Hippocrates, Oeuvres Completes D'Hippocrate., MOXLIKOS., 40.

(히포크라테스, Oeuvres Completes D'Hippocrate., MOXLIKOS., 40.)

Ση μεῖα παραλλαγμάτων καὶ ἐκπτωμάτων, καὶ ᾗ, καὶ ὅκωσ, καὶ ὅσον διαφέρει ταῦτα πρὸσ ἄλληλα. Καὶ οἷσιν ἡ κοτύλη παρέαγε, καὶ οἷσι νευρίον ἀπεσπάσθη, καὶ οἷσιν ἐπίφυσισ ἀπέαγε, καὶ οἷσι, καὶ ὡσ, καὶ ἓν ἢ δύο, ὧν δύο ἐστίν‧ ἐπὶ τουτέοισι κίνδυνοι, ἐλπίδεσ, οἷσι κακαὶ, καὶ ὅτε κακώσιεσ θανάτου, ὑγιείησ ἀσφαλείησ. Καὶ ἃ ἐμβλητέα, ἢ χειριστέα, καὶ ὅτε, καὶ ἃ οὒ, ἢ ὅτε οὔ‧ ἐπὶ τουτέοισιν ἐλπίδεσ, κίνδυνοι. Οἱᾶ καὶ ὅτε χειριστέα καὶ τὰ ἐκ γενεῆσ ἔξα ρθρα, τὰ αὐξανόμενα, τὰ ηὐξημένα, καὶ ὅ τι θᾶσσον, καὶ ὅ τι βραδύτερον, καὶ ὅ τι χωλὸν, καὶ ὡσ, καὶ οὔ‧ καὶ διότι καὶ ὅ τι μινυθήσει, καὶ ᾗ, καὶ ὡσ, καὶ οἷσιν ἧσσον. Καὶ ὅτι τὰ καταγέντα θᾶσσον καὶ βραδύτερον φυόμενα, ᾗ αἱ διαστροφαὶ καὶ ἐπιπωρώσιεσ γίνονται, καὶ ἄκη τουτέων. Οἷσιν ἕλκεα αὐτίκα ἢ ὕστερον γίνονται‧ οἷσι καὶ ὀστέα καταγεῖσι, μείω, οἷσιν οὔ‧ οἷσι καταγέντα ἐξέσχεν, καὶ ᾗ ἐξίσχει μᾶλλον‧ οἷσιν ἐκβάντα [ἢ] ἄρθρα ἐξίσχει. Ἀπατῶνται, καὶ δι’ ἃ, ἐν οἷσιν ὁρῶσιν, ἐν οἷσι διανοεῦνται ἀμφὶ τὰ παθήματα, ἀμφὶ τὰ θεραπεύματα. Νόμοισι τοῖσι νομίμοισι, περὶ ἐπιδέσιοσ‧ παρασκευὴ, πάρεξισ, κατάτασισ, διόρθωσισ, ἀνάτριψισ, ἐπίδεσισ, ἀνάληψισ, θέσισ, σχῆμα, χρόνοι, δίαιται. Τὰ χαυνότατα τάχιστα φύεται, τά δ’ ἐναντία ἐναντίωσ. Διαστροφαὶ, ᾗ κυρτοί‧ ἄσαρκοι, ἄνευροι, ᾗ τὸ ἐκπεσόν. Τὸ ἐμπεσὸν ὡσ προσωτάτω ἔσται τοῦ χωρίου, οὗ ἐξέπεσεν. Νεύρων, τὰ μὲν ἐν κινήσει καὶ ἐν πλάδῳ, ἐπιδοτικά‧ τὰ δὲ μὴ, ἧσσον. Ἄριστον, ᾗ ἂν ἐκπέσῃ, εἰ ἐμπέσοι τάχιστα. Πυρεταίνοντι μὴ ἐμβάλλειν, μηδὲ τεταρταῖα, πεμπταῖα, ἥκιστα ἀγκῶνα, καὶ τὰ ναρκώδεα πάντα‧ ὡσ τάχιστα ἄριστα, τὴν φλεγμονὴν παρέντα. Τὰ ἀποσπώμενα, ἢ νεῦρα, ἢ χόνδρια, ἢ ἐπιφύσιεσ, ἢ διιστάμενα κατὰ συμφύσεισ, ἀδύνατα ὁμοιωθῆναι‧ διαπωροῦται ταχέωσ τοῖσι πλείστοισιν‧ ἡ δὲ χρῆσισ σώζεται. Ἐκβάντων, τὰ ἔσχατα, Ῥᾷον. Τὰ Ῥᾷστα ἐκπεσόντα ἥκιστα φλεγμαίνει‧ τὰ δὲ ἥκιστα θερμαίνοντα, καὶ μὴ ἐπιθεραπευθέντα, μάλιστα αὖθισ ἐκπίπτει. Κατατείνειν ἐν σχήματι τοιουτέῳ, ἐν ᾧ μάλιστα ὑπεραιωρηθήσεται, σκεπτόμενον ἐσ τὴν φύσιν καὶ τὸν τόπον. ᾟ ἐξέβη, διόρθωσισ‧ ὀπίσω ἐσ ὀρθὸν καὶ ἐσ πλάγιον παρωθεῖν‧ τὰ δὲ ταχέωσ ἀντισπάσαντα ἀντισπάσαι ταχέωσ ἤδη ἐκ περιαγωγῆσ. Τὰ πλειστάκισ ἐκπίπτοντα Ῥᾷον ἐμπίπτει‧ αἴτιον φύσισ, ἢ νεύρων, ἢ ὀστέων, νεύρων μὲν, μῆκοσ ἢ ἐπίδοσισ, ὀστέων δὲ, κοτύλησ ὁμαλότησ, κεφαλῆσ φαλακρότησ‧ τὸ ἔθοσ τρίβον ποιέει‧ αἰτίη, καὶ σχέσισ, καὶ ἕξισ, καὶ ἡλικίη. Τὸ ὑπόμυξον, ἀφλέγμαντον.

일치하는 문장이 없습니다.

SEARCH

MENU NAVIGATION