헬라어 문장 검색 - Ηιπποξ́Οευϝρεσ́01́04́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 4.)

Πτισάνη μὲν οὖν μοι δοκέει ὀρθῶσ προκεκρίσθαι τῶν σιτηρῶν γευμάτων ἐν τουτέοισι τοῖσι νουσήμασι, καὶ ἐπαινέω γε τοὺσ προκρίναντασ. Τὸ γὰρ γλίσχρασμα αὐτέησ λεῖον καὶ ξυνεχὲσ καὶ προσηνέσ ἐστι καὶ ὀλισθηρὸν καὶ πλαδαρὸν μετρίωσ καὶ ἄδιψον καὶ εὐέκπλυτον, εἴ τι καὶ τουτέου προσδέοι, καὶ οὔτε στύψιν ἔχον, οὔτε ἄραδον κακὸν, οὔτε ἀνοιδίσκεται ἐν τῇ κοιλίῃ‧ ἀνῴδηκε γὰρ ἐν τῇ ἑψήσει ὁκόσον πλεῖστον ἐπεφύκει διογκοῦσθαι. Ὁκόσοι μὲν οὖν πτισάνῃσι χρέονται, ἐν τουτέοισι τοῖσι νουσήμασιν οὐδεμιῇ ἡμέρῃ κενεαγγητέον, ὡσ ἔποσ εἰρῆσθαι, ἀλλὰ χρηστέον, καὶ οὐ διαλειπτέον, ἢν μή τι δέῃ ἢ διὰ φαρμακίην ἢ κλύσιν διαλιπεῖν. Καὶ τοῖσι μέν γε εἰθισμένοισι δὶσ σιτέεσθαι τῆσ ἡμέρησ, δὶσ δοτέον‧ τοῖσι δὲ μονοσιτέειν εἰθισμένοισιν, ἅπαξ δοτέον τὴν πρώτην, ἐκ προσαγωγῆσ δὲ, ἢν ἐνδέχηται, καὶ τουτέοισι δὶσ δοτέον, ἤν τι δοκέῃ προσδεῖν. Πλῆθοσ δὲ ἀρκέει κατ’ ἀρχὰσ διδόναι μὴ πουλὺ, μηδὲ ὑπέρπαχυ, ἀλλ’ ὁκόσον ἕνεκεν τοῦ ἔθεοσ ἐσιέναι τι, καὶ κενεαγγίην μὴ γίγνεσθαι πολλήν. Περὶ δὲ τῆσ ἐπιδόσιοσ ἐσ πλῆθοσ τοῦ Ῥοφήματοσ, ἢν μὲν ξηρότερον ᾖ τὸ νούσημα ἢ ὡσ ἄν τισ οἰοίτο, οὐ χρὴ ἐπὶ πλέον διδόναι, ἀλλὰ προπίνειν πρὸ τοῦ Ῥοφήματοσ ἢ μελίκρητον, ἢ οἶνον, ὁκότερον ἂν ἁρμόζῃ‧ τὸ δ’ ἁρμόζον ἐφ’ ἑκάστοισι τῶν τρόπων εἰρήσεται. Ἢν δὲ ὑγραίνηται τὸ στόμα καὶ τὰ ἀπὸ τοῦ πλεύμονοσ εἰή ὁκοῖα δεῖ, ἐπιδιδόναι χρὴ ἐσ πλῆθοσ τοῦ Ῥοφήματοσ, ὡσ ἐν κεφαλαίῳ εἰρῆσθαι‧ τὰ μὲν γὰρ θᾶσσον καὶ μᾶλλον πλαδῶντα ταχυτῆτα κρίσιοσ σημαίνει, τὰ δὲ βραδύτερον καὶ ἧσσον βραδυτέρην σημαίνει τὴν κρίσιν. Καὶ ταῦτα αὐτὰ μὲν καθ’ ἑωυτὰ τοιάδε τὸ ἐπίπαν ἐστίν‧ πολλὰ δὲ καὶ ἄλλα ἐπίκαιρα παρεῖται οἷσι προσημαίνεσθαι δεῖ, ἃ εἰρήσεται ὕστερον. Καὶ ὁκόσῳ ἂν πλείων ἡ κάθαρσισ γίγνηται, τοσῷδε χρὴ πλέον ἐπιδιδόναι ἄχρι κρίσιοσ‧ μάλιστα δὲ κρίσιοσ ὑπερβολῆσ δύο ἡμερέων, οἷσί γε ἢ πεμπταίοισιν ἢ ἑβδομαίοισιν ἢ ἐναταίοισι δοκέει κρίνεσθαι, ὡσ καὶ τὸ ἄρτιον καὶ τὸ περισσὸν προμηθήσῃ‧ μετὰ δὲ τοῦτο, τῷ μὲν Ῥοφήματι τὸ πρωϊ χρηστέον, ὀψὲ δὲ ἐσ σιτία μεταβάλλειν. Ξυμφέρει δὲ τὰ τοιάδε ὡσ ἐπιτοπουλὺ τοῖσιν ὅλῃσι πτισάνῃσιν αὐτίκα χρεομένοισιν. Αἵ τε γὰρ ὀδύναι ἐν τοῖσι πλευριτικοῖσιν αὐτίκα αὐτόματοι παύονται, ὅταν ἄρξωνται πτύειν τι ἄξιον λόγου καὶ ἐκκαθαίρεσθαι, αἵ τε καθάρσιεσ πολλῷ τελεώτεραί εἰσι, καὶ ἔμπυοι ἧσσον γίγνονται ἢ εἰ ἀλλοίωσ τισ διαιτῳή, καὶ αἱ κρίσιεσ ἁπλούστεραι καὶ εὐκριτώτεραι καὶ ἧσσον ὑποστροφώδεεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 4.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 4.)

상위

목록

SEARCH

MENU NAVIGATION