헬라어 문장 검색 - Ηιπποξ́Οευϝρεσ́01́12́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 12.)

Παραπλήσια μέντοι τοῖσι κατὰ κοιλίην ἐστὶ καὶ ταῦτα‧ καὶ γὰρ ἢν ὅλον τὸ σῶμα ἀναπαύσηται πουλὺ παρὰ τὸ ἔθοσ, οὐκ αὐτίκα ἔῤῬωται μᾶλλον‧ ἢν δὲ δὴ καὶ πλείω χρόνον διελινύσαν ἐξαπίνησ ἐσ τοὺσ πόνουσ ἔλθῃ, φλαῦρόν τι πρήξειεν ἐπιδήλωσ. Οὕτω δὲ καὶ ἓν ἕκαστον τοῦ σώματοσ‧ καὶ γὰρ οἱ πόδεσ τοιόνδε τι πρήξειαν, καὶ τὰ ἄλλα ἄρθρα μὴ εἰθισμένα πονέειν, ἢν διὰ χρόνου ἐξαπίνησ πρὸσ τὸ πονέειν ἔλθῃ. Ταῦτα δ’ ἂν καὶ οἱ ὀδόντεσ καὶ οἱ ὀφθαλμοὶ πάθοιεν, καὶ πᾶν ὁτιοῦν. Ἐπεὶ καὶ κοίτη παρὰ τὸ ἔθοσ μαλθακὴ πόνον ἐμποιέει, καὶ σκληρὴ παρὰ τὸ ἔθοσ, καὶ ὕπαιθροσ εὐνὴ παρὰ τὸ ἔθοσ σκληρύνει τὸ σῶμα. Ἀτὰρ καὶ τὰ τῶν τοιῶνδε πάντων ἀρκέει παραδείγματα γράψαι. Εἰ γάρ τισ ἕλκοσ λαβὼν ἐν κνήμῃ μήτε λίην ἐπίκαιρον μήτε λίην εὐήθεσ, μήτε ἄγαν εὐελκὴσ ἐὼν, μήτε ἄγαν δυσελκὴσ, αὐτίκα ἀρξάμενοσ ἐκ πρώτησ κατακείμενοσ ἰητρεύοιτο, καὶ μηδαμῆ μετεωρίζοι τὸ σκέλοσ, ἀφλέγμαντοσ μὲν ἂν οὕτωσ εἰή μᾶλλον, καὶ ὑγιὴσ πολλῷ θᾶσσον ἂν γένοιτο, ἢ εἰ πλανώμενοσ ἰητρεύοιτο‧ εἰ μέντοι πεμπταῖοσ ἢ ἑκταῖοσ ἐὼν ἢ καὶ ἔτι ἀνωτέρω, ἀναστὰσ ἐθέλοι προβαίνειν, μᾶλλον ἂν πονέοι τότε ἢ αὐτίκα ἐξ ἀρχῆσ πλανώμενοσ ἰητρεύοιτο‧ εἰ δὲ καὶ πολλὰ ταλαιπωρήσειεν ἐξαπίνησ, πολλῷ ἂν μᾶλλον πονήσειεν ἢ εἰ ἐκείνωσ ἰητρευόμενοσ τὰ αὐτὰ ταῦτα ταλαιπωρήσειεν ἐν ταύτῃσι τῇσιν ἡμέρῃσιν. Διὰ τέλεοσ οὖν μαρτυρέει ταῦτα πάντα ἀλλήλοισιν, ὅτι πάντα ἐξαπίνησ μέζω πολλῷ τοῦ μετρίου μεταβαλλόμενα ἐπὶ τὰ, καὶ ἐπὶ τὰ, βλάπτει. Πολλαπλασίη μὲν οὖν κατὰ κοιλίην ἡ βλάβη ἐστὶν, ἢν ἐκ πολλῆσ κενεαγγείησ ἐξαπίνησ πλέον τοῦ μετρίου προσαίρηται ἁ̓τὰρ καὶ κατὰ τὸ ἄλλο σῶμα, ἢν ἐκ πολλῆσ ἡσυχίησ ἐξαίφνησ ἐσ πλείω πόνον ἔλθοι, πουλὺ πλείω βλαβείἠ, ἢ εἰ ἐκ πολλῆσ ἐδωδῆσ ἐσ κενεαγγείην μεταβάλλοι‧ δεῖ μέντοι καὶ τὸ σῶμὰ τουτέοισιν ἐλινύειν‧ καὶ ἢν ἐκ πολλῆσ ταλαιπωρίησ ἐξαπίνησ ἐσ σχολήν τε καὶ Ῥᾳθυμίην ἐμπέσῃ, δεῖ δὲ καὶ τουτέοισι τὴν κοιλίην ἐλινύειν ἐκ πλήθεοσ βρώμησ‧ ἢν δὲ μὴ, πόνον ἐν τῷ σώματι ἐμποιήσει καὶ βάροσ ὅλου τοῦ σώματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 12.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 12.)

상위

목록

SEARCH

MENU NAVIGATION