Hippocrates, Hippocrates Collected Works I, EPIDHMIWN A, Ἑκκαίδεκα ἀρ́ρωστοι

(히포크라테스, Hippocrates Collected Works I, EPIDHMIWN A, Ἑκκαίδεκα ἀρ́ρωστοι)

Πυθίωνι, ὃσ ᾤκει παρὰ Γῆσ ἱρόν, ἤρξατο τρόμοσ ἀπὸ χειρῶν‧ τῇ πρώτῃ πυρετὸσ ὀξύσ‧ λῆροσ. δευτέρῃ πάντα παρωξύνθη. τρίτῃ τὰ αὐτά. τετάρτῃ ἀπὸ κοιλίησ ὀλίγα, ἄκρητα, χολώδεα διῆλθε. πέμπτῃ πάντα παρωξύνθη‧ ὕπνοι λεπτοί‧ κοιλίη ἔστη. ἕκτῃ πτύαλα ποικίλα, ὑπέρυθρα. ἑβδόμῃ στόμα παρειρύσθη. ὀγδόῃ πάντα παρωξύνθη, τρόμοι παρέμενον‧ οὖρα δὲ κατ’ ἀρχὰσ μὲν καὶ μέχρι τῆσ ὀγδόησ λεπτά, ἄχρω‧ ἐναιώρημα εἶχον ἐπινέφελον. δεκάτῃ ἵδρωσε, πτύαλα ὑποπέπονα, ἐκρίθη‧ οὖρα ὑπόλεπτα περὶ κρίσιν. μετὰ δὲ κρίσιν, τεσσαράκοντα ἡμέρῃσιν ὕστερον, ἐμπύημα περὶ ἕδρην, καὶ στραγγουριώδησ ἐγένετο ἀπόστασισ. Ἑρμοκράτην, ὃσ κατέκειτο παρὰ τὸ καινὸν τεῖχοσ, πῦρ ἔλαβεν. ἤρξατο δὲ ἀλγεῖν κεφαλήν, ὀσφῦν‧ ὑποχονδρίου ἔντασισ λαπαρῶσ‧ γλῶσσα δὲ ἀρχομενῳ ἐπεκαύθη‧ κώφωσισ αὐτίκα‧ ὕπνοι οὐκ ἐνῆσαν‧ διψώδησ οὐ λίην‧ οὖρα παχέα, ἐρυθρά, κείμενα οὐ καθίστατο‧ ἀπὸ δὲ κοιλίησ οὐκ ὀλίγα συγκεκαυμένα διῄει. πέμπτῃ οὔρησε λεπτά, εἶχεν ἐναιώρημα, οὐχ ἵδρυτο, ἐσ νύκτα παρέκρουσεν. ἕκτῃ ἰκτεριώδησ, πάντα παρωξύνθη, οὐ κατενόει. ἑβδόμῃ δυσφόρωσ, οὖρα λεπτά, ὅμοια. τὰσ ἑπομένασ παραπλησίωσ. περὶ δὲ ἑνδεκάτην ἐόντι πάντα ἔδοξε κουφισθῆναι‧ κῶμα ἤρξατο, οὔρει παχύτερα, ὑπέρυθρα, κάτω λεπτά‧ οὐ καθίστατο‧ ἡσυχῇ κατενόει. τεσσαρεσκαιδεκάτῃ ἄπυροσ, οὐχ ἵδρωσεν, ἐκοιμήθη, κατενόει πάντα, οὖρα παρα πλήσια. περὶ δὲ ἑπτακαιδεκάτην ἐόντι ὑπέστρεψεν, ἐθερμάνθη. τὰσ ἑπομένασ πυρετὸσ ὀξύσ, οὖρα λεπτά, παρέκρουσεν. πάλιν δὲ εἰκοστῇ ἐκρίθη, ἄπυροσ, οὐχ ἵδρωσεν. ἀπόσιτοσ παρὰ πάντα τὸν χρόνον, κατενόει πάντα, διαλέγεσθαι οὐκ ἠδύνατο, γλῶσσα ἐπίξηροσ, οὐκ ἐδίψη‧ κατεκοιμᾶτο σμικρά, κωματώδησ. περὶ δὲ εἰκοστὴν καὶ τετάρτην ἐπεθερμάνθη, κοιλίη ὑγρὴ πολλοῖσι λεπτοῖσι. καὶ τὰσ ἑπομένασ πυρετὸσ ὀξύσ, γλῶσσα συνεκαύθη. ἑβδόμῃ καὶ εἰκοστῇ ἀπέθανε. τούτῳ κώφωσισ διὰ τέλεοσ παρέμενεν, οὖρα παχέα καὶ ἐρυθρά, οὐ καθιστάμενα, ἢ λεπτὰ καὶ ἄχρω καὶ ἐναιώρημα ἔχοντα‧ γεύεσθαι δὲ οὐκ ἠδύνατο. Ὁ κατακείμενοσ ἐν τῷ Δελεάρκεοσ κήπῳ κεφαλῆσ βάροσ καὶ κρόταφον δεξιὸν ἐπώδυνον εἶχε χρόνον πολύν. μετὰ δὲ προφάσιοσ πῦρ ἔλαβε, κατεκλίθη. δευτέρῃ ἐξ ἀριστεροῦ ὀλίγον ἄκρητον ἐρρύη‧ ἀπὸ δὲ κοιλίησ κόπρανα καλῶσ διῆλθεν, οὖρα λεπτὰ ποικίλα, ἐναιωρήματα ἔχοντα κατὰ σμικρὰ οἱο͂ν κρίμνα, γονοειδέα. τρίτῃ πυρετὸσ ὀξύσ, διαχωρήματα μέλανα, λεπτά, ἔπαφρα, ὑπόστασισ πελιδνὴ διαχωρήμασιν, ὑπεκαροῦτο, ἐδυσφόρει περὶ τὰσ ἀναστάσιασ, οὔροισ ὑπόστασισ πελιδνή, ὑπόγλισχροσ. τετάρτῃ ἤμεσε χολώδεα ξανθὰ ὀλίγα, διαλιπὼν ὀλίγον ἰώδεα, ἐξ ἀριστεροῦ ὀλίγον ἄκρητον ἐρρύη, διαχωρήματα ὅμοια, οὖρα ὅμοια, ἐφίδρωσε περὶ κεφαλὴν καὶ κληῖδασ, σπλὴν ἐπήρθη, μηροῦ ὀδύνη κατ’ ἴξιν, ὑποχονδρίου δεξιοῦ σύντασισ ὑπολάπαροσ, νυκτὸσ οὐκ ἐκοιμήθη, παρέκρουσε σμικρά. πέμπτῃ δια χωρήματα πλείω, μέλανα, ἔπαφρα, ὑπόστασισ μέλαινα διαχωρήμασι, νύκτα οὐχ ὕπνωσε, παρέκρουσεν. ἕκτῃ διαχωρήματα μέλανα, λιπαρά, γλίσχρα, δυσώδεα, ὕπνωσε, κατενόει μᾶλλον. ἑβδόμῃ γλῶσσα ἐπίξηροσ, διψώδησ, οὐκ ἐκοιμήθη, παρέκρουσεν, οὖρα λεπτά, οὐκ εὔχρω. ὀγδόῃ διαχωρήματα μέλανα ὀλίγα, συνεστηκότα, ὕπνωσε, κατενόει, διψώδησ οὐ λίην. ἐνάτῃ ἐπερρίγωσε, πυρετὸσ ὀξύσ, ἵδρωσε, ψύξισ, παρέκρουσε, δεξιῷ ἴλλαινε, γλῶσσα ἐπίξηροσ, διψώδησ, ἄγρυπνοσ. δεκάτῃ περὶ τὰ αὐτά. ἑνδεκάτῃ κατενόει πάντα, ἄπυροσ, ὑπνωσεν, οὖρα λεπτὰ περὶ κρίσιν. δύο διέλιπεν ἄπυροσ, ὑπέστρεψεν τεσσαρεσ καιδεκάτῃ, αὐτίκα δὲ νύκτα οὐκ ἐκοιμήθη, πάντα παρέκρουσεν. πεντεκαιδεκάτῃ οὖρον θολερόν, οἰο͂ν ἐκ τῶν καθεστηκότων γίνεται, ὅταν ἀναταραχθῇ, πυρετὸσ ὀξύσ, πάντα παρέκρουσεν, οὐκ ἐκοιμήθη, γούνατα καὶ κνήμασ ἐπώδυνα εἶχεν‧ ἀπὸ δὲ κοιλίησ βάλανον προσθεμένῳ μέλανα κόπρανα διῆλθεν. ἑξκαιδεκάτῃ οὖρα λεπτά, εἶχεν ἐναιώρημα ἐπινέφελον, παρέκρουσεν. ἑπτακαιδεκάτῃ πρωϊ ἄκρεα ψυχρά, περιεστέλλετο, πυρετὸσ ὀξύσ, ἵδρωσε δι’ ὅλου, ἐκουφίσθη, κατενόει μᾶλλον, οὐκ ἄπυροσ, διψώδησ, ἤμεσε χολώδεα, ξανθά, ὀλίγα, ἀπὸ δὲ κοιλίησ κόπρανα διῆλθε, μετ’ ὀλίγον δὲ μέλανα, ὀλίγα, λεπτά‧ οὖρα λεπτά, οὐκ εὔχρω. ὀκτωκαιδεκάτῃ οὐ κατενόει, κωματώδησ. ἐννεακαιδεκάτῃ διὰ τῶν αὐτῶν. εἰκοστῇ ὕπνωσε, κατενόει πάντα, ἵδρωσεν, ἄπυροσ, οὐκ ἐδίψη, οὖρα δὲ λεπτά. εἰκοστῇ πρώτῃ σμικρὰ παρέκρουσεν, ὑπεδίψη, ὑπο χονδρίου πόνοσ καὶ περὶ ὀμφαλὸν παλμὸσ διὰ τέλεοσ. εἰκοστῇ τετάρτῃ οὔροισιν ὑπόστασισ, κατενόει πάντα. εἰκοστῇ ἑβδόμῃ ἰσχίου δεξιοῦ ὀδύνη, τὰ δ’ ἄλλα ἔσχεν ἐπιεικέστατα, οὔροισιν ὑπόστασισ. περὶ δὲ εἰκοστὴν ἐνάτην ὀφθαλμοῦ δεξιοῦ ὀδύνη, οὖρα λεπτά. τεσσαρακοστῇ διεχώρησε φλεγματώδεα, λευκά, ὑπόσυχνα, ἵδρωσε πολλῷ δι’ ὅλου, τελέωσ ἐκρίθη. Ἐν Θάσῳ Φιλιστῆσ κεφαλὴν ἐπόνει χρόνον πολὺν καί ποτε καὶ ὑποκαρωθεὶσ κατεκλίθη‧ ἐκ δὲ πότων πυρετῶν συνεχέων γενομένων ὁ πόνοσ παρωξύνθη. νυκτὸσ ἐπεθερμάνθη τὸ πρῶτον. τῇ πρώτῃ ἤμεσε χολώδεα, ὀλίγα, ξανθὰ τὸ πρῶτον, μετὰ δὲ ταῦτα ἰώδεα πλείω, ἀπὸ δὲ κοιλίησ κόπρανα διῆλθε‧ νύκτα δυσφόρωσ. δευτέρῃ κώφωσισ, πυρετὸσ ὀξύσ, ὑποχόνδριον δεξιὸν συνετάθη, ἔρρεπεν ἐσ τὰ ἔσω‧ οὖρα λεπτά, διαφανέα, εἶχεν ἐναιώρημα γονοειδέσ, σμικρόν‧ ἐξεμάνη περὶ μέσον ἡμέρησ. τρίτῃ δυσφόρωσ. τετάρτῃ σπασμοί, παρωξύνθη. πέμπτῃ πρωὶ ἀπέθανεν. Χαιρίωνα, ὃσ κατέκειτο παρὰ Δημαινέτῳ, ἐκ πότου πῦρ ἔλαβεν. αὐτίκα δὲ κεφαλῆσ βάροσ ἐπώδυνον, οὐκ ἐκοιμᾶτο, κοιλίη ταραχώδησ λεπτοῖσιν, ὑποχολώδεσι. τρίτῃ πυρετὸσ ὀξύσ, κεφαλῆσ τρόμοσ, μάλιστα δὲ χείλεοσ τοῦ κάτω‧ μετ’ ὀλίγον δὲ Ῥῖγοσ, σπασμοί, πάντα παρέκρουσε, νύκτα δυσφόρωσ. τετάρτῃ δι’ ἡσυχίησ, σμικρὰ ἐκοιμήθη, παρέλεγε. πέμπτῃ ἐπιπόνωσ, πάντα παρωξύνθη, λῆροσ, νύκτα δυσφόρωσ, οὐκ ἐκοιμήθη. ἕκτῃ διὰ τῶν αὐτῶν. ἑβδόμῃ ἐπερρίγωσε, πυρετὸσ ὀξύσ, ἵδρωσε δι’ ὅλου, ἐκρίθη. τούτῳ διὰ τέλεοσ ἀπὸ κοιλίησ διαχωρήματα χολώδεα, ὀλίγα, ἄκρητα‧ οὖρα λεπτά, οὐκ εὔχρω, ἐναιώρημα ἐπινέφελον ἔχοντα. περὶ ὀγδόην οὔρησεν εὐχροώτερα, ἔχοντα ὑπόστασιν λευκὴν ὀλίγην, κατενόει, ἄπυροσ‧ διέλιπεν. ἐνάτῃ ὑπέστρεψε. περὶ δὲ τεσσαρεσκαιδεκάτην πυρετὸσ ὀξύσ. ἑκκαιδεκάτῃ ἤμεσε χολώδεα, ξανθά, ὑπόσυχνα. ἑπτακαιδεκάτῃ ἐπερρίγωσε, πυρετὸσ ὀξύσ, ἵδρωσεν, ἄπυροσ ἐκρίθη. οὖρα μετὰ ὑποστροφὴν καὶ κρίσιν εὔχρω, ὑπόστασιν ἔχοντα, οὐδὲ παρέκρουσεν ἐν τῇ ὑποστροφῇ. ὀκτωκαιδεκάτῃ ἐθερμαίνετο σμικρά, ὑπεδίψη, οὖρα λεπτά, ἐναιώρημα ἐπινέφελον, σμικρὰ παρέκρουσεν. ἐννεακαιδεκάτῃ ἄπυροσ, τράχηλον ἐπωδύνωσ εἶχεν, οὔροισιν ὑπόστασισ. τελέωσ ἐκρίθη εἰκοστῇ. Τὴν Εὐρυάνακτοσ θυγατέρα, παρθένον, πῦρ ἔλαβεν. ἦν δὲ ἄδιψοσ διὰ τέλεοσ‧ γεύματα οὐ προσεδέχετο. ἀπὸ δὲ κοιλίησ σμικρὰ διῄει, οὖρα λεπτά, ὀλίγα, οὐκ εὔχρω. ἀρχομένου δὲ τοῦ πυρετοῦ περὶ ἕδρην ἐπόνει. ἑκταίη δὲ ἐοῦσα ἄπυροσ οὐχ ἵδρωσεν‧ ἐκρίθη. τὸ δὲ περὶ τὴν ἕδρην σμικρὰ ἐξεπύησεν, ἐρράγη ἅμα κρίσει. μετὰ δὲ κρίσιν ἑβδομαίη ἐοῦσα ἐρρίγωσε, σμικρὰ ἐπεθερμάνθη, ἵδρωσεν. ὕστερον δὲ ἄκρεα ψυχρὰ αἰεί. περὶ δὲ δεκάτην μετὰ τὸν ἱδρῶτα τὸν γενόμενον παρέκρουσε καὶ πάλιν ταχὺ κατενόει‧ ἔλεγον δὲ γευσαμένην βότρυοσ. διαλιποῦσα δὲ δωδεκάτῃ πάλιν πολλὰ παρελήρει, κοιλίη ἐπεταράχθη χολώδεσιν, ἀκρήτοισιν, ὀλίγοισι, λεπτοῖσι, δακνώδεσι, πυκνὰ ἀνίστατο. ἀφ’ ἧσ δὲ παρέκρουσε τὸ ὕστερον, ἀπέθανε ἑβδόμῃ. αὕτη ἀρχομένου τοῦ νοσήματοσ ἤλγει φάρυγγα, καὶ διὰ τέλεοσ ἔρευθοσ εἶχε, γαργαρεὼν ἀνεσπασμένοσ. Ῥεύματα πολλά, σμικρά, δριμέα. ἔβησσε πέπονα, οὐδὲν ἀνῆγεν‧ ἀπόσιτοσ πάντων παρὰ πάντα τὸν χρόνον οὐδ’ ἐπεθύμησεν οὐδενόσ. ἄδιψοσ, οὐδ’ ἔπινεν οὐδὲν ἄξιον λόγου. σιγῶσα, οὐδὲν διελέγετο. δυσθυμίη, ἀνελπίστωσ ἑωυτῆσ εἶχεν. ἦν δέ τι καὶ συγγενικὸν φθινῶδεσ. Ἡ κυναγχικὴ ἡ παρὰ Ἀριστίωνοσ, ᾗ πρῶτον ἤρξατο ἀσαφὴσ φωνή. γλῶσσα ἐρυθ ρή, ἐπεξηράνθη. τῇ πρώτῃ φρικώδησ, ἐπεθερμάνθη. τρίτῃ Ῥῖγοσ, πυρετὸσ ὀξύσ, οἴδημα ὑπέρυθρον, σκληρὸν τραχήλου καὶ ἐπὶ στῆθοσ ἐξ ἀμφοτέρων, ἄκρεα ψυχρά, πελιδνά, πνεῦμα μετέωρον, ποτὸν διὰ Ῥινῶν, καταπίνειν οὐκ ἠδύνατο, διαχωρήματα καὶ οὖρα ἐπέστη. τετάρτῃ πάντα παρωξύνθη. πέμπτῃ ἀπέθανε. Τὸ μειράκιον, ὃ κατέκειτο ἐπὶ ψευδέων ἀγορῇ, πῦρ ἔλαβεν ἐκ κόπων καὶ πόνων καὶ δρόμων παρὰ τὸ ἔθοσ. τῇ πρώτῃ κοιλίη ταραχώδησ χολώδεσι, λεπτοῖσι, πολλοῖσιν, οὖρα λεπτά, ὑπομέλανα, οὐχ ὕπνωσε, διψώδησ. δευτέρῃ πάντα παρωξύνθη, διαχωρήματα πλείω, ἀκαιρότερα. οὐχ ὕπνωσε, τὰ τῆσ γνώμησ ταραχώδεα, σμικρὰ ὑφίδρωσε. τρίτῃ δυσφόρωσ, διψώδησ, ἀσώδησ, πολὺσ βληστρισμόσ, ἀπορίη, παρέκρουσεν, ἄκρεα πελιδνὰ καὶ ψυχρά, ὑποχονδρίου ἔντασισ ὑπολάπαροσ ἐξ ἀμφοτέρων. τετάρτῃ οὐχ ὕπνωσεν‧ ἐπὶ τὸ χεῖρον. ἑβδόμῃ ἀπέθανεν, ἡλικίην περὶ ἔτεα εἴκοσιν. Ἡ παρὰ Τεισαμενοῦ γυνὴ κατέκειτο, ᾗ τὰ εἰλεώδεα δυσφόρωσ ὡρ́μησεν. ἔμετοι πολλοί, ποτὸν κατέχειν οὐκ ἠδύνατο. πόνοι περὶ ὑποχόνδρια. καὶ ἐν τοῖσι κάτω κατὰ κοιλίην οἱ πόνοι. στρόφοι συνεχέεσ. οὐ διψώδησ. ἐπεθερμαίνετο, ἄκρεα ψυχρὰ διὰ τέλεοσ. ἀσώδησ, ἄγρυπνοσ. οὖρα ὀλίγα, λεπτά. διαχωρήματα ὠμά, λεπτὰ, ὀλίγα. ὠφελεῖν οὐκέτι ἠδύνατο, ἀπέθανεν. Γυναῖκα ἐξ ἀποφθορῆσ νηπίου τῶν περὶ Παντιμίδην τῇ πρώτῃ πῦρ ἔλαβε. γλῶσσα ἐπίξηροσ, διψώδησ, ἀσώδησ, ἄγρυπνοσ. κοιλίη ταραχώδησ λεπτοῖσι, πολλοῖσιν, ὠμοῖσι. δευτέρῃ ἐπερρίγωσε, πυρετὸσ ὀξύσ, ἀπὸ κοιλίησ πολλά, οὐχ ὕπνωσε. τρίτῃ μείζουσ οἱ πόνοι. τετάρτῃ παρέκρουσεν‧ ἑβδόμῃ ἀπέθανε. κοιλίη διὰ παντὸσ ὑγρὴ διαχωρήμασι πολλοῖσι, λεπτοῖσιν, ὠμοῖσιν‧ οὖρα ὀλίγα λεπτά. Ἑτέρην ἐξ ἀποφθορῆσ περὶ πεντάμηνον, Ἱκέτεω γυναῖκα, πῦρ ἔλαβεν. ἀρχομένη κωματώδησ ἦν, καὶ πάλιν ἄγρυπνοσ, ὀσφύοσ ὀδύνη, κεφαλῆσ βάροσ. δευτέρῃ κοιλίη ἐπεταράχθη ὀλίγοισι, λεπτοῖσιν, ἀκρήτοισι τὸ πρῶτον. τρίτῃ πλείω, χείρω‧ νυκτὸσ οὐδὲν ἐκοιμήθη. τετάρτῃ παρέκρουσε, φόβοι, δυσθυμίαι. δεξιῷ ἴλλαινε, ἵδρωσε περι κεφαλὴν ὀλίγῳ ψυχρῷ, ἄκρεα ψυχρά‧ πέμπτῃ πάντα παρωξύνθη, πολλὰ παρέλεγε καὶ πάλιν ταχὺ κατενόει‧ ἄδιψοσ, ἄγρυπνοσ, κοιλίη πολλοῖσιν ἀκαίροισι διὰ τέλεοσ‧ οὖρα ὀλίγα, λεπτά, ὑπομέλανα‧ ἄκρεα ψυχρά, ὑποπέλιδνα. ἕκτῃ διὰ τῶν αὐτῶν. ἑβδόμῃ ἀπέθανε. Γυναῖκα, ἥτισ κατέκειτο ἐπὶ ψευδέων ἀγορῇ, τεκοῦσαν τότε πρῶτον ἐπιπόνωσ ἄρσεν πῦρ ἔλαβεν. αὐτίκα ἀρχομένη διψώδησ, ἀσώδησ, καρδίην ὑπήλγει, γλῶσσα ἐπίξηροσ, κοιλίη ἐπεταράχθη λεπτοῖσιν ὀλίγοισιν, οὐχ ὕπνωσε. δευτέρῃ σμικρὰ ἐπερρίγωσε, πυρετὸσ ὀξύσ, σμικρὰ περὶ κεφαλὴν ἵδρωσε ψυχρῷ. τρίτῃ ἐπιπόνωσ‧ ἀπὸ κοιλίησ ὠμά, λεπτὰ πολλὰ διῄει. τετάρτῃ ἐπερρίγωσε, πάντα παρωξύνθη‧ ἄγρυπνοσ‧ πέμπτῃ ἐπιπόνωσ. ἕκτῃ διὰ τῶν αὐτῶν‧ ἀπὸ κοιλίησ ἦλθε ὑγρὰ πολλά. ἑβδόμῃ ἐπερρίγωσε, πυρετὸσ ὀξύσ, δίψα, πολὺσ βληστρισμόσ, περὶ δείλην ἵδρωσε δι’ ὅλου ψυχρῷ, ψύξισ, ἄκρεα ψυχρά, οὐκέτι ἀνεθερμαίνετο‧ καὶ πάλιν ἐσ νύκτα ἐπερρίγωσεν, ἄκρεα οὐκ ἀνεθερμαίνετο, οὐχ ὕπνωσε, σμικρὰ παρέκρουσε, καὶ πάλιν ταχὺ κατενόει. ὀγδόῃ περὶ μέσον ἡμέρησ ἀνεθερμάνθη, διψώδησ, κωματώδησ, ἀσώδησ, ἤμεσε χολώδεα σμικρὰ ὑπόξανθα. νύκτα δυσφόρωσ, οὐκ ἐκοιμήθη, οὔρησε πολὺ ἀθρόον οὐκ εἰδυῖα. ἐνάτῃ συνέδωκε πάντα, κωματώδησ. πρὸσ δείλην σμικρὰ ἐπερρίγωσεν, ἤμεσε σμικρὰ χολώδεα. δεκάτῃ Ῥῖγοσ, πυρετὸσ παρωξύνθη, οὐχ ὕπνωσεν οὐδέν‧ πρωὶ οὔρησε πολὺ ὑπόστασιν οὐκ ἔχον, ἄκρεα ἀνεθερμάνθη. ἑνδεκάτῃ ἤμεσε χολώδεα, ἰώδεα. ἐπερρίγωσεν οὐ μετὰ πολύ, καὶ πάλιν ἄκρεα ψυχρά, ἐσ δείλην ἱδρώσ, Ῥῖγοσ, ἤμεσε πολλά, νύκτα ἐπιπόνωσ. δωδεκάτῃ ἤμεσε πολλὰ μέλανα δυσώδεα, λυγμὸσ πολύσ, δίψοσ ἐπιπόνωσ. τρισκαιδεκάτῃ μέλανα, δυσώδεα πολλὰ ἤμεσε, Ῥῖγοσ‧ περὶ δὲ μέσον ἡμέρησ ἄφωνοσ. τεσσαρεσκαιδεκάτῃ αἷμα διὰ Ῥινῶν‧ ἀπέθανε. ταύτῃ διὰ τέλεοσ κοιλίη ὑγρή‧ φρικώδησ‧ ἡλικίη περὶ ἔτεα ἑπτακαίδεκα. ΙΙ. Ἔτοσ νότιον ἔπομβρον‧ ἄπνοια διὰ τέλεοσ‧ αὐχμῶν δὲ γενομένων τοὺσ ὑπόπροσθεν χρόνουσ ἐν νοτίοισι περὶ ἀρκτοῦρον ὕδατα πολλά. φθινόπωρον σκιῶδεσ, ἐπινέφελον, ὑδάτων πλήθεα. χειμὼν νότιοσ, ὑγρόσ, μαλθακὸσ μετὰ ἡλίου τροπάσ‧ ὕστερον πολλῷ, πλησίον ἰσημερίησ, ὀπισθοχειμῶνεσ, καὶ ἤδη περὶ ἰσημερίην βόρεια, χιονώδεα, οὐ πολὺν χρόνον. ἦρ πάλιν νότιον, ἄπνοον‧ ὕδατα πολλὰ διὰ τέλεοσ μέχρι κυνόσ. θέροσ αἴθριον, θερμόν, πνίγεα μεγάλα‧ ἐτησίαι σμικρὰ διεσπασμένωσ ἔπνευσαν‧ πάλιν δὲ περὶ ἀρκτοῦρον ἐν βορείοισιν ὕδατα πολλά. Γενομένου δὲ τοῦ ἔτεοσ νοτίου καὶ ὑγροῦ καὶ μαλθακοῦ κατὰ μὲν χειμῶνα διῆγον ὑγιηρῶσ πλὴν τῶν φθινωδέων, περὶ ὧν γεγράψεται. ΙΙΙ. Πρωὶ δὲ τοῦ ἦροσ ἅμα τοῖσι γενομένοισι ψύχεσιν ἐρυσιπέλατα πολλά, τοῖσι μὲν μετὰ προφάσιοσ, τοῖσι δ’ οὔ, κακοήθεα‧ πολλοὺσ ἔκτεινε, πολλοὶ φάρυγγασ ἐπόνησαν‧ φωναὶ κακούμεναι, καῦσοι, φρενιτικοί, στόματα ἀφθώδεα, αἰδοίοισι φύματα, ὀφθαλμίαι, ἄνθρακεσ, κοιλίαι ταραχώδεεσ, ἀπόσιτοι, διψώδεεσ οἱ μέν, οἱ δ’ οὔ, οὖρα ταραχώδεα, πολλά, κακά, κωματώδεεσ ἐπὶ πολὺ καὶ πάλιν ἄγρυπνοι, ἀκρισίαι πολλαί, δύσκριτα, ὕδρωπεσ, φθινώδεεσ πολλοί. τὰ μὲν ἐπιδημήσαντα νοσήματα ταῦτα. ἑκάστου δὲ τῶν ὑπογεγραμμένων εἰδέων ἦσαν οἱ κάμνοντεσ καὶ ἔθνῃσκον πολλοί. συνέπιπτε δ’ ἐφ’ ἑκάστοισι τούτων ὧδε. Ιϝ. Πολλοῖσι μὲν τὸ ἐρυσίπελασ μετὰ προφάσιοσ ἐπὶ τοῖσι τυχοῦσι καὶ πάνυ ἐπὶ σμικροῖσι τρωματίοισ ἐφ’ ὅλῳ τῷ σώματι, μάλιστα δὲ τοῖσι περὶ ἑξήκοντα ἔτεα καὶ περὶ κεφαλήν, εἰ καὶ σμικρὸν ἀμεληθείη. πολλοῖσι δὲ καὶ ἐν θεραπείῃ ἐοῦσι μεγάλαι φλεγμοναὶ ἐγίνοντο, καὶ τὸ ἐρυσίπελασ πολὺ ταχὺ πάντοθεν ἐπενέμετο. τοῖσι μὲν οὖν πλείστοισιν αὐτῶν ἀποστάσιεσ ἐσ ἐμπυήματα συνέπιπτον‧ σαρκῶν καὶ νεύρων καὶ ὀστέων ἐκπτώσιεσ μεγάλαι. ἦν δὲ καὶ τὸ Ῥεῦμα τὸ συνιστάμενον οὐ πύῳ ἴκελον, ἀλλὰ σηπεδών τισ ἄλλη καὶ Ῥεῦμα πολὺ καὶ ποικίλον. οἷσι μὲν οὖν περὶ κεφαλὴν τούτων τι συμπίπτοι γίνεσθαι, μάδησίσ τε ὅλησ τῆσ κεφαλῆσ ἐγίνετο καὶ τοῦ γενείου καὶ ὀστέων ψιλώματα καὶ ἐκπτώσιεσ καὶ πολλὰ Ῥεύματα. ἐν πυρετοῖσί τε ταῦτα καὶ ἄνευ πυρετῶν. ἦν δὲ ταῦτα φοβερώτερα ἢ κακίω. οἷσι γὰρ ἐσ ἐμπύημα ἤ τινα τοιοῦτον ἀφίκοιτο πεπασμόν, οἱ πλεῖστοι τούτων ἐσῴζοντο. οἷσι δ’ ἡ μὲν φλεγμονὴ καὶ τὸ ἐρυσίπελασ ἀπέλθοι, τοιαύτην δὲ ἀπόστασιν μηδεμίαν ποιήσαιτο, τούτων ἀπώλλυντο πολλοί. ὁμοίωσ δὲ καὶ εἴ πῃ ἄλλῃ τοῦ σώματοσ πλανηθείη, συνέπιπτε ταῦτα. πολλοῖσι μὲν γὰρ βραχίων καὶ πῆχυσ ὅλοσ περιερρύη. οἷσι δ’ ἐπὶ τὰ πλευρά, ταῦτα ἐκακοῦτο ἢ τῶν ἔμπροσθέν τι ἢ τῶν ὄπισθεν. οἷσι δ’ ὅλοσ ὁ μηρὸσ ἢ τὰ περὶ κνήμην ἀπεψιλοῦτο καὶ ποὺσ ὅλοσ. ἦν δὲ πάντων χαλεπώτατα τῶν τοιούτων, ὅτε περὶ ἥβην καὶ αἰδοῖα γενοίατο. τὰ μὲν περὶ ἕλκεα καὶ μετὰ προφάσιοσ τοιαῦτα. πολλοῖσι δὲ ἐν πυρετοῖσι καὶ πρὸ πυρετοῦ καὶ ἐπὶ πυρετοῖσι συνέπιπτεν. ἦν δὲ καὶ τούτων, ὅσα μὲν ἀπόστασιν ποιήσαιτο διὰ τοῦ ἐκπυῆσαι ἢ κατὰ κοιλίην ταραχή τισ ἐπίκαιροσ ἢ χρηστῶν οὔρων διάδοσισ γένοιτο, διὰ τούτων λελύσθαι, οἷσι δὲ μηδὲν τούτων συμπίπτοι, ἀσήμωσ δὲ ἀφανιζομένων, θανατώδεα γίνεσθαι. πολὺ μὲν οὖν πλείστοισι συνέπιπτε τὰ περὶ τὸ ἐρυσίπελασ τοῦ ἦροσ. παρείπετο δὲ καὶ διὰ τοῦ θέρεοσ καὶ ὑπὸ φθινόπωρον. ϝ. Πολλὴ δὲ ταραχή τισι καὶ τὰ περὶ φάρυγγα φύματα, καὶ φλεγμοναὶ γλώσσησ, καὶ τὰ παρ’ ὀδόντασ ἀποστήματα. φωναί τε πολλοῖσιν ἐπεσήμαινον κακούμεναι καὶ κατίλλουσαι, πρῶτον μὲν τοῖσι φθινώδεσιν ἀρχομένοισιν, ἀτὰρ καὶ τοῖσι καυσώδεσι καὶ τοῖσι φρενιτικοῖσιν. ϝΙ. Ἤρξαντο μὲν οὖν οἱ καῦσοι καὶ τὰ φρενιτικὰ πρωὶ τοῦ ἦροσ μετὰ τὰ γενόμενα ψύχεα, καὶ πλεῖστοι τηνικαῦτα διενόσησαν‧ ὀξέα δὲ τούτοισι καὶ θανατώδεα συνέπιπτεν. ἦν δὲ ἡ κατάστασισ τῶν γενομένων καύσων ὧδε‧ ἀρχόμενοι κωματώδεεσ, ἀσώδεεσ, φρικώδεεσ, πυρετὸσ ὀξύσ, οὐ διψώδεεσ λίην, οὐ παράληροι, ἀπὸ Ῥινῶν ἔσταξε σμικρόν. οἱ παροξυσμοὶ τοῖσι πλείστοισιν ἐν ἀρτίῃσι, περὶ δὲ τοὺσ παροξυσμοὺσ λήθη καὶ ἄφεσισ καὶ ἀφωνίη. ἄκρεά τε τούτοισιν αἰεὶ μὲν ψυχρότερα ποδῶν καὶ χειρῶν, πολὺ δὲ περὶ τοὺσ παροξυσμοὺσ μάλιστα‧ πάλιν τε βραδέωσ καὶ οὐ καλῶσ ἀνεθερμαίνοντο καὶ πάλιν κατενόεον καὶ διελέγοντο. κατεῖχε δὲ ἢ τὸ κῶμα συνεχέσ, οὐχ ὑπνῶδεσ, ἢ μετὰ πόνων ἄγρυπνοι. κοιλίαι ταραχώδεεσ τοῖσι πλείστοισι τούτων, διαχωρήμασιν ὠμοῖσι, λεπτοῖσι, πολλοῖσιν‧ οὖρά τε πολλὰ λεπτὰ κρίσιμον οὐδὲ χρηστὸν οὐδὲν ἔχοντα‧ οὐδὲ ἄλλο κρίσιμον οὐδὲν τοῖσιν οὕτωσ ἔχουσιν ἐφαίνετο‧ οὔτε γὰρ ᾑμορράγει καλῶσ οὔτε τισ ἄλλη τῶν εἰθισμένων ἀπόστασισ ἐγένετο κρίσιμοσ. ἔθνῃσκόν τε ἕκαστοσ ὡσ τύχοι, πεπλανημένωσ τὰ πολλά, περὶ τὰσ κρίσιασ, ἐκ πολλοῦ δέ τινεσ ἄφωνοι, ἱδρῶντεσ πολλοί. τοῖσι μὲν ὀλεθρίωσ ἔχουσι συνέπιπτε ταῦτα‧ παραπλήσια δὲ καὶ τοῖσι φρενιτικοῖσιν. ἄδιψοι δὲ πάνυ οὗτοι ἦσαν, οὐδ’ ἐξεμάνη τῶν φρενιτικῶν οὐδείσ, ὥσπερ ἐπ’ ἄλλοισιν, ἀλλ’ ἄλλῃ τινὶ καταφορῇ νωθρῇ καρηβαρέεσ ἀπώλλυντο. ϝΙΙ. Ἦσαν δὲ καὶ ἄλλοι πυρετοί, περὶ ὧν γεγράψεται. στόματα πολλοῖσιν ἀφθώδεα, ἑλκώδεα. Ῥεύματα περὶ αἰδοῖα πολλά, ἑλκώματα, φύματα ἔξωθεν, ἔσωθεν‧ τὰ περὶ βουβῶνασ. ὀφθαλμίαι ὑγραί, μακροχρόνιοι μετὰ πόνων. ἐπιφύσιεσ βλεφάρων ἔξωθεν, ἔσωθεν, πολλῶν φθείροντα τὰσ ὄψιασ, ἃ σῦκα ἐπονομάζουσιν. ἐφύετο δὲ καὶ ἐπὶ τῶν ἄλλων ἑλκέων πολλὰ καὶ ἐν αἰδοίοισιν. ἄνθρακεσ πολλοὶ κατὰ θέροσ καὶ ἄλλα, ἃ σὴψ καλεῖται. ἐκθύματα μεγάλα. ἑρ́πητεσ πολλοῖσι μεγάλοι. ϝΙΙΙ. Τὰ δὲ κατὰ κοιλίην πολλοῖσι πολλὰ καὶ βλαβερὰ συνέβαινε. πρῶτον μὲν τεινεσμοὶ πολλοῖσιν ἐπιπόνωσ, πλείστοισι δὲ παιδίοισι, καὶ πᾶσιν ὅσα πρὸ ἥβησ, καὶ ἀπώλλυντο τὰ πλεῖστα τούτων. λειεντερικοὶ πολλοί. δυσεντεριώδεεσ, οὐδ’ οὗτοι λίην ἐπιπόνωσ. τὰ δὲ χολώδεα καὶ λιπαρὰ καὶ λεπτὰ καὶ ὑδατώδεα‧ πολλοῖσι μὲν αὐτὸ τὸ νόσημα ἐσ τοῦτο κατέσκηψεν ἄνευ τε πυρετῶν καὶ ἐν πυρετοῖσι. μετὰ πόνων στρόφοι καὶ ἀνειλήσιεσ κακοήθεεσ. διέξοδοί τε τῶν πολλῶν ἐνόντων τε καὶ ἐπισχόντων. τὰ δὲ διεξιόντα πόνουσ οὐ λύοντα τοῖσι τε προσφερομένοισι δυσκόλωσ ὑπακούοντα‧ καὶ γὰρ αἱ καθάρσιεσ τοὺσ πλείστουσ προσέβλαπτον. τῶν δὲ οὕτωσ ἐχόντων πολλοὶ μὲν ὀξέωσ ἀπώλλυντο, ἔστι δ’ οἷσι καὶ μακρότερα διῆγεν. ὡσ δ’ ἐν κεφαλαίῳ εἰρῆσθαι, πάντεσ, καὶ οἱ τὰ μακρὰ νοσέοντεσ καὶ οἱ τὰ ὀξέα, ἐκ τῶν κατὰ κοιλίην ἀπέθνῃσκον μάλιστα. πάντασ γὰρ κοιλίη συναπήνεγκεν. Ιχ. Ἀπόσιτοι δ’ ἐγένοντο πάντεσ μὲν καὶ ἐπὶ πᾶσι τοῖσι προγεγραμμένοισιν, ὡσ ἐγὼ οὐδὲ πώποτε ἐνέτυχον, πολὺ δὲ μάλιστα οὗτοι καὶ ἐκ τούτων καὶ ἐκ τῶν ἄλλων δὲ οἳ καὶ ὀλεθρίωσ ἔχοιεν. διψώδεεσ οἱ μέν, οἱ δ’ οὔ‧ τῶν ἐν πυρετοῖσι καὶ τοῖσιν ἄλλοισιν οὐδεὶσ ἀκαίρωσ, ἀλλ’ ἦν κατὰ ποτὸν διαιτᾶν ὡσ ἤθελεσ. χ. Οὖρα δὲ πολλὰ μὲν τὰ διεξιόντα ἦν, οὐκ ἐκ τῶν προσφερομένων ποτῶν, ἀλλὰ πολλὸν ὑπερβάλλοντα. πολλὴ δέ τισ καὶ τῶν οὔρων κακότησ ἦν τῶν ἀπιόντων. οὔτε γὰρ πάχοσ οὔτε πεπασμοὺσ οὔτε καθάρσιασ χρηστὰσ εἶχεν. ἐσήμαινεν δὲ τοῖσι πλείστοισι σύντηξιν καὶ ταραχὴν καὶ πόνουσ καὶ ἀκρισίασ. χΙ. Κωματώδεεσ δὲ μάλιστα οἱ φρενιτικοὶ καὶ οἱ καυσώδεεσ ἦσαν, ἀτὰρ καὶ ἐπὶ τοῖσ ἄλλοισι νοσήμασι πᾶσι τοῖσι μεγίστοισιν, ὅ τι μετὰ πυρετοῦ γίνοιτο. διὰ παντὸσ δὲ τοῖσι πλείστοισιν ἢ βαρὺ κῶμα παρείπετο ἢ μικροὺσ καὶ λεπτοὺσ ὕπνουσ κοιμᾶσθαι. χΙΙ. Πολλὰ δὲ καὶ ἄλλα πυρετῶν ἐπεδήμησεν εἴδεα, τριταίων, τεταρταίων, νυκτερινῶν, συνεχέων, μακρῶν, πεπλανημένων, ἀσωδέων, ἀκαταστάτων. ἅπαντεσ δὲ οὗτοι μετὰ πολλῆσ ἐγίνοντο ταραχῆσ‧ κοιλίαι τε γὰρ τοῖσι πλείστοισιν ταραχώδεεσ, φρικώδεεσ‧ ἱδρῶτεσ οὐ κρίσιμοι, καὶ τὰ τῶν οὔρων ὡσ ὑπογέγραπται. μακρὰ δὲ τοῖσι πλείστοισι τούτων‧ οὐδὲ γὰρ αἱ γινόμεναι τούτοισιν ἀποστάσιεσ ἔκρινον ὥσπερ ἐπὶ τοῖσιν ἄλλοισι. δύσκριτα μὲν οὖν πᾶσι πάντα ἐγίνετο καὶ ἀκρισίαι καὶ χρόνια, πολὺ δὲ μάλιστα τούτοισ. ἔκρινε δὲ τούτων ὀλίγοισι περὶ ὀγδοηκοστήν. τοῖσι δὲ πλείστοισιν ἐξέλειπεν ὡσ ἔτυχεν. ἔθνῃσκον δὲ τούτων ὀλίγοι ὑπὸ ὕδρωποσ ὀρθοστάδην. πολλοῖσι δὲ καὶ ἐπὶ τοῖσιν ἄλλοισι νοσήμασιν οἰδήματα παρώχλει, πολὺ δὲ μάλιστα τοῖσι φθινώδεσι. χΙΙΙ. Μέγιστον δὲ καὶ χαλεπώτατον καὶ πλείστουσ ἔκτεινε τὸ φθινῶδεσ. πολλοὶ γάρ τινεσ ἀρξάμενοι κατὰ χειμῶνα πολλοὶ μὲν κατεκλίθησαν, οἱ δὲ αὐτῶν ὀρθοστάδην ὑπεφέροντο‧ πρωὶ δὲ τοῦ ἦροσ ἔθνῃσκον οἱ πλεῖστοι τῶν κατακλιθέντων‧ τῶν δὲ ἄλλων ἐξέλιπον μὲν αἱ βῆχεσ οὐδενί, ὑφίεσαν δὲ κατὰ θέροσ. ὑπὸ δὲ τὸ φθινόπωρον κατεκλίθησαν πάντεσ καὶ πολλοὶ ἔθνῃσκον. μακρὰ δὲ τούτων οἱ πλεῖστοι διενόσεον. ἤρξατο μὲν οὖν τοῖσι πλείστοισι τούτων ἐξαίφνησ ἐκ τούτων κακοῦσθαι‧ φρικώδεεσ πυκνά. πολλάκισ πυρετοὶ συνεχέεσ, ὀξέεσ‧ ἱδρῶτεσ ἄκαιροι πολλοί, ψυχροὶ διὰ τέλεοσ‧ πολλὴ ψύξισ, καὶ μόγισ πάλιν ἀναθερμαινόμενοι‧ κοιλίαι ποικίλωσ ἐφιστάμεναι καὶ πάλιν ταχὺ καθυγραινόμεναι, περὶ δὲ τελευτὴν πᾶσι βιαίωσ καθυγραινόμεναι‧ καὶ τῶν περὶ πνεύμονα πάντων διάδοσισ κάτω‧ πλῆθοσ οὔρων οὐ χρηστῶν‧ συντήξιεσ κακαί. αἱ δὲ βῆχεσ ἐνῆσαν μὲν διὰ τέλεοσ πολλαὶ καὶ πολλὰ ἀνάγουσαι πέπονα καὶ ὑγρά, μετὰ πόνων δὲ οὐ λίην‧ ἀλλ’ εἰ καὶ ἐπόνεον, πάνυ πρηέωσ πᾶσιν ἡ κάθαρσισ τῶν ἀπὸ πνεύμονοσ ἐγίνετο. φάρυγγεσ οὐ λίην δακνώδεεσ, οὐδὲ ἁλμυρίδεσ οὐδὲν ἠνώχλεον‧ τὰ μέντοι γλίσχρα καὶ λευκὰ καὶ ὑγρὰ καὶ ἀφρώδεα πολλὰ ἀπὸ κεφαλῆσ ᾔει. πολὺ δὲ μέγιστον κακὸν παρείπετο καὶ τούτοισι καὶ τοῖσιν ἄλλοισι τὰ περὶ τὴν ἀποσιτίην, καθάπερ ὑπογέγραπται‧ οὐδὲ γὰρ πότων μετὰ τροφῆσ ἡδέωσ εἶχον, ἀλλὰ πάνυ διῆγον ἀδίψωσ‧ βάροσ σώματοσ‧ κωματώδεεσ‧ τοῖσι πλείστοισιν αὐτῶν οἴδημα, καὶ ἐσ ὕδρωπα περιίσταντο‧ φρικώδεεσ, παράληροι περὶ θάνατον. χΙϝ. Εἶδοσ δὲ τῶν φθινωδέων ἦν τὸ λεῖον, τὸ ὑπόλευκον, τὸ φακῶδεσ, τὸ ὑπέρυθρον, τὸ χαροπόν, λευκοφλεγματίαι, πτερυγώδεεσ‧ καὶ γυναῖκεσ οὕτω. τὸ μελαγχολικὸν καὶ ὕφαιμον‧ οἱ καῦσοι καὶ τὰ φρενιτικὰ καὶ τὰ δυσεντεριώδεα τούτων ἥπτετο. τεινεσμοὶ νέοισι φλεγματώδεσιν‧ αἱ μακραὶ διάρροιαι καὶ τὰ δριμέα διαχωρήματα καὶ λιπαρὰ πικροχόλοισιν. χϝ. Ἦν δὲ πᾶσι τοῖσ ὑπογεγραμμένοισ χαλεπώτατον μὲν τὸ ἐάρ καὶ πλείστουσ ἀπέκτεινε, τὸ δὲ θέροσ Ῥήϊστον, καὶ ἐλάχιστοι ἀπώλλυντο. τοῦ δὲ φθινοπώρου καὶ ὑπὸ πληϊάδα πάλιν ἔθνῃσκον, οἱ πολλοὶ τεταρταῖοι. δοκεῖ δέ μοι προσωφελῆσαι κατὰ λόγον τὸ γενόμενον θέροσ. τὰσ γὰρ θερινὰσ νούσουσ χειμὼν ἐπιγενόμενοσ λύει, καὶ τὰσ χειμερινὰσ θέροσ ἐπιγενόμενον μεθίστησι. καίτοι αὐτό γε ἐπὶ ἑωυτοῦ τὸ γενόμενον θέροσ οὐκ εὐσταθὲσ ἐγένετο‧ καὶ γὰρ ἐξαίφνησ θερμὸν καὶ νότιον καὶ ἄπνοον‧ ἀλλ’ ὅμωσ πρὸσ τὴν ἄλλην κατάστασιν μεταλλάξαν ὠφέλησε. χϝΙ. Μέγα δὲ μέροσ ἡγεῦμαι τῆσ τέχνησ εἶναι τὸ δύνασθαι σκοπεῖν καὶ περὶ τῶν γεγραμμένων ὀρθῶσ. ὁ γὰρ γνοὺσ καὶ χρεώμενοσ τούτοισ οὐκ ἄν μοι δοκεῖ μέγα σφάλλεσθαι ἐν τῇ τέχνῃ. δεῖ δὲ καταμανθάνειν τὴν κατάστασιν τῶν ὡρέων ἀκριβῶσ ἑκάστην καὶ τὸ νόσημα, ἀγαθὸν ὅ τι κοινὸν ἐν τῇ καταστάσει ἢ ἐν τῇ νούσῳ, κακὸν ὅ τι κοινὸν ἐν τῇ καταστάσει ἢ ἐν τῇ νούσῳ, μακρὸν ὅ τι νόσημα καὶ θανάσιμον, μακρὸν ὅ τι καὶ περιεστικόν, ὀξὺ ὅ τι θανάσιμον, ὀξὺ ὅ τι περιεστικόν‧ τάξιν τῶν κρισίμων ἐκ τούτων σκοπεῖσθαι καὶ προλέγειν ἐκ τούτων εὐπορεῖται. εἰδότι περὶ τούτων ἔστιν εἰδέναι οὓσ καὶ ὅτε καὶ ὡσ δεῖ διαιτᾶν. χϝΙΙ. α. Ἐν Θάσῳ τὸν Πάριον, ὃσ κατέκειτο ὑπὲρ Ἀρτεμισίου, πυρετὸσ ἔλαβεν ὀξύσ, κατ’ ἀρχὰσ συνεχήσ, καυσώδησ‧ δίψοσ‧ ἀρχόμενοσ κωματώδησ καὶ πάλιν ἄγρυπνοσ‧ κοιλίη ταραχώδησ ἐν ἀρχῇσιν, οὖρα λεπτά. ἕκτῃ οὔρησεν ἐλαιῶδεσ, παρέκρουσεν. ἑβδόμῃ παρωξύνθη πάντα, οὐδὲν ἐκοιμήθη, ἀλλὰ οὖρά τε ὅμοια καὶ τὰ τῆσ γνώμησ ταραχώδεα‧ ἀπὸ δὲ κοιλίησ χολώδεα, λιπαρὰ διῆλθεν. ὀγδόῃ σμικρὸν ἀπὸ Ῥινῶν ἔσταξεν, ἤμεσεν ἰώδεα ὀλίγα, σμικρὰ ἐκοιμήθη. ἐνάτῃ διὰ τῶν αὐτῶν. δεκάτῃ πάντα συνέδωκεν. ἑνδεκάτῃ ἵδρωσε δι’ ὅλου‧ περιέψυξε, ταχὺ δὲ πάλιν ἀνεθερμάνθη. τεσσαρεσκαιδεκάτῃ πυρετὸσ ὀξύσ, διαχωρήματα χολώδεα, λεπτά, πολλά, οὔροισιν ἐναιώρημα, παρέκρουσεν. ἑπτακαιδεκάτῃ ἐπιπόνωσ‧ οὔτε γὰρ ὕπνοι, ὅ τε πυρετὸσ ἐπέτεινεν. εἰκοστῇ ἵδρωσε δι’ ὅλου‧ ἄπυροσ, διαχωρήματα χολώδεα, ἀπόσιτοσ, κωματώδησ‧ εἰκοστῇ τετάρτῃ ὑπέστρεψε. τριηκοστῇ τετάρτῃ ἄπυροσ, κοιλίη οὐ συνίστατο, καὶ πάλιν ἀνεθερμάνθη. τεσσαρακοστῇ ἄπυροσ, κοιλίη συνέστη χρόνον οὐ πολύν, ἀπόσιτοσ, σμικρὰ πάλιν ἐπύρεξε καὶ διὰ παντὸσ πεπλανημένωσ‧ ἄπυροσ τὰ μέν, τὰ δ’ οὔ‧ εἰ γάρ τι διαλίποι καὶ διακουφίσαι, ταχὺ πάλιν ὑπέστρεφε. σιταρίοισί τε ὀλίγοισι καὶ φαύλοισι προσεχρῆτο. ὕπνοι κακοί, περὶ τὰσ ὑποστροφὰσ παρέκρουσεν. οὖρα πάχοσ μὲν ἔχοντα οὔρει τηνικαῦτα, ταραχώδεα δὲ καὶ πονηρά. καὶ τὰ κατὰ κοιλίην συνιστάμενα καὶ πάλιν διαλυόμενα. πυρέτια συνεχέα. διαχωρήματα λεπτά, πολλά. ἐν εἴκοσι καὶ ἑκατὸν ἔθανε. τούτῳ κοιλίη συνεχέωσ ἀπὸ τῆσ πρώτησ ὑγρὴ χολώδεσιν, ὑγροῖσι πολλοῖσιν ἦν ἢ συν ισταμένη ζέουσι καὶ ἀπέπτοισιν‧ οὖρα διὰ τέλεοσ κακά‧ κωματώδησ τὰ πλεῖστα, μετὰ πόνων ἄγρυπνοσ, ἀπόσιτοσ συνεχέωσ. β’. Ἐν Θάσῳ τὴν κατακειμένην παρὰ τὸ ψυχρὸν ὕδωρ ἐκ τόκου θυγατέρα τεκοῦσαν καθάρσιοσ οὐ γενομένησ πυρετὸσ ὀξὺσ φρικώδησ τρι ταίην ἔλαβεν. ἐκ χρόνου δὲ πολλοῦ πρὸ τοῦ τόκου πυρετώδησ ἦν, κατακλινήσ, ἀπόσιτοσ. μετὰ δὲ τὸ γενόμενον Ῥῖγοσ συνεχέεσ, ὀξέεσ, φρικώδεεσ οἱ πυρετοί. ὀγδόῃ πολλὰ παρέκρουσε καὶ τὰσ ἐχομένασ καὶ ταχὺ πάλιν κατενόει‧ κοιλίη ταραχώδησ πολλοῖσι λεπτοῖσιν, ὑδατοχόλοισ‧ ἄδιψοσ. ἑνδεκάτῃ κατενόει, κωματώδησ δ’ ἦν‧ οὖρα πολλὰ λεπτὰ καὶ μέλανα, ἄγρυπνοσ. εἰκοστῇ σμικρὰ περιέψυξε καὶ ταχὺ πάλιν ἀνεθερμάνθη, σμικρὰ παρέλεγεν, ἄγρυπνοσ‧ τὰ κατὰ κοιλίην ἐπὶ τῶν αὐτῶν‧ οὖρα ὑδατώδεα πολλά. εἰκοστῇ ἑβδόμῃ ἄπυροσ, κοιλίη συνέστη, οὐ πολλῷ δὲ χρόνῳ ὕστερον ἰσχίου δεξιοῦ ὀδύνη ἰσχυρὴ χρόνον πολύν‧ πυρετοὶ πάλιν παρείποντο‧ οὖρα ὑδατώδεα. τεσσαρακοστῇ τὰ μὲν περὶ τὸ ἰσχίον ἐπεκούφισε, βῆχεσ δὲ συνεχέεσ ὑγραὶ πολλαί, κοιλίη συνέστη, ἀπόσιτοσ‧ οὖρα ἐπὶ τῶν αὐτῶν. οἱ δὲ πυρετοὶ τὸ μὲν ὅλον οὐκ ἐκλείποντεσ, πεπλανημένωσ δὲ παροξυνόμενοι, τὰ μέν, τὰ δ’ οὔ. ἑξηκοστῇ αἱ μὲν βῆχεσ ἀσήμωσ ἐξέλιπον‧ οὔτε γάρ τισ πτυάλων πεπασμὸσ ἐγένετο οὔτε ἄλλη τῶν εἰθισμένων ἀπόστασισ‧ σιηγὼν δὲ ἡ ἐκ τῶν ἐπὶ δεξιὰ κατεσπάσθη‧ κωματώδησ‧ παρέλεγε καὶ ταχὺ πάλιν κατενόει‧ πρὸσ δὲ τὰ γεύματα ἀπονενοημένωσ εἶχεν‧ σιηγὼν μὲν ἐπανῆκε, κοιλίη δὲ χολώδεα σμικρὰ διέδωκεν, ἐπύρεξεν ὀξυτέρωσ, φρικώδησ‧ καὶ τὰσ ἐχομένασ ἄφωνοσ καὶ πάλιν διελέγετο. ὀγδοηκοστῇ ἀπέθανε. ταύτῃ τὰ τῶν οὔρων διὰ τέλεοσ ἦν μέλανα καὶ λεπτὰ καὶ ὑδατώδεα. κῶμα παρείπετο, ἀπόσιτοσ, ἄθυμοσ, ἄγρυπνοσ, ὀργαί, δυσφορίαι, τὰ περὶ τὴν γνώμην μελαγχολικά. γ’. Ἐν Θάσῳ Πυθίωνα, ὃσ κατέκειτο ὑπεράνω τοῦ Ἡρακλείου, ἐκ πόνων καὶ κόπων καὶ διαίτησ γενομένησ ἀμελέοσ Ῥῖγοσ μέγα καὶ πυρετὸσ ὀξὺσ ἔλαβε. γλῶσσα ἐπίξηροσ, διψώδησ, χολώδησ, οὐχ ὕπνωσεν, οὖρα ὑπομέλανα, ἐναιώρημα μετέωρον, οὐχ ἵδρυτο. δευτέρῃ περὶ μέσον ἡμέρησ ψύξισ ἀκρέων, τὰ περὶ χεῖρασ καὶ κεφαλὴν μᾶλλον, ἄναυδοσ, ἄφωνοσ, βραχύπνοοσ ἐπὶ πολὺν χρόνον, ἀνεθερμάνθη, δίψα, νύκτα δι’ ἡσυχίησ, ἵδρωσε περὶ κεφαλὴν σμικρά. τρίτῃ ἡμέρην δι’ ἡσυχίησ, ὀψὲ δὲ περὶ ἡλίου δυσμὰσ ὑπεψύχθη σμικρά, ἄση, ταραχή, νυκτὸσ ἐπιπόνωσ, οὐδὲν ὕπνωσεν, ἀπὸ δὲ κοιλίησ σμικρὰ συνεστηκότα κόπρανα διῆλθε. τετάρτῃ πρωὶ δι’ ἡσυχίησ, περὶ δὲ μέσον ἡμέρησ πάντα παρωξύνθη, ψύξισ, ἄναυδοσ, ἄφωνοσ, ἐπὶ τὸ χεῖρον, ἀνεθερμάνθη μετὰ χρόνον, οὔρησε μέλανα ἐναιώρημα ἔχοντα, νύκτα δι’ ἡσυχίησ, ἐκοιμήθη‧ πέμπτῃ ἔδοξε κουφίσαι, κατὰ δὲ κοιλίην βάροσ μετὰ πόνου, διψώδησ, νύκτα ἐπιπόνωσ. ἕκτῃ πρωὶ μὲν δι’ ἡσυχίησ, δείλησ δὲ οἱ πόνοι μέζουσ, παρωξύνθη, ἀπὸ δὲ κοιλίησ ὀψὲ κλυσματίῳ καλῶσ διῆλθε, νυκτὸσ ἐκοιμήθη. ἑβδόμῃ ἡμέρῃ ἀσώδησ, ὑπεδυσφόρει, οὔρησεν ἐλαιῶδεσ, νυκτὸσ ταραχὴ πολλή, παρέλεγεν, οὐδὲν ἐκοιμήθη. ὀγδόῃ πρωὶ μὲν ἐκοιμήθη σμικρά, ταχὺ δὲ ψύξισ, ἀφωνίη, λεπτὸν πνεῦμα καὶ μινυθῶδεσ, ὀψὲ δὲ πάλιν ἀνεθερμάνθη, παρέκρουσεν, ἤδη δὲ πρὸσ ἡμέρην σμικρὰ ἐκουφίσθη, διαχωρήματα ἄκρητα, σμικρὰ, χολώδεα. ἐνάτῃ κωματώδησ, ἀσώδησ, ὅτε διεγείροιτο‧ οὐ λίην διψώδησ‧ περὶ δὲ ἡλίου δυσμὰσ ἐδυσφόρει, παρέλεγε, νύκτα κακήν. δεκάτῃ πρωὶ ἄφωνοσ, πολλὴ ψύξισ, πυρετὸσ ὀξύσ, πολὺσ ἱδρώσ, ἔθανεν. ἐν ἀρτίῃσιν οἱ πόνοι τούτῳ. δ’. Ὁ φρενιτικὸσ τῇ πρώτῃ κατακλιθεὶσ ἤμεσεν ἰώδεα πολλά, λεπτά, πυρετὸσ φρικώδησ πολύσ, ἱδρὼσ συνεχὴσ δι’ ὅλου, κεφαλῆσ καὶ τραχήλου βάροσ μετ’ ὀδύνησ, οὖρα λεπτά, ἐναιωρήματα σμικρά, διεσπασμένα, οὐχ ἵδρυτο. ἀπὸ δὲ κοιλίησ ἐξεκόπρισεν ἀθρόα πολλὰ, παρέκρουσεν, οὐδὲν ὕπνωσε. δευτέρῃ πρωὶ ἄφωνοσ, πυρετὸσ ὀξύσ, ἵδρωσεν, οὐ διέλιπε, παλμοὶ δι’ ὅλου τοῦ σώματοσ, νυκτὸσ σπασμοί. τρίτῃ πάντα παρωξύνθη. τετάρτῃ ἔθανεν. ε’. Ἐν Λαρίσῃ φαλακρὸσ μηρὸν δεξιὸν ἐπόνησεν ἐξαίφνησ‧ τῶν δὲ προσφερομένων οὐδὲν ὠφέλει. τῇ πρώτῃ πυρετὸσ ὀξύσ, καυσώδησ, ἀτρεμέωσ εἶχεν, οἱ δὲ πόνοι παρείποντο. δευτέρῃ τοῦ μηροῦ μὲν ὑφίεσαν οἱ πόνοι, ὁ δὲ πυρετὸσ ἐπέτεινεν, ὑπεδυσφόρει, οὐκ ἐκοιμᾶτο, ἄκρεα ψυχρά, οὔρων πλῆθοσ διῄει οὐ χρηστῶν. τρίτῃ τοῦ μηροῦ μὲν ὁ πόνοσ ἐπαύσατο, παρακοπὴ δὲ τῆσ γνώμησ καὶ ταραχὴ καὶ πολὺσ βληστρισμόσ. τετάρτῃ περὶ μέσον ἡμέρησ ἔθανεν. σ’. Ἐν Ἀβδήροισι Περικλέα πυρετὸσ ἔλαβεν ὀξύσ, συνεχὴσ μετὰ πονου, πολλὴ δίψα, ἄση, ποτὸν κατέχειν οὐκ ἠδύνατο‧ ἦν δὲ ὑπόσπληνόσ τε καὶ καρηβαρικόσ. τῇ πρώτῃ ᾑμορράγησεν ἐξ ἀριστεροῦ‧ πολὺσ μέντοι ὁ πυρετὸσ ἐπέτεινεν‧ οὔρησε πολὺ θολερόν, λευκόν‧ κείμενον οὐ καθίστατο. δευτέρῃ πάντα παρωξύνθη‧ τὰ μέντοι οὖρα παχέα μὲν ἦν, ἱδρυμένα δὲ μᾶλλον‧ καὶ τὰ περὶ τὴν ἄσην ἐκούφισεν, ἐκοιμήθη. τρίτῃ πυρετὸσ ἐμαλάχθη, οὔρων πλῆθοσ, πέπονα, πολλὴν ὑπόστασιν ἔχοντα, νύκτα δι’ ἡσυχίησ. τετάρτῃ περὶ μέσον ἡμέρησ ἵδρωσε πολλῷ θερμῷ δι’ ὅλου, ἄπυροσ, ἐκρίθη, οὐχ ὑπέστρεψεν. ζ’. Ἐν Ἀβδήροισι τὴν παρθένον, ἣ κατέκειτο ἐπὶ τῆσ ἱρῆσ ὁδοῦ, πυρετὸσ καυσώδησ ἔλαβεν‧ ἦν δὲ διψώδησ καὶ ἄγρυπνοσ. κατέβη δὲ τὰ γυναικεῖα πρῶτον αὐτῇ. ἕκτῃ ἄση πολλή, ἔρευθοσ, φρικώδησ, ἀλύουσα. ἑβδόμῃ διὰ τῶν αὐτῶν, οὖρα λεπτὰ μέν, εὔχρω δέ, τὰ περὶ τὴν κοιλίην οὐκ ἠνώχλει. ὀγδόῃ κώφωσισ, πυρετὸσ ὀξύσ, ἄγρυπνοσ, ἀσώδησ, φρικώδησ, κατενόει, οὖρα ὅμοια. ἐνάτῃ διὰ τῶν αὐτῶν‧ καὶ τὰσ ἑπομένασ οὕτωσ‧ ἡ κώφωσισ παρέμενε. τεσσαρεσκαιδεκάτῃ τὰ τῆσ γνώμησ ταραχώδεα, ὁ πυρετὸσ συνέδωκεν. ἑπτακαιδεκάτῃ διὰ Ῥινῶν ἐρρύη πολύ, ἡ κώφωσισ σμικρὰ συνέδωκε. καὶ τὰσ ἑπομένασ ἄση, κωφότησ‧ ἐνῆν καὶ παράληροσ. εἰκοστῇ ποδῶν ὀδύνη‧ κωφότησ, παράληροσ ἀπέλιπεν, ᾑμορράγησε σμικρὰ διὰ Ῥινῶν, ἵδρωσεν, ἄπυροσ. εἰκοστῇ τετάρτῃ ὁ πυρετὸσ ὑπέστρεψε, κώφωσισ πάλιν, ποδῶν ὀδύνη παρέμεινεν, παρακοπή. εἰκοστῇ ἑβδόμῃ ἵδρωσε πολλῷ, ἄπυροσ, ἡ κώφωσισ ἐξέλιπεν, ἡ τῶν ποδῶν ὑπέμενεν ὀδύνη, τὰ δ’ ἄλλα τελέωσ ἐκρίθη. η’. Ἐν Ἀβδήροισιν Ἀναξίωνα, ὃσ κατέκειτο παρὰ τὰσ Θρηϊκίασ πύλασ, πυρετὸσ ὀξὺσ ἔλαβε‧ πλευροῦ δεξιοῦ ὀδύνη συνεχήσ, ἔβησσε ξηρά, οὐδ’ ἔπτυε τὰσ πρώτασ‧ διψώδησ, ἄγρυπνοσ, οὖρα δὲ εὔχρω πολλὰ λεπτά. ἕκτῃ παράληροσ‧ πρὸσ δὲ τὰ θερμάσματα οὐδὲν ἐνεδίδου. ἑβδόμῃ ἐπιπόνωσ‧ ὁ γὰρ πυρετὸσ ἐπέτεινεν, οἵ τε πόνοι οὐ συνεδίδοσαν, αἵ τε βῆχεσ ἠνώχλεον, δύσπνοόσ τε ἦν. ὀγδόῃ ἀγκῶνα ἔταμον‧ ἐρρύη πολλὸν οἱο͂ν δεῖ‧ συνέδωκαν μὲν οἱ πόνοι, αἱ μέντοι βῆχεσ αἱ ξηραὶ παρείποντο. ἑνδεκάτῃ συνέδωκαν οἱ πυρετοί, σμικρὰ περὶ κεφαλὴν ἵδρωσεν, αἵ τε βῆχεσ καὶ τὰ ἀπὸ πνεύμονοσ ὑγρότερα. ἑπτακαιδεκάτῃ ἤρξατο σμικρὰ πέπονα πτύειν‧ ἐκουφίσθη. εἰκοστῇ ἵδρωσεν, ἄπυροσ, μετὰ δὲ κρίσιν διψώδησ τε ἦν καὶ τῶν ἀπὸ πνεύμονοσ οὐ χρησταὶ αἱ καθάρσιεσ. εἰκοστῇ ἑβδόμῃ ὁ πυρετὸσ ὑπέστρεψεν, ἔβησσεν, ἀνῆγε πέπονα πολλά, οὔροισιν ὑπόστασισ πολλὴ λευκή, ἄδιψοσ ἐγένετο, εὔπνοοσ. τριηκοστῇ τετάρτῃ ἵδρωσε δι’ ὅλου, ἄπυροσ, ἐκρίθη πάντα. θ’. Ἐν Ἀβδήροισιν Ἡρόπυθοσ κεφαλὴν ὀρθοστάδην ἐπιπόνωσ εἶχεν, οὐ πολλῷ δὲ χρόνῳ ὕστερον κατεκλίθη. ᾤκει πλησίον τῆσ ἄνω ἀγωγῆσ. πυρετὸσ ἔλαβε καυσώδησ, ὀξύσ‧ ἔμετοι τὸ κατ’ ἀρχὰσ πολλῶν χολωδέων, διψώδησ, πολλὴ δυσφορίη, οὖρα λεπτὰ μέλανα, ἐναιώρημα μετέωρον ὁτὲ μέν, ὁτὲ δ’ οὔ‧ νύκτα ἐπιπόνωσ, πυρετὸσ ἄλλοτε ἀλλοίωσ παροξυνόμενοσ, τὰ πλεῖστα ἀτάκτωσ. περὶ δὲ τεσσαρεσκαιδεκάτην κώφωσισ, οἱ πυρετοὶ ἐπέτεινον, οὖρα διὰ τῶν αὐτῶν. εἰκοστῇ πολλὰ παρέκρουσε καὶ τὰσ ἑπομένασ. τεσσαρακοστῇ διὰ Ῥινῶν ᾑμορράγησε πολὺ καὶ κατενόει μᾶλλον‧ ἡ κώφωσισ ἐνῆν μέν, ἧσσον δέ‧ οἱ πυρετοὶ συνέδωκαν. ᾑμορράγει τὰσ ἑπομένασ πυκνὰ κατ’ ὀλίγον. περὶ δὲ ἑξηκοστὴν αἱ μὲν αἱμορραγίαι ἀπεπαύσαντο, ἰσχίου δὲ δεξιοῦ ὀδύνη ἰσχυρὴ καὶ οἱ πυρετοὶ ἐπέτεινον. οὐ πολλῷ δὲ χρόνῳ ὕστερον πόνοι τῶν κάτω πάντων‧ συνέπιπτε δὲ ἢ τοὺσ πυρετοὺσ εἶναι μέζουσ καὶ τὴν κώφωσιν πολλὴν ἢ ταῦτα μὲν ὑφιέναι καὶ κουφίζειν, τῶν δὲ κάτω περὶ ἰσχία μέζουσ εἶναι τοὺσ πόνουσ. ἤδη δὲ περὶ ὀγδοηκοστὴν συνέδωκε μὲν πάντα, ἐξέλιπε δὲ οὐδέν‧ οὖρά τε γὰρ εὔχρω καὶ πλείουσ ὑποστάσιασ ἔχοντα κατέβαινεν, οἱ παράληροί τε μείουσ ἦσαν. περὶ δὲ ἑκατοστὴν κοιλίη πολλοῖσι χολώδεσιν ἐπεταράχθη, καὶ ᾔει χρόνον οὐκ ὀλίγον πολλὰ τοιαῦτα, καὶ πάλιν δυσεντεριώδεα μετὰ πόνου, τῶν δὲ ἄλλων Ῥᾳστώνη. τὸ δὲ σύνολον οἵ τε πυρετοὶ ἐξέλιπον καὶ ἡ κώφωσισ ἐπαύσατο. ἐν ἑκατοστῇ εἰκοστῇ τελέωσ ἐκρίθη. ι’. Ἐν Ἀβδήροισι Νικόδημον ἐξ ἀφροδισίων καὶ πότων πῦρ ἔλαβεν. ἀρχόμενοσ δὲ ἦν ἀσώδησ καὶ καρδιαλγικόσ, διψώδησ, γλῶσσα ἐπεκαύθη, οὖρα λεπτὰ μέλανα. δευτέρῃ ὁ πυρετὸσ παρωξύνθη, φρικώδησ, ἀσώδησ, οὐδὲν ἐκοιμήθη, ἤμεσε χολώδεα ξανθά, οὖρα ὅμοια, νύκτα δι’ ἡσυχίησ, ὕπνωσε. τρίτῃ ὑφῆκε πάντα, Ῥᾳστώνη‧ περὶ δὲ ἡλίου δυσμὰσ πάλιν ὑπεδυσφόρει, νύκτα ἐπιπόνωσ. τετάρτῃ Ῥῖγοσ, πυρετὸσ πολύσ, πόνοι πάντων, οὖρα λεπτά, ἐναιώρημα‧ νύκτα πάλιν δι’ ἡσυχίησ. πέμπτῃ ἐνῆν μὲν πάντα, Ῥᾳστώνη δὲ ἦν. ἕκτῃ τῶν αὐτῶν πόνοι πάντων, οὔροισιν ἐναιώρημα, παρέκρουσε πολλά. ἑβδόμῃ Ῥᾳστώνη. ὀγδόῃ τὰ ἄλλα συνέδωκε πάντα. δεκάτῃ καὶ τὰσ ἑπομένασ ἐνῆσαν μὲν οἱ πόνοι, ἧσσον δὲ πάντεσ‧ οἱ δὲ παροξυσμοὶ καὶ οἱ πόνοι τούτῳ διὰ τέλεοσ ἐν ἀρτίῃσιν ἦσαν μᾶλλον. εἰκοστῇ οὔρησε λευκόν, πάχοσ εἶχε, κείμενον οὐ καθίστατο‧ ἵδρωσε πολλῷ, ἔδοξεν ἄπυροσ γενέσθαι, δείλησ δὲ πάλιν ἐθερμάνθη, καὶ τῶν αὐτῶν πόνοι, φρίκη, δίψα, σμικρὰ παρέκρουσεν. εἰκοστῇ τετάρτῃ οὔρησε πολὺ λευκόν, πολλὴν ὑπόστασιν ἔχον. ἵδρωσε πολλῷ θερμῷ δι’ ὅλου, ἄπυροσ ἐκρίθη. ια’. Ἐν Θάσῳ γυνὴ δυσάνιοσ ἐκ λύπησ μετὰ προφάσιοσ ὀρθοστάδην ἐγένετο ἄγρυπνόσ τε καὶ ἀπόσιτοσ καὶ διψώδησ ἦν καὶ ἀσώδησ. ᾤκει δὲ πλησίον τῶν Πυλάδου ἐπὶ τοῦ λείου. τῇ πρώτῃ ἀρχομένησ νυκτὸσ φόβοι, λόγοι πολλοί, δυσθυμίη, πυρέτιον λεπτόν. πρωὶ σπασμοὶ πολλοί‧ ὅτε δὲ διαλίποιεν οἱ σπασμοὶ οἱ πολλοί, παρέλεγεν, ᾐσχρομύθει‧ πολλοὶ πόνοι, μεγάλοι, συνεχέεσ. δευτέρῃ διὰ τῶν αὐτῶν, οὐδὲν ἐκοιμᾶτο, πυρετὸσ ὀξύτεροσ. τρίτῃ οἱ μὲν σπασμοὶ ἀπέλιπον, κῶμα δὲ καὶ καταφορὴ καὶ πάλιν ἔγερσισ‧ ἀνήϊσσε, κατέχειν οὐκ ἠδύνατο, παρέλεγε πολλά, πυρετὸσ ὀξύσ, ἐσ νύκτα δὲ ταύτην ἵδρωσε πολλῷ θερμῷ δι’ ὅλου‧ ἄπυροσ, ὕπνωσε, πάντα κατενόει, ἐκρίθη. περὶ δὲ τρίτην ἡμέρην οὖρα μέλανα λεπτά, ἐναιώρημα δὲ ἐπὶ πολὺ στρογγύλον, οὐχ ἱδρύετο, περὶ δὲ κρίσιν γυναικεῖα πολλὰ κατέβη. ιβ’. Ἐν Λαρίσῃ παρθένον πυρετὸσ ἔλαβε καυσώδησ, ὀξύσ‧ ἄγρυπνοσ, διψώδησ, γλῶσσα λιγνυώδησ, ξηρή‧ οὖρα εὔχρω μέν, λεπτὰ δέ. δευτέρῃ ἐπιπόνωσ, οὐχ ὕπνωσε. τρίτῃ πολλὰ διῆλθεν ἀπὸ κοιλίησ ὑδατόχλοα, καὶ τὰσ ἑπομένασ ᾔει τοιαῦτα εὐφόρωσ. τετάρτῃ οὔρησε λεπτὸν ὀλίγον, εἶχεν ἐναιώρημα μετέωρον, οὐχ ἱδρύετο, παρέκρουσεν ἐσ νύκτα. ἕκτῃ διὰ Ῥινῶν λάβρον ἐρρύη πολύ‧ φρίξασα ἵδρωσε πολλῷ θερμῷ δι’ ὅλου‧ ἄπυροσ‧ ἐκρίθη. ἐν δὲ τοῖσι πυρετοῖσι καὶ ἤδη κεκριμένων γυναικεῖα κατέβη πρῶτον τότε‧ παρθένοσ γὰρ ἦν. ἦν δὲ διὰ παντὸσ ἀσώδησ, φρικώδησ, ἔρευθοσ προσώπου, ὀμμάτων ὀδύνη‧ καρηβαρική. ταύτῃ οὐχ ὑπέστρεψεν, ἀλλ’ ἐκρίθη. οἱ πόνοι ἐν ἀρτίῃσιν. ιγ’. Ἀπολλώνιοσ ἐν Ἀβδήροισιν ὀρθοστάδην ὑπεφέρετο χρόνον πολύν. ἦν δὲ μεγαλόσπλαγ χνοσ, καὶ περὶ ἧπαρ συνήθησ ὀδύνη χρόνον πολὺν παρείπετο, καὶ δὴ τότε καὶ ἰκτερώδησ ἐγένετο, φυσώδησ, χροιῆσ τῆσ ὑπολεύκου. φαγὼν δὲ καὶ πιὼν ἀκαιρότερον βόειον ἐθερμάνθη σμικρὰ τὸ πρῶτον, κατεκλίθη. γάλαξι δὲ χρησάμενοσ ἑφθοῖσι καὶ ὠμοῖσι πολλοῖσιν, αἰγείοισι καὶ μηλείοισι, καὶ διαίτῃ κακῇ πάντων, βλάβαι μεγάλαι‧ οἵ τε γὰρ πυρετοὶ παρωξύνθησαν, κοιλίη τε τῶν προσενεχθέντων οὐδὲν διέδωκεν ἄξιον λόγου, οὖρά τε λεπτὰ καὶ ὀλίγα διῄει‧ ὕπνοι οὐκ ἐνῆσαν‧ ἐμφύσημα κακόν, πολὺ δίψοσ, κωματώδησ, ὑποχονδρίου δεξιοῦ ἔπαρμα σὺν ὀδύνῃ, ἄκρεα πάντοθεν ὑπόψυχρα, σμικρὰ παρέλεγε, λήθη πάντων ὅ τι λέγοι, παρεφέρετο. περὶ δὲ τεσσα ρεσκαιδεκάτην, ἀφ’ ἧσ κατεκλίθη, Ῥιγώσασ ἐπεθερμάνθη‧ ἐξεμάνη‧ βοή, ταραχή, λόγοι πολλοί, καὶ πάλιν ἵδρυσισ, καὶ τὸ κῶμα τηνικαῦτα προσῆλθε. μετὰ δὲ ταῦτα κοιλίη ταραχώδησ πολλοῖσι χολώδεσιν, ἀκρήτοισιν, ὠμοῖσιν‧ οὖρα μέλανα, σμικρά, λεπτά‧ πολλὴ δυσφορίη‧ τὰ τῶν διαχωρημάτων ποικίλωσ‧ ἢ γὰρ μέλανα καὶ σμικρὰ καὶ ἰώδεα ἢ λιπαρὰ καὶ ὠμὰ καὶ δακνώδεα‧ κατὰ δὲ χρόνουσ ἐδόκει καὶ γαλακτώδεα διδόναι. περὶ δὲ εἰκοστὴν τετάρτην διὰ παρηγορίησ‧ τὰ μὲν ἄλλα ἐπὶ τῶν αὐτῶν, σμικρὰ δὲ κατενόησεν‧ ἐξ οὗ δὲ κατεκλίθη, οὐδενὸσ ἐμνήσθη‧ πάλιν δὲ ταχὺ παρενόει, ὡρ́μητο πάντα ἐπὶ τὸ χεῖρον. περὶ δὲ τριηκοστὴν πυρετὸσ ὀξύσ, διαχωρήματα πολλὰ λεπτά, παράληροσ, ἄκρεα ψυχρά, ἄφωνοσ. τριηκοστῇ τετάρτῃ ἔθανε. τούτῳ διὰ τέλεοσ, ἐξ οὗ καὶ ἐγὼ οἶδα, κοιλίη ταραχώδησ, οὖρα λεπτὰ μέλανα, κωματώδησ, ἄγρυπνοσ, ἄκρεα ψυχρά, παράληροσ διὰ τέλεοσ. ιδ’. Ἐν Κυζίκῳ γυναικὶ θυγατέρασ τεκούσῃ διδύμασ καὶ δυστοκησάσῃ καὶ οὐ πάνυ καθαρθείσῃ τῇ πρώτῃ πυρετὸσ φρικώδησ ὀξύσ, κεφαλῆσ καὶ τραχήλου βάροσ μετ’ ὀδύνησ‧ ἄγρυπνοσ ἐξ ἀρχῆσ, σιγῶσα δὲ καὶ σκυθρωπὴ καὶ οὐ πειθομένη‧ οὖρα λεπτὰ καὶ ἄχρω‧ διψώδησ, ἀσώδησ τὸ πολύ, κοιλίη πεπλανημένωσ ταραχώδησ καὶ πάλιν συνισταμένη. ἕκτῃ ἐσ νύκτα πολλὰ παρέλεγε, οὐδὲν ἐκοιμήθη. περὶ δὲ ἑνδεκάτην ἐοῦσα ἐξεμάνη καὶ πάλιν κατενόει‧ οὖρα μέλανα, λεπτὰ καὶ πάλιν διαλείποντα ἐλαιώδεα‧ κοιλίη πολλοῖσι, λεπτοῖσι, ταραχώδεσι. τεσσαρεσκαιδεκάτῃ σπασμοὶ πολλοί, ἄκρεα ψυχρά, οὐδὲν ἔτι κατενόει, οὖρα ἐπέστη. ἑξκαιδεκάτῃ ἄφωνοσ‧ ἑπτακαιδεκάτῃ ἀπέθανε. ιε’. Ἐν Θάσῳ Δελεάρκεοσ γυναῖκα, ἣ κατέκειτο ἐπὶ τοῦ λείου, πυρετὸσ φρικώδησ, ὀξὺσ ἐκ λύπησ ἔλαβεν. ἐξ ἀρχῆσ δὲ περιεστέλλετο καὶ διὰ τέλεοσ αἰεὶ σιγῶσα ἐψηλάφα, ἔτιλλεν, ἔγλυφεν, ἐτριχολόγει, δάκρυα καὶ πάλιν γέλωσ, οὐκ ἐκοιμᾶτο‧ ἀπὸ κοιλίησ ἐρεθισμῷ οὐδὲν διῄει‧ σμικρὰ ὑπομιμνῃσκόντων ἔπινεν‧ οὖρα λεπτὰ σμικρά‧ πυρετοὶ πρὸσ χεῖρα λεπτοί‧ ἀκρέων ψύξισ. ἐνάτῃ πολλὰ παρέλεγε καὶ πάλιν ἱδρύνθη‧ σιγῶσα. τεσσαρεσκαιδεκάτῃ πνεῦμα ἀραιόν, μέγα διὰ χρόνου καὶ πάλιν βραχύπνοοσ. ἑπτακαιδεκάτῃ ἀπὸ κοιλίησ ἐρεθισμῷ ταραχώδεα, ἔπειτα δὲ αὐτὰ τὰ ποτὰ διῄει, οὐδὲν συνίστατο‧ ἀναισθήτωσ εἶχε πάντων‧ δέρματοσ περίτασισ καρφαλέου. εἰκοστῇ λόγοι πολλοὶ καὶ πάλιν ἱδρύνθη‧ ἄφωνοσ, βραχύπνοοσ. εἰκοστῇ πρώτῃ ἀπέθανε. ταύτῃ διὰ τέλεοσ πνεῦμα ἀραιόν, μέγα‧ ἀναι‐ σθήτωσ πάντων εἶχεν‧ αἰεὶ περιεστέλλετο‧ ἢ λόγοι πολλοὶ ἢ σιγῶσα διὰ τέλεοσ. ισ’. Ἐν Μελιβοίῃ νεηνίσκοσ ἐκ πότων καὶ ἀφροδισίων πολλῶν πολὺν χρόνον θερμανθεὶσ κατεκλίθη‧ φρικώδησ δὲ καὶ ἀσώδησ ἦν καὶ ἄγρυπνοσ καὶ ἄδιψοσ. ἀπὸ δὲ κοιλίησ τῇ πρώτῃ πολλὰ κόπρανα διῆλθε σὺν περιρρόῳ πολλῷ, καὶ τὰσ ἑπομένασ ὑδατόχλοα πολλὰ διῄει‧ οὖρα λεπτά, ὀλίγα, ἄχρω‧ πνεῦμα ἀραιόν, μέγα διὰ χρόνου‧ ὑποχονδρίου ἔντασισ ὑπολάπαροσ, παραμήκησ ἐξ ἀμφοτέρων‧ καρδίησ παλμὸσ διὰ τέλεοσ συνεχήσ‧ οὔρησεν ἐλαιῶδεσ. δεκάτῃ παρέκρουσεν ἀτρεμέωσ, ἦν δὲ κόσμιόσ τε καὶ σιγῶν‧ δέρμα καρφαλέον καὶ περιτεταμένον‧ διαχωρήματα ἢ πολλὰ καὶ λεπτὰ ἢ χολώδεα, λιπαρά. τεσσαρεσ καιδεκάτῃ πάντα παρωξύνθη, παρέκρουσεν, πολλὰ παρέλεγεν. εἰκοστῇ ἐξεμάνη, πολὺσ βληστρισμόσ, οὐδὲν οὔρει, σμικρὰ ποτὰ κατείχετο. εἰκοστῇ τετάρτῃ ἀπέθανε.

일치하는 문장이 없습니다.

SEARCH

MENU NAVIGATION