헬라어 문장 검색 - Ηιπποξ́Οευϝρεσ́02́17́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 18.)

Ὁκόσα δὲ ἀπὸ διαιτημάτων, τὰ μὲν πολλὰ ἕκαστοσ ὡσ ἂν παρὰ το ἔθοσ διαιτηθῇ, μάλιστα ἐπισημαίνει. Καὶ γὰρ ὁκόσοι ἂν μὴ μεμαθηκότεσ ἀριστῇν, ἀριστήσωσιν, ὄγκοσ πουλὺσ αὐτοῖσι τῆσ γαστρὸσ καὶ νυσταγμὸσ καὶ πληθώρη‧ ἢν δὲ ἐπιδειπνήσωσι, κοιλίη ἐκταράσσεται‧ ξυμφέρει δὲ τουτέοισιν ἐκλουσαμένοισι καθεύδειν‧ κοιμηθέντασ δὲ περιπατῆσαι βραδέωσ συχνὴν περίοδον‧ κἢν μὲν λαπαχθῆ, δειπνῆσαι καὶ πιεῖν οἶνον ἐλάσσονα ἀκρητέστερον‧ ἢν δὲ μὴ λαπαχθῇ, ὑποχρίσασθαι τὸ σῶμα θερμῷ, καὶ ὑδαρέα οἶνον λευκὸν ἢ γλυκὺν, ἢν διψῇ, ἐπιπιόντα ἀναπαύεσθαι‧ ἢν δὲ μὴ ἐγκοιμηθῇ, πλείω ἀναπαύεσθαι‧ τὰ δ’ ἄλλα ὁμοίωσ τοῖσιν ἐκ κραιπάλησ διαιτάσθω. Τὰ δὲ ἀπὸ πομάτων, ὁκόσα μὲν ὑδαρέα, βραδυπορώτερά ἐστι, καὶ ἐγκυκλέεται, καὶ ἐπιπολάζει περὶ ὑποχόνδρια, καὶ ἐσ οὔρησιν οὐ κατατρέχει‧ τοιούτου δὲ πόματοσ πληρωθεὶσ, μηδὲν ἔργον ὀξέωσ διαπρήξῃ, ὁκόσα τῷ σώματι ξυνταθέντι βίῃ ἢ τάχει πονέειν ξυμβαίνει‧ ὡσ μάλιστα δὲ ἡσυχαζέτω, ἑώσ ἂν καταπεφθῇ μετὰ τῶν σιτίων. Ὁκόσα δὲ τῶν πομάτων ἀκρητέστερά ἐστιν ἢ αὐστηρότερα, παλμὸν ἐν τῷ σώματι καὶ σφυγμὸν ἐν τῇ κεφαλῇ ἐμποιέει, τούτοισι καλῶσ ἔχει ἐπικοιμᾶσθαι, καὶ θερμόν τι ἐπιῤῬοφῇν, πρὸσ ὅπερ μάλιστα ἡδίστωσ ἔχουσιν‧ νηστείη δὲ πονηρὸν πρὸσ τὴν κεφαλαλγίην καὶ κραιπάλην. Ὁκόσοι δὲ μονοσιτεῦσι, κενοὶ καὶ ἀδύνατοί εἰσι, καὶ οὐρέουσι θερμὸν, παρὰ τὸ ἔθοσ κενεαγγέοντεσ‧ γίγνεται δὲ καὶ τὸ στόμα ἁλυκὸν καὶ πικρὸν, καὶ τρέμουσιν ἐν παντὶ ἔργῳ, καὶ κροτάφουσ ἐπιξυντείνονται, καὶ τὸ δεῖπνον οὐ δύνανται πέσσειν, ὅκωσ περ ἢν ἠριστηκότεσ ἐώσιν. Τούτουσ δὲ χρὴ δειπνέειν ἔλασσον ἢ μεμαθήκασι, καὶ ὑγροτέρην μᾶζαν ἀντὶ ἄρτου, καὶ λαχάνων λάπαθον, ἢ μαλάχην, ἢ πτισάνην, ἢ σεῦτλα‧ πίνειν δὲ κατὰ τὸ σιτίον οἶνον, ὁκόσον ξύμμετρον, καὶ ὑδαρέστερον, καὶ ἀπὸ δείπνου περιπατῆσαι ὀλίγον, ἑώσ οὖρα καταδράμῃ καὶ οὐρήσῃ‧ χρεέσθω δὲ καὶ ἰχθύσιν ἑφθοῖσιν. Βρώματα δὲ μάλιστα ἐπισημαίνει‧ σκόροδον φῦσαν καὶ θέρμην περὶ τὸν θώρηκα, καὶ κεφαλῆσ βάροσ, καὶ ἄσην, καὶ εἴ τι ἄλλο ἄλγημα εἰή μεμαθηκὸσ πρόσθεν, παροξύνειεν ἄν‧ οὐρητικὸν δὲ, καὶ τοῦτο ἔχει ἀγαθόν‧ ἄριστον δὲ αὐτοῦ φαγέειν μέλλοντι ἐσ πόσιν ἰέναι, ἢ μεθύοντι. Τυρὸσ δὲ φῦσαν καὶ στεγνότητα καὶ σιτίων ἔξαψιν ποιέει, τό τ’ὠμὸν καὶ ἄπεπτον‧ κάκιστον δὲ ἐν ποτῷ φαγέειν πεπληρωμένοισιν. Ὄσπρια δὲ πάντα φυσώδεα, καὶ ὠμὰ, καὶ ἑφθὰ, καὶ πεφρυγμένα‧ ἥκιστα δὲ βεβρεγμένα καὶ χλωρά‧ τουτέοισι δὲ μὴ χρέεσθαι, ἢν μὴ μετὰ σιτίων. Ἔχει δὲ καὶ ἰδίασ μοχθηρίασ ἕκαστον αὐτέων. Ἐρέβινθοσ μὲν φῦσαν, ὠμὸσ καὶ πεφρυγμένοσ, καὶ πόνον ἐμποιέει. Φακὸσ δὲ στύφει, καὶ ἄραδον ἐμποιέει, ἢν μετὰ τοῦ φλοιοῦ ᾖ. Θέρμοσ δὲ ἥκιστα τουτέων κακὰ ἔχει. Σίλφιον δὲ καὶ ὀπὸσ ἔστι μὲν οἷσι μάλιστα, τοῖσι δὲ ἀπείροισιν οὐ διέρχεται τῇ κοιλίῃ, ἀλλὰ καλέεται ξηρὴ χολέρη‧ μάλιστα δὲ γίγνεται, ἢν μετὰ πολλοῦ τυροῦ μιχθῇ ἢ κρεηφαγίησ βοείων κρεῶν. Τὰ μὲν γὰρ μελαγχολικὰ παθήματα καὶ παροξυνθείη ἂν ὑπὸ βοείων κρεῶν‧ ἀνυπέρβλητοσ γὰρ ἡ φύσισ αὐτέων, καὶ οὐ τῆσ τυχούσησ κοιλίησ καταπέψαι‧ βέλτιστα δ’ἂν ἀπαλλάξαιεν, εἰ διέφθοισί τε χρέοιντο καὶ ὡσ παλαιοτάτοισιν. Αἴγεια δὲ κρέα, ὅσα τε βοείοισιν ἔνι κακὰ, πάντα ἔχει, τήν τε ἀπεψίην, καὶ φυσωδέστερα καὶ ἐρευγματώδεα, καὶ χολέρησ γεννητικά‧ ἔστι δὲ τὰ εὐωδέστατα, στερεὰ καὶ ἥδιστα, ταῦτα ἄριστα δίεφθα καὶ ψυχρά‧ τὰ δὲ ἀηδέστατα, δυσώδεα καὶ σκληρὰ, ταῦτα κάκιστα, καὶ τὰ πρόσφατα‧ βέλτιστα δέ ἐστι τῇ θερινῇ, μετοπωρινῇ δὲ κάκιστα. Χοίρου δὲ πονηρὰ, ὁκόταν ᾖ ἐνωμότερα ἢ περικαῆ‧ χολερώδεα δ’ἂν εἰή καὶ ἐκταρακτικά. Υειἅ δὲ βέλτιστα τῶν κρεῶν ἁπάντων‧ κράτιστα δὲ τὰ μήτε ἰσχυρῶσ πίονα, μήτε πάλιν ἰσχυρῶσ λεπτὰ, μήτε ἡλικίην φέροντα παλαιοῦ ἱερείου‧ ἐσθίειν δὲ ἄνευ τῆσ φορίνησ καὶ ὑπόψυχρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 18.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 18.)

상위

목록

SEARCH

MENU NAVIGATION