헬라어 문장 검색 - Ηιπποξ́Οευϝρεσ́01́05́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 5.)

Τὰσ δὲ πτισάνασ χρὴ ἐκ κριθέων τε ὡσ βελτίστων εἶναι καὶ κάλλιστα ἡψῆσθαι, καὶ ἄλλωσ ἢν μὴ τῷ χυλῷ μούνῳ μέλλῃσ χρέεσθαι. Μετὰ γὰρ τῆσ ἄλλησ ἀρετῆσ τῆσ πτισάνησ τὸ ὀλισθηρὸν τὴν κριθὴν καταπινομένην ποιέει μὴ βλάπτειν‧ οὐδαμοῦ γὰρ προσίσχει, οὐδὲ μένει κατὰ τὴν τοῦ θώρηκοσ ἴξιν. Ὀλισθηροτάτη τε καὶ ἀδιψοτάτη καὶ εὐπεπτοτάτη καὶ ἀσθενεστάτη ἐστὶν ἡ κάλλιστα ἑφθὴ, ὧν πάντων δεῖ. Ἢν οὖν μὴ προστιμωρήσῃ τισ ὁκόσων δέεται αὐτάρκησ εἶναι ὁ τρόποσ τῆσ τοιαύτησ πτισανοῤῬοφίησ, πολλαχῆ βεβλάψεται. Ὁκόσοισι γὰρ σῖτοσ αὐτίκα ἐγκατακέκλεισται, ἢν μή τισ ὑποκενώσασ τὸ Ῥόφημα δώῃ, τὴν ὀδύνην ἐνεοῦσαν προσπαροξύνειεν ἂν, καὶ μὴ ἐνεοῦσαν εὐθὺσ ἐμποιήσειεν ἂν, καὶ πνεῦμα πυκνότερον γένοιτ’ ἄν‧ κακὸν δὲ τοῦτό ἐστιν‧ ξηραντικὸν γὰρ πλεύμονοσ, καὶ κοπῶδεσ ὑποχονδρίων καὶ ἤτρου καὶ φρενῶν. Τοῦτο δὲ, ἢν ἔτι τῆσ ὀδύνησ τοῦ πλευροῦ ξυνεχέοσ ἐούσησ, καὶ πρὸσ τὰ θερμάσματα μὴ χαλώσησ, καὶ τοῦ πτυέλου μὴ ἀνιόντοσ, ἀλλὰ καταγλισχραινομένου ἀσαπέωσ, ἢν μὴ λύσῃ τισ τὴν ὀδύνην, ἢ κοιλίην μαλθάξασ, ἢ φλέβα ταμὼν, ὁκότερον ἂν τουτέων ξυμφέρῃ, τὰσ δὲ πτισάνασ ἢν οὕτωσ ἔχουσι διδῷ, ταχέεσ οἱ θάνατοὶ τῶν τοιουτέων γίγνονται. Διὰ ταύτασ οὖν τὰσ προφάσιασ καὶ ἑτέρασ τοιαύτασ ἔτι μᾶλλον, οἱ ὅλῃσι τῇσι πτισάνῃσι χρεόμενοι, ἑβδομαῖοι καὶ ὀλιγημερώτεροι θνήσκουσιν‧ οἱ μέν τοι καὶ τὴν γνώμην βλαβέντεσ, οἱ δὲ ὑπὸ τῆσ ὀρθοπνοίησ τε καὶ τοῦ Ῥέγχεοσ ἀποπνιγέντεσ. Μάλα δὲ τοὺσ τοιουτέουσ οἱ ἀρχαῖοι βλητοὺσ ἐνόμιζον εἶναι διὰ τόδε μάλιστα‧ οὐχ ἥκιστα δὲ, ὅτι καὶ ἀποθανόντων αὐτέων ἡ πλευρὴ πελιὴ εὑρίσκεται ἴκελόν τι πληγῇ. Αἴτιον δὲ τουτέου τόδε ἐστὶν, ὅτι, πρὶν λυθῆναι τὴν ὀδύνην, θνήσκουσιν‧ ταχέωσ γὰρ πνευματίαι γίγνονται‧ ὑπὸ δὲ τοῦ πολλοῦ καὶ πυκνοῦ πνεύματοσ, ὡσ ἤδη εἴρηται, καταγλισχραινόμενον τὸ πτύελον ἀπέπτωσ κωλύει τὴν ἐπάνοδον γίγνεσθαι, ἀλλὰ τὴν Ῥέγξιν ποιέει ἐνισχόμενον ἐν τοῖσι βρογχίοισι τοῦ πλεύμονοσ. Καὶ ὁκόταν ἐσ ταὐτὸ ἔλθῃ, θανατῶδεσ ἤδη ὡσ ἐπιτοπουλὺ ἐστίν‧ καὶ γὰρ αὐτὸ τὸ πτύελον ἐνισχόμενον κωλύει μὲν τὸ πνεῦμα ἔσω φέρεσθαι, ἀναγκάζει δὲ ταχέωσ ἔξω φέρεσθαι‧ καὶ οὕτωσ ἐσ τὸ κακὸν ἀλλήλοισι τιμωρέουσι‧ τό τε γὰρ πτύελον ἐνισχόμενον πυκνὸν τὸ πνεῦμα ποιέει, τό τε πνεῦμα πυκνὸν ἐὸν ἐπιγλισχραίνει τὸ πτύελον, καὶ κωλύει ἀπολισθαίνειν. Καταλαμβάνει δὲ ταῦτα, οὐ μοῦνον ἢν πτισάνῃ ἀκαίρωσ χρέωνται, ἀλλὰ πουλὺ μᾶλλον ἤν τι ἄλλο φάγωσιν ἢ πίωσι πτισάνησ ἀνεπιτηδειότερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 5.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 5.)

상위

목록

SEARCH

MENU NAVIGATION