Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 9.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 9.)

Εἰσὶ δὲ ὄψιεσ πολλαὶ τῶν καμνόντων‧ διὸ προσεκτέον τῷ ἰωμένῳ, ὅκωσ μὴ διαλήσεται τῶν προφασίων, μήτε τῶν κατὰ λογισμὸν, μήτε ὁκόσα ἐσ ἀριθμὸν ἄρτιον ἢ περισσὸν δεῖ φανῆναι‧ μάλιστα μὲν οὖν δεῖ τὸν περισσὸν ἀριθμὸν εὐλαβέεσθαι, ὡσ αὗται αἱ ἡμέραι ἑτεροῤῬοπέασ ποιέουσι τοὺσ κάμνοντασ. Φυλάσσεσθαι οὖν δεῖ τὴν πρώτην ἡμέρην, ᾗ ἦρκται ἀσθενέειν ὁ κάμνων, ἰδόντα τὴν ἀρχὴν ἐξ ὅτου καὶ διότι‧ ἡγέεται γὰρ τοῦτο πρῶτον εἰδῆσαι. Ὁκόταν δὲ ἔρῃ αὐτὸν καὶ διασκέψῃ ταῦτα πάντα, πρῶτον μὲν κεφαλὴν ὅκωσ ἔχει, εἰ ἀνάλγητοσ καὶ μὴ βάροσ ἔχει ἐν ἑωυτῇ‧ ἔπειτα ὑποχόνδρια καὶ πλευρὰ, εἰ ἀνάλγητα‧ ὑποχόνδριον μὲν γὰρ, εἰ ἐπίπονόν ἐστιν ἢ ἐπηρμένον ἢ ἔχει τινὰ σκολιότητα ἢ κόρον, ἢ πλευροῦ ἀλγηδὼν ἐνείη, καὶ ἅμα τῷ ἀλγήματι ἢ βηχίον ἢ στρόφοσ ἢ πόνοσ κοιλίησ‧ ὅταν δέ τι τούτέων παρῇ, ἐν ὑποχονδρίῳ μὲν μάλιστα, λύειν τὴν κοιλίην κλυσμοῖσιν‧ πινέτω δὲ μελίκρητον θερμὸν ἀφηψημένον. Καταμανθάνειν δὲ καὶ ἐν τῇσιν ἐξαναστάσεσιν εἰ λειποθυμέει, καὶ εἰ τοῦ πνεύματοσ εὐφορίη αὐτὸν ἔχει, ἰδεῖν τε τὴν διαχώρησιν, μή τι μέλαν διεχώρησεν ἰσχυρῶσ χρῶμα, καὶ εἰ καθαρὸν, ὁκοῖα ὑγιαίνοντοσ ἂν εἰή διαχωρήματα, καὶ ὁ πυρετὸσ ἐσ τὴν τρίτην ἐπιπαροξυνόμενοσ‧ κατιδὼν δὲ εὖ μάλα τοὺσ τοιούσδε ἐν ταύτῃσι τῇσι νούσοισι τριταίουσ, πρὸσ ταάτην ἤδη καὶ τὰ ἄλλα συνορῇν‧ καὶ ἢν ἡ τετάρτη τῇ τρίτῃ ἡμέρῃ ὅμοιον ἔχῃ τι τῶν αὐτῶν τουτέων, κινδυνώδησ ὁ νων γίγνεται. Τὰ δὲ σημεῖα‧ ἡ μὲν μέλαινα διαχώρησισ θάνατον σημαίνει, ἡ δὲ ὁμοίη τῷ ὑγιαίνοντι ὁκόταν πάσασ τὰσ ἡμέρασ φαίνηται, σωτήριον‧ ὁκόταν δὲ μὴ ὑπακούῃ τῇ βαλάνῳ, ἐνῇ δὲ τοῦ πνεύματοσ εὐφορίη, διαναστὰσ ἐπὶ τὸν θρόνον ἢ αὐτοῦ ἐν τῇ κλίνῃ, ἢν ἀψυχίη ἐγγένηται, ταῦτα ὁκόταν προσῇ τῷ κάμνοντι ἢ τῇ καμνούσῃ κατ’ ἀρχὰσ, παραφροσύνην οἰού ἐσομένην. Προσέχειν δὲ χρὴ καὶ τῇσι χερσίν‧ ἢν γὰρ τρομεραὶ ἐώσι, προσδέχου τῷ τοιῷδε ἀπόσταξιν αἵματοσ ἐκ Ῥινῶν ἐσομένην‧ ὁρῇν δὲ χρὴ καὶ τοὺσ μυκτῆρασ‧ ἢν ὁμοίωσ τὸ πνεῦμα δι’ ἀμφοτέρων ἕλκηται, καὶ ἢν πουλὺ φέρηται ἐκ τῶν μυκτήρων, φιλέει γίγνεσθαι σπασμόσ‧ ἢν δὲ σπασμὸσ γένηται τῷ τοιῷδε, θάνατοσ προσδόκιμοσ, καὶ καλῶσ ἔχει προλέγειν.

일치하는 문장이 없습니다.

SEARCH

MENU NAVIGATION