헬라어 문장 검색 - Ηιπποξ́Οευϝρεσ́05́21́

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 21.)

Μαλθακώδεα, τοῖσίδε χρη τοῖσι φαρμάκοισι χρῆσθαι ἐν χειμῶνι μᾶλλον ἢ ἐν θέρει‧ φάρμακα μαλθακώδεα, ἃ καὶ οὐλὰσ καλὰσ ποιέει‧ σκίλλησ τὸ εἴσω τὸ μυξῶδεσ τρίψασ, ἢ πεύκην σὺν συείῳ στέατι νέῳ, ὀλίγον ἔλαιον καὶ Ῥητίνησ ὀλίγον, καὶ ψιμυθίου. ‐‐ Ἕτερον‧ στέαρ αἰγὸσ, σποδὸσ, χαλκῖτισ κυανέη, ἔλαιον. ‐‐ Καὶ στέαρ χηνὸσ, καὶ συὸσ νέον, καὶ σκίλλαν, καὶ ἔλαιον ὀλίγον. ‐Κηρὸσ ὡσ λευκότατοσ, στέαρ πρόσφατον καθαρόν. ‐‐ Ἢ σκίλλαν, ἔλαιον λευκὸν, Ῥητίνησ ὀλίγον. ‐‐ Κηρὸν, στέαρ συὸσ παλαιὸν καὶ νέον, καὶ ἔλαιον, καὶ ἰὸσ, καὶ σκίλλα, καὶ Ῥητίνη, ἔστω δὲ δύο μοῖραι τοῦ παλαιοῦ στέατοσ πρὸσ τὸ νέον, τῶν δὲ ἄλλων ὁκόσον δοκέει καιρὸσ εἶναι. ‐‐ Στέαρ συντήξασ πρόσφατον, ἀποχέασ ἐσ ἕτερον χυτρίδιον, καὶ τῆσ μολυβδαίνησ τρίψασ ὡσ λειότατον, διαττήσασ, ξυμμίξασ, ἕψειν, καὶ κυκᾷν τὸ πρῶτον, ἑψεῖν δὲ ἑώσ ἂν ἐπισταχθὲν ἐπὶ γῆσ πηγνύηται, ἔπειτα καθελὼν ἀποχέαι τὸ ἄλλο πλὴν τῆσ λίθου τῆσ ὑποστάσησ, καὶ ἐμβάλλειν Ῥητίνην καὶ ἀνακινέειν, κέδρινον ἔλαιον ὀλίγον ξυμμίξασ καὶ τὸ ἀφῃρημένον. Πᾶσι χρὴ τοῖσι μαλθακοῖσιν ὅκου ἂν Ῥητίνην ξυμμιγνύῃσ, ἐπειδὰν ἀφέλῃσ ἀπὸ τοῦ πυρὸσ τὸ φάρμακον, ἐσ θερμὸν ἔτι ἐὸν καθεὶσ τὴν Ῥητίνην κυκᾷν. ‐‐ Ἕτερον‧ στέαρ συὸσ παλαιὸν, καὶ κηρὸσ, καὶ ἔλαιον, τὰ δὲ ξηρὰ, ἰχθυήματα λωτοῦ, λιβανωτὸσ, μολύβδαινα, ἤγουν τοῦ μὲν μοῖρα, καὶ τῆσ δὲ μοῖρα, καὶ τοῦ ἰχθυήματοσ μοῖρα, ἔστω δὲ τοῦ παλαιοῦ στέατοσ δύο μοῖραι, τοῦ δὲ κηροῦ μία, καὶ τοῦ ἐλαίου μία. ‐‐ Ἢ στέαρ μόνον παλαιὸν ὑειόν, σὺν τῷδε στέαρ αἰγὸσ πρόσφατον ὡσ ἥκιστα ξὺν τῷ ὑμένι, καθήρασ, μικρὰ τρίψασ ἢ κατακόψασ λεῖα, ἔλαιον παραχέειν, καὶ παραπάσσειν τὸν μόλιβδον ξὺν τῇ σποδῷ, καὶ λωτοῦ ἰχθυημάτων τὸ ἥμισυ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., ΠΕΡΙ ΕΛΚΩΝ., 21.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 21.)

상위

목록

SEARCH

MENU NAVIGATION