Hippocrates, Oeuvres Completes D'Hippocrate., MOXLIKOS., 1.

(히포크라테스, Oeuvres Completes D'Hippocrate., MOXLIKOS., 1.)

Ὀστέων φύσισ‧ δακτύλων μὲν ἁπλᾶ καὶ ὀστέα καὶ ἄρθρα‧ χειρὸσ δὲ καὶ ποδὸσ πουλλὰ, ἄλλα ἀλλοίωσ συνηρθρωμένα‧ μέγιστα δὲ τὰ ἀνωτάτω‧ πτέρνησ δὲ ἓν οἱο͂ν ἔξω φαίνεται, πρὸσ δὲ αὐτὴν οἱ ὀπίσθιοι τένοντεσ τείνουσιν. Κνήμησ δὲ δύο, ἄνωθεν καὶ κάτωθεν ξυνεχόμενα, κατὰ μέσον δὲ διέχοντα σμικρόν‧ τὸ ἔξωθεν, κατὰ τὸν σμικρὸν δάκτυλον λεπτότερον βραχεῖ, πλεῖστον δὲ ταύτῃ διεχούσῃ καὶ σμικροτέρῃ Ῥοπῇ κατὰ γόνυ, καὶ ὁ τένων ἐξ αὐτοῦ πέφυκεν, ὁ παρὰ τὴν ἰγγύην ἔξω‧ ἔχουσι δὲ κάτωθεν κοινὴν ἐπίφυσιν, πρὸσ ἣν ὁ ποὺσ κινέεται‧ ἄλλην δὲ ἄνωθεν ἔχουσιν ἐπίφυσιν, ἐν ᾗ τὸ τοῦ μηροῦ ἄρθρον κινέεται, ἁπλόον καὶ εὐσταλὲσ ὡσ ἐπὶ μήκει‧ εἶδοσ κονδυλῶδεσ, ἔχον ἐπιμυλίδα‧ αὐτὸσ δ’ ἔγκυ ρτοσ ἔξω καὶ ἔμπροσθεν‧ ἡ δὲ κεφαλὴ ἐπίφυσίσ ἐστι στρογγύλη, ἐξ ἧσ τὸ νεῦρον τὸ ἐν τῇ κοτύλῃ τοῦ ἰσχίου πέφυκεν‧ ὑποπλάγιον δὲ καὶ τοῦτο προσήρτηται, ἧσσον δὲ βραχίονοσ. Τὸ δ’ ἰσχίον προσίσχεται πρὸσ τῷ μεγάλῳ σπονδύλῳ τῷ παρὰ τὸ ἱερὸν ὀστέον, χονδρονευρώδει δεσμῷ. Ῥάχισ δὲ ἀπὸ μὲν τοῦ ἱεροῦ ὀστέου μέχρι τοῦ μεγάλου σπονδύλου κυφή‧ κύστισ τε καὶ γονὴ καὶ ἀρχοῦ τὸ ἐγκεκλιμένον, ἐν τούτῳ‧ ἀπὸ δὲ τούτου ἄχρι φρενῶν ἦλθεν ἡ ἰθύλορδοσ, καὶ αἱ ψόαι κατὰ τοῦτο‧ ἐντεῦθεν δὲ ἄχρι τοῦ μεγάλου σπονδύλου, τοῦ ὑπὲρ τῶν ἐπωμίδων, ἰθυκυφήσ‧ ἔτι δὲ μᾶλλον δοκέει, ἢ ἐστίν‧ αἱ γὰρ ὄπισθεν τῶν σπονδύλων ἀποφύσιεσ ταύτῃ ὑψηλόταται‧ τὸ δὲ τοῦ αὐχένοσ ἄρθρον, λορδόν. Σπόνδυλοι δὲ ἔσωθεν ἄρτιοι πρὸσ ἀλλήλουσ, ἀπὸ δὲ τῶν ἔξωθεν χόνδρων νεύρῳ συνεχόμενοι‧ ἡ δὲ ξυνάρθρωσισ αὐτῶν, ἐν τῷ ὄπισθεν τοῦ νωτιαίου‧ ὄπισθεν δὲ ἔχουσιν ἔκφυσιν ὀξείην, ἔχουσαν ἐπίφυσιν χονδρώδεα, ἔνθεν νεύρων ἀπόφυσισ καταφερὴσ, ὥσπερ καὶ οἱ μύεσ παραπεφύκασιν ἀπὸ αὐχένοσ ἐσ ὀσφὺν, πληρεῦντεσ δὲ πλευρέων καὶ ἀκάνθησ τὸ μέσον. Πλευραὶ δὲ κατὰ τὰσ διαφύσιασ τῶν σπονδύλων νευρίῳ προσπεφύκασιν ἀπ’ αὐχένοσ ἐσ ὀσφὺν ἔσωθεν, ἐπίπροσθεν δὲ κατὰ τὸ στῆθοσ, χαῦνον καὶ μαλθακὸν τὸ ἄκρον ἔχουσαι‧ εἶδοσ Ῥαιβοειδέστατον τῶν ζώων‧ στενότατοσ γὰρ ταύτῃ ὁ ἄνθρωποσ ἐπ’ ὄγκον‧ ᾗ δὲ δὴ πλευρῇσιν ἔκφυσισ πλαγίη βραχείη καὶ πλατείη, ἐφ’ ἑκάστῳ σπονδύλῳ νευρίῳ προσπεφύκασιν. Στῆθοσ δὲ ξυνεχὲσ αὐτὸ ἑωυτῷ, διαφύσιασ ἔχον πλαγίασ, ᾗ πλευραὶ προσήρτηνται, χαῦνον δὲ καὶ χονδρῶδεσ. Κληῗδεσ δὲ περιφερέεσ ἐσ τοὔμπροσθεν, ἔχουσαι πρὸσ μὲν τὸ στῆθοσ βραχείασ κινήσιασ, πρὸσ δὲ τὸ ἀκρώμιον συχνοτέρασ. Ἀκρώμιον δὲ ἐξ ὠμοπλατέων πέφυκεν, ἀνομοίωσ τοῖσι πλείστοισιν. Ὠμοπλάτη δὲ χονδρώδησ τὸ πρὸσ Ῥάχιν, τὸ δ’ ἄλλο χαύνη, τὸ ἀνώμαλον ἔξω ἔχουσα, αὐχένα δὲ καὶ κοτύλην ἔχουσα χονδρώδεα, ἐξ ἧσ αἱ πλευραὶ κίνησιν ἔχουσιν, εὐαπόλυτοσ ἐοῦσα ὀστέων, πλὴν βραχίονοσ. Τούτου δὲ ἐκ τῆσ κοτύλησ νευρίῳ ἡ κεφαλὴ ἐξήρτηται, χόνδρου χαύνου περιφερῆ ἐπίφυσιν ἔχουσα‧ αὐτὸσ δ’ ἔγκυρτοσ ἔξω καὶ ἔμπροσθεν, πλάγιοσ, οὐκ ὀρθὸσ πρὸσ κοτύλην. Τὸ δὲ πρὸσ ἀγκῶνα αὐτοῦ, πλατὺ καὶ κονδυλῶδεσ καὶ βαλβιδῶδεσ καὶ στερεὸν, ἔγκοιλον ὄπισθεν, ἐν ᾧ ἡ κορώνη ἡ ἐκ τοῦ πήχεοσ, ὅταν ἐκταθῇ ἡ χεὶρ, ἔνεστιν‧ ἐσ τοῦτο καὶ τὸ ναρκῶδεσ νεῦρον, ὃ ἐκ τῆσ διαφύσιοσ τῶν τοῦ πήχεοσ ὀστέων, ἐκ μέσων, ἐκπέφυκε καὶ περαίνεται.

일치하는 문장이 없습니다.

SEARCH

MENU NAVIGATION