헬라어 문장 검색 - Ηιπποξ́Ηιπποξρ́3́02́0́

(히포크라테스, Hippocrates Collected Works I, EPIDHMIWN A, Ἑκκαίδεκα ἀρ́ρωστοι)

Πυθίωνι, ὃσ ᾤκει παρὰ Γῆσ ἱρόν, ἤρξατο τρόμοσ ἀπὸ χειρῶν‧ τῇ πρώτῃ πυρετὸσ ὀξύσ‧ λῆροσ. δευτέρῃ πάντα παρωξύνθη. τρίτῃ τὰ αὐτά. τετάρτῃ ἀπὸ κοιλίησ ὀλίγα, ἄκρητα, χολώδεα διῆλθε. πέμπτῃ πάντα παρωξύνθη‧ ὕπνοι λεπτοί‧ κοιλίη ἔστη. ἕκτῃ πτύαλα ποικίλα, ὑπέρυθρα. ἑβδόμῃ στόμα παρειρύσθη. ὀγδόῃ πάντα παρωξύνθη, τρόμοι παρέμενον‧ οὖρα δὲ κατ’ ἀρχὰσ μὲν καὶ μέχρι τῆσ ὀγδόησ λεπτά, ἄχρω‧ ἐναιώρημα εἶχον ἐπινέφελον. δεκάτῃ ἵδρωσε, πτύαλα ὑποπέπονα, ἐκρίθη‧ οὖρα ὑπόλεπτα περὶ κρίσιν. μετὰ δὲ κρίσιν, τεσσαράκοντα ἡμέρῃσιν ὕστερον, ἐμπύημα περὶ ἕδρην, καὶ στραγγουριώδησ ἐγένετο ἀπόστασισ. Ἑρμοκράτην, ὃσ κατέκειτο παρὰ τὸ καινὸν τεῖχοσ, πῦρ ἔλαβεν. ἤρξατο δὲ ἀλγεῖν κεφαλήν, ὀσφῦν‧ ὑποχονδρίου ἔντασισ λαπαρῶσ‧ γλῶσσα δὲ ἀρχομενῳ ἐπεκαύθη‧ κώφωσισ αὐτίκα‧ ὕπνοι οὐκ ἐνῆσαν‧ διψώδησ οὐ λίην‧ οὖρα παχέα, ἐρυθρά, κείμενα οὐ καθίστατο‧ ἀπὸ δὲ κοιλίησ οὐκ ὀλίγα συγκεκαυμένα διῄει. πέμπτῃ οὔρησε λεπτά, εἶχεν ἐναιώρημα, οὐχ ἵδρυτο, ἐσ νύκτα παρέκρουσεν. ἕκτῃ ἰκτεριώδησ, πάντα παρωξύνθη, οὐ κατενόει. ἑβδόμῃ δυσφόρωσ, οὖρα λεπτά, ὅμοια. τὰσ ἑπομένασ παραπλησίωσ. περὶ δὲ ἑνδεκάτην ἐόντι πάντα ἔδοξε κουφισθῆναι‧ κῶμα ἤρξατο, οὔρει παχύτερα, ὑπέρυθρα, κάτω λεπτά‧ οὐ καθίστατο‧ ἡσυχῇ κατενόει. τεσσαρεσκαιδεκάτῃ ἄπυροσ, οὐχ ἵδρωσεν, ἐκοιμήθη, κατενόει πάντα, οὖρα παρα πλήσια. περὶ δὲ ἑπτακαιδεκάτην ἐόντι ὑπέστρεψεν, ἐθερμάνθη. τὰσ ἑπομένασ πυρετὸσ ὀξύσ, οὖρα λεπτά, παρέκρουσεν. πάλιν δὲ εἰκοστῇ ἐκρίθη, ἄπυροσ, οὐχ ἵδρωσεν. ἀπόσιτοσ παρὰ πάντα τὸν χρόνον, κατενόει πάντα, διαλέγεσθαι οὐκ ἠδύνατο, γλῶσσα ἐπίξηροσ, οὐκ ἐδίψη‧ κατεκοιμᾶτο σμικρά, κωματώδησ. περὶ δὲ εἰκοστὴν καὶ τετάρτην ἐπεθερμάνθη, κοιλίη ὑγρὴ πολλοῖσι λεπτοῖσι. καὶ τὰσ ἑπομένασ πυρετὸσ ὀξύσ, γλῶσσα συνεκαύθη. ἑβδόμῃ καὶ εἰκοστῇ ἀπέθανε. τούτῳ κώφωσισ διὰ τέλεοσ παρέμενεν, οὖρα παχέα καὶ ἐρυθρά, οὐ καθιστάμενα, ἢ λεπτὰ καὶ ἄχρω καὶ ἐναιώρημα ἔχοντα‧ γεύεσθαι δὲ οὐκ ἠδύνατο. Ὁ κατακείμενοσ ἐν τῷ Δελεάρκεοσ κήπῳ κεφαλῆσ βάροσ καὶ κρόταφον δεξιὸν ἐπώδυνον εἶχε χρόνον πολύν. μετὰ δὲ προφάσιοσ πῦρ ἔλαβε, κατεκλίθη. δευτέρῃ ἐξ ἀριστεροῦ ὀλίγον ἄκρητον ἐρρύη‧ ἀπὸ δὲ κοιλίησ κόπρανα καλῶσ διῆλθεν, οὖρα λεπτὰ ποικίλα, ἐναιωρήματα ἔχοντα κατὰ σμικρὰ οἱο͂ν κρίμνα, γονοειδέα. τρίτῃ πυρετὸσ ὀξύσ, διαχωρήματα μέλανα, λεπτά, ἔπαφρα, ὑπόστασισ πελιδνὴ διαχωρήμασιν, ὑπεκαροῦτο, ἐδυσφόρει περὶ τὰσ ἀναστάσιασ, οὔροισ ὑπόστασισ πελιδνή, ὑπόγλισχροσ. τετάρτῃ ἤμεσε χολώδεα ξανθὰ ὀλίγα, διαλιπὼν ὀλίγον ἰώδεα, ἐξ ἀριστεροῦ ὀλίγον ἄκρητον ἐρρύη, διαχωρήματα ὅμοια, οὖρα ὅμοια, ἐφίδρωσε περὶ κεφαλὴν καὶ κληῖδασ, σπλὴν ἐπήρθη, μηροῦ ὀδύνη κατ’ ἴξιν, ὑποχονδρίου δεξιοῦ σύντασισ ὑπολάπαροσ, νυκτὸσ οὐκ ἐκοιμήθη, παρέκρουσε σμικρά. πέμπτῃ δια χωρήματα πλείω, μέλανα, ἔπαφρα, ὑπόστασισ μέλαινα διαχωρήμασι, νύκτα οὐχ ὕπνωσε, παρέκρουσεν. ἕκτῃ διαχωρήματα μέλανα, λιπαρά, γλίσχρα, δυσώδεα, ὕπνωσε, κατενόει μᾶλλον. ἑβδόμῃ γλῶσσα ἐπίξηροσ, διψώδησ, οὐκ ἐκοιμήθη, παρέκρουσεν, οὖρα λεπτά, οὐκ εὔχρω. ὀγδόῃ διαχωρήματα μέλανα ὀλίγα, συνεστηκότα, ὕπνωσε, κατενόει, διψώδησ οὐ λίην. ἐνάτῃ ἐπερρίγωσε, πυρετὸσ ὀξύσ, ἵδρωσε, ψύξισ, παρέκρουσε, δεξιῷ ἴλλαινε, γλῶσσα ἐπίξηροσ, διψώδησ, ἄγρυπνοσ. δεκάτῃ περὶ τὰ αὐτά. ἑνδεκάτῃ κατενόει πάντα, ἄπυροσ, ὑπνωσεν, οὖρα λεπτὰ περὶ κρίσιν. δύο διέλιπεν ἄπυροσ, ὑπέστρεψεν τεσσαρεσ καιδεκάτῃ, αὐτίκα δὲ νύκτα οὐκ ἐκοιμήθη, πάντα παρέκρουσεν. πεντεκαιδεκάτῃ οὖρον θολερόν, οἰο͂ν ἐκ τῶν καθεστηκότων γίνεται, ὅταν ἀναταραχθῇ, πυρετὸσ ὀξύσ, πάντα παρέκρουσεν, οὐκ ἐκοιμήθη, γούνατα καὶ κνήμασ ἐπώδυνα εἶχεν‧ ἀπὸ δὲ κοιλίησ βάλανον προσθεμένῳ μέλανα κόπρανα διῆλθεν. ἑξκαιδεκάτῃ οὖρα λεπτά, εἶχεν ἐναιώρημα ἐπινέφελον, παρέκρουσεν. ἑπτακαιδεκάτῃ πρωϊ ἄκρεα ψυχρά, περιεστέλλετο, πυρετὸσ ὀξύσ, ἵδρωσε δι’ ὅλου, ἐκουφίσθη, κατενόει μᾶλλον, οὐκ ἄπυροσ, διψώδησ, ἤμεσε χολώδεα, ξανθά, ὀλίγα, ἀπὸ δὲ κοιλίησ κόπρανα διῆλθε, μετ’ ὀλίγον δὲ μέλανα, ὀλίγα, λεπτά‧ οὖρα λεπτά, οὐκ εὔχρω. ὀκτωκαιδεκάτῃ οὐ κατενόει, κωματώδησ. ἐννεακαιδεκάτῃ διὰ τῶν αὐτῶν. εἰκοστῇ ὕπνωσε, κατενόει πάντα, ἵδρωσεν, ἄπυροσ, οὐκ ἐδίψη, οὖρα δὲ λεπτά. εἰκοστῇ πρώτῃ σμικρὰ παρέκρουσεν, ὑπεδίψη, ὑπο χονδρίου πόνοσ καὶ περὶ ὀμφαλὸν παλμὸσ διὰ τέλεοσ. εἰκοστῇ τετάρτῃ οὔροισιν ὑπόστασισ, κατενόει πάντα. εἰκοστῇ ἑβδόμῃ ἰσχίου δεξιοῦ ὀδύνη, τὰ δ’ ἄλλα ἔσχεν ἐπιεικέστατα, οὔροισιν ὑπόστασισ. περὶ δὲ εἰκοστὴν ἐνάτην ὀφθαλμοῦ δεξιοῦ ὀδύνη, οὖρα λεπτά. τεσσαρακοστῇ διεχώρησε φλεγματώδεα, λευκά, ὑπόσυχνα, ἵδρωσε πολλῷ δι’ ὅλου, τελέωσ ἐκρίθη. Ἐν Θάσῳ Φιλιστῆσ κεφαλὴν ἐπόνει χρόνον πολὺν καί ποτε καὶ ὑποκαρωθεὶσ κατεκλίθη‧ ἐκ δὲ πότων πυρετῶν συνεχέων γενομένων ὁ πόνοσ παρωξύνθη. νυκτὸσ ἐπεθερμάνθη τὸ πρῶτον. τῇ πρώτῃ ἤμεσε χολώδεα, ὀλίγα, ξανθὰ τὸ πρῶτον, μετὰ δὲ ταῦτα ἰώδεα πλείω, ἀπὸ δὲ κοιλίησ κόπρανα διῆλθε‧ νύκτα δυσφόρωσ. δευτέρῃ κώφωσισ, πυρετὸσ ὀξύσ, ὑποχόνδριον δεξιὸν συνετάθη, ἔρρεπεν ἐσ τὰ ἔσω‧ οὖρα λεπτά, διαφανέα, εἶχεν ἐναιώρημα γονοειδέσ, σμικρόν‧ ἐξεμάνη περὶ μέσον ἡμέρησ. τρίτῃ δυσφόρωσ. τετάρτῃ σπασμοί, παρωξύνθη. πέμπτῃ πρωὶ ἀπέθανεν. Χαιρίωνα, ὃσ κατέκειτο παρὰ Δημαινέτῳ, ἐκ πότου πῦρ ἔλαβεν. αὐτίκα δὲ κεφαλῆσ βάροσ ἐπώδυνον, οὐκ ἐκοιμᾶτο, κοιλίη ταραχώδησ λεπτοῖσιν, ὑποχολώδεσι. τρίτῃ πυρετὸσ ὀξύσ, κεφαλῆσ τρόμοσ, μάλιστα δὲ χείλεοσ τοῦ κάτω‧ μετ’ ὀλίγον δὲ Ῥῖγοσ, σπασμοί, πάντα παρέκρουσε, νύκτα δυσφόρωσ. τετάρτῃ δι’ ἡσυχίησ, σμικρὰ ἐκοιμήθη, παρέλεγε. πέμπτῃ ἐπιπόνωσ, πάντα παρωξύνθη, λῆροσ, νύκτα δυσφόρωσ, οὐκ ἐκοιμήθη. ἕκτῃ διὰ τῶν αὐτῶν. ἑβδόμῃ ἐπερρίγωσε, πυρετὸσ ὀξύσ, ἵδρωσε δι’ ὅλου, ἐκρίθη. τούτῳ διὰ τέλεοσ ἀπὸ κοιλίησ διαχωρήματα χολώδεα, ὀλίγα, ἄκρητα‧ οὖρα λεπτά, οὐκ εὔχρω, ἐναιώρημα ἐπινέφελον ἔχοντα. περὶ ὀγδόην οὔρησεν εὐχροώτερα, ἔχοντα ὑπόστασιν λευκὴν ὀλίγην, κατενόει, ἄπυροσ‧ διέλιπεν. ἐνάτῃ ὑπέστρεψε. περὶ δὲ τεσσαρεσκαιδεκάτην πυρετὸσ ὀξύσ. ἑκκαιδεκάτῃ ἤμεσε χολώδεα, ξανθά, ὑπόσυχνα. ἑπτακαιδεκάτῃ ἐπερρίγωσε, πυρετὸσ ὀξύσ, ἵδρωσεν, ἄπυροσ ἐκρίθη. οὖρα μετὰ ὑποστροφὴν καὶ κρίσιν εὔχρω, ὑπόστασιν ἔχοντα, οὐδὲ παρέκρουσεν ἐν τῇ ὑποστροφῇ. ὀκτωκαιδεκάτῃ ἐθερμαίνετο σμικρά, ὑπεδίψη, οὖρα λεπτά, ἐναιώρημα ἐπινέφελον, σμικρὰ παρέκρουσεν. ἐννεακαιδεκάτῃ ἄπυροσ, τράχηλον ἐπωδύνωσ εἶχεν, οὔροισιν ὑπόστασισ. τελέωσ ἐκρίθη εἰκοστῇ. Τὴν Εὐρυάνακτοσ θυγατέρα, παρθένον, πῦρ ἔλαβεν. ἦν δὲ ἄδιψοσ διὰ τέλεοσ‧ γεύματα οὐ προσεδέχετο. ἀπὸ δὲ κοιλίησ σμικρὰ διῄει, οὖρα λεπτά, ὀλίγα, οὐκ εὔχρω. ἀρχομένου δὲ τοῦ πυρετοῦ περὶ ἕδρην ἐπόνει. ἑκταίη δὲ ἐοῦσα ἄπυροσ οὐχ ἵδρωσεν‧ ἐκρίθη. τὸ δὲ περὶ τὴν ἕδρην σμικρὰ ἐξεπύησεν, ἐρράγη ἅμα κρίσει. μετὰ δὲ κρίσιν ἑβδομαίη ἐοῦσα ἐρρίγωσε, σμικρὰ ἐπεθερμάνθη, ἵδρωσεν. ὕστερον δὲ ἄκρεα ψυχρὰ αἰεί. περὶ δὲ δεκάτην μετὰ τὸν ἱδρῶτα τὸν γενόμενον παρέκρουσε καὶ πάλιν ταχὺ κατενόει‧ ἔλεγον δὲ γευσαμένην βότρυοσ. διαλιποῦσα δὲ δωδεκάτῃ πάλιν πολλὰ παρελήρει, κοιλίη ἐπεταράχθη χολώδεσιν, ἀκρήτοισιν, ὀλίγοισι, λεπτοῖσι, δακνώδεσι, πυκνὰ ἀνίστατο. ἀφ’ ἧσ δὲ παρέκρουσε τὸ ὕστερον, ἀπέθανε ἑβδόμῃ. αὕτη ἀρχομένου τοῦ νοσήματοσ ἤλγει φάρυγγα, καὶ διὰ τέλεοσ ἔρευθοσ εἶχε, γαργαρεὼν ἀνεσπασμένοσ. Ῥεύματα πολλά, σμικρά, δριμέα. ἔβησσε πέπονα, οὐδὲν ἀνῆγεν‧ ἀπόσιτοσ πάντων παρὰ πάντα τὸν χρόνον οὐδ’ ἐπεθύμησεν οὐδενόσ. ἄδιψοσ, οὐδ’ ἔπινεν οὐδὲν ἄξιον λόγου. σιγῶσα, οὐδὲν διελέγετο. δυσθυμίη, ἀνελπίστωσ ἑωυτῆσ εἶχεν. ἦν δέ τι καὶ συγγενικὸν φθινῶδεσ. Ἡ κυναγχικὴ ἡ παρὰ Ἀριστίωνοσ, ᾗ πρῶτον ἤρξατο ἀσαφὴσ φωνή. γλῶσσα ἐρυθ ρή, ἐπεξηράνθη. τῇ πρώτῃ φρικώδησ, ἐπεθερμάνθη. τρίτῃ Ῥῖγοσ, πυρετὸσ ὀξύσ, οἴδημα ὑπέρυθρον, σκληρὸν τραχήλου καὶ ἐπὶ στῆθοσ ἐξ ἀμφοτέρων, ἄκρεα ψυχρά, πελιδνά, πνεῦμα μετέωρον, ποτὸν διὰ Ῥινῶν, καταπίνειν οὐκ ἠδύνατο, διαχωρήματα καὶ οὖρα ἐπέστη. τετάρτῃ πάντα παρωξύνθη. πέμπτῃ ἀπέθανε. Τὸ μειράκιον, ὃ κατέκειτο ἐπὶ ψευδέων ἀγορῇ, πῦρ ἔλαβεν ἐκ κόπων καὶ πόνων καὶ δρόμων παρὰ τὸ ἔθοσ. τῇ πρώτῃ κοιλίη ταραχώδησ χολώδεσι, λεπτοῖσι, πολλοῖσιν, οὖρα λεπτά, ὑπομέλανα, οὐχ ὕπνωσε, διψώδησ. δευτέρῃ πάντα παρωξύνθη, διαχωρήματα πλείω, ἀκαιρότερα. οὐχ ὕπνωσε, τὰ τῆσ γνώμησ ταραχώδεα, σμικρὰ ὑφίδρωσε. τρίτῃ δυσφόρωσ, διψώδησ, ἀσώδησ, πολὺσ βληστρισμόσ, ἀπορίη, παρέκρουσεν, ἄκρεα πελιδνὰ καὶ ψυχρά, ὑποχονδρίου ἔντασισ ὑπολάπαροσ ἐξ ἀμφοτέρων. τετάρτῃ οὐχ ὕπνωσεν‧ ἐπὶ τὸ χεῖρον. ἑβδόμῃ ἀπέθανεν, ἡλικίην περὶ ἔτεα εἴκοσιν. Ἡ παρὰ Τεισαμενοῦ γυνὴ κατέκειτο, ᾗ τὰ εἰλεώδεα δυσφόρωσ ὡρ́μησεν. ἔμετοι πολλοί, ποτὸν κατέχειν οὐκ ἠδύνατο. πόνοι περὶ ὑποχόνδρια. καὶ ἐν τοῖσι κάτω κατὰ κοιλίην οἱ πόνοι. στρόφοι συνεχέεσ. οὐ διψώδησ. ἐπεθερμαίνετο, ἄκρεα ψυχρὰ διὰ τέλεοσ. ἀσώδησ, ἄγρυπνοσ. οὖρα ὀλίγα, λεπτά. διαχωρήματα ὠμά, λεπτὰ, ὀλίγα. ὠφελεῖν οὐκέτι ἠδύνατο, ἀπέθανεν. Γυναῖκα ἐξ ἀποφθορῆσ νηπίου τῶν περὶ Παντιμίδην τῇ πρώτῃ πῦρ ἔλαβε. γλῶσσα ἐπίξηροσ, διψώδησ, ἀσώδησ, ἄγρυπνοσ. κοιλίη ταραχώδησ λεπτοῖσι, πολλοῖσιν, ὠμοῖσι. δευτέρῃ ἐπερρίγωσε, πυρετὸσ ὀξύσ, ἀπὸ κοιλίησ πολλά, οὐχ ὕπνωσε. τρίτῃ μείζουσ οἱ πόνοι. τετάρτῃ παρέκρουσεν‧ ἑβδόμῃ ἀπέθανε. κοιλίη διὰ παντὸσ ὑγρὴ διαχωρήμασι πολλοῖσι, λεπτοῖσιν, ὠμοῖσιν‧ οὖρα ὀλίγα λεπτά. Ἑτέρην ἐξ ἀποφθορῆσ περὶ πεντάμηνον, Ἱκέτεω γυναῖκα, πῦρ ἔλαβεν. ἀρχομένη κωματώδησ ἦν, καὶ πάλιν ἄγρυπνοσ, ὀσφύοσ ὀδύνη, κεφαλῆσ βάροσ. δευτέρῃ κοιλίη ἐπεταράχθη ὀλίγοισι, λεπτοῖσιν, ἀκρήτοισι τὸ πρῶτον. τρίτῃ πλείω, χείρω‧ νυκτὸσ οὐδὲν ἐκοιμήθη. τετάρτῃ παρέκρουσε, φόβοι, δυσθυμίαι. δεξιῷ ἴλλαινε, ἵδρωσε περι κεφαλὴν ὀλίγῳ ψυχρῷ, ἄκρεα ψυχρά‧ πέμπτῃ πάντα παρωξύνθη, πολλὰ παρέλεγε καὶ πάλιν ταχὺ κατενόει‧ ἄδιψοσ, ἄγρυπνοσ, κοιλίη πολλοῖσιν ἀκαίροισι διὰ τέλεοσ‧ οὖρα ὀλίγα, λεπτά, ὑπομέλανα‧ ἄκρεα ψυχρά, ὑποπέλιδνα. ἕκτῃ διὰ τῶν αὐτῶν. ἑβδόμῃ ἀπέθανε. Γυναῖκα, ἥτισ κατέκειτο ἐπὶ ψευδέων ἀγορῇ, τεκοῦσαν τότε πρῶτον ἐπιπόνωσ ἄρσεν πῦρ ἔλαβεν. αὐτίκα ἀρχομένη διψώδησ, ἀσώδησ, καρδίην ὑπήλγει, γλῶσσα ἐπίξηροσ, κοιλίη ἐπεταράχθη λεπτοῖσιν ὀλίγοισιν, οὐχ ὕπνωσε. δευτέρῃ σμικρὰ ἐπερρίγωσε, πυρετὸσ ὀξύσ, σμικρὰ περὶ κεφαλὴν ἵδρωσε ψυχρῷ. τρίτῃ ἐπιπόνωσ‧ ἀπὸ κοιλίησ ὠμά, λεπτὰ πολλὰ διῄει. τετάρτῃ ἐπερρίγωσε, πάντα παρωξύνθη‧ ἄγρυπνοσ‧ πέμπτῃ ἐπιπόνωσ. ἕκτῃ διὰ τῶν αὐτῶν‧ ἀπὸ κοιλίησ ἦλθε ὑγρὰ πολλά. ἑβδόμῃ ἐπερρίγωσε, πυρετὸσ ὀξύσ, δίψα, πολὺσ βληστρισμόσ, περὶ δείλην ἵδρωσε δι’ ὅλου ψυχρῷ, ψύξισ, ἄκρεα ψυχρά, οὐκέτι ἀνεθερμαίνετο‧ καὶ πάλιν ἐσ νύκτα ἐπερρίγωσεν, ἄκρεα οὐκ ἀνεθερμαίνετο, οὐχ ὕπνωσε, σμικρὰ παρέκρουσε, καὶ πάλιν ταχὺ κατενόει. ὀγδόῃ περὶ μέσον ἡμέρησ ἀνεθερμάνθη, διψώδησ, κωματώδησ, ἀσώδησ, ἤμεσε χολώδεα σμικρὰ ὑπόξανθα. νύκτα δυσφόρωσ, οὐκ ἐκοιμήθη, οὔρησε πολὺ ἀθρόον οὐκ εἰδυῖα. ἐνάτῃ συνέδωκε πάντα, κωματώδησ. πρὸσ δείλην σμικρὰ ἐπερρίγωσεν, ἤμεσε σμικρὰ χολώδεα. δεκάτῃ Ῥῖγοσ, πυρετὸσ παρωξύνθη, οὐχ ὕπνωσεν οὐδέν‧ πρωὶ οὔρησε πολὺ ὑπόστασιν οὐκ ἔχον, ἄκρεα ἀνεθερμάνθη. ἑνδεκάτῃ ἤμεσε χολώδεα, ἰώδεα. ἐπερρίγωσεν οὐ μετὰ πολύ, καὶ πάλιν ἄκρεα ψυχρά, ἐσ δείλην ἱδρώσ, Ῥῖγοσ, ἤμεσε πολλά, νύκτα ἐπιπόνωσ. δωδεκάτῃ ἤμεσε πολλὰ μέλανα δυσώδεα, λυγμὸσ πολύσ, δίψοσ ἐπιπόνωσ. τρισκαιδεκάτῃ μέλανα, δυσώδεα πολλὰ ἤμεσε, Ῥῖγοσ‧ περὶ δὲ μέσον ἡμέρησ ἄφωνοσ. τεσσαρεσκαιδεκάτῃ αἷμα διὰ Ῥινῶν‧ ἀπέθανε. ταύτῃ διὰ τέλεοσ κοιλίη ὑγρή‧ φρικώδησ‧ ἡλικίη περὶ ἔτεα ἑπτακαίδεκα. ΙΙ. Ἔτοσ νότιον ἔπομβρον‧ ἄπνοια διὰ τέλεοσ‧ αὐχμῶν δὲ γενομένων τοὺσ ὑπόπροσθεν χρόνουσ ἐν νοτίοισι περὶ ἀρκτοῦρον ὕδατα πολλά. φθινόπωρον σκιῶδεσ, ἐπινέφελον, ὑδάτων πλήθεα. χειμὼν νότιοσ, ὑγρόσ, μαλθακὸσ μετὰ ἡλίου τροπάσ‧ ὕστερον πολλῷ, πλησίον ἰσημερίησ, ὀπισθοχειμῶνεσ, καὶ ἤδη περὶ ἰσημερίην βόρεια, χιονώδεα, οὐ πολὺν χρόνον. ἦρ πάλιν νότιον, ἄπνοον‧ ὕδατα πολλὰ διὰ τέλεοσ μέχρι κυνόσ. θέροσ αἴθριον, θερμόν, πνίγεα μεγάλα‧ ἐτησίαι σμικρὰ διεσπασμένωσ ἔπνευσαν‧ πάλιν δὲ περὶ ἀρκτοῦρον ἐν βορείοισιν ὕδατα πολλά. Γενομένου δὲ τοῦ ἔτεοσ νοτίου καὶ ὑγροῦ καὶ μαλθακοῦ κατὰ μὲν χειμῶνα διῆγον ὑγιηρῶσ πλὴν τῶν φθινωδέων, περὶ ὧν γεγράψεται. ΙΙΙ. Πρωὶ δὲ τοῦ ἦροσ ἅμα τοῖσι γενομένοισι ψύχεσιν ἐρυσιπέλατα πολλά, τοῖσι μὲν μετὰ προφάσιοσ, τοῖσι δ’ οὔ, κακοήθεα‧ πολλοὺσ ἔκτεινε, πολλοὶ φάρυγγασ ἐπόνησαν‧ φωναὶ κακούμεναι, καῦσοι, φρενιτικοί, στόματα ἀφθώδεα, αἰδοίοισι φύματα, ὀφθαλμίαι, ἄνθρακεσ, κοιλίαι ταραχώδεεσ, ἀπόσιτοι, διψώδεεσ οἱ μέν, οἱ δ’ οὔ, οὖρα ταραχώδεα, πολλά, κακά, κωματώδεεσ ἐπὶ πολὺ καὶ πάλιν ἄγρυπνοι, ἀκρισίαι πολλαί, δύσκριτα, ὕδρωπεσ, φθινώδεεσ πολλοί. τὰ μὲν ἐπιδημήσαντα νοσήματα ταῦτα. ἑκάστου δὲ τῶν ὑπογεγραμμένων εἰδέων ἦσαν οἱ κάμνοντεσ καὶ ἔθνῃσκον πολλοί. συνέπιπτε δ’ ἐφ’ ἑκάστοισι τούτων ὧδε. Ιϝ. Πολλοῖσι μὲν τὸ ἐρυσίπελασ μετὰ προφάσιοσ ἐπὶ τοῖσι τυχοῦσι καὶ πάνυ ἐπὶ σμικροῖσι τρωματίοισ ἐφ’ ὅλῳ τῷ σώματι, μάλιστα δὲ τοῖσι περὶ ἑξήκοντα ἔτεα καὶ περὶ κεφαλήν, εἰ καὶ σμικρὸν ἀμεληθείη. πολλοῖσι δὲ καὶ ἐν θεραπείῃ ἐοῦσι μεγάλαι φλεγμοναὶ ἐγίνοντο, καὶ τὸ ἐρυσίπελασ πολὺ ταχὺ πάντοθεν ἐπενέμετο. τοῖσι μὲν οὖν πλείστοισιν αὐτῶν ἀποστάσιεσ ἐσ ἐμπυήματα συνέπιπτον‧ σαρκῶν καὶ νεύρων καὶ ὀστέων ἐκπτώσιεσ μεγάλαι. ἦν δὲ καὶ τὸ Ῥεῦμα τὸ συνιστάμενον οὐ πύῳ ἴκελον, ἀλλὰ σηπεδών τισ ἄλλη καὶ Ῥεῦμα πολὺ καὶ ποικίλον. οἷσι μὲν οὖν περὶ κεφαλὴν τούτων τι συμπίπτοι γίνεσθαι, μάδησίσ τε ὅλησ τῆσ κεφαλῆσ ἐγίνετο καὶ τοῦ γενείου καὶ ὀστέων ψιλώματα καὶ ἐκπτώσιεσ καὶ πολλὰ Ῥεύματα. ἐν πυρετοῖσί τε ταῦτα καὶ ἄνευ πυρετῶν. ἦν δὲ ταῦτα φοβερώτερα ἢ κακίω. οἷσι γὰρ ἐσ ἐμπύημα ἤ τινα τοιοῦτον ἀφίκοιτο πεπασμόν, οἱ πλεῖστοι τούτων ἐσῴζοντο. οἷσι δ’ ἡ μὲν φλεγμονὴ καὶ τὸ ἐρυσίπελασ ἀπέλθοι, τοιαύτην δὲ ἀπόστασιν μηδεμίαν ποιήσαιτο, τούτων ἀπώλλυντο πολλοί. ὁμοίωσ δὲ καὶ εἴ πῃ ἄλλῃ τοῦ σώματοσ πλανηθείη, συνέπιπτε ταῦτα. πολλοῖσι μὲν γὰρ βραχίων καὶ πῆχυσ ὅλοσ περιερρύη. οἷσι δ’ ἐπὶ τὰ πλευρά, ταῦτα ἐκακοῦτο ἢ τῶν ἔμπροσθέν τι ἢ τῶν ὄπισθεν. οἷσι δ’ ὅλοσ ὁ μηρὸσ ἢ τὰ περὶ κνήμην ἀπεψιλοῦτο καὶ ποὺσ ὅλοσ. ἦν δὲ πάντων χαλεπώτατα τῶν τοιούτων, ὅτε περὶ ἥβην καὶ αἰδοῖα γενοίατο. τὰ μὲν περὶ ἕλκεα καὶ μετὰ προφάσιοσ τοιαῦτα. πολλοῖσι δὲ ἐν πυρετοῖσι καὶ πρὸ πυρετοῦ καὶ ἐπὶ πυρετοῖσι συνέπιπτεν. ἦν δὲ καὶ τούτων, ὅσα μὲν ἀπόστασιν ποιήσαιτο διὰ τοῦ ἐκπυῆσαι ἢ κατὰ κοιλίην ταραχή τισ ἐπίκαιροσ ἢ χρηστῶν οὔρων διάδοσισ γένοιτο, διὰ τούτων λελύσθαι, οἷσι δὲ μηδὲν τούτων συμπίπτοι, ἀσήμωσ δὲ ἀφανιζομένων, θανατώδεα γίνεσθαι. πολὺ μὲν οὖν πλείστοισι συνέπιπτε τὰ περὶ τὸ ἐρυσίπελασ τοῦ ἦροσ. παρείπετο δὲ καὶ διὰ τοῦ θέρεοσ καὶ ὑπὸ φθινόπωρον. ϝ. Πολλὴ δὲ ταραχή τισι καὶ τὰ περὶ φάρυγγα φύματα, καὶ φλεγμοναὶ γλώσσησ, καὶ τὰ παρ’ ὀδόντασ ἀποστήματα. φωναί τε πολλοῖσιν ἐπεσήμαινον κακούμεναι καὶ κατίλλουσαι, πρῶτον μὲν τοῖσι φθινώδεσιν ἀρχομένοισιν, ἀτὰρ καὶ τοῖσι καυσώδεσι καὶ τοῖσι φρενιτικοῖσιν. ϝΙ. Ἤρξαντο μὲν οὖν οἱ καῦσοι καὶ τὰ φρενιτικὰ πρωὶ τοῦ ἦροσ μετὰ τὰ γενόμενα ψύχεα, καὶ πλεῖστοι τηνικαῦτα διενόσησαν‧ ὀξέα δὲ τούτοισι καὶ θανατώδεα συνέπιπτεν. ἦν δὲ ἡ κατάστασισ τῶν γενομένων καύσων ὧδε‧ ἀρχόμενοι κωματώδεεσ, ἀσώδεεσ, φρικώδεεσ, πυρετὸσ ὀξύσ, οὐ διψώδεεσ λίην, οὐ παράληροι, ἀπὸ Ῥινῶν ἔσταξε σμικρόν. οἱ παροξυσμοὶ τοῖσι πλείστοισιν ἐν ἀρτίῃσι, περὶ δὲ τοὺσ παροξυσμοὺσ λήθη καὶ ἄφεσισ καὶ ἀφωνίη. ἄκρεά τε τούτοισιν αἰεὶ μὲν ψυχρότερα ποδῶν καὶ χειρῶν, πολὺ δὲ περὶ τοὺσ παροξυσμοὺσ μάλιστα‧ πάλιν τε βραδέωσ καὶ οὐ καλῶσ ἀνεθερμαίνοντο καὶ πάλιν κατενόεον καὶ διελέγοντο. κατεῖχε δὲ ἢ τὸ κῶμα συνεχέσ, οὐχ ὑπνῶδεσ, ἢ μετὰ πόνων ἄγρυπνοι. κοιλίαι ταραχώδεεσ τοῖσι πλείστοισι τούτων, διαχωρήμασιν ὠμοῖσι, λεπτοῖσι, πολλοῖσιν‧ οὖρά τε πολλὰ λεπτὰ κρίσιμον οὐδὲ χρηστὸν οὐδὲν ἔχοντα‧ οὐδὲ ἄλλο κρίσιμον οὐδὲν τοῖσιν οὕτωσ ἔχουσιν ἐφαίνετο‧ οὔτε γὰρ ᾑμορράγει καλῶσ οὔτε τισ ἄλλη τῶν εἰθισμένων ἀπόστασισ ἐγένετο κρίσιμοσ. ἔθνῃσκόν τε ἕκαστοσ ὡσ τύχοι, πεπλανημένωσ τὰ πολλά, περὶ τὰσ κρίσιασ, ἐκ πολλοῦ δέ τινεσ ἄφωνοι, ἱδρῶντεσ πολλοί. τοῖσι μὲν ὀλεθρίωσ ἔχουσι συνέπιπτε ταῦτα‧ παραπλήσια δὲ καὶ τοῖσι φρενιτικοῖσιν. ἄδιψοι δὲ πάνυ οὗτοι ἦσαν, οὐδ’ ἐξεμάνη τῶν φρενιτικῶν οὐδείσ, ὥσπερ ἐπ’ ἄλλοισιν, ἀλλ’ ἄλλῃ τινὶ καταφορῇ νωθρῇ καρηβαρέεσ ἀπώλλυντο. ϝΙΙ. Ἦσαν δὲ καὶ ἄλλοι πυρετοί, περὶ ὧν γεγράψεται. στόματα πολλοῖσιν ἀφθώδεα, ἑλκώδεα. Ῥεύματα περὶ αἰδοῖα πολλά, ἑλκώματα, φύματα ἔξωθεν, ἔσωθεν‧ τὰ περὶ βουβῶνασ. ὀφθαλμίαι ὑγραί, μακροχρόνιοι μετὰ πόνων. ἐπιφύσιεσ βλεφάρων ἔξωθεν, ἔσωθεν, πολλῶν φθείροντα τὰσ ὄψιασ, ἃ σῦκα ἐπονομάζουσιν. ἐφύετο δὲ καὶ ἐπὶ τῶν ἄλλων ἑλκέων πολλὰ καὶ ἐν αἰδοίοισιν. ἄνθρακεσ πολλοὶ κατὰ θέροσ καὶ ἄλλα, ἃ σὴψ καλεῖται. ἐκθύματα μεγάλα. ἑρ́πητεσ πολλοῖσι μεγάλοι. ϝΙΙΙ. Τὰ δὲ κατὰ κοιλίην πολλοῖσι πολλὰ καὶ βλαβερὰ συνέβαινε. πρῶτον μὲν τεινεσμοὶ πολλοῖσιν ἐπιπόνωσ, πλείστοισι δὲ παιδίοισι, καὶ πᾶσιν ὅσα πρὸ ἥβησ, καὶ ἀπώλλυντο τὰ πλεῖστα τούτων. λειεντερικοὶ πολλοί. δυσεντεριώδεεσ, οὐδ’ οὗτοι λίην ἐπιπόνωσ. τὰ δὲ χολώδεα καὶ λιπαρὰ καὶ λεπτὰ καὶ ὑδατώδεα‧ πολλοῖσι μὲν αὐτὸ τὸ νόσημα ἐσ τοῦτο κατέσκηψεν ἄνευ τε πυρετῶν καὶ ἐν πυρετοῖσι. μετὰ πόνων στρόφοι καὶ ἀνειλήσιεσ κακοήθεεσ. διέξοδοί τε τῶν πολλῶν ἐνόντων τε καὶ ἐπισχόντων. τὰ δὲ διεξιόντα πόνουσ οὐ λύοντα τοῖσι τε προσφερομένοισι δυσκόλωσ ὑπακούοντα‧ καὶ γὰρ αἱ καθάρσιεσ τοὺσ πλείστουσ προσέβλαπτον. τῶν δὲ οὕτωσ ἐχόντων πολλοὶ μὲν ὀξέωσ ἀπώλλυντο, ἔστι δ’ οἷσι καὶ μακρότερα διῆγεν. ὡσ δ’ ἐν κεφαλαίῳ εἰρῆσθαι, πάντεσ, καὶ οἱ τὰ μακρὰ νοσέοντεσ καὶ οἱ τὰ ὀξέα, ἐκ τῶν κατὰ κοιλίην ἀπέθνῃσκον μάλιστα. πάντασ γὰρ κοιλίη συναπήνεγκεν. Ιχ. Ἀπόσιτοι δ’ ἐγένοντο πάντεσ μὲν καὶ ἐπὶ πᾶσι τοῖσι προγεγραμμένοισιν, ὡσ ἐγὼ οὐδὲ πώποτε ἐνέτυχον, πολὺ δὲ μάλιστα οὗτοι καὶ ἐκ τούτων καὶ ἐκ τῶν ἄλλων δὲ οἳ καὶ ὀλεθρίωσ ἔχοιεν. διψώδεεσ οἱ μέν, οἱ δ’ οὔ‧ τῶν ἐν πυρετοῖσι καὶ τοῖσιν ἄλλοισιν οὐδεὶσ ἀκαίρωσ, ἀλλ’ ἦν κατὰ ποτὸν διαιτᾶν ὡσ ἤθελεσ. χ. Οὖρα δὲ πολλὰ μὲν τὰ διεξιόντα ἦν, οὐκ ἐκ τῶν προσφερομένων ποτῶν, ἀλλὰ πολλὸν ὑπερβάλλοντα. πολλὴ δέ τισ καὶ τῶν οὔρων κακότησ ἦν τῶν ἀπιόντων. οὔτε γὰρ πάχοσ οὔτε πεπασμοὺσ οὔτε καθάρσιασ χρηστὰσ εἶχεν. ἐσήμαινεν δὲ τοῖσι πλείστοισι σύντηξιν καὶ ταραχὴν καὶ πόνουσ καὶ ἀκρισίασ. χΙ. Κωματώδεεσ δὲ μάλιστα οἱ φρενιτικοὶ καὶ οἱ καυσώδεεσ ἦσαν, ἀτὰρ καὶ ἐπὶ τοῖσ ἄλλοισι νοσήμασι πᾶσι τοῖσι μεγίστοισιν, ὅ τι μετὰ πυρετοῦ γίνοιτο. διὰ παντὸσ δὲ τοῖσι πλείστοισιν ἢ βαρὺ κῶμα παρείπετο ἢ μικροὺσ καὶ λεπτοὺσ ὕπνουσ κοιμᾶσθαι. χΙΙ. Πολλὰ δὲ καὶ ἄλλα πυρετῶν ἐπεδήμησεν εἴδεα, τριταίων, τεταρταίων, νυκτερινῶν, συνεχέων, μακρῶν, πεπλανημένων, ἀσωδέων, ἀκαταστάτων. ἅπαντεσ δὲ οὗτοι μετὰ πολλῆσ ἐγίνοντο ταραχῆσ‧ κοιλίαι τε γὰρ τοῖσι πλείστοισιν ταραχώδεεσ, φρικώδεεσ‧ ἱδρῶτεσ οὐ κρίσιμοι, καὶ τὰ τῶν οὔρων ὡσ ὑπογέγραπται. μακρὰ δὲ τοῖσι πλείστοισι τούτων‧ οὐδὲ γὰρ αἱ γινόμεναι τούτοισιν ἀποστάσιεσ ἔκρινον ὥσπερ ἐπὶ τοῖσιν ἄλλοισι. δύσκριτα μὲν οὖν πᾶσι πάντα ἐγίνετο καὶ ἀκρισίαι καὶ χρόνια, πολὺ δὲ μάλιστα τούτοισ. ἔκρινε δὲ τούτων ὀλίγοισι περὶ ὀγδοηκοστήν. τοῖσι δὲ πλείστοισιν ἐξέλειπεν ὡσ ἔτυχεν. ἔθνῃσκον δὲ τούτων ὀλίγοι ὑπὸ ὕδρωποσ ὀρθοστάδην. πολλοῖσι δὲ καὶ ἐπὶ τοῖσιν ἄλλοισι νοσήμασιν οἰδήματα παρώχλει, πολὺ δὲ μάλιστα τοῖσι φθινώδεσι. χΙΙΙ. Μέγιστον δὲ καὶ χαλεπώτατον καὶ πλείστουσ ἔκτεινε τὸ φθινῶδεσ. πολλοὶ γάρ τινεσ ἀρξάμενοι κατὰ χειμῶνα πολλοὶ μὲν κατεκλίθησαν, οἱ δὲ αὐτῶν ὀρθοστάδην ὑπεφέροντο‧ πρωὶ δὲ τοῦ ἦροσ ἔθνῃσκον οἱ πλεῖστοι τῶν κατακλιθέντων‧ τῶν δὲ ἄλλων ἐξέλιπον μὲν αἱ βῆχεσ οὐδενί, ὑφίεσαν δὲ κατὰ θέροσ. ὑπὸ δὲ τὸ φθινόπωρον κατεκλίθησαν πάντεσ καὶ πολλοὶ ἔθνῃσκον. μακρὰ δὲ τούτων οἱ πλεῖστοι διενόσεον. ἤρξατο μὲν οὖν τοῖσι πλείστοισι τούτων ἐξαίφνησ ἐκ τούτων κακοῦσθαι‧ φρικώδεεσ πυκνά. πολλάκισ πυρετοὶ συνεχέεσ, ὀξέεσ‧ ἱδρῶτεσ ἄκαιροι πολλοί, ψυχροὶ διὰ τέλεοσ‧ πολλὴ ψύξισ, καὶ μόγισ πάλιν ἀναθερμαινόμενοι‧ κοιλίαι ποικίλωσ ἐφιστάμεναι καὶ πάλιν ταχὺ καθυγραινόμεναι, περὶ δὲ τελευτὴν πᾶσι βιαίωσ καθυγραινόμεναι‧ καὶ τῶν περὶ πνεύμονα πάντων διάδοσισ κάτω‧ πλῆθοσ οὔρων οὐ χρηστῶν‧ συντήξιεσ κακαί. αἱ δὲ βῆχεσ ἐνῆσαν μὲν διὰ τέλεοσ πολλαὶ καὶ πολλὰ ἀνάγουσαι πέπονα καὶ ὑγρά, μετὰ πόνων δὲ οὐ λίην‧ ἀλλ’ εἰ καὶ ἐπόνεον, πάνυ πρηέωσ πᾶσιν ἡ κάθαρσισ τῶν ἀπὸ πνεύμονοσ ἐγίνετο. φάρυγγεσ οὐ λίην δακνώδεεσ, οὐδὲ ἁλμυρίδεσ οὐδὲν ἠνώχλεον‧ τὰ μέντοι γλίσχρα καὶ λευκὰ καὶ ὑγρὰ καὶ ἀφρώδεα πολλὰ ἀπὸ κεφαλῆσ ᾔει. πολὺ δὲ μέγιστον κακὸν παρείπετο καὶ τούτοισι καὶ τοῖσιν ἄλλοισι τὰ περὶ τὴν ἀποσιτίην, καθάπερ ὑπογέγραπται‧ οὐδὲ γὰρ πότων μετὰ τροφῆσ ἡδέωσ εἶχον, ἀλλὰ πάνυ διῆγον ἀδίψωσ‧ βάροσ σώματοσ‧ κωματώδεεσ‧ τοῖσι πλείστοισιν αὐτῶν οἴδημα, καὶ ἐσ ὕδρωπα περιίσταντο‧ φρικώδεεσ, παράληροι περὶ θάνατον. χΙϝ. Εἶδοσ δὲ τῶν φθινωδέων ἦν τὸ λεῖον, τὸ ὑπόλευκον, τὸ φακῶδεσ, τὸ ὑπέρυθρον, τὸ χαροπόν, λευκοφλεγματίαι, πτερυγώδεεσ‧ καὶ γυναῖκεσ οὕτω. τὸ μελαγχολικὸν καὶ ὕφαιμον‧ οἱ καῦσοι καὶ τὰ φρενιτικὰ καὶ τὰ δυσεντεριώδεα τούτων ἥπτετο. τεινεσμοὶ νέοισι φλεγματώδεσιν‧ αἱ μακραὶ διάρροιαι καὶ τὰ δριμέα διαχωρήματα καὶ λιπαρὰ πικροχόλοισιν. χϝ. Ἦν δὲ πᾶσι τοῖσ ὑπογεγραμμένοισ χαλεπώτατον μὲν τὸ ἐάρ καὶ πλείστουσ ἀπέκτεινε, τὸ δὲ θέροσ Ῥήϊστον, καὶ ἐλάχιστοι ἀπώλλυντο. τοῦ δὲ φθινοπώρου καὶ ὑπὸ πληϊάδα πάλιν ἔθνῃσκον, οἱ πολλοὶ τεταρταῖοι. δοκεῖ δέ μοι προσωφελῆσαι κατὰ λόγον τὸ γενόμενον θέροσ. τὰσ γὰρ θερινὰσ νούσουσ χειμὼν ἐπιγενόμενοσ λύει, καὶ τὰσ χειμερινὰσ θέροσ ἐπιγενόμενον μεθίστησι. καίτοι αὐτό γε ἐπὶ ἑωυτοῦ τὸ γενόμενον θέροσ οὐκ εὐσταθὲσ ἐγένετο‧ καὶ γὰρ ἐξαίφνησ θερμὸν καὶ νότιον καὶ ἄπνοον‧ ἀλλ’ ὅμωσ πρὸσ τὴν ἄλλην κατάστασιν μεταλλάξαν ὠφέλησε. χϝΙ. Μέγα δὲ μέροσ ἡγεῦμαι τῆσ τέχνησ εἶναι τὸ δύνασθαι σκοπεῖν καὶ περὶ τῶν γεγραμμένων ὀρθῶσ. ὁ γὰρ γνοὺσ καὶ χρεώμενοσ τούτοισ οὐκ ἄν μοι δοκεῖ μέγα σφάλλεσθαι ἐν τῇ τέχνῃ. δεῖ δὲ καταμανθάνειν τὴν κατάστασιν τῶν ὡρέων ἀκριβῶσ ἑκάστην καὶ τὸ νόσημα, ἀγαθὸν ὅ τι κοινὸν ἐν τῇ καταστάσει ἢ ἐν τῇ νούσῳ, κακὸν ὅ τι κοινὸν ἐν τῇ καταστάσει ἢ ἐν τῇ νούσῳ, μακρὸν ὅ τι νόσημα καὶ θανάσιμον, μακρὸν ὅ τι καὶ περιεστικόν, ὀξὺ ὅ τι θανάσιμον, ὀξὺ ὅ τι περιεστικόν‧ τάξιν τῶν κρισίμων ἐκ τούτων σκοπεῖσθαι καὶ προλέγειν ἐκ τούτων εὐπορεῖται. εἰδότι περὶ τούτων ἔστιν εἰδέναι οὓσ καὶ ὅτε καὶ ὡσ δεῖ διαιτᾶν. χϝΙΙ. α. Ἐν Θάσῳ τὸν Πάριον, ὃσ κατέκειτο ὑπὲρ Ἀρτεμισίου, πυρετὸσ ἔλαβεν ὀξύσ, κατ’ ἀρχὰσ συνεχήσ, καυσώδησ‧ δίψοσ‧ ἀρχόμενοσ κωματώδησ καὶ πάλιν ἄγρυπνοσ‧ κοιλίη ταραχώδησ ἐν ἀρχῇσιν, οὖρα λεπτά. ἕκτῃ οὔρησεν ἐλαιῶδεσ, παρέκρουσεν. ἑβδόμῃ παρωξύνθη πάντα, οὐδὲν ἐκοιμήθη, ἀλλὰ οὖρά τε ὅμοια καὶ τὰ τῆσ γνώμησ ταραχώδεα‧ ἀπὸ δὲ κοιλίησ χολώδεα, λιπαρὰ διῆλθεν. ὀγδόῃ σμικρὸν ἀπὸ Ῥινῶν ἔσταξεν, ἤμεσεν ἰώδεα ὀλίγα, σμικρὰ ἐκοιμήθη. ἐνάτῃ διὰ τῶν αὐτῶν. δεκάτῃ πάντα συνέδωκεν. ἑνδεκάτῃ ἵδρωσε δι’ ὅλου‧ περιέψυξε, ταχὺ δὲ πάλιν ἀνεθερμάνθη. τεσσαρεσκαιδεκάτῃ πυρετὸσ ὀξύσ, διαχωρήματα χολώδεα, λεπτά, πολλά, οὔροισιν ἐναιώρημα, παρέκρουσεν. ἑπτακαιδεκάτῃ ἐπιπόνωσ‧ οὔτε γὰρ ὕπνοι, ὅ τε πυρετὸσ ἐπέτεινεν. εἰκοστῇ ἵδρωσε δι’ ὅλου‧ ἄπυροσ, διαχωρήματα χολώδεα, ἀπόσιτοσ, κωματώδησ‧ εἰκοστῇ τετάρτῃ ὑπέστρεψε. τριηκοστῇ τετάρτῃ ἄπυροσ, κοιλίη οὐ συνίστατο, καὶ πάλιν ἀνεθερμάνθη. τεσσαρακοστῇ ἄπυροσ, κοιλίη συνέστη χρόνον οὐ πολύν, ἀπόσιτοσ, σμικρὰ πάλιν ἐπύρεξε καὶ διὰ παντὸσ πεπλανημένωσ‧ ἄπυροσ τὰ μέν, τὰ δ’ οὔ‧ εἰ γάρ τι διαλίποι καὶ διακουφίσαι, ταχὺ πάλιν ὑπέστρεφε. σιταρίοισί τε ὀλίγοισι καὶ φαύλοισι προσεχρῆτο. ὕπνοι κακοί, περὶ τὰσ ὑποστροφὰσ παρέκρουσεν. οὖρα πάχοσ μὲν ἔχοντα οὔρει τηνικαῦτα, ταραχώδεα δὲ καὶ πονηρά. καὶ τὰ κατὰ κοιλίην συνιστάμενα καὶ πάλιν διαλυόμενα. πυρέτια συνεχέα. διαχωρήματα λεπτά, πολλά. ἐν εἴκοσι καὶ ἑκατὸν ἔθανε. τούτῳ κοιλίη συνεχέωσ ἀπὸ τῆσ πρώτησ ὑγρὴ χολώδεσιν, ὑγροῖσι πολλοῖσιν ἦν ἢ συν ισταμένη ζέουσι καὶ ἀπέπτοισιν‧ οὖρα διὰ τέλεοσ κακά‧ κωματώδησ τὰ πλεῖστα, μετὰ πόνων ἄγρυπνοσ, ἀπόσιτοσ συνεχέωσ. β’. Ἐν Θάσῳ τὴν κατακειμένην παρὰ τὸ ψυχρὸν ὕδωρ ἐκ τόκου θυγατέρα τεκοῦσαν καθάρσιοσ οὐ γενομένησ πυρετὸσ ὀξὺσ φρικώδησ τρι ταίην ἔλαβεν. ἐκ χρόνου δὲ πολλοῦ πρὸ τοῦ τόκου πυρετώδησ ἦν, κατακλινήσ, ἀπόσιτοσ. μετὰ δὲ τὸ γενόμενον Ῥῖγοσ συνεχέεσ, ὀξέεσ, φρικώδεεσ οἱ πυρετοί. ὀγδόῃ πολλὰ παρέκρουσε καὶ τὰσ ἐχομένασ καὶ ταχὺ πάλιν κατενόει‧ κοιλίη ταραχώδησ πολλοῖσι λεπτοῖσιν, ὑδατοχόλοισ‧ ἄδιψοσ. ἑνδεκάτῃ κατενόει, κωματώδησ δ’ ἦν‧ οὖρα πολλὰ λεπτὰ καὶ μέλανα, ἄγρυπνοσ. εἰκοστῇ σμικρὰ περιέψυξε καὶ ταχὺ πάλιν ἀνεθερμάνθη, σμικρὰ παρέλεγεν, ἄγρυπνοσ‧ τὰ κατὰ κοιλίην ἐπὶ τῶν αὐτῶν‧ οὖρα ὑδατώδεα πολλά. εἰκοστῇ ἑβδόμῃ ἄπυροσ, κοιλίη συνέστη, οὐ πολλῷ δὲ χρόνῳ ὕστερον ἰσχίου δεξιοῦ ὀδύνη ἰσχυρὴ χρόνον πολύν‧ πυρετοὶ πάλιν παρείποντο‧ οὖρα ὑδατώδεα. τεσσαρακοστῇ τὰ μὲν περὶ τὸ ἰσχίον ἐπεκούφισε, βῆχεσ δὲ συνεχέεσ ὑγραὶ πολλαί, κοιλίη συνέστη, ἀπόσιτοσ‧ οὖρα ἐπὶ τῶν αὐτῶν. οἱ δὲ πυρετοὶ τὸ μὲν ὅλον οὐκ ἐκλείποντεσ, πεπλανημένωσ δὲ παροξυνόμενοι, τὰ μέν, τὰ δ’ οὔ. ἑξηκοστῇ αἱ μὲν βῆχεσ ἀσήμωσ ἐξέλιπον‧ οὔτε γάρ τισ πτυάλων πεπασμὸσ ἐγένετο οὔτε ἄλλη τῶν εἰθισμένων ἀπόστασισ‧ σιηγὼν δὲ ἡ ἐκ τῶν ἐπὶ δεξιὰ κατεσπάσθη‧ κωματώδησ‧ παρέλεγε καὶ ταχὺ πάλιν κατενόει‧ πρὸσ δὲ τὰ γεύματα ἀπονενοημένωσ εἶχεν‧ σιηγὼν μὲν ἐπανῆκε, κοιλίη δὲ χολώδεα σμικρὰ διέδωκεν, ἐπύρεξεν ὀξυτέρωσ, φρικώδησ‧ καὶ τὰσ ἐχομένασ ἄφωνοσ καὶ πάλιν διελέγετο. ὀγδοηκοστῇ ἀπέθανε. ταύτῃ τὰ τῶν οὔρων διὰ τέλεοσ ἦν μέλανα καὶ λεπτὰ καὶ ὑδατώδεα. κῶμα παρείπετο, ἀπόσιτοσ, ἄθυμοσ, ἄγρυπνοσ, ὀργαί, δυσφορίαι, τὰ περὶ τὴν γνώμην μελαγχολικά. γ’. Ἐν Θάσῳ Πυθίωνα, ὃσ κατέκειτο ὑπεράνω τοῦ Ἡρακλείου, ἐκ πόνων καὶ κόπων καὶ διαίτησ γενομένησ ἀμελέοσ Ῥῖγοσ μέγα καὶ πυρετὸσ ὀξὺσ ἔλαβε. γλῶσσα ἐπίξηροσ, διψώδησ, χολώδησ, οὐχ ὕπνωσεν, οὖρα ὑπομέλανα, ἐναιώρημα μετέωρον, οὐχ ἵδρυτο. δευτέρῃ περὶ μέσον ἡμέρησ ψύξισ ἀκρέων, τὰ περὶ χεῖρασ καὶ κεφαλὴν μᾶλλον, ἄναυδοσ, ἄφωνοσ, βραχύπνοοσ ἐπὶ πολὺν χρόνον, ἀνεθερμάνθη, δίψα, νύκτα δι’ ἡσυχίησ, ἵδρωσε περὶ κεφαλὴν σμικρά. τρίτῃ ἡμέρην δι’ ἡσυχίησ, ὀψὲ δὲ περὶ ἡλίου δυσμὰσ ὑπεψύχθη σμικρά, ἄση, ταραχή, νυκτὸσ ἐπιπόνωσ, οὐδὲν ὕπνωσεν, ἀπὸ δὲ κοιλίησ σμικρὰ συνεστηκότα κόπρανα διῆλθε. τετάρτῃ πρωὶ δι’ ἡσυχίησ, περὶ δὲ μέσον ἡμέρησ πάντα παρωξύνθη, ψύξισ, ἄναυδοσ, ἄφωνοσ, ἐπὶ τὸ χεῖρον, ἀνεθερμάνθη μετὰ χρόνον, οὔρησε μέλανα ἐναιώρημα ἔχοντα, νύκτα δι’ ἡσυχίησ, ἐκοιμήθη‧ πέμπτῃ ἔδοξε κουφίσαι, κατὰ δὲ κοιλίην βάροσ μετὰ πόνου, διψώδησ, νύκτα ἐπιπόνωσ. ἕκτῃ πρωὶ μὲν δι’ ἡσυχίησ, δείλησ δὲ οἱ πόνοι μέζουσ, παρωξύνθη, ἀπὸ δὲ κοιλίησ ὀψὲ κλυσματίῳ καλῶσ διῆλθε, νυκτὸσ ἐκοιμήθη. ἑβδόμῃ ἡμέρῃ ἀσώδησ, ὑπεδυσφόρει, οὔρησεν ἐλαιῶδεσ, νυκτὸσ ταραχὴ πολλή, παρέλεγεν, οὐδὲν ἐκοιμήθη. ὀγδόῃ πρωὶ μὲν ἐκοιμήθη σμικρά, ταχὺ δὲ ψύξισ, ἀφωνίη, λεπτὸν πνεῦμα καὶ μινυθῶδεσ, ὀψὲ δὲ πάλιν ἀνεθερμάνθη, παρέκρουσεν, ἤδη δὲ πρὸσ ἡμέρην σμικρὰ ἐκουφίσθη, διαχωρήματα ἄκρητα, σμικρὰ, χολώδεα. ἐνάτῃ κωματώδησ, ἀσώδησ, ὅτε διεγείροιτο‧ οὐ λίην διψώδησ‧ περὶ δὲ ἡλίου δυσμὰσ ἐδυσφόρει, παρέλεγε, νύκτα κακήν. δεκάτῃ πρωὶ ἄφωνοσ, πολλὴ ψύξισ, πυρετὸσ ὀξύσ, πολὺσ ἱδρώσ, ἔθανεν. ἐν ἀρτίῃσιν οἱ πόνοι τούτῳ. δ’. Ὁ φρενιτικὸσ τῇ πρώτῃ κατακλιθεὶσ ἤμεσεν ἰώδεα πολλά, λεπτά, πυρετὸσ φρικώδησ πολύσ, ἱδρὼσ συνεχὴσ δι’ ὅλου, κεφαλῆσ καὶ τραχήλου βάροσ μετ’ ὀδύνησ, οὖρα λεπτά, ἐναιωρήματα σμικρά, διεσπασμένα, οὐχ ἵδρυτο. ἀπὸ δὲ κοιλίησ ἐξεκόπρισεν ἀθρόα πολλὰ, παρέκρουσεν, οὐδὲν ὕπνωσε. δευτέρῃ πρωὶ ἄφωνοσ, πυρετὸσ ὀξύσ, ἵδρωσεν, οὐ διέλιπε, παλμοὶ δι’ ὅλου τοῦ σώματοσ, νυκτὸσ σπασμοί. τρίτῃ πάντα παρωξύνθη. τετάρτῃ ἔθανεν. ε’. Ἐν Λαρίσῃ φαλακρὸσ μηρὸν δεξιὸν ἐπόνησεν ἐξαίφνησ‧ τῶν δὲ προσφερομένων οὐδὲν ὠφέλει. τῇ πρώτῃ πυρετὸσ ὀξύσ, καυσώδησ, ἀτρεμέωσ εἶχεν, οἱ δὲ πόνοι παρείποντο. δευτέρῃ τοῦ μηροῦ μὲν ὑφίεσαν οἱ πόνοι, ὁ δὲ πυρετὸσ ἐπέτεινεν, ὑπεδυσφόρει, οὐκ ἐκοιμᾶτο, ἄκρεα ψυχρά, οὔρων πλῆθοσ διῄει οὐ χρηστῶν. τρίτῃ τοῦ μηροῦ μὲν ὁ πόνοσ ἐπαύσατο, παρακοπὴ δὲ τῆσ γνώμησ καὶ ταραχὴ καὶ πολὺσ βληστρισμόσ. τετάρτῃ περὶ μέσον ἡμέρησ ἔθανεν. σ’. Ἐν Ἀβδήροισι Περικλέα πυρετὸσ ἔλαβεν ὀξύσ, συνεχὴσ μετὰ πονου, πολλὴ δίψα, ἄση, ποτὸν κατέχειν οὐκ ἠδύνατο‧ ἦν δὲ ὑπόσπληνόσ τε καὶ καρηβαρικόσ. τῇ πρώτῃ ᾑμορράγησεν ἐξ ἀριστεροῦ‧ πολὺσ μέντοι ὁ πυρετὸσ ἐπέτεινεν‧ οὔρησε πολὺ θολερόν, λευκόν‧ κείμενον οὐ καθίστατο. δευτέρῃ πάντα παρωξύνθη‧ τὰ μέντοι οὖρα παχέα μὲν ἦν, ἱδρυμένα δὲ μᾶλλον‧ καὶ τὰ περὶ τὴν ἄσην ἐκούφισεν, ἐκοιμήθη. τρίτῃ πυρετὸσ ἐμαλάχθη, οὔρων πλῆθοσ, πέπονα, πολλὴν ὑπόστασιν ἔχοντα, νύκτα δι’ ἡσυχίησ. τετάρτῃ περὶ μέσον ἡμέρησ ἵδρωσε πολλῷ θερμῷ δι’ ὅλου, ἄπυροσ, ἐκρίθη, οὐχ ὑπέστρεψεν. ζ’. Ἐν Ἀβδήροισι τὴν παρθένον, ἣ κατέκειτο ἐπὶ τῆσ ἱρῆσ ὁδοῦ, πυρετὸσ καυσώδησ ἔλαβεν‧ ἦν δὲ διψώδησ καὶ ἄγρυπνοσ. κατέβη δὲ τὰ γυναικεῖα πρῶτον αὐτῇ. ἕκτῃ ἄση πολλή, ἔρευθοσ, φρικώδησ, ἀλύουσα. ἑβδόμῃ διὰ τῶν αὐτῶν, οὖρα λεπτὰ μέν, εὔχρω δέ, τὰ περὶ τὴν κοιλίην οὐκ ἠνώχλει. ὀγδόῃ κώφωσισ, πυρετὸσ ὀξύσ, ἄγρυπνοσ, ἀσώδησ, φρικώδησ, κατενόει, οὖρα ὅμοια. ἐνάτῃ διὰ τῶν αὐτῶν‧ καὶ τὰσ ἑπομένασ οὕτωσ‧ ἡ κώφωσισ παρέμενε. τεσσαρεσκαιδεκάτῃ τὰ τῆσ γνώμησ ταραχώδεα, ὁ πυρετὸσ συνέδωκεν. ἑπτακαιδεκάτῃ διὰ Ῥινῶν ἐρρύη πολύ, ἡ κώφωσισ σμικρὰ συνέδωκε. καὶ τὰσ ἑπομένασ ἄση, κωφότησ‧ ἐνῆν καὶ παράληροσ. εἰκοστῇ ποδῶν ὀδύνη‧ κωφότησ, παράληροσ ἀπέλιπεν, ᾑμορράγησε σμικρὰ διὰ Ῥινῶν, ἵδρωσεν, ἄπυροσ. εἰκοστῇ τετάρτῃ ὁ πυρετὸσ ὑπέστρεψε, κώφωσισ πάλιν, ποδῶν ὀδύνη παρέμεινεν, παρακοπή. εἰκοστῇ ἑβδόμῃ ἵδρωσε πολλῷ, ἄπυροσ, ἡ κώφωσισ ἐξέλιπεν, ἡ τῶν ποδῶν ὑπέμενεν ὀδύνη, τὰ δ’ ἄλλα τελέωσ ἐκρίθη. η’. Ἐν Ἀβδήροισιν Ἀναξίωνα, ὃσ κατέκειτο παρὰ τὰσ Θρηϊκίασ πύλασ, πυρετὸσ ὀξὺσ ἔλαβε‧ πλευροῦ δεξιοῦ ὀδύνη συνεχήσ, ἔβησσε ξηρά, οὐδ’ ἔπτυε τὰσ πρώτασ‧ διψώδησ, ἄγρυπνοσ, οὖρα δὲ εὔχρω πολλὰ λεπτά. ἕκτῃ παράληροσ‧ πρὸσ δὲ τὰ θερμάσματα οὐδὲν ἐνεδίδου. ἑβδόμῃ ἐπιπόνωσ‧ ὁ γὰρ πυρετὸσ ἐπέτεινεν, οἵ τε πόνοι οὐ συνεδίδοσαν, αἵ τε βῆχεσ ἠνώχλεον, δύσπνοόσ τε ἦν. ὀγδόῃ ἀγκῶνα ἔταμον‧ ἐρρύη πολλὸν οἱο͂ν δεῖ‧ συνέδωκαν μὲν οἱ πόνοι, αἱ μέντοι βῆχεσ αἱ ξηραὶ παρείποντο. ἑνδεκάτῃ συνέδωκαν οἱ πυρετοί, σμικρὰ περὶ κεφαλὴν ἵδρωσεν, αἵ τε βῆχεσ καὶ τὰ ἀπὸ πνεύμονοσ ὑγρότερα. ἑπτακαιδεκάτῃ ἤρξατο σμικρὰ πέπονα πτύειν‧ ἐκουφίσθη. εἰκοστῇ ἵδρωσεν, ἄπυροσ, μετὰ δὲ κρίσιν διψώδησ τε ἦν καὶ τῶν ἀπὸ πνεύμονοσ οὐ χρησταὶ αἱ καθάρσιεσ. εἰκοστῇ ἑβδόμῃ ὁ πυρετὸσ ὑπέστρεψεν, ἔβησσεν, ἀνῆγε πέπονα πολλά, οὔροισιν ὑπόστασισ πολλὴ λευκή, ἄδιψοσ ἐγένετο, εὔπνοοσ. τριηκοστῇ τετάρτῃ ἵδρωσε δι’ ὅλου, ἄπυροσ, ἐκρίθη πάντα. θ’. Ἐν Ἀβδήροισιν Ἡρόπυθοσ κεφαλὴν ὀρθοστάδην ἐπιπόνωσ εἶχεν, οὐ πολλῷ δὲ χρόνῳ ὕστερον κατεκλίθη. ᾤκει πλησίον τῆσ ἄνω ἀγωγῆσ. πυρετὸσ ἔλαβε καυσώδησ, ὀξύσ‧ ἔμετοι τὸ κατ’ ἀρχὰσ πολλῶν χολωδέων, διψώδησ, πολλὴ δυσφορίη, οὖρα λεπτὰ μέλανα, ἐναιώρημα μετέωρον ὁτὲ μέν, ὁτὲ δ’ οὔ‧ νύκτα ἐπιπόνωσ, πυρετὸσ ἄλλοτε ἀλλοίωσ παροξυνόμενοσ, τὰ πλεῖστα ἀτάκτωσ. περὶ δὲ τεσσαρεσκαιδεκάτην κώφωσισ, οἱ πυρετοὶ ἐπέτεινον, οὖρα διὰ τῶν αὐτῶν. εἰκοστῇ πολλὰ παρέκρουσε καὶ τὰσ ἑπομένασ. τεσσαρακοστῇ διὰ Ῥινῶν ᾑμορράγησε πολὺ καὶ κατενόει μᾶλλον‧ ἡ κώφωσισ ἐνῆν μέν, ἧσσον δέ‧ οἱ πυρετοὶ συνέδωκαν. ᾑμορράγει τὰσ ἑπομένασ πυκνὰ κατ’ ὀλίγον. περὶ δὲ ἑξηκοστὴν αἱ μὲν αἱμορραγίαι ἀπεπαύσαντο, ἰσχίου δὲ δεξιοῦ ὀδύνη ἰσχυρὴ καὶ οἱ πυρετοὶ ἐπέτεινον. οὐ πολλῷ δὲ χρόνῳ ὕστερον πόνοι τῶν κάτω πάντων‧ συνέπιπτε δὲ ἢ τοὺσ πυρετοὺσ εἶναι μέζουσ καὶ τὴν κώφωσιν πολλὴν ἢ ταῦτα μὲν ὑφιέναι καὶ κουφίζειν, τῶν δὲ κάτω περὶ ἰσχία μέζουσ εἶναι τοὺσ πόνουσ. ἤδη δὲ περὶ ὀγδοηκοστὴν συνέδωκε μὲν πάντα, ἐξέλιπε δὲ οὐδέν‧ οὖρά τε γὰρ εὔχρω καὶ πλείουσ ὑποστάσιασ ἔχοντα κατέβαινεν, οἱ παράληροί τε μείουσ ἦσαν. περὶ δὲ ἑκατοστὴν κοιλίη πολλοῖσι χολώδεσιν ἐπεταράχθη, καὶ ᾔει χρόνον οὐκ ὀλίγον πολλὰ τοιαῦτα, καὶ πάλιν δυσεντεριώδεα μετὰ πόνου, τῶν δὲ ἄλλων Ῥᾳστώνη. τὸ δὲ σύνολον οἵ τε πυρετοὶ ἐξέλιπον καὶ ἡ κώφωσισ ἐπαύσατο. ἐν ἑκατοστῇ εἰκοστῇ τελέωσ ἐκρίθη. ι’. Ἐν Ἀβδήροισι Νικόδημον ἐξ ἀφροδισίων καὶ πότων πῦρ ἔλαβεν. ἀρχόμενοσ δὲ ἦν ἀσώδησ καὶ καρδιαλγικόσ, διψώδησ, γλῶσσα ἐπεκαύθη, οὖρα λεπτὰ μέλανα. δευτέρῃ ὁ πυρετὸσ παρωξύνθη, φρικώδησ, ἀσώδησ, οὐδὲν ἐκοιμήθη, ἤμεσε χολώδεα ξανθά, οὖρα ὅμοια, νύκτα δι’ ἡσυχίησ, ὕπνωσε. τρίτῃ ὑφῆκε πάντα, Ῥᾳστώνη‧ περὶ δὲ ἡλίου δυσμὰσ πάλιν ὑπεδυσφόρει, νύκτα ἐπιπόνωσ. τετάρτῃ Ῥῖγοσ, πυρετὸσ πολύσ, πόνοι πάντων, οὖρα λεπτά, ἐναιώρημα‧ νύκτα πάλιν δι’ ἡσυχίησ. πέμπτῃ ἐνῆν μὲν πάντα, Ῥᾳστώνη δὲ ἦν. ἕκτῃ τῶν αὐτῶν πόνοι πάντων, οὔροισιν ἐναιώρημα, παρέκρουσε πολλά. ἑβδόμῃ Ῥᾳστώνη. ὀγδόῃ τὰ ἄλλα συνέδωκε πάντα. δεκάτῃ καὶ τὰσ ἑπομένασ ἐνῆσαν μὲν οἱ πόνοι, ἧσσον δὲ πάντεσ‧ οἱ δὲ παροξυσμοὶ καὶ οἱ πόνοι τούτῳ διὰ τέλεοσ ἐν ἀρτίῃσιν ἦσαν μᾶλλον. εἰκοστῇ οὔρησε λευκόν, πάχοσ εἶχε, κείμενον οὐ καθίστατο‧ ἵδρωσε πολλῷ, ἔδοξεν ἄπυροσ γενέσθαι, δείλησ δὲ πάλιν ἐθερμάνθη, καὶ τῶν αὐτῶν πόνοι, φρίκη, δίψα, σμικρὰ παρέκρουσεν. εἰκοστῇ τετάρτῃ οὔρησε πολὺ λευκόν, πολλὴν ὑπόστασιν ἔχον. ἵδρωσε πολλῷ θερμῷ δι’ ὅλου, ἄπυροσ ἐκρίθη. ια’. Ἐν Θάσῳ γυνὴ δυσάνιοσ ἐκ λύπησ μετὰ προφάσιοσ ὀρθοστάδην ἐγένετο ἄγρυπνόσ τε καὶ ἀπόσιτοσ καὶ διψώδησ ἦν καὶ ἀσώδησ. ᾤκει δὲ πλησίον τῶν Πυλάδου ἐπὶ τοῦ λείου. τῇ πρώτῃ ἀρχομένησ νυκτὸσ φόβοι, λόγοι πολλοί, δυσθυμίη, πυρέτιον λεπτόν. πρωὶ σπασμοὶ πολλοί‧ ὅτε δὲ διαλίποιεν οἱ σπασμοὶ οἱ πολλοί, παρέλεγεν, ᾐσχρομύθει‧ πολλοὶ πόνοι, μεγάλοι, συνεχέεσ. δευτέρῃ διὰ τῶν αὐτῶν, οὐδὲν ἐκοιμᾶτο, πυρετὸσ ὀξύτεροσ. τρίτῃ οἱ μὲν σπασμοὶ ἀπέλιπον, κῶμα δὲ καὶ καταφορὴ καὶ πάλιν ἔγερσισ‧ ἀνήϊσσε, κατέχειν οὐκ ἠδύνατο, παρέλεγε πολλά, πυρετὸσ ὀξύσ, ἐσ νύκτα δὲ ταύτην ἵδρωσε πολλῷ θερμῷ δι’ ὅλου‧ ἄπυροσ, ὕπνωσε, πάντα κατενόει, ἐκρίθη. περὶ δὲ τρίτην ἡμέρην οὖρα μέλανα λεπτά, ἐναιώρημα δὲ ἐπὶ πολὺ στρογγύλον, οὐχ ἱδρύετο, περὶ δὲ κρίσιν γυναικεῖα πολλὰ κατέβη. ιβ’. Ἐν Λαρίσῃ παρθένον πυρετὸσ ἔλαβε καυσώδησ, ὀξύσ‧ ἄγρυπνοσ, διψώδησ, γλῶσσα λιγνυώδησ, ξηρή‧ οὖρα εὔχρω μέν, λεπτὰ δέ. δευτέρῃ ἐπιπόνωσ, οὐχ ὕπνωσε. τρίτῃ πολλὰ διῆλθεν ἀπὸ κοιλίησ ὑδατόχλοα, καὶ τὰσ ἑπομένασ ᾔει τοιαῦτα εὐφόρωσ. τετάρτῃ οὔρησε λεπτὸν ὀλίγον, εἶχεν ἐναιώρημα μετέωρον, οὐχ ἱδρύετο, παρέκρουσεν ἐσ νύκτα. ἕκτῃ διὰ Ῥινῶν λάβρον ἐρρύη πολύ‧ φρίξασα ἵδρωσε πολλῷ θερμῷ δι’ ὅλου‧ ἄπυροσ‧ ἐκρίθη. ἐν δὲ τοῖσι πυρετοῖσι καὶ ἤδη κεκριμένων γυναικεῖα κατέβη πρῶτον τότε‧ παρθένοσ γὰρ ἦν. ἦν δὲ διὰ παντὸσ ἀσώδησ, φρικώδησ, ἔρευθοσ προσώπου, ὀμμάτων ὀδύνη‧ καρηβαρική. ταύτῃ οὐχ ὑπέστρεψεν, ἀλλ’ ἐκρίθη. οἱ πόνοι ἐν ἀρτίῃσιν. ιγ’. Ἀπολλώνιοσ ἐν Ἀβδήροισιν ὀρθοστάδην ὑπεφέρετο χρόνον πολύν. ἦν δὲ μεγαλόσπλαγ χνοσ, καὶ περὶ ἧπαρ συνήθησ ὀδύνη χρόνον πολὺν παρείπετο, καὶ δὴ τότε καὶ ἰκτερώδησ ἐγένετο, φυσώδησ, χροιῆσ τῆσ ὑπολεύκου. φαγὼν δὲ καὶ πιὼν ἀκαιρότερον βόειον ἐθερμάνθη σμικρὰ τὸ πρῶτον, κατεκλίθη. γάλαξι δὲ χρησάμενοσ ἑφθοῖσι καὶ ὠμοῖσι πολλοῖσιν, αἰγείοισι καὶ μηλείοισι, καὶ διαίτῃ κακῇ πάντων, βλάβαι μεγάλαι‧ οἵ τε γὰρ πυρετοὶ παρωξύνθησαν, κοιλίη τε τῶν προσενεχθέντων οὐδὲν διέδωκεν ἄξιον λόγου, οὖρά τε λεπτὰ καὶ ὀλίγα διῄει‧ ὕπνοι οὐκ ἐνῆσαν‧ ἐμφύσημα κακόν, πολὺ δίψοσ, κωματώδησ, ὑποχονδρίου δεξιοῦ ἔπαρμα σὺν ὀδύνῃ, ἄκρεα πάντοθεν ὑπόψυχρα, σμικρὰ παρέλεγε, λήθη πάντων ὅ τι λέγοι, παρεφέρετο. περὶ δὲ τεσσα ρεσκαιδεκάτην, ἀφ’ ἧσ κατεκλίθη, Ῥιγώσασ ἐπεθερμάνθη‧ ἐξεμάνη‧ βοή, ταραχή, λόγοι πολλοί, καὶ πάλιν ἵδρυσισ, καὶ τὸ κῶμα τηνικαῦτα προσῆλθε. μετὰ δὲ ταῦτα κοιλίη ταραχώδησ πολλοῖσι χολώδεσιν, ἀκρήτοισιν, ὠμοῖσιν‧ οὖρα μέλανα, σμικρά, λεπτά‧ πολλὴ δυσφορίη‧ τὰ τῶν διαχωρημάτων ποικίλωσ‧ ἢ γὰρ μέλανα καὶ σμικρὰ καὶ ἰώδεα ἢ λιπαρὰ καὶ ὠμὰ καὶ δακνώδεα‧ κατὰ δὲ χρόνουσ ἐδόκει καὶ γαλακτώδεα διδόναι. περὶ δὲ εἰκοστὴν τετάρτην διὰ παρηγορίησ‧ τὰ μὲν ἄλλα ἐπὶ τῶν αὐτῶν, σμικρὰ δὲ κατενόησεν‧ ἐξ οὗ δὲ κατεκλίθη, οὐδενὸσ ἐμνήσθη‧ πάλιν δὲ ταχὺ παρενόει, ὡρ́μητο πάντα ἐπὶ τὸ χεῖρον. περὶ δὲ τριηκοστὴν πυρετὸσ ὀξύσ, διαχωρήματα πολλὰ λεπτά, παράληροσ, ἄκρεα ψυχρά, ἄφωνοσ. τριηκοστῇ τετάρτῃ ἔθανε. τούτῳ διὰ τέλεοσ, ἐξ οὗ καὶ ἐγὼ οἶδα, κοιλίη ταραχώδησ, οὖρα λεπτὰ μέλανα, κωματώδησ, ἄγρυπνοσ, ἄκρεα ψυχρά, παράληροσ διὰ τέλεοσ. ιδ’. Ἐν Κυζίκῳ γυναικὶ θυγατέρασ τεκούσῃ διδύμασ καὶ δυστοκησάσῃ καὶ οὐ πάνυ καθαρθείσῃ τῇ πρώτῃ πυρετὸσ φρικώδησ ὀξύσ, κεφαλῆσ καὶ τραχήλου βάροσ μετ’ ὀδύνησ‧ ἄγρυπνοσ ἐξ ἀρχῆσ, σιγῶσα δὲ καὶ σκυθρωπὴ καὶ οὐ πειθομένη‧ οὖρα λεπτὰ καὶ ἄχρω‧ διψώδησ, ἀσώδησ τὸ πολύ, κοιλίη πεπλανημένωσ ταραχώδησ καὶ πάλιν συνισταμένη. ἕκτῃ ἐσ νύκτα πολλὰ παρέλεγε, οὐδὲν ἐκοιμήθη. περὶ δὲ ἑνδεκάτην ἐοῦσα ἐξεμάνη καὶ πάλιν κατενόει‧ οὖρα μέλανα, λεπτὰ καὶ πάλιν διαλείποντα ἐλαιώδεα‧ κοιλίη πολλοῖσι, λεπτοῖσι, ταραχώδεσι. τεσσαρεσκαιδεκάτῃ σπασμοὶ πολλοί, ἄκρεα ψυχρά, οὐδὲν ἔτι κατενόει, οὖρα ἐπέστη. ἑξκαιδεκάτῃ ἄφωνοσ‧ ἑπτακαιδεκάτῃ ἀπέθανε. ιε’. Ἐν Θάσῳ Δελεάρκεοσ γυναῖκα, ἣ κατέκειτο ἐπὶ τοῦ λείου, πυρετὸσ φρικώδησ, ὀξὺσ ἐκ λύπησ ἔλαβεν. ἐξ ἀρχῆσ δὲ περιεστέλλετο καὶ διὰ τέλεοσ αἰεὶ σιγῶσα ἐψηλάφα, ἔτιλλεν, ἔγλυφεν, ἐτριχολόγει, δάκρυα καὶ πάλιν γέλωσ, οὐκ ἐκοιμᾶτο‧ ἀπὸ κοιλίησ ἐρεθισμῷ οὐδὲν διῄει‧ σμικρὰ ὑπομιμνῃσκόντων ἔπινεν‧ οὖρα λεπτὰ σμικρά‧ πυρετοὶ πρὸσ χεῖρα λεπτοί‧ ἀκρέων ψύξισ. ἐνάτῃ πολλὰ παρέλεγε καὶ πάλιν ἱδρύνθη‧ σιγῶσα. τεσσαρεσκαιδεκάτῃ πνεῦμα ἀραιόν, μέγα διὰ χρόνου καὶ πάλιν βραχύπνοοσ. ἑπτακαιδεκάτῃ ἀπὸ κοιλίησ ἐρεθισμῷ ταραχώδεα, ἔπειτα δὲ αὐτὰ τὰ ποτὰ διῄει, οὐδὲν συνίστατο‧ ἀναισθήτωσ εἶχε πάντων‧ δέρματοσ περίτασισ καρφαλέου. εἰκοστῇ λόγοι πολλοὶ καὶ πάλιν ἱδρύνθη‧ ἄφωνοσ, βραχύπνοοσ. εἰκοστῇ πρώτῃ ἀπέθανε. ταύτῃ διὰ τέλεοσ πνεῦμα ἀραιόν, μέγα‧ ἀναι‐ σθήτωσ πάντων εἶχεν‧ αἰεὶ περιεστέλλετο‧ ἢ λόγοι πολλοὶ ἢ σιγῶσα διὰ τέλεοσ. ισ’. Ἐν Μελιβοίῃ νεηνίσκοσ ἐκ πότων καὶ ἀφροδισίων πολλῶν πολὺν χρόνον θερμανθεὶσ κατεκλίθη‧ φρικώδησ δὲ καὶ ἀσώδησ ἦν καὶ ἄγρυπνοσ καὶ ἄδιψοσ. ἀπὸ δὲ κοιλίησ τῇ πρώτῃ πολλὰ κόπρανα διῆλθε σὺν περιρρόῳ πολλῷ, καὶ τὰσ ἑπομένασ ὑδατόχλοα πολλὰ διῄει‧ οὖρα λεπτά, ὀλίγα, ἄχρω‧ πνεῦμα ἀραιόν, μέγα διὰ χρόνου‧ ὑποχονδρίου ἔντασισ ὑπολάπαροσ, παραμήκησ ἐξ ἀμφοτέρων‧ καρδίησ παλμὸσ διὰ τέλεοσ συνεχήσ‧ οὔρησεν ἐλαιῶδεσ. δεκάτῃ παρέκρουσεν ἀτρεμέωσ, ἦν δὲ κόσμιόσ τε καὶ σιγῶν‧ δέρμα καρφαλέον καὶ περιτεταμένον‧ διαχωρήματα ἢ πολλὰ καὶ λεπτὰ ἢ χολώδεα, λιπαρά. τεσσαρεσ καιδεκάτῃ πάντα παρωξύνθη, παρέκρουσεν, πολλὰ παρέλεγεν. εἰκοστῇ ἐξεμάνη, πολὺσ βληστρισμόσ, οὐδὲν οὔρει, σμικρὰ ποτὰ κατείχετο. εἰκοστῇ τετάρτῃ ἀπέθανε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, EPIDHMIWN A, Ἑκκαίδεκα ἀρ́ρωστοι

(히포크라테스, Hippocrates Collected Works I, EPIDHMIWN A, Ἑκκαίδεκα ἀρ́ρωστοι)

상위

목록

SEARCH

MENU NAVIGATION