Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 7.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 7.)

Ἢν πυρετὸσ λάβῃ παλαιῆσ κόπρου ὑπεούσησ, νεοβρῶτι ἐόντι, ἤν τε ξὺν ὀδύνῃ πλευροῦ, ἤν τε μὴ, ἡσυχίην ἄγειν μέχρισ οὗ καταβῇ τὰ σιτία πρῶτον ἐσ τὴν κάτω κοιλίην‧ πόματι δὲ χρεέσθω ὀξυμέλιτι‧ ὁκόταν δὲ ἐσ τὴν ὀσφὺν βάροσ ἥκῃ, κάτω κλύσαι κλυσμῷ, ἢ καθᾶραι φαρμάκῳ‧ ὁκόταν δὲ καθαρθῇ, διαιτᾷν Ῥοφήματι πρῶτον καὶ πόματι μελικρήτῳ‧ ἔπειτα σιτίοισι καὶ ἰχθύσιν ἑφθοῖσι καὶ οἴνῳ ὑδαρεῖ, ἐσ νύκτα ὀλίγῳ‧ ἡμέρῃ δὲ ὑδαρὲσ μελίκρητον. Ὁκόταν δὲ αἱ φῦσαι δυσώδεεσ ἐώσιν, οὕτωσ ἢ βαλάνῳ ἢ κλυσμῷ‧ εἰ δὲ μὴ, ἐπισχεῖν ὀξύμελι πίνοντα, ἑώσ ἂν καταβῇ ἐσ τὴν κάτω κοιλίην, εἶθ’ οὕτω κλυσμῷ ὑπαγαγεῖν. Ἢν δὲ λαπαρῷ ἐόντι καῦσοσ ἐπιγένηται, ἤν σοι δοκέῃ φαρμακεύειν ἐπιτηδείωσ ἔχειν, ἔσω τριῶν ἡμερέων μὴ φαρμακεύειν, ἀλλ’ ἢ τεταρταῖον. Ὁκόταν δὲ φαρμακεύσῃσ, τοῖσι Ῥοφήμασι χρῶ, διαφυλάσσων τοὺσ παροξυσμοὺσ τῶν πυρετῶν, ὅκωσ μηδέποτε προσοίσεισ μελλόντων ἔσεσθαι τῶν πυρετῶν, ἀλλὰ ληγόντων, ἀλλὰ παυσαμένων, καὶ ὡσ ποῤῬωτάτω ἀπὸ τῆσ ἀρχῆσ. Ποδῶν δὲ ψυχρῶν ἐόντων, μήτε ποτὸν μήτε Ῥόφημα μήτ’ ἄλλο μηδὲν δίδου τοιόνδε, ἀλλὰ μέγιστον ήγο τοῦτ εἰναι διαφυλάσσεσθαι, ἑώσ ἂν διάθερμοι σφόδρα γένωνται‧ εἶθ’ οὕτω τὸ ξυμφέρον πρόσφερε. Ὡσ γὰρ ἐπιτοπουλὺ σημεῖόν ἐστι μέλλοντοσ παροξύνεσθαι τοῦ πυρετοῦ ψύξισ ποδῶν‧ εἰ δ’ ἐν τοιούτῳ καιρῷ προσοίσεισ, ἅπαντα τὰ μέγιστα ἐξαμαρτήσεισ‧ τὸ γὰρ νούσημα αὐξήσεισ οὐ σμικρῶσ. Ὁκόταν δὲ ὁ πυρετὸσ λήγῃ, τοὐναντίον οἱ πόδεσ θερμότεροι γίγνονται τοῦ ἄλλου σώματοσ‧ αὔξεται μὲν γὰρ ψύχων τοὺσ πόδασ, ἐξαπτόμενοσ ἐκ τοῦ θώρηκοσ, ἐσ τὴν κεφαλὴν ἀναπέμπων τὴν φλόγα‧ ξυνδεδραμηκότοσ δὲ ἅλεσ τοῦ θερμοῦ ἅπαντοσ ἄνω, καὶ ἀναθυμιωμένου ἐσ τὴν κεφαλὴν, εἰκότωσ οἱ πόδεσ ψυχροὶ γίγνονται, ἄσαρκεσ καὶ νευρώδεεσ φύσει ἐόντεσ‧ ἔτι δὲ πουλὺ ἀπέχοντεσ τῶν θερμοτάτων τόπων ψύχονται, ξυναθροιζομένου τοῦ θερμοῦ ἐσ τὸν θώρηκα‧ καὶ πάλιν ἀνάλογον, λυομένου τοῦ πυρετοῦ καὶ κατακερματιζομένου, ἐσ τοὺσ πόδασ καταβαίνει‧ κατὰ δὲ τὸν χρόνον τοῦτον ἡ κεφαλὴ καὶ ὁ θώρηξ κατέψυκται. Τοῦ δ’ εἵνεκα προσεκτέον, ὅτι, ὁκόταν οἱ πόδεσ ψυχροὶ ἐώσι, θερμὴν ἀνάγκη τὴν κοιλίην εἶναι καὶ πολλῆσ ἄσησ μεστὴν, καὶ ὑποτεταραγμένη, οἱ πολλοὶ τῶν τοιουτέων τὰσ κροκύδασ ἀφαιρέουσι, καὶ τὰσ Ῥῖνασ σκάλλουσι, καὶ κατὰ βραχὺ μὲν ἀποκρίνονται τὸ ἐρωτώμενον, αὐτοὶ δὲ ἀφ’ ἑωυτῶν οὐδὲν λέγουσι κατηρτημένον‧ δοκέει οὖν μοι τὰ τοιάδε μελαγχολικὰ εἶναι‧ ἢν δὲ τοιῶνδε ἐόντων ἡ κοιλίη ὑγρὴ ᾖ καὶ ξυντήκῃ, δοκέει μοι τὰ Ῥοφήματα ψυχρότερα καὶ παχύτερα προσφέρειν, καὶ τὰ πόματα στατικὰ καὶ οἰνωδέστερα ἢ καὶ στυπτικώτερα. Ὁκόσοισι δὲ τῶν πυρετῶν δῖνοί τε ἀπ’ ἀρχῆσ καὶ σφυγμοὶ κεφαλῆσ εἰσι καὶ οὖρα λεπτὰ, τουτέοισι προσδέχεσθαι πρὸσ τὰσ κρίσιασ παροξυνθησόμενον τὸν πυρετόν‧ οὐ θαυμάσαιμι δ’ ἂν οὐδ’ εἰ παραφρονήσειαν. Οἷσι δὲ ἐν ἀρχῇ τὰ οὖρα νεφελοειδέα καὶ παχέα, τοὺσ τοιούσδε ὑποκαθαίρειν, ἢν καὶ τὰ ἄλλα ξυμφέρῃ‧ ὁκόσοισι δὲ ἐν ἀρχῇ τὰ οὖρα λεπτὰ, μὴ φαρμάκευε τοὺσ τοιούτουσ, ἀλλ’ ἢν δοκέῃ, κλύσαι‧ τούτουσ ξυμφέρει οὕτω θεραπεύεσθαι, τῷ σώματι ἡσυχίην ἄγοντασ, ἀλείφοντά τε καὶ περιστέλλοντα ὁμαλῶσ‧ ποτῷ δὲ χρέεσθαι μελικρήτῳ ὑδαρεῖ, καὶ Ῥοφήματι χυλῷ πτισάνησ ἐσ ἑσπέρην‧ κοιλίην δὲ ὕπαγε κατ’ ἀρχὰσ κλυσμῷ‧ φάρμακα δὲ μὴ πρόσαγε τούτοισιν‧ ἢν γάρ τι κινήσῃσ κατὰ κοιλίην, τὸ οὖρον οὐ πεπαίνεται, ἀλλ’ ἄνιδρόσ τε καὶ ἄκριτοσ ὁ πυρετὸσ ἐπὶ πολὺν χρόνον ἔσται. Τὰ δὲ Ῥοφήματα, ὁκόταν ἐγγὺσ τῶν κρισίων ᾖ, μὴ δίδου, ἢν θορυβῆται, ἢν δ’ ἀνῇ καὶ ἐπιδιδῷ ἐπὶ τὸ βέλτιον‧ φυλάσσεσθαι δὲ χρὴ καὶ τῶν ἄλλων πυρετῶν τὰσ κρίσιασ, καὶ ἀφαιρέειν τὰ Ῥοφήματα κατὰ τοῦτον τὸν καιρόν. Μεμαθήκασι δὲ μακροὶ οἱ πυρετοὶ οἵδε γίγνεσθαι, καὶ ἀποσκήμματα ἴσχειν, ἢν μὲν τὰ κάτω ψυχρὰ ᾖ, περὶ ὦτα καὶ τράχηλον‧ ἢν δὲ μὴ ψυχρὰ ᾖ, ἄλλασ ἴσχειν μεταβολάσ‧ Ῥέει δὲ καὶ αἷμα ἐκ Ῥινῶν, καὶ αἱ κοιλίαι τοῖσι τοιουτέοισιν ἐκταράσσονται‧ ὁκόσοισι δὲ πυρετοὶ ἀσώδεέσ εἰσι, καὶ ὑποχόνδρια ξυντείνουσι, καὶ κεκλιμένοι οὐκ ἀνέχονται ἐν τῷ αὐτέῳ, καὶ τὰ ἄκρεα ψύχονται πάντα, πλείστησ ἐπιμελείησ καὶ φυλακῆσ δέονται‧ διάγειν δὲ τούτοισι προσφέροντασ μηδὲν ἄλλο ἢ ὀξύμελι ὑδαρέσ‧ Ῥόφημα δὲ μὴ πρόσφερε, ἑώσ ἂν λήξῃ, καὶ τὸ οὖρον πεπανθῇ‧ κατακλίνειν δὲ ἐσ ζοφερὰ οἰκήματα, καὶ κατακεκλίσθαι ὡσ ἐπὶ μαλθακωτάτοισι στρώμασι, πολὺν χρόνον ἐπὶ τὰ αὐτὰ καρτερέοντα, καὶ ὡσ ἥκιστα Ῥιπτάζειν‧ μάλιστα γὰρ τοῦτο τοὺσ τοιούτουσ ὠφελέει. Ἐπὶ δὲ τὸ ὑποχόνδριον λίνου σπέρμα ἐγχρίων ἐπιτίθει, φυλασσόμενοσ ὅκωσ μὴ φρίξῃ προστιθέμενοσ‧ ἔστω δὲ ἀκροχλίαρον, ἑφθὸν ἐν ὕδατι καὶ ἐλαίῳ. Τεκμαίρεσθαι δὲ ἐκ τῶν οὔρων τὸ μέλλον ἔσεσθαι‧ ἢν μὲν γὰρ παχύτερα καὶ ὠχρότερα ᾖ, βελτίω‧ ἢν δὲ λεπτότερα καὶ μελάντερα, πονηρότερα‧ ἢν δὲ μεταβολὰσ ἔχῃ, χρόνον τε σημαίνει, καὶ ἀνάγκη τῷ νοσέοντι μεταβάλλειν καὶ ἐπὶ τὰ χείρω καὶ ἐπὶ τὰ βελτίω τὴν ἀνωμαλίην. Τοὺσ δὲ ἀκαταστάνουσ τῶν πυρετῶν ἐᾷν, μέχρισ ἂν στῶσιν, ὁκόταν δὲ στῶσιν, ἀπαντῆσαι διαίτῃ καὶ θεραπείῃ τῇ προσηκούσῃ, κατὰ φύσιν θεωρέων.

일치하는 문장이 없습니다.

SEARCH

MENU NAVIGATION