헬라어 문장 검색 - Ηιπποξ́Οευϝρεσ́01́09́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 9.)

Χρὴ δὲ καὶ τὰ μαθήματα ποιέεσθαι ἐν τῇ διαίτῃ τῶν ἀνθρώπων ἔτι ὑγιαινόντων, οἱᾶ ξυμφέρει‧ εἰ γὰρ δὴ τοῖσί γε ὑγιαίνουσι φαίνεται διαφέροντα μεγάλα τὰ τοῖα ἢ τοῖα διαιτήματα καὶ ἐν ἄλλῳ τινί που καὶ ἐν τῇσι μεταβολῇσι, πῶσ οὐχὶ καὶ ἔν γε τῇσι νούσοισι διαφέρει μεγάλα, καὶ τουτέων ἐν τῇσιν ὀξυτάτῃσι μέγιστα; Ἀλλὰ μὴν εὐκαταμάθητόν γε ἐστὶν, ὅτι φαύλη δίαιτα βρώσιοσ καὶ πόσιοσ αὐτὴ ἑωυτῇ ἐμφερὴσ αἰεὶ, ἀσφαλεστέρη ἐστὶ τὸ ἐπίπαν ἐσ ὑγείην, ἢ εἴ τισ ἐξαπίνησ μέγα μεταβάλλοι ἐσ ἄλλο. Ἐπεὶ καὶ τοῖσι δὶσ σιτεομένοισι τῆσ ἡμέρησ καὶ τοῖσι μονοσιτέουσιν αἱ ἐξαπιναῖοι μεταβολαὶ βλαβὰσ καὶ ἀῤῬωστίην παρέχουσιν. Καὶ τοὺσ μέν γε μὴ μεμαθηκότασ ἀριστᾷν, εἰ ἀριστήσουσιν, εὐθέωσ ἀῤῬώστουσ ποιέει, καὶ βαρέασ ὅλον τὸ σῶμα, καὶ ἀσθενέασ καὶ ὀκνηρούσ‧ ἢν δὲ καὶ ἐπιδειπνήσωσιν, ὀξυρεγμιώδεασ‧ ἐνίοισι δὲ καὶ σπατίλη γένοιτο ἂν, ὅτι παρὰ τὸ ἐωθὸσ ἠχθοφόρηκεν ἡ κοιλίη εἰθισμένη ἐπιξηραίνεσθαι, καὶ μὴ δὶσ διογκοῦσθαι, μήτε δὶσ ἕψειν τὰ σιτία. Ἀρήγει οὖν τουτέοισιν ἀνασηκῶσαι τὴν μεταβολήν‧ ἐγκοιμηθῆναι γὰρ χρὴ, ὥσπερ νυκτα ἀγαγόντα μετὰ τὸ δεῖπνον, τοῦ μὲν χειμῶνοσ ἀῤῬιγέωσ, τοῦ δὲ θέρεοσ ἀθαλπέωσ‧ ἢν δὲ μὴ δύνηται καθεύδειν, βραδειην, συχνὴν περίοδον, πλανηθέντα, μὴ στασίμωσ, δειπνῆσαι μηδὲν, ἢ ὀλίγα καὶ μὴ βλαβερά‧ ἔτι δὲ ἔλασσον πιεῖν καὶ μὴ ὑδαρέσ. Ἔτι δ’ ἂν μᾶλλον πονήσειεν ὁ τοιοῦτοσ, εἰ τρὶσ σιτέοιτο τῆσ ἡμέρησ ἐσ κόρον‧ ἔτι δὲ μᾶλλον, εἰ πλεονάκισ‧ καίτοι γε πολλοί εἰσιν, οἳ εὐφόρωσ φέρουσι τρὶσ σιτεόμενοι τῆσ ἡμέρησ ἐσ πλῆθοσ, οἳ ἂν οὕτωσ ἐθισθῶσιν. Ἀλλὰ μὴν καὶ οἱ μεμαθηκότεσ δὶσ σιτέεσθαι τῆσ ἡμέρησ, ἢν μὴ ἀριστήσωσιν, ἀσθενέεσ καὶ ἄῤῬωστοί εἰσι, καὶ δειλοὶ ἐσ πᾶν ἔργον, καὶ καρδιαλγέεσ‧ κρεμᾶσθαι γὰρ δοκέει τὰ σπλάγχνα αὐτέοισι, καὶ οὐρέουσι θερμὸν καὶ χλωρὸν, καὶ ἡ ἄφοδοσ ξυγκαίεται‧ ἔστι δ’ οἷσι καὶ τὸ στόμα πικραίνεται, καὶ οἱ ὀφθαλμοὶ κοιλαίνονται, καὶ οἱ κρόταφοι πάλλονται, καὶ τὰ ἄκρα διαψύχονται‧ καὶ οἱ μὲν πλεῖστοι τῶν ἀνηριστηκοτων οὐ δύνανται κατεσθίειν τὸ δεῖπνον‧ δειπνήσαντεσ δὲ βαρύνουσι τὴν κοιλίην, καὶ δυσκοιτέουσι πουλὺ μᾶλλον ἢ εὶ προηριστήκεσαν. Ὁκότε οὖν ταῦτα τοιαῦτα γίγνεται τοῖσιν ὑγιαίνουσιν εἵνεκεν ἡμίσεοσ ἡμέρησ διαίτησ μεταβολῆσ παρὰ τὸ ἔθοσ, οὔτε προσθεῖναι λυσιτελέειν φαίνεται, οὔτε ἀφελέειν. Εἰ τοίνυν οὗτοσ ὁ παρὰ τὸ ἔθοσ μονοσιτήσασ, ὅλην ἡμέρην κενεαγγήσασ, δειπνήσειεν ὁκόσον εἴθιστο, δειπνήσασ δὲ, τότε βαρὺσ ἦν, εἰκὸσ αὐτὸν, εἰ, ὅτι ἀνάριστοσ ἐὼν ἐπόνεε καὶ ἠῤῬώστει, δειπνήσειε πλείω ἢ ὁκόσον εἴθιστο, πουλὺ μᾶλλον βαρύνεσθαι‧ εἰ δέ γε ἐπὶ πλείω χρόνον κενεαγγήσασ ἐξαπίνησ μεταδειπνήσειν, ἔτι μᾶλλον ἂν βαρύνοιτο. Τὸν οὖν παρὰ τὸ ἔθοσ κενεαγγήσαντα ξυμφέρει ταύτην τὴν ἡμέρην ἀντισηκῶσαι ὧδε‧ ἀῤῬιγέωσ καὶ ἀθαλπέωσ καὶ ἀταλαιπώρωσ, ταῦτα γὰρ πάντα βαρέωσ ἂν ἐνέγκοι‧ τὸ δὲ δεῖπνον συχνῷ ἔλασσον ποιήσασθαι ἢ ὅσον εἴθιστο, καὶ μὴ ξηρὸν, ἀλλὰ τοῦ πλαδαρωτέρου τρόπου‧ καὶ πιεῖν μὴ ὑδαρὲσ, μηδ’ ἔλασσον ἢ κατὰ λόγον βρώματοσ‧ καὶ τῇ ὑστεραίῃ ὀλίγα ἀριστῆσαι, ὡσ ἐκ προσαγωγῆσ ἀφίκηται ἐσ τὸ ἔθοσ. Αὐτοὶ μέντοι σφῶν αὐτῶν δυσφορώτερον δὴ τὰ τοιαῦτα φέρουσιν οἱ πικρόχολοι τὰ ἄνω‧ τὴν δέ γε ἀσιτίην τὴν παρὰ τὸ ἔθοσ οἱ φλεγματίαι τὰ ἄνω εὐφορώτερον φέρουσι τὸ ἐπίπαν, ὥστε καὶ τὴν μονοσιτίην τὴν παρὰ τὸ ἔθοσ εὐφορώτερον ἂν οὗτοι ἐνέγκοιεν. Ἱκανὸν μὲν οὖν καὶ τοῦτο σημήϊον, ὅτι αἱ μέγισται μεταβολαὶ τῶν περὶ τὰσ φύσιασ ἡμῶν καὶ τὰσ ἕξιασ ξυμβαινόντων μάλιστα νοσοποιέουσιν‧ οὐ δὴ οἱο͂́ν τε παρὰ καιρὸν οὔτε σφοδρὰσ τὰσ κενεαγγείασ ποιέειν, οὔτε ἀκμαζόντων τῶν νουσημάτων καὶ ἐν φλεγμασίῃ ἐόντων προσφέρειν, οὔτε ἐξαπίνησ οἱο͂́ν τε ὅλῳ τῷ πρήγματι μεταβάλλειν οὔτε ἐπὶ τὰ οὔτε ἐπὶ τά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 9.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 9.)

상위

목록

SEARCH

MENU NAVIGATION