Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 3.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 3.)

Φλεγμαίνοντα ὑποχόνδρια μὴ πνευμάτων ἀπολήψει, φρενῶν ἐντάσιεσ, ἢ πνευμάτων προστάσιεσ, ὀρθοπνοίησ ξηρῆσ, οἷσι μὴ πῦον ὕπεστιν, ἀλλὰ ὑπὸ πνεύματοσ ἀπολήψιοσ τὰ παθήματα ταῦτα ὑπογίγνεται, μάλιστα δὲ ἥπατοσ περιωδυνίαι, καὶ σπληνὸσ βαρέα, καὶ ἄλλαι φλεγμασίαι τε καὶ ὑπὲρ φρενῶν περιωδυνίαι, καὶ ξυστροφαὶ νουσημάτων, οὐ δύνανται λύεσθαι, ἤν τισ πρῶτον ἐπιχειρέῃ φαρμακεύειν‧ ἀλλὰ φλεβοτομίη τῶν τοιῶνδε ἡγεμονικόν ἐστιν‧ ἔπειτα δὲ ἐπὶ κλυσμὸν, ἢν μὴ μέγα καὶ ἰσχυρὸν τὸ νούσημα ᾖ‧ εἰ δὲ μὴ, καὶ ὕστερον φαρμακείησ δεῖ‧ δέεται δὲ ἀσφαλείησ καὶ μετριότητοσ μετὰ φαρμακείησ φλεβοτομίη. Ὁκόσοι δὲ τὰ φλεγμαίνοντα ἐν ἀρχῇ τῶν νούσων εὐθέωσ ἐπιχειρέουσι λύειν φαρμακείῃ, τοῦ μὲν ξυντεταμένου καὶ φλεγμαίνοντοσ οὐδὲν ἀφαιρέουσιν‧ οὐ γὰρ ἐνδιδοῖ ὠμὸν ἐὸν τὸ πάθοσ‧ τὰ δὲ ἀντέχοντα τῷ νουσήματι καὶ ὑγιεινὰ ξυντήκουσιν‧ ἀσθενέοσ δὲ τοῦ σώματοσ γενομένου, τὸ νούσημα ἐπικρατέει‧ ὁκόταν δὲ τὸ νούσημα ἐπικρατήσῃ τοῦ σώματοσ, τὸ τοιόνδε ἀνιήτωσ ἔχει.

일치하는 문장이 없습니다.

SEARCH

MENU NAVIGATION