헬라어 문장 검색 - Ηιπποξ́Οευϝρεσ́04́07́

(히포크라테스, Oeuvres Completes D'Hippocrate., ΠΕΡΙ ΣΥΡΙΓΓΩΝ., 7.)

Ἢν ὁ ἀρχὸσ φλεγμήνῃ, καὶ ὀδύνη ἔχῃ καὶ πυρετὸσ, καὶ ἐσ ἄφοδον θαμινὰ καθίζῃ καὶ μηδὲν ὑποχωρεῃ, καὶ ὑπὸ τοῦ φλέγματοσ δοκέῃ ἐξιέναι ἡ ἕδρη, καὶ ἐνίοτε στραγγουρίη ἐπιλαμβάνῃ, τοῦτο τὸ νόσημα γίνεται, ὅταν φλέγμα ἐσ τὸν ἀρχὸν καταστηρίξῃ ἐκ τοῦ σώματοσ. Ξυμφέρει δὲ τὰ θερμά δύναται γὰρ τάδε προσφερόμενα λεπτύνειν καὶ ἐκτήκειν τὸ φλέγμα, καὶ ἅμα τῷ δριμεῖ τὸ ἁλμυρὸν ἐξυδατοῦν, ὥστε μὴ εἶναι τὸ καῦμα μηδὲ δῆξίν τινα ἐν τῷ ἐντέρῳ. Θεραπεύειν οὖν χρὴ ὧδε‧ καθίζειν ἐσ ὕδωρ θερμὸν, καὶ τρίψαντα τοῦ κόκκου τοῦ κνιδίου ἑξήκοντα κόκκουσ διεῖναι ἐν οἴνου κοτύλῃ καὶ ἐλαίου ἡμικοτυλίῳ, χλιήνασ, κλύσον. Ἄγει δὲ ταῦτα φλέγμα καὶ κόπρον. Ὅταν δὲ μὴ ἐν τῷ ὕδατι καθίζῃ, ὠὰ ἑψήσασ ἐν οἴνῳ μέλανι εὐώδει προστιθέναι πρὸσ τὴν ἕδρην, ὑποπετάσασ τι κάτωθεν θερμὸν, ἢ κύστιν ὕδατοσ θερμοῦ πλήσασ, ἢ λίνου σπέρμα πεφωσμένον ἀλέσασ, τρίψασ καὶ μίξασ ἴσον ἄλητον ἐν οἴνῳ μέλανι καὶ εὐώδει καὶ ἐλαίῳ, καταπλάσσειν ὡσ θερμοτάτῳ‧ ἢ κριθὰσ μίξασ, ἢ στυπτηρίην αἰγυπτίην τετριμμένην, καταπλάσσειν τε καὶ πυριῇν‧ ἔπειτα πλάσασ βάλανον μακρὴν, καὶ χλιαίνων πρὸσ πυρὸσ, τοῖσι δακτύλοισι προσπλάσσειν‧ ἔπειτα ἀκροχλίηρον ποιέων, ἐντιθέναι ἐσ τὴν ἕδρην‧ τὰ ἔξωθεν δὲ κηρωτῇ περιαλεῖψαι, καὶ καταπλάσσειν σκορόδοισιν ἑφθοῖσιν ἐν οἴνῳ μέλανι κεκρημένῳ. Ἐπὴν δὲ ἐξαιρέῃσ, ἐσ ὕδωρ θρμὸν ἐφίζειν, καὶ συμμίξασ χυλὸν στρύχνου καὶ χηνὸσ καὶ ὑὸσ στέαρ καὶ χρυσοκόλλαν καὶ Ῥητίνην καὶ κηρὸν λευκὸν, ἔπειτα διατήξασ ἐν τῷ αὐτῷ καὶ ξυμμίξασ, τούτοισιν ἐγχρίειν, καὶ ἑώσ ἂν φλεγμαίνῃ, καταπλάσσειν τοῖσι σκορόδοισι θερμοῖσι. Καὶ ἢν μὲν πρὸσ ταῦτα ἀπαλλάσσηται τῆσ ὀδύνησ, ἀρκείτω‧ ἢν δὲ μὴ, πίσαι τὸ μηκώνιον τὸ λευκόν‧ ἢν δὲ μὴ, ἄλλο ὅ τι φλέγμα καθαίρει‧ διαιτᾷν δὲ, ἑώσ ἂν φλεγμαίνῃ, Ῥυφήμασι κούφοισιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΣΥΡΙΓΓΩΝ., 7.

(히포크라테스, Oeuvres Completes D'Hippocrate., ΠΕΡΙ ΣΥΡΙΓΓΩΝ., 7.)

상위

목록

SEARCH

MENU NAVIGATION