ λελεπτυσμένοισι χολὴ μέλαινα ἢ ὁκοῖον αἷμα μέλαν ὑπέλθῃ, τῇ ὑστεραίῃ ἀποθνήσκουσιν. Δυσεντερίη ἢν ἀπὸ χολῆσ μελαίνησ ἄρξηται, θανάσιμον. Αἷμα ἄνω μὲν ὁκοῖον ἂν ᾖ, κακὸν, κάτω δὲ, ἀγαθὸν, καὶ τὰ μέλανα ὑποχωρέοντα. Ἢν ὑπὸ δυσεντερίησ ἐχομένῳ ὁκοῖαι σάρκεσ ὑποχωρήσωσι, θανάσιμον. Ὁκόσοισιν ἐν τοῖσι πυρεοῖσιν αἱμοῤῬαγέει πλῆθοσ ὁκοθενοῦν, ἐν τῇσιν ἀναλήψεσι τουτέοισιν αἱ κοιλίαι καθυγραίνονται. Ὁκόσοισι χολώδεα τὰ διαχωρήματα, κωφώσιοσ γενομένησ παύεται, καὶ ὁκόσοισι κώφωσισ, χολωδέων γενομένων παύεται. Ὁκόσοισιν ἐν τοῖσι πυρετοῖσιν ἑκταίοισιν ἐοῦσι Ῥίγεα γίνεται, δύσκριτα. Ὁκόσοισι παροξυσμοὶ γίνονται, ν ἂν ὡρ́ην ἀφῇ, ἐσ τὴν αὔριον τὴν αὐτὴν ὡρ́ην ἢν λάβῃ, δύσκριτα. Τοῖσι κοπιώδεσιν ἐν τοῖσι πυρετοῖσιν, ἐσ ἄρθρα καὶ παρὰ τὰσ γνάθουσ μάλιστα ἀποστάσιεσ γίνονται. Ὁκόσοισι δὲ ἀνισταμένοισιν ἐκ τῶν νούσων τι πονέσει, ἐνταῦθα ἀποστάσιεσ γίνονται. Ἀτὰρ ἢν καὶ προπεπονηκόσ τι ᾖ πρὸ τοῦ νοσέειν, ἐνταῦθα στηρίζει ἡ νοῦσοσ. Ἢν ὑπὸ πυρετοῦ ἐχομένῳ, οἰδήματοσ μὴ ἐόντοσ ἐν τῇ φάρυγγι, πνὶξ ἐξαίφνησ ἐπιστῇ, θανάσιμον. Ἢν ὑπὸ πυρετοῦ ἐχομένῳ ὁ τράχηλοσ ἐξαίφνησ ἐπιστραφῇ, καὶ μόλισ καταπίνειν δύνηται, οἰδήματοσ μὴ ἐόντοσ, θανάσιμον. Ἱδρῶτεσ πυρεταίνουσιν ἢν ἄρξωνται, ἀγαθοὶ τριταῖοι, καὶ πεμπταῖοι, καὶ ἑβδομαῖοι, καὶ ἐναταῖοι, καὶ ἑνδεκαταῖοι, καὶ τεσσαρεσκαιδεκαταῖοι, καὶ ἑπτακαιδεκαταῖοι, καὶ μιῇ καὶ εἰκοστῇ, καὶ ἑβδόμῃ καὶ εἰκοστῇ, καὶ τριηκοστῇ πρώτῃ, καὶ τριηκοστῇ τετάρτῃ‧ οὗτοι γὰρ οἱ ἱδρῶτεσ νούσουσ κρίνουσιν‧ οἱ δὲ μὴ οὕτω γινόμενοι πόνον σημαίνουσι καὶ μῆκοσ νούσου καὶ ὑποτροπιασμούσ. Οἱ ψυχροὶ ἱδρῶτεσ, ξὺν μὲν ὀξεῖ πυρετῷ γινόμενοι, θάνἀτον, ξὺν πρηϋτέρῳ δὲ, μῆκοσ νούσου σημαίνουσιν. Καὶ ὅκου ἔνι τοῦ σώματοσ ἱδρὼσ, ἐνταῦθα φράζει τὴν νοῦσον. Καὶ ὅκου ἔνι τοῦ σώματοσ θερμὸν ἢ ψυχρὸν, ἐνταῦθα ἡ νοῦσοσ. Καὶ ὅκου ἐν ὅλῳ τῷ σώματι μεταβολαὶ, καὶ ἢν τὸ σῶμα καταψύχηται, ἢ αὖθισ θερμαίνηται, ἢ χρῶμα ἕτερον ἐξ ἑτέρου γίνηται, μῆκοσ νούσου σημαίνει. Ἱδρὼσ πουλὺσ ἐξ ὕπνου ἄνευ τινὸσ αἰτίησ φανερῆσ γινόμενοσ, τὸ σῶμα σημαίνει ὅτι πλείονι τροφῇ χρέεται‧ ἢν δὲ τροφὴν μὴ λαμβάνοντι τοῦτο γίγνηται, σημαίνει ὅτι κενώσιοσ δέεται. Ἱδρὼσ πουλὺσ ψυχρὸσ ἢ θερμὸσ αἰεὶ Ῥέων, ὁ μὲν ψυχρὸσ, μέζω, ὁ δὲ θερμὸσ, ἐλάσσω, νοῦσον σημαίνει. Οἱ πυρετοὶ ὁκόσοι, μὴ διαλείποντεσ, διὰ τρίτησ ἰσχυρότεροι γίνονται, ἐπικίνδυνοι‧ ὅτῳ δ’ ἂν τρόπῳ διαλείπωσι, σημαίνει ὅτι ἀκίνδυνοι. Ὁκόσοισι πυρετοὶ μακροὶ, τουτέοισι φύματα ἢ ἐσ τὰ ἄρθρα πόνοι ἐγγίνονται. Ὁκόσοισι φύματα, ἢ ἐσ τὰ ἄρθρα πόνοι ἐκ πυρετῶν γίγνονται, οὗτοι σιτίοισι πλείοσι χρέονται. Ἢν Ῥῖγοσ ἐπιπίπτῃ πυρετῷ μὴ διαλείποντι, ἤδη ἀσθενεῖ ἐόντι, θανάσιμον. Αἱ ἀποχρέμψιεσ αἱ ἐν τοῖσι πυρετοῖσι τοῖσι μὴ διαλείπουσιν, αἱ πελιδναὶ, καὶ αἱματώδεεσ, καὶ δυσώδεεσ, καὶ χολώδεεσ, πᾶσαι κακαί‧ ἀποχωρέουσαι δὲ καλῶσ, ἀγαθαὶ, καὶ κατὰ τὰσ διαχωρήσιασ, καὶ κατὰ τὰ ο—ρα‧ ἢν δε μή τι τῶν ξυμφερόντων ἐκκρίνηται διὰ τῶν τόπων τούτων, κακόν. Ἐν τοῖσι μὴ διαλείπουσι πυρετοῖσιν, ἢν τὰ μὲν ἔξω ψυχρὰ ᾖ, τὰ δὲ ἔνδον καίηται, καὶ δίψαν ἔχῃ, θανάσιμον. Ἐν μὴ διαλείποντι πυρετῷ, ἢν χεῖλοσ, ἢ ὀφρὺσ, ἢ ὀφθαλμὸσ, ἢ Ῥὶσ διαστραφῇ, ἢν μὴ βλέπῃ, ἢν μὴ ἀκούῃ, ἀσθενέοσ ἐόντοσ τοῦ κάμνοντοσ, ὅ τι ἂν τουτέων γένηται, ἐγγὺσ ὁ θάνατοσ. Ὅκου ἐν πυρετῷ μὴ διαλείποντι δύσπνοια γίνεται καὶ παραφροσύνη, θανάσιμον. Ἐν τοῖσι πυρετοῖσιν ἀποστήματα μὴ λυόμενα πρὸσ τὰσ πρώτασ κρίσιασ, μῆκοσ νούσου σημαίνει. Ὁκόσοι ἐν τοῖσι πυρετοῖσιν, ἢ ἐν τῇσιν ἄλλῃσιν ἀῤῬωστίῃσι κατὰ προαίρεσιν δακρύουσιν, οὐδὲν ἄτοπον‧ ὁκόσοι δὲ μὴ κατὰ προαίρεσιν, ἀτοπώτερον. Ὁκόσοισι δὲ ἐπὶ τῶν ὀδόντων ἐν τοῖσι πυρετοῖσι περίγλισχρα γίνεται, ἰσχυρότεροι γίνονται οἱ πυρετοί. Ὁκόσοισιν ἐπὶ πουλὺ βῆχεσ ξηραὶ, βραχέα ἐρεθίζουσαι, ἐν πυρετοῖσι καυσώδεσιν, οὐ πάνυ τι διψώδεέσ εἰσιν. Οἱ ἐπὶ βουβῶσι πυρετοὶ, πάντεσ κακοὶ, πλὴν τῶν ἐφημέρων. Πυρέσσοντι ἱδρὼσ ἐπιγενόμενοσ, μὴ ἐκλείποντοσ τοῦ πυρετοῦ, κακόν‧ μηκύνει γὰρ ἡ νοῦσοσ, καὶ ὑγρασίην πλείω σημαίνει. Ὑπὸ σπασμοῦ ἢ τετάνου ἐχομένῳ πυρετὸσ ἐπιγενόμενοσ λύει τὸ νόσημα. Ὑπὸ καύσου ἐχομένῳ, ἐπιγενομένου Ῥίγεοσ, λύσισ. Τριταῖοσ ἀκριβὴσ κρίνεται ἐν ἑπτὰ περιόδοισι τὸ μακρότατον. Ὁκόσοισιν ἂν ἐν τοῖσι πυρετοῖσι τὰ ὦτα κωφωθῇ, αἷμα ἐκ Ῥινῶν Ῥυὲν, ἢ κοιλίη ἐκταραχθεῖσα, λύει τὸ νούσημα. Πυρέσσοντι ἢν μὴ ἐν περισσῇσιν ἡμέρῃσιν ἀφῇ ὁ πυρετὸσ, ὑποτροπιάζειν εἰώθεν. Ὁκόσοισιν ἐν τοῖσι πυρετοῖσιν ἴκτεροι ἐπιγίνονται πρὸ τῶν ἑπτὰ ἡμερῶν, κακὸν, ἢν μὴ ξυνδόσιεσ ὑγρῶν κατὰ τὴν κοιλίην γένωνται. Ὁκόσοισιν ἂν ἐν τοῖσι πυρετοῖσι καθ’ ἡμέρην Ῥίγεα γίνηται, καθ’ ἡμέρην οἱ πυρετοὶ λύονται. Ὁκόσοισιν ἐν τοῖσι πυρετοῖσι τῇ ἑβδόμῃ ἢ τῇ ἐνάτῃ ἢ τῇ ἑνδεκάτῃ ἢ τῇ τεσσαρεσκαιδεκάτῃ ἴκτεροι ἐπιγίνονται, ἀγαθὸν, ἢν μὴ τὸ δεξιὸν ὑποχόνδριον σκληρὸν ᾖ‧ ἢν δὲ μὴ, οὐκ ἀγαθόν. Ἐν τοῖσι πυρετοῖσι περὶ τὴν κοιλίην καῦμα ἰσχυρὸν καὶ καρδιωγμὸσ, κακόν. Ἐν τοῖσι πυρετοῖσι τοῖσιν ὀξέσιν οἱ σπασμοὶ καὶ οἱ περὶ τὰ σπλάγχνα πόνοι ἰσχυροὶ, κακόν. Ἐν τοῖσι πυρετοῖσιν οἱ ἐκ τῶν ὕπνων φόβοι, ἢ σπασμοὶ, κακόν. Ἐν τοῖσι πυρετοῖσι τὸ πνεῦμα προσκόπτον, κακόν‧ σπασμὸν γὰρ σημαίνει. Ὁκόσοισιν οὖρα παχέα, θρομβώδεα, ὀλίγα, οὐκ ἀπυρέτοισι, πλῆθοσ ἐπελθὸν ἐκ τουτέων λεπτὸν ὠφελέει‧ μάλιστα δὲ τὰ τοιαῦτα ἔρχεται, οἷσιν ἐξ ἀρχῆσ, ἢ διὰ ταχέων ὑπόστασιν ἴσχει. Ὁκόσοισι δὲ ἐν πυρετοῖσι τὰ οὖρα ἀνατεταραγμένα οἱο͂ν ὑποζυγίου, τουτέοισι κεφαλαλγίαι ἢ πάρεισιν, ἢ παρέσονται. Ὁκόσοισιν ἑβδομαῖα κρίνεται, τουτέοισιν ἐπινέφελον ἴσχει τὸ οὖρον τῇ τετάρτῃ ἐρυθρὸν, καὶ τἄλλα κατὰ λόγον. Ὁκόσοισιν οὖρα διαφανέα λευκὰ, πονηρά‧ μάλιστα δὲ ἐν τοῖσι φρενιτικοῖσιν ἐπιφαίνεται. Ὁκόσοισιν ὑποχόνδρια μετέωρα, διαβορβορύζοντα, ὀσφύοσ ἀλγήματοσ ἐπιγενομένου, αἱ κοιλίαι τουτέοισι καθυγραίνονται, ἢν μὴ φῦσαι καταῤῬαγέωσιν, ἢ οὔρου πλῆθοσ ἐπέλθῃ‧ ἐν πυρετοῖσι δὲ ταῦτα. Ὁκόσοισιν ἐλπὶσ ἐσ ἄρθρα ἀφίστασθαι, Ῥύεται τῆσ ἀποστάσιοσ οὖρον πουλὺ, κάρτα παχὺ, καὶ λευκὸν γινόμενον, οἱο͂ν ἐν τοῖσι κοπιώδεσι πυρετοῖσι τεταρταίοισιν ἄρχεται ἐνίοισι γίνεσθαι‧ ἢν δὲ καὶ ἐκ τῶν Ῥινῶν αἱμοῤῬαγήσῃ, καὶ πάνυ ταχὺ λύεται. Ἢν αἷμα ἢ πῦον οὐρέῃ, τῶν νεφρῶν ἢ τῆσ κύστιοσ ἕλκωσιν σημαίνει. Ὁκόσοισιν ἐν τῷ οὔρῳ παχεῖ ἐόντι σαρκία σμικρὰ ὥσπερ τρίχεσ συνεξέρχονται, τουτέοισιν ἀπὸ τῶν νεφρῶν ἐκκρίνεται. Ὁκόσοισιν ἐν τῷ οὔρῳ παχεῖ ἐόντι πιτυρώδεα συνεξουρέεται, τουτέοισιν ἡ κύστισ ψωριᾷ. Ὁκόσοι ἀπὸ ταὐτομάτου αἷμα οὐρέουσι, τουτέοισιν ἀπὸ τῶν νεφρῶν φλεβίου Ῥῆξιν σημαίνει. Ὁκόσοισιν ἐν τῷ οὔρῳ ψαμμώδεα ὑφίσταται, τουτέοισιν ἡ κύστισ λιθιᾷ. Ἢν αἷμα‧ οὐρέῃ καὶ θρόμβουσ, καὶ στραγγουρίην ἔχῃ, καὶ ὀδύνη ἐμπίπτῃ ἐσ τὸ ὑπογάστριον καὶ ἐσ τὸν περίνεον, τὰ περὶ τὴν κύστιν πονέει. Ἢν αἷμα καὶ πῦον οὐρέῃ καὶ λεπίδασ, καὶ ὀσμὴ βαρέη ᾖ, τῆσ κύστιοσ ἕλκωσιν σημαίνει. Ὁκόσοισιν ἐν τῇ οὐρήθρῃ φύματα φύεται, τουτέοισι, διαπυήσαντοσ καὶ ἐκραγέντοσ, λύσισ. Οὔρησισ νύκτωρ πολλὴ γινομένη, σμικρὴν τὴν ὑποχώρησιν σημαίνει.

일치하는 문장이 없습니다.

SEARCH

MENU NAVIGATION