헬라어 문장 검색 - Ηιπποξ́Οευϝρεσ́01́02́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 2.)

Ἐμοὶ δ’ ἁνδάνει μὲν ἐν πάσῃ τῇ τέχνῃ προσέχειν τὸν νόον‧ καὶ γὰρ ὁκόσα ἔργα καλῶσ ἔχει ἢ ὀρθῶσ, καλῶσ ἕκαστα χρὴ ποιέειν καὶ ὀρθῶσ, καὶ ὁκόσα ταχέωσ ἔργα, ταχέωσ, καὶ ὁκόσα καθαρίωσ, καθαρίωσ, καὶ ὁκόσα ἀνωδύνωσ διαχειρίζεσθαι, ὡσ ἀνωδυνώτατα ποιέειν, καὶ τἄλλα πάντα τὰ τοιουτότροπα διαφερόντωσ τῶν πέλασ ἐπὶ τὸ βέλτιον ποιέειν χρή. Μάλιστα δ’ ἂν ἐπαινέσαιμι ἰητρὸν, ὅστισ ἐν τοῖσιν ὀξέσι νουσήμασιν, ἃ τοὺσ πλείστουσ τῶν ἀνθρώπων κτείνει, ἐν τουτέοισι διαφέρων τι τῶν ἄλλων εἰή ἐπὶ τὸ βέλτιον. Ἔστι δὲ ταῦτα ὀξέα, ὁκοῖα ὠνόμασαν οἱ ἀρχαῖοι πλευρῖτιν, καὶ περιπλευμονίην, καὶ φρενῖτιν, καὶ λήθαργον, καὶ καῦσον, καὶ τἄλλα νουσήματα ὁκόσα τουτέων ἐχόμενά ἐστιν, ὧν οἱ πυρετοὶ τὸ ἐπίπαν ξυνεχέεσ. Ὅταν γὰρ μὴ λοιμώδεοσ νούσου τρόποσ τισ κοινὸσ ἐπιδημήσῃ, ἀλλὰ σποράδεεσ ἐώσιν αἱ νοῦσοι καὶ παραπλήσιοι, ὑπὸ τουτέων τῶν νουσημάτων ἀποθνήσκουσι μᾶλλον ἢ ὑπὸ τῶν ἄλλων τῶν ξυμπάντων. Οἱ μὲν οὖν ἰδιῶται οὐ κάρτα γιγνώσκουσι τοὺσ ἐσ ταῦτα διαφέροντασ τῶν πέλασ, ἑτεροίων τε μᾶλλον ἰημάτων ἐπαινέται καὶ ψέκται εἰσίν. Ἔπειτα μέγα σημεῖον τόδε, ὅτι οἱ δημόται ἀξυνετώτατοι αὐτοὶ ἑωυτῶν περὶ τουτέων τῶν νουσημάτων εἰσὶν ὥσ μελετητέα εἶναι‧ οἱ γὰρ μὴ ἰητροὶ ἰητροὶ δοκέουσιν εἶναι μάλιστα διὰ ταύτασ τὰσ νούσουσ‧ Ῥηί̈διον γὰρ τὰ ὀνόματα ἐκμανθάνειν, ὁκοῖα νενόμισται προσφέρεσθαι πρὸσ τοὺσ τὰ τοιαῦτα κάμνοντασ. Ἢν γὰρ ὀνομάσῃ τισ πτισάνησ τε χυλὸν καὶ οἶνον τοῖον ἢ τοῖον καὶ μελίκρητον, ἅπαντα τοῖσι δημότῃσι δοκέουσιν οἱ ἰητροὶ ταῦτα λέγειν, οἵ τε βελτίουσ καὶ οἱ χείρουσ‧ τὰ δὲ οὐχ οὕτωσ ἔχει, ἀλλ’ ἐν τουτέοισι δὴ καὶ πάνυ μέγα διαφέρουσιν ἕτεροι ἑτέρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 2.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 2.)

상위

목록

SEARCH

MENU NAVIGATION