헬라어 문장 검색 - Ηιπποξ́Ηιπποξρ́5́01́

(히포크라테스, Hippocrates Collected Works I, PARAGGELIAI, i.)

Χρόνοσ ἐστὶν ἐν ᾧ καιρόσ, καὶ καιρὸσ ἐν ᾧ χρόνοσ οὐ πολύσ‧ ἄκεσισ χρόνῳ, ἔστι δὲ ἡνίκα καὶ καιρῷ. δεῖ γε μὴν ταῦτα εἰδότα μὴ λογισμῷ πρότερον πιθανῷ προσέχοντα ἰητρεύειν, ἀλλὰ τριβῇ μετὰ λόγου. ὁ γὰρ λογισμὸσ μνήμη τίσ ἐστι συνθετικὴ τῶν μετ’ αἰσθήσιοσ ληφθέντων. ἐφαντασιώθη γὰρ ἐναργέωσ ἡ αἴσθησισ προπαθὴσ καὶ ἀναπομπὸσ ἐοῦσα ἐσ διάνοιαν τῶν ὑποκειμένων, ἡ δὲ παραδεξαμένη πολλάκισ, οἷσ ὅτε ὁκοίωσ τηρήσασα, καὶ ἐσ ἑωυτὴν καταθεμένη, ἐμνημόνευσεν. συγκαταινέω μὲν οὖν καὶ τὸν λογισμόν, ἤνπερ ἐκ περιπτώσιοσ ποιῆται τὴν ἀρχήν, καὶ τὴν καταφορὴν ἐκ τῶν φαινομένων μεθοδεύῃ. ἐκ γὰρ τῶν ἐναργέωσ ἐπιτελεομένων ἢν τὴν ἀρχὴν ποιήσηται ὁ λογισμόσ, ἐν διανοίησ δυνάμει ὑπάρχων εὑρίσκεται, παραδεχομένησ αὐτῆσ ἕκαστα παρ’ ἄλλων. ὑποληπτέον οὖν τὴν φύσιν ὑπὸ τῶν πολλῶν καὶ παντοίων πρηγμάτων κινηθῆναί τε καὶ διδαχθῆναι, βίησ ὑπεούσησ‧ ἡ δὲ διάνοια παρ’ αὐτῆσ λαβοῦσα, ὡσ προεῖπον, ὕστερον ἐσ ἀληθείην ἤγαγεν. εἰ δὲ μὴ ἐξ ἐναργέοσ ἐφόδου, ἐκ δὲ πιθανῆσ ἀναπλάσιοσ λόγου, πολλάκισ βαρείην καὶ ἀνιηρὴν ἐπήνεγκε διάθεσιν. οὗτοι δὲ ἀνοδίην χειρίζουσι. τί γὰρ ἂν ἦν κακόν, ἢν τὰ ἐπίχειρα ἐκομίζοντο οἱ τὰ τῆσ ἰητρικῆσ ἔργα κακῶσ δημιουργέοντεσ ; νῦν δὲ τοῖσ ἀναιτίοισ ἐοῦσι τῶν καμνόντων, ὁκόσοισ οὐχ ἱκανὴ ἐφαίνετο ἐοῦσα τοῦ νοσεῖν βίη, εἰ μὴ συνέλθοι τῇ τοῦ ἰητροῦ ἀπειρίῃ. περὶ μὲν οὖν τούτων ἅλισ ἔστω διειλεγμένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, PARAGGELIAI, i.

(히포크라테스, Hippocrates Collected Works I, PARAGGELIAI, i.)

상위

목록

SEARCH

MENU NAVIGATION