헬라어 문장 검색 - Ηιπποξ́Ηιπποξρ́3́01́

(히포크라테스, Hippocrates Collected Works I, EPIDHMIWN A, ἀρ́ρωστοι τεσσαρεσ καίδεκα)

Ι. Ἐν Θάσῳ φθινοπώρου περὶ ἰσημερίην καὶ ὑπὸ πληιάδα ὕδατα πολλά, συνεχέα μαλθακῶσ, ἐν νοτίοισ. χειμὼν νότιοσ, σμικρὰ βόρεια, αὐχμοί‧ τὸ σύνολον ἔσ γε χειμῶνα οἱο͂ν ἐάρ γίνεται. ἐάρ δὲ νότιον ψυχεινόν, σμικρὰ ὕσματα. θέροσ ὡσ ἐπὶ τὸ πολὺ ἐπινέφελον. ἀνυδρίαι. ἐτησίαι ὀλίγα, σμικρά, διεσπασμένωσ ἔπνευσαν. Γενομένησ δὲ τῆσ ἀγωγῆσ ὅλησ ἐπὶ τὰ νότια καὶ μετ’ αὐχμῶν, πρωὶ μὲν τοῦ ἦροσ ἐκ τῆσ πρόσθεν καταστάσιοσ ὑπεναντίησ καὶ βορείου γενομένησ ὀλίγοισ ἐγίνοντο καῦσοι καὶ τούτοισι πάνυ εὐσταθέεσ, καὶ ὀλίγοισ ᾑμορράγει οὐδ’ ἀπέθνῃσκον ἐκ τούτων. ἐπάρματα δὲ παρὰ τὰ ὦτα πολλοῖσιν ἑτερόρροπα καὶ ἐξ ἀμφοτέρων, τοῖσι πλείστοισιν ἀπύροισιν ὀρθοστάδην‧ ἔστι δὲ οἳ καὶ σμικρὰ ἐπεθερμαίνοντο. κατέσβη πᾶσιν ἀσινέωσ οὐδ’ ἐξεπύησεν οὐδενὶ ὥσπερ τὰ ἐξ ἄλλων προφασίων. ἦν δὲ ὁ τρόποσ αὐτῶν χαῦνα, μεγάλα, κεχυμένα, οὐ μετὰ φλεγμονῆσ, ἀνώδυνα‧ πᾶσιν ἀσήμωσ ἠφανίσθη. ἐγίνετο δὲ ταῦτα μειρακίοισι, νέοισιν, ἀκμάζουσι, καὶ τούτων τοῖσι περὶ παλαίστρην καὶ γυμνάσια πλείστοισι‧ γυναιξὶ δὲ ὀλίγῃσιν ἐγίνετο. πολλοῖσι δὲ βῆχεσ ξηραὶ βήσσουσι καὶ οὐδὲν ἀνάγουσιν‧ φωναὶ βραγχώδεεσ. οὐ μετὰ πολύ, τοῖσι δὲ καὶ μετὰ χρόνον, φλεγμοναὶ μετ’ ὀδύνησ ἐσ ὄρχιν ἑτερόρροποι, τοῖσι δὲ ἐσ ἀμφοτέρουσ. πυρετοὶ τοῖσι μέν, τοῖσι δ’ οὔ. ἐπιπόνωσ ταῦτα τοῖσι πλείστοισι. τὰ δ’ ἄλλα ὅσα κατ’ ἰητρεῖον ἀνόσωσ διῆγον. ΙΙ. Πρωὶ δὲ τοῦ θέρεοσ ἀρξάμενοι διὰ θέρεοσ καὶ κατὰ χειμῶνα πολλοὶ τῶν ἤδη πολὺν χρόνον ὑποφερομένων φθινώδεεσ κατεκλίνησαν, ἐπεὶ καὶ τοῖσ ἐνδοιαστῶσ ἔχουσι πολλοῖσιν ἐβεβαίωσε τότε. ἔστι δ’ οἷσιν ἤρξατο πρῶτον τότε, οἷσιν ἔρρεπεν ἡ φύσισ ἐπὶ τὸ φθινῶδεσ. ἀπέθανον δὲ πολλοὶ καὶ πλεῖστοι τούτων, καὶ τῶν κατακλινέντων οὐκ οἶδα εἴ τισ οὐδ’ εἰ μέτριον χρόνον περιεγένετο. ἀπέθνῃσκον δὲ ὀξυτέρωσ ἢ ὡσ εἴθισται διάγειν τὰ τοιαῦτα‧ ὡσ τά γε ἄλλα καὶ μακρότερα καὶ ἐν πυρετοῖσιν ἐόντα εὐφόρωσ ἤνεγκαν καὶ οὐκ ἀπέθνῃσκον, περὶ ὧν γεγράψεται. μοῦνον γὰρ καὶ μέγιστον τῶν γενομένων νοσημάτων τοὺσ πολλοὺσ τὸ φθινῶδεσ ἔκτεινεν. Ην δὲ τοῖσ πλείστοισιν αὐτῶν τὰ παθήματα τοιάδε‧ φρικώδεεσ πυρετοί, συνεχέεσ, ὀξέεσ, τὸ μὲν ὅλον οὐ διαλείποντεσ‧ ὁ δὲ τρόποσ ἡμιτριταῖοσ‧ μίαν κουφότεροι, τῇ ἑτέρῃ παροξυνόμενοι, καὶ τὸ ὅλον ἐπὶ τὸ ὀξύτερον ἐπιδιδόντεσ. ἱδρῶτεσ αἰεί, οὐ δι’ ὅλου‧ ψύξισ ἀκρέων πολλὴ καὶ μόγισ ἀναθερμαινόμενα. κοιλίαι ταραχώδεεσ χολώδεσιν, ὀλίγοισ, ἀκρήτοισι, λεπτοῖσι, δακνώδεσι‧ πυκνὰ ἀνίσταντο. οὖρα ἢ λεπτὰ καὶ ἄχρω καὶ ἄπεπτα καὶ ὀλίγα ἢ πάχοσ ἔχοντα καὶ σμικρὴν ὑπόστασιν, οὐ καλῶσ καθιστάμενα, ἀλλ’ ὠμῇ τινι καὶ ἀκαίρῳ ὑποστάσει. ἔβησσον δὲ σμικρά, πυκνά, πέπονα, κατ’ ὀλίγα μόγισ ἀνάγοντεσ. οἷσι δὲ τὰ βιαιότατα συμπίπτοι, οὐδ’ ἐσ ὀλίγον πεπασμὸν ᾔει, ἀλλὰ διετέλεον ὠμὰ πτύοντεσ. φάρυγγεσ δὲ τοῖσι πλείστοισι τούτων ἐξ ἀρχῆσ καὶ διὰ τέλεοσ ἐπώδυνοι‧ εἶχον ἔρευθοσ μετὰ φλεγμονῆσ‧ Ῥεύματα σμικρά, λεπτά, δριμέα‧ ταχὺ τηκόμενοι καὶ κακούμενοι, ἀπόσιτοι πάντων γευμάτων διὰ τέλεοσ, ἄδιψοι‧ καὶ παράληροι πολλοὶ περὶ θάνα τον. περὶ μὲν τὰ φθινώδεα ταῦτα. ΙΙΙ. Κατὰ δὲ θέροσ ἤδη καὶ φθινόπωρον πυρετοὶ πολλοὶ συνεχέεσ οὐ βιαίωσ, μακρὰ δὲ νοσέουσιν οὐδὲ περὶ τὰ ἄλλα δυσφόρωσ διάγουσιν ἐγένοντο‧ κοιλίαι τε γὰρ τοῖσι πλείστοισι πάνυ εὐφόρωσ καὶ οὐδὲν ἄξιον λόγου προσέβλαπτον. οὖρά τε τοῖσι πλείστοισιν εὔχρω μὲν καὶ καθαρά, λεπτὰ δὲ καὶ μετὰ χρόνον περὶ κρίσιν πεπαινόμενα. βηχώδεεσ οὐ λίην. οὐδὲ τὰ βησσόμενα δυσκόλωσ‧ οὐδ’ ἀπόσιτοι, ἀλλὰ καὶ διδόναι πάνυ ἐνεδέχετο. τὸ μὲν ὅλον ὑπενόσεον, οὐ τὸν φθινώδεα τρόπον πυρετοῖσι φρικώδεσι, σμικρὰ ὑφιδροῦντεσ, ἄλλοτε ἀλλοίωσ παροξυνόμενοι πεπλανημένωσ. ἔκρινε τούτων οἷσι τὰ βραχύτατα γίνοιτο περὶ εἰκοστήν, τοῖσι δὲ πλείστοισι περὶ τεσσαρακοστήν, πολλοῖσι δὲ περὶ τὰσ ὀγδοήκοντα. ἔστι δ’ οἷσιν οὐδ’ οὕτωσ, ἀλλὰ πεπλανημένωσ καὶ ἀκρίτωσ ἐξέλιπον‧ τούτων δὲ τοῖσι πλείστοισιν οὐ πολὺν διαλιπόντεσ χρόνον ὑπέστρεψαν οἱ πυρετοὶ πάλιν, ἐκ δὲ τῶν ὑποστροφέων ἐν τῇσιν αὐτῇσι περιόδοισιν ἐκρί νοντο‧ πολλοῖσι δὲ αὐτῶν ἀνήγαγον, ὥστε καὶ ὑπὸ χειμῶνα νοσεῖν. Ἐκ πάντων δὲ τῶν ὑπογεγραμμένων ἐν τῇ καταστάσει ταύτῃ μούνοισι τοῖσι φθινώδεσι θανατώδεα συνέπεσεν‧ ἐπεὶ τοῖσί γε ἄλλοισι πᾶσιν εὐφόρωσ, καὶ θανατώδεεσ ἐν τοῖσιν ἄλλοισι πυρετοῖσιν οὐκ ἐγένοντο. Ιϝ. Ἐν Θάσῳ πρωὶ τοῦ φθινοπώρου χειμῶνεσ οὐ κατὰ καιρόν, ἀλλ’ ἐξαίφνησ ἐν βορείοισι καὶ νοτίοισι πολλοῖσ ὑγροὶ καὶ προεκρηγνύμενοι. ταῦτα δὴ ἐγένετο τοιαῦτα μέχρι πληϊάδοσ δύσιοσ καὶ ὑπὸ πληϊάδα. χειμὼν δὲ βόρειοσ‧ ὕδατα πολλά, λάβρα, μεγάλα, χιόνεσ‧ μειξαίθρια τὰ πλεῖστα. ταῦτα δὲ ἐγένετο μὲν πάντα, οὐ λίην δὲ ἀκαίρωσ τὰ τῶν ψυχέων. ἤδη δὲ μεθ’ ἡλίου τροπὰσ χειμερινὰσ καὶ ἡνίκα ζέφυροσ πνεῖν ἄρχεται, ὀπισθοχειμῶνεσ μεγάλοι, βόρεια πολλά, χιὼν καὶ ὕδατα πολλὰ συνεχέωσ, οὐρανὸσ λαι λαπώδησ καὶ ἐπινέφελοσ. ταῦτα δὲ συνέτεινε καὶ οὐκ ἀνίει μέχρι ἰσημερίησ. ἐάρ δὲ ψυχρόν, βόρειον, ὑδατῶδεσ, ἐπινέφελον. θέροσ οὐ λίην καυματῶδεσ ἐγένετο‧ ἐτησίαι συνεχέεσ ἔπνευσαν. ταχὺ δὲ περὶ ἀρκτοῦρον ἐν βορείοισι πολλὰ πάλιν ὕδατα. ϝ. Γενομένου δὲ τοῦ ἔτεοσ ὅλου ὑγροῦ καὶ ψυχροῦ καὶ βορείου κατὰ χειμῶνα μὲν ὑγιηρῶσ εἶχον τὰ πλεῖστα, πρωὶ δὲ τοῦ ἦροσ πολλοί τινεσ καὶ οἱ πλεῖστοι διῆγον ἐπινόσωσ. ἤρξαντο μὲν οὖν τὸ πρῶτον ὀφθαλμίαι Ῥοώδεεσ, ὀδυνώδεεσ, ὑγραὶ ἀπέπτωσ‧ σμικρὰ λημία δυσκόλωσ πολλοῖσιν ἐκρηγνύμενα‧ τοῖσι πλείστοισιν ὑπέστρεφον‧ ἀπέλιπον ὀψὲ πρὸσ τὸ φθινόπωρον. κατὰ δὲ θέροσ καὶ φθινόπωρον δυσεντεριώδεεσ καὶ τεινεσμοὶ καὶ λειεντεριώδεεσ. καὶ διάρροιαι χολώδεεσ, πολλοῖσι λεπτοῖσιν, ὠμοῖσι καὶ δακνώδεσιν, ἔστι δ’ οἷσι καὶ ὑδατώδεεσ. πολλοῖσι δὲ καὶ περίρροιαι μετὰ πόνου χολώδεεσ, ὑδατώδεεσ, ξυσματώδεεσ, πυώδεεσ, στραγγουριώδεεσ‧ οὐ νεφριτικά, ἀλλὰ τούτοισιν ἀντ’ ἄλλων ἄλλα. ἔμετοι φλεγματώδεεσ, χολώδεεσ καὶ σιτίων ἀπέπτων ἀναγωγαί. ἱδρῶτεσ‧ πᾶσι πάντοθεν πολὺσ πλάδοσ. ἐγίνετο δὲ ταῦτα πολλοῖσιν ὀρθοστάδην ἀπύροισι, πολλοῖσι δὲ πυρετοί, περὶ ὧν γεγράψεται. ἐν οἷσι δὲ ὑπεφαίνετο πάντα τὰ ὑπογεγραμμένα, μετὰ πόνου φθινώδεεσ. ἤδη δὲ φθινοπώρου καὶ ὑπὸ χειμῶνα πυρετοὶ συνεχέεσ‐καί τισιν αὐτῶν ὀλίγοισι καυσώδεεσ‐‐ἡμερινοί, νυκτερινοί, ἡμιτριταῖοι, τριταῖοι ἀκριβέεσ, τεταρταῖοι, πλάνητεσ. ἔκαστοι δὲ τῶν ὑπογεγραμ μένων πυρετῶν πολλοῖσιν ἐγίνοντο. ϝΙ. Οἱ μὲν οὖν καῦσοι ἐλαχίστοισί τε ἐγένοντο καὶ ἥκιστα τῶν καμνόντων οὗτοι ἐπόνησαν. οὔτε γὰρ ᾑμορράγει, εἰ μὴ πάνυ σμικρὰ καὶ ὀλίγοισιν, οὔτε οἱ παράληροι. τά τε ἄλλα πάντ’ εὐφόρωσ. ἔκρινε τούτοισι πάνυ εὐτάκτωσ, τοῖσι πλείστοισι σὺν τῇσι διαλειπούσῃσιν ἐν ἑπτακαίδεκα ἡμέρῃσιν οὐδὲ ἀποθανόντα οὐδένα οἶδα τότε καύσῳ οὐδὲ φρενιτικὰ τότε γενόμενα. οἱ δὲ τριταῖοι πλείουσ μὲν τῶν καύσων καὶ ἐπιπονώτεροι‧ εὐτάκτωσ δὲ τούτοισι πᾶσιν ἀπὸ τῆσ πρώτησ λήψιοσ τέσσαρασ περιόδουσ‧ ἐν ἑπτὰ δὲ τελέωσ ἔκριναν οὐδ’ ὑπέστρεψαν οὐδενὶ τούτων. οἱ δὲ τεταρταῖοι πολλοῖσι μὲν ἐξ ἀρχῆσ ἐν τάξει τεταρταίου ἤρξαντο, ἔστι δὲ οἷσ οὐκ ὀλίγοισιν ἐξ ἄλλων πυρετῶν καὶ νοσημάτων ἀποστάσει τεταρταῖοι ἐγένοντο‧ μακρὰ δὲ καὶ ὡσ εἴθισται τούτοισι καὶ ἔτι μακρότερα συνέπιπτεν. ἀμφημερινοὶ δὲ καὶ νυκτερινοὶ καὶ πλάνητεσ πολλοῖσι πολλοὶ καὶ πολὺν χρόνον παρέμενον ὀρθοστάδην τε καὶ κατακειμένοισι. τοῖσι πλείστοισι τούτων ὑπὸ πληϊάδα καὶ μέχρι χειμῶνοσ οἱ πυρετοὶ παρείποντο. σπασμοὶ δὲ πολλοῖσι, μᾶλλον δὲ παιδίοισ, ἐξ ἀρχῆσ καὶ ὑπεπύρεσσον, καὶ ἐπὶ πυρετοῖσιν ἐγίνοντο σπασμοί‧ χρόνια μὲν τοῖσι πλείστοισι τούτων, ἀβλαβέα δέ, εἰ μὴ τοῖσι καὶ ἐκ τῶν ἄλλων πάντων ὀλεθρίωσ ἔχουσιν. ϝΙΙ. Οἱ δὲ δὴ συνεχέεσ μὲν τὸ ὅλον καὶ οὐδὲν ἐκλείποντεσ, παροξυνόμενοι δὲ πᾶσι τριταιοφυέα τρόπον, μίαν ὑποκουφίζοντεσ καὶ μίαν παροξυνόμενοι, πάντων βιαιότατοι τῶν τότε γενομένων καὶ μακρότατοι καὶ μετὰ πόνων μεγίστων γενόμενοι‧ πρηέωσ ἀρχόμενοι, τὸ δ’ ὅλον ἐπιδιδόντεσ αἰεὶ καὶ παροξυνόμενοι καὶ ἀνάγοντεσ ἐπὶ τὸ κάκιον‧ σμικρὰ διακουφίζοντεσ καὶ ταχὺ πάλιν ἐξ ἐπισχέσιοσ βιαιοτέρωσ παροξυνόμενοι, ἐν κρισί μοισ ὡσ ἐπὶ τὸ πολὺ κακούμενοι. Ῥίγεα δὲ πᾶσι μὲν ἀτάκτωσ καὶ πεπλανημένωσ ἐγίνετο, ἐλάχιστα δὲ καὶ ἥκιστα τούτοισιν, ἀλλ’ ἐπὶ τῶν ἄλλων πυρετῶν μέζω. ἱδρῶτεσ πολλοί, τούτοισι δὲ ἐλάχιστοι, κουφίζοντεσ οὐδέν, ἀλλ’ ὑπεναντίον βλάβασ φερόντεσ. ψύξισ δὲ πολλὴ τούτοισιν ἀκρέων καὶ μόγισ ἀναθερμαινόμενα. ἄγρυπνοι τὸ σύνολον καὶ μάλιστα οὗτοι καὶ πάλιν κωματώδεεσ. κοιλίαι δὲ πᾶσι μὲν ταραχώδεεσ καὶ κακαί, πολὺ δὲ τούτοισι κάκισται. οὖρα δὲ τοῖσι πλείστοισι τούτων ἢ λεπτὰ καὶ ὠμὰ καὶ ἄχρω καὶ μετὰ χρόνον σμικρὰ πεπαινόμενα κρισίμωσ ἢ πάχοσ μὲν ἔχοντα, θολερὰ δὲ καὶ οὐδὲν καθιστάμενα, οὐδ’ ὑφιστάμενα, ἢ σμικρὰ καὶ κακὰ καὶ ὠμὰ τὰ ὑφιστάμενα‧ κάκιστα δὲ ταῦτα πάντων. βῆχεσ δὲ παρείποντο μὲν τοῖσ πυρετοῖσι, γράψαι δὲ οὐκ ἔχω βλάβην οὐδ’ ὠφελείην γενομένην διὰ βηχὸσ τότε. ϝΙΙΙ. Χρόνια μὲν οὖν καὶ δυσχερέα καὶ πάνυ ἀτάκτωσ καὶ πεπλανημένωσ καὶ ἀκρίτωσ τὰ πλεῖστα τούτων διετέλει γινόμενα καὶ τοῖσι πάνυ ὀλεθρίωσ ἔχουσι καὶ τοῖσι μή. εἰ γάρ τινασ αὐτῶν καὶ διαλίποι σμικρά, ταχὺ πάλιν ὑπέστρεφεν. ἔστι δ’ οἷσιν ἔκρινεν αὐτῶν ὀλίγοισιν, οἷσι τὰ βραχύτατα γένοιτο, περὶ ὀγδοηκοστὴν ἐοῦσι, καὶ τούτων ἐνίοισ ὑπέστρεφεν, ὥστε κατὰ χειμῶνα τοὺσ πλείστουσ αὐτῶν ἔτι νοσεῖν. τοῖσι δὲ πλείστοισιν ἀκρίτωσ ἐξέλειπεν. ὁμοίωσ δὲ ταῦτα συνέπιπτεν τοῖσ περιγινομένοισιν καὶ τοῖσιν οὔ. πολλῆσ δέ τινοσ γινομένησ ἀκρισίησ καὶ ποικιλίησ ἐπὶ τῶν νοσημάτων καὶ μεγίστου μὲν σημείου καὶ κακίστου διὰ τέλεοσ παρεπομένου τοῖσι πλείστοισιν ἀποσίτοισ εἶναι πάντων γευμάτων, μάλιστα δὲ τούτων, οἷσι καὶ τἄλλα ὀλεθρίωσ ἔχοι, διψώδεεσ οὐ λίην ἀκαίρωσ ἦσαν ἐπὶ τοῖσι πυρετοῖσι τούτοισι. γενομένων δὲ χρόνων μακρῶν καὶ πόνων πολλῶν καὶ κακῆσ συντήξιοσ, ἐπὶ τούτοισιν ἀποστάσιεσ ἐγίνοντο ἢ μέζουσ, ὥστε ὑποφέρειν μὴ δύνασθαι, ἢ μείουσ, ὥστε μηδὲν ὠφελεῖν, ἀλλὰ ταχὺ παλινδρομεῖν καὶ συνεπείγειν ἐπὶ τὸ κάκιον. Ιχ. Ἦν δὲ τούτοισι τὰ γινόμενα δυσεντεριώδεα καὶ τεινεσμοί, καὶ λειεντερικοὶ καὶ Ῥοώδεεσ. ἔστι δ’ οἷσι καὶ ὕδρωπεσ μετὰ τούτων καὶ ἄνευ τούτων. ὅ τι δὲ παραγένοιτο τούτων βιαίωσ ταχὺ συνῄρει, ἢ πάλιν ἐπὶ τὸ μηδὲν ὠφελεῖν. ἐξανθήματα σμικρὰ καὶ οὐκ ἀξίωσ τῆσ περιβολῆσ τῶν νοσημάτων καὶ ταχὺ πάλιν ἀφανιζόμενα ἢ παρὰ τὰ ὦτα οἰδήματα μωλυόμενα καὶ οὐδὲν ἀποσημαίνοντα, ἔστι δ’ οἷσ ἐσ ἄρθρα, μάλιστα δὲ κατὰ ἰσχίον, ὀλίγοισι κρισίμωσ ἀπολείποντα καὶ ταχὺ πάλιν ἐπικρατεύμενα ἐπὶ τὴν ἐξ ἀρχῆσ ἕξιν. χ. Ἔθνῃσκον δ’ ἐκ πάντων μέν, πλεῖστοι δ’ ἐκ τούτων, καὶ τούτων παιδία, ὅσα ἀπὸ γάλακτοσ ἤδη, καὶ πρεσβύτερα, ὀκταετέα καὶ δεκαετέα, καὶ ὅσα πρὸ ἥβησ. ἐγίνετο δὲ τούτοισι ταῦτα οὐκ ἄνευ τῶν πρώτων γεγραμμένων, τὰ δὲ πρῶτα πολλοῖσιν ἄνευ τούτων. μοῦνον δὲ χρηστὸν καὶ μέγιστον τῶν γενομένων σημείων καὶ πλείστουσ ἐρρύσατο τῶν ἐόντων ἐπὶ τοῖσι μεγίστοισι κινδύνοισιν, οἷσιν ἐπὶ τὸ στραγγουριῶδεσ ἐτράπετο καὶ ἐσ τοῦτο ἀποστάσιεσ ἐγίνοντο. συνέπιπτε δὲ καὶ τὸ στραγγουριῶδεσ τῇσιν ἡλικίῃσιν ταύτῃσιν γίνεσθαι μάλιστα. ἐγίνετο δὲ καὶ τῶν ἄλλων πολλοῖσιν ὀρθοστάδην καὶ ἐπὶ τῶν νοσημάτων. ταχὺ δὲ καὶ μεγάλη τισ ἡ μεταβολὴ τούτοισι πάντων ἐγίνετο. κοιλίαι τε γάρ, καὶ εἰ τύχοιεν ἐφυγραινόμεναι κακοήθεα τρόπον, ταχὺ συνίσταντο, γεύμασίν τε πᾶσιν ἡδέωσ εἶχον, οἵ τε πυρετοὶ πρηέεσ μετὰ ταῦτα. χρόνια δὲ καὶ τούτοισι τὰ περὶ τὴν στραγγουρίην καὶ ἐπιπόνωσ. οὖρα δὲ τούτοισιν ᾔει πολλὰ παχέα καὶ ποικίλα καὶ ἐρυθρά, μειξόπυα μετ’ ὀδύνησ. περιεγένοντο δὲ πάντεσ οὗτοι, καὶ οὐδένα τούτων οἶδα ἀπο θανόντα. χΙ. Ὅσα διὰ κινδύνων, πεπασμοὺσ τῶν ἀπιόντων πάντασ πάντοθεν ἐπικαίρουσ ἢ καλὰσ καὶ κρισίμουσ ἀποστάσιασ σκοπεῖσθαι. πεπασμοὶ ταχυτῆτα κρίσιοσ καὶ ἀσφάλειαν ὑγιείησ σημαί νουσιν, ὠμὰ δὲ καὶ ἄπεπτα καὶ ἐσ κακὰσ ἀποστάσιασ τρεπόμενα ἀκρισίασ ἢ πόνουσ ἢ χρόνουσ ἢ θανάτουσ ἢ τῶν αὐτῶν ὑποστροφάσ. ὅ τι δὲ τούτων ἔσται μάλιστα, σκεπτέον ἐξ ἄλλων. λέγειν τὰ προγενόμενα, γινώσκειν τὰ παρεόντα, προλέγειν τὰ ἐσόμενα‧ μελετᾶν ταῦτα. ἀσκεῖν περὶ τὰ νοσήματα δύο, ὠφελεῖν ἢ μὴ βλάπτειν. ἡ τέχνη διὰ τριῶν, τὸ νόσημα καὶ ὁ νοσέων καὶ ὁ ἰητρόσ‧ ὁ ἰητρὸσ ὑπηρέτησ τῆσ τέχνησ‧ ὑπεναντιοῦσθαι τῷ νοσήματι τὸν νοσέοντα μετὰ τοῦ ἰητροῦ. χΙΙ. Τὰ περὶ κεφαλὴν καὶ τράχηλον ἀλγήματα καὶ βάρεα μετ’ ὀδύνησ ἄνευ πυρετῶν καὶ ἐν πυρετοῖσι‧ φρενιτικοῖσι μὲν σπασμοί, καὶ ἰώδεα ἐπανεμεῦσιν, ἔνιοι ταχυθάνατοι τούτων. ἐν καύσοισι δὲ καὶ τοῖσ ἄλλοισ πυρετοῖσ, οἷσι μὲν τραχήλου πόνοσ καὶ κροτάφων βάροσ καὶ σκοτώδεα περὶ τὰσ ὄψιασ καὶ ὑποχονδρίου σύντασισ οὐ μετ’ ὀδύνησ γίνεται, τούτοισιν αἱμορραγεῖ διὰ Ῥινῶν‧ οἷσι δὲ βάρεα μὲν ὅλησ τῆσ κεφαλῆσ, καρδιωγμοὶ δὲ καὶ ἀσώδεέσ εἰσιν, ἐπανεμέουσιν χολώδεα καὶ φλεγματώδεα. τὸ πολὺ δὲ παιδίοισιν ἐν τοῖσι τοιούτοισιν οἱ σπασμοὶ μάλιστα, γυναιξὶ δὲ καὶ ταῦτα καὶ ἀπὸ ὑστερέων πόνοι, πρεσβυτέροισι δὲ καὶ ὅσοισ ἤδη τὸ θερμὸν κρατεῖται, παραπληγικὰ ἢ μανικὰ ἢ στερήσιεσ ὀφθαλμῶν. χΙΙΙ. Ἐν Θάσῳ πρὸ ἀρκτούρου ὀλίγον καὶ ἐπ’ ἀρκτούρου ὕδατα πολλὰ μεγάλα ἐν βορείοισ. περὶ δὲ ἰσημερίην καὶ μέχρι πληϊάδοσ νότια ὕσματα ὀλίγα. χειμὼν βόρειοσ, αὐχμοί, ψύχεα, πνεύματα μεγάλα, χιόνεσ. περὶ δὲ ἰσημερίην χειμῶνεσ μέγιστοι. ἐάρ βόρειον, αὐχμοί, ὕσματα ὀλίγα, ψύχεα. περὶ δὲ ἡλίου τροπὰσ θερινὰσ ὕδατα ὀλίγα, μεγάλα ψύχεα μέχρι κυνὸσ ἐπλησίασε. μετὰ δὲ κύνα μέχρι ἀρκτούρου θέροσ θερμόν‧ καύματα μεγάλα καὶ οὐκ ἐκ προσαγωγῆσ, ἀλλὰ συνεχέα καὶ βίαια‧ ὕδωρ οὐκ ἐγένετο‧ ἐτησίαι ἔπνευσαν. περὶ ἀρκτοῦρον ὕσματα νότια μέχρι ἰσημερίησ. χΙϝ. Ἐν τῇ καταστάσει ταύτῃ κατὰ χειμῶνα μὲν ἤρξαντο παραπληγίαι καὶ πολλοῖσιν ἐγίνοντο, καὶ τινὲσ αὐτῶν ἔθνῃσκον διὰ ταχέων‧ καὶ γὰρ ἄλλωσ τὸ νόσημα ἐπίδημον ἦν‧ τὰ δὲ ἄλλα διετέλεον ἄνοσοι. πρωϊ δὲ τοῦ ἦροσ ἤρξαντο καῦσοι καὶ διετέλεον μέχρι ἰσημερίησ καὶ πρὸσ τὸ θέροσ. ὅσοι μὲν οὖν ἦροσ καὶ θέρεοσ ἀρξαμένου αὐτίκα νοσεῖν ἤρξαντο, οἱ πλεῖστοι διεσῴζοντο, ὀλίγοι δέ τινεσ ἔθνῃσκον. ἤδη δὲ τοῦ φθινοπώρου καὶ τῶν ὑσμάτων γενομένων θανατώδεεσ ἦσαν καὶ πλείουσ ἀπωλλυντο. Ἦν δὲ τὰ παθήματα τῶν καύσων, οἷσι μὲν καλῶσ καὶ δαψιλέωσ ἐκ Ῥινῶν αἱμορραγήσαι, διὰ τούτου μάλιστα σῴζεσθαι, καὶ οὐδένα οἶδα, εἰ καλῶσ αἱμορραγήσαι, ἐν τῇ καταστάσει ταύτῃ ἀποθανόντα. Φιλίσκῳ γὰρ καὶ Ἐπαμείνονι καὶ Σιληνῷ τεταρταίῳ καὶ πεμπταίῳ σμικρὸν ἀπὸ Ῥινῶν ἔσταξεν‧ ἀπέθανον. οἱ μὲν οὖν πλεῖστοι τῶν νοσησάντων περὶ κρίσιν ἐπερρίγουν καὶ μάλιστα οἷσι μὴ αἱμορραγήσαι. ἐπερρίγουν δὲ καὶ οὗτοι καὶ ἐφίδρουν. χϝ. Ἔστι δὲ οἷσιν ἴκτεροι ἑκταίοισ, ἀλλὰ τούτοισ ἢ κατὰ κύστιν κάθαρσισ ἢ κοιλίη ἐκταραχθεῖσα ὠφέλει ἢ δαψιλὴσ αἱμορραγίη, οἱο͂ν Ἡρακλείδῃ, ὃσ κατέκειτο παρὰ Ἀριστοκύδει. καίτοι τούτῳ καὶ ἐκ Ῥινῶν ᾑμορράγησε καὶ ἡ κοιλίη ἐπεταράχθη, καὶ κατὰ κύστιν ἐκαθήρατο‧ ἐκρίθη εἰκοσταῖοσ‧ οὐχ οἱο͂ν ὁ Φαναγόρεω οἰκέτησ, ᾧ οὐδὲν τούτων ἐγένετο‧ ἀπέθανεν. ᾑμορράγει δὲ τοῖσι πλείστοισι, μάλιστα δὲ μειρακίοισι καὶ ἀκμάζουσι, καὶ ἔθνῃσκον πλεῖστοι τούτων, οἷσι μὴ αἱμορραγήσαι. πρεσβυτέροισι δὲ ἐσ ἰκτέρουσ ἢ κοιλίαι ταραχώδεεσ, οἱο͂ν Βίωνι τῷ παρὰ Σιληνὸν κατακειμένῳ. ἐπεδήμησαν δὲ καὶ δυσεντερίαι κατὰ θέροσ, καί τισι καὶ τῶν διανοσησάντων, οἷσι καὶ αἱμορραγίαι ἐγένοντο, ἐσ δυσεντεριώδεα ἐτελεύτησεν, οἱο͂ν τῷ Ἐράτωνοσ παιδὶ καὶ Μύλλῳ πολλῆσ αἱμορραγίησ γενομένησ ἐσ δυσεντεριώδεα κατέστη‧ περιεγένοντο. Πολὺσ μὲν οὖν μάλιστα οὗτοσ ὁ χυμὸσ ἐπε πόλασεν, ἐπεὶ καὶ οἷσι περὶ κρίσιν οὐχ ᾑμορράγησεν, ἀλλὰ παρὰ τὰ ὦτα ἐπαναστάντα ἠφανίσθη‐‐τούτων δὲ ἀφανισθέντων παρὰ τὸν κενεῶνα βάροσ τὸν ἀριστερὸν καὶ ἐσ ἄκρον ἰσχίον ‐‐ἀλγήματοσ μετὰ κρίσιν γενομένου καὶ οὔρων λεπτῶν διεξιόντων, αἱμορραγεῖν σμικρὰ ἤρξατο περὶ τετάρτην καὶ εἰκοστήν, καὶ ἐγένοντο ἐσ αἱμορραγίην ἀποστάσιεσ‧ Ἀντιφῶντι Κριτοβούλου ἀπεπαύσατο καὶ ἐκρίθη τελέωσ περὶ τεσσαρακοστήν. χϝΙ. Γυναῖκεσ δὲ ἐνόσησαν μὲν πολλαί, ἐλάσσουσ δὲ ἢ ἄνδρεσ καὶ ἔθνῃσκον ἧσσον. ἐδυστόκεον δὲ αἱ πλεῖσται καὶ μετὰ τοὺσ τόκουσ ἐπενόσεον, καὶ ἔθνῃσκον αὗται μάλιστα, οἱο͂ν ἡ Τελεβούλου θυγάτηρ ἀπέθανεν ἑκταίη ἐκ τόκου. τῇσι μὲν οὖν πλείστῃσιν ἐν τοῖσι πυρετοῖσι γυναικεῖα ἐπεφαίνετο καὶ παρθένοισι πολλῇσι τότε πρῶτον ἐγένετο‧ ἔστι δ’ ᾗσιν ᾑμορράγησεν ἐκ Ῥινῶν‧ ἔστι δ’ ὅτε καὶ ἐκ Ῥινῶν καὶ τὰ γυναικεῖα τῇσιν αὐτῇσιν ἐπεφαίνετο, οἱο͂ν τῇ Δαιθάρσεοσ θυγατρὶ παρθένῳ ἐπεφάνη τότε πρῶτον καὶ ἐκ Ῥινῶν λάβρον ἐρρύη, καὶ οὐδεμίαν οἰδα ἀποθανοῦσαν, ᾗσι τούτων τι καλῶσ γένοιτο. ᾗσι δὲ συνεκύρησεν ἐν γαστρὶ ἐχούσῃσι νοσῆσαι, πᾶσαι ἀπέφθειραν, ἃσ καὶ ἐγὼ οἶδα. χϝΙΙ. Οὖρα δὲ τοῖσι πλείστοισιν εὔχρω μέν, λεπτὰ δὲ καὶ ὑποστάσιασ ὀλίγασ ἔχοντα, κοιλίαι δὲ ταραχώδεεσ τοῖσι πλείστοισι διαχωρήμασι λεπτοῖσι καὶ χολώδεσι. πολλοῖσι δὲ τῶν ἄλλων κεκριμένων ἐσ δυσεντερίασ ἐτελεύτα, οἱο͂ν Ξενοφάνει καὶ Κριτίᾳ. οὖρα δὲ ὑδατώδεα πολλὰ καθαρὰ καὶ λεπτὰ καὶ μετὰ κρίσιν καὶ ὑποστάσιοσ καλῆσ γενομένησ καὶ τῶν ἄλλων καλῶσ κεκριμένων ἀναμνήσομαι οἷσιν ἐγένετο‧ Βίωνι, ὃσ κατέκειτο παρὰ Σιληνόν, Κράτιδι τῇ παρὰ Ξενοφάνεοσ, Ἀρέτωνοσ παιδί, Μνησιστράτου γυναικί. μετὰ δὲ δυσεντεριώδεεσ ἐγένοντο οὗτοι πάντεσ. Περὶ δὲ ἀρκτοῦρον ἑνδεκαταίοισι πολλοῖσιν ἔκρινε καὶ τούτοισιν οὐδ’ αἱ κατὰ λόγον γινόμεναι ὑποστροφαὶ ὑπέστρεφον‧ ἦσαν δὲ καὶ κωματώδεεσ περὶ τὸν χρόνον τοῦτον, πλείω δὲ παιδία, καὶ ἔθνῃσκον ἥκιστα οὗτοι πάντων. χϝΙΙΙ. Περὶ δὲ ἰσημερίην καὶ μέχρι πληϊάδοσ καὶ ὑπὸ χειμῶνα παρείποντο μὲν οἱ καῦσοι, ἀτὰρ καὶ οἱ φρενιτικοὶ τηνικαῦτα πλεῖστοι ἐγένοντο καὶ ἔθνῃσκον τούτων οἱ πλεῖστοι. ἐγένοντο δὲ καὶ κατὰ θέροσ ὀλίγοι. τοῖσι μὲν οὖν καυσώδεσιν ἀρχομένοισιν ἐπεσήμαινεν, οἷσι τὰ ὀλέθρια συνέπιπτεν‧ αὐτίκα γὰρ ἀρχομένοισι πυρετὸσ ὀξύσ, σμικρὰ ἐπερρίγουν, ἄγρυπνοι, διψώδεεσ, ἀσώδεεσ, σμικρὰ ἐφίδρουν περὶ μέτωπον καὶ κληῖδασ, οὐδεὶσ δι’ ὅλου, πολλὰ παρέλεγον, φόβοι, δυσθυμίαι, ἄκρεα περίψυχρα, πόδεσ ἄκροι, μᾶλλον δὲ τὰ περὶ χεῖρασ‧ οἱ παροξυσμοὶ ἐν ἀρτίῃσι‧ τοῖσι δὲ πλείστοισιν τεταρταίοισιν οἱ πόνοι μέγιστοι καὶ ἱδρὼσ ἐπὶ πλεῖστον ὑπόψυχροσ καὶ ἄκρεα οὐκ ἔτι ἀνεθερμαίνοντο, ἀλλὰ πελιδνὰ καὶ ψυχρά, οὐδ’ ἐδίψων ἔτι ἐπὶ τούτοισιν‧ οὖρα τούτοισ ὀλίγα, μέλανα, λεπτὰ καὶ κοιλίαι ἐφίσταντο‧ οὐδ’ ᾑμορράγησεν ἐκ Ῥινῶν οὐδενί, οἷσι ταῦτα συμπίπτοι, ἀλλ’ ἢ σμικρὰ ἔσταξεν‧ οὐδ’ ἐσ ὑποστροφὴν οὐδενὶ τούτων ἦλθεν, ἀλλ’ ἑκταῖοι ἀπέθνῃσκον σὺν ἱδρῶτι. τοῖσι δὲ φρενιτικοῖσι συνέπιπτε μὲν καὶ τὰ ὑπογεγραμμένα πάντα, ἔκρινε δὲ τούτοισιν ὡσ ἐπὶ τὸ πολὺ ἑνδεκαταίοισιν‧ ἔστι δ’ οἷσι καὶ εἰκοσταίοισι, οἷσιν οὐκ εὐθὺσ ἐξ ἀρχῆσ ἡ φρενῖτισ ἤρξατο ἢ περὶ τρίτην ἢ τετάρτην ἡμέρην, ἀλλὰ μετρίωσ ἔχουσιν ἐν τῷ πρώτῳ χρόνῳ περὶ τὴν ἑβδόμην ἐσ ὀξύτητα τὸ νόσημα μετέπεσεν. χΙχ. Πλῆθοσ μὲν οὖν τῶν νοσημάτων ἐγένετο. ἐκ δὲ τῶν καμνόντων ἀπέθνῃσκον μάλιστα μειράκια, νέοι, ἀκμάζοντεσ, λεῖοι, ὑπολευκόχρωτεσ, ἰθύτριχεσ, μελανότριχεσ, μελανόφθαλμοι, οἱ εἰκῇ καὶ ἐπὶ τὸ Ῥᾴθυμον βεβιωκότεσ, ἰσχνόφωνοι, τρηχύφωνοι, τραυλοί, ὀργίλοι. καὶ γυναῖκεσ πλεῖσται ἐκ τούτου τοῦ εἴδεοσ ἀπέθνῃσκον. ἐν δὲ ταύτῃ τῇ καταστάσει ἐπὶ σημείων μάλιστα τεσσάρων διεσῴζοντο‧ οἷσι γὰρ ἢ διὰ Ῥινῶν καλῶσ αἱμορ ραγήσαι ἢ κατὰ κύστιν οὖρα πολλὰ καὶ πολλὴν καὶ καλὴν ὑπόστασιν ἔχοντα ἔλθοι ἢ κατὰ κοιλίην ταραχώδεα χολώδεσιν ἐπικαίρωσ, ἢ δυσεντερικοὶ γενοίατο. πολλοῖσι δὲ συνέπιπτε μὴ ἐφ’ ἑνὸσ κρίνεσθαι τῶν ὑπογεγραμμένων σημείων, ἀλλὰ διεξιέναι διὰ πάντων τοῖσι πλείστοισι καὶ δοκεῖν μὲν ἔχειν ὀχληροτέρωσ‧ διεσῴζοντο δὲ πάντεσ, οἷσι ταῦτα συμπίπτοι. γυναιξὶ δὲ καὶ παρθένοισι συνέπιπτε μὲν καὶ τὰ ὑπογεγραμμένα σημεῖα πάντα, ᾗσι δὲ ἢ τούτων τι καλῶσ γένοιτο ἢ τὰ γυναικεῖα δαψιλέωσ ἐπιφανείη, διὰ τούτων ἐσῴζοντο καὶ ἔκρινε, καὶ οὐδεμίαν οἶδα ἀπολομένην, ᾗσι τούτων τι καλῶσ γένοιτο. Φίλωνοσ γὰρ θυγάτηρ, ἐκ Ῥινῶν λάβρον ἐρρύη, ἑβδομαίη ἐοῦσα ἐδείπνησεν ἀκαιροτέρωσ‧ ἀπέθανεν. Οἷσιν ἐν πυρετοῖσιν ὀξέσι, μᾶλλον δὲ καυσώδεσιν, ἀέκουσιν δάκρυα παραρρεῖ, τούτοισιν ἀπὸ Ῥινῶν αἱμορραγίην προσδέχεσθαι, ἢν καὶ τἄλλα ὀλεθρίωσ μὴ ἔχωσιν, ἐπεὶ τοῖσί γε φλαύρωσ ἔχουσιν οὐχ αἱμορραγίην, ἀλλὰ θάνατον σημαίνει. χχ. Τὰ παρὰ τὰ ὦτα ἐν πυρετοῖσιν ἐπαιρόμενα μετ’ ὀδύνησ ἔστιν οἷσιν ἐκλείποντοσ τοῦ πυρετοῦ κρισίμωσ οὔτε καθίστατο οὔτε ἐξεπύει‧ τούτοισι διάρροιαι χολωδέων ἢ δυσεντερίη ἢ παχέων οὔρων ὑπόστασισ γενομένη ἔλυσεν, οἱο͂ν Ἑρμίππῳ τῷ Κλαζομενίῳ. τὰ δὲ περὶ τὰσ κρίσιασ, ἐξ ὧν καὶ διεγινώσκομεν, ἢ ὅμοια ἢ ἀνόμοια, οἱο͂ν οἱ δύο ἀδελφεοί, οἳ ἤρξαντο ὁμοῦ τὴν αὐτὴν ὡρ́ην‧ κατέκειντο παρὰ τὸ θέρετρον Ἐπιγένεοσ. τούτων τῷ πρεσβυτέρῳ ἔκρινεν ἑκταίῳ, τῷ δὲ νεωτέρῳ ἑβδομαίῳ. ὑπέστρεψεν ἀμφοτέροισιν ὁμοῦ τὴν αὐτὴν ὡρ́ην καὶ διέλιπεν ἡμέρασ πέντε. ἐκ δὲ τῆσ ὑποστροφῆσ ἐκρίθη ἀμφοτέροισιν ὁμοῦ τὸ σύμπαν ἑπτακαιδεκαταίοισιν. ἔκρινε δὲ τοῖσι πλείστοισιν ἑκταίοισ. διέλειπεν ἕξ‧ ἐκ δὲ τῶν ὑποστροφέων ἔκρινε πεμπταίοισ. οἷσι δ’ ἔκρινεν ἑβδομαίοισι, διέλειπεν ἑπτά‧ ἐκ δὲ τῆσ ὑποστροφῆσ ἔκρινε τριταίοισ. οἷσι δ’ ἔκρινεν ἑβδομαίοισι, διαλείποντα τρεῖσ ἔκρινεν ἑβδομαίοισ. οἷσι δ’ ἔκρινεν ἑκταίοισι, διαλείποντα ἓξ ἐλάμβανε τρισίν, διέλειπε μίαν, μίαν ἐλάμβανεν‧ ἔκρινεν, οἱο͂ν Εὐάγοντι τῷ Δαιθάρσεοσ. οἷσι δ’ ἔκρινεν ἑκταίοισι, διέλειπεν ἑπτά, ἐκ δὲ τῆσ ὑποστροφῆσ ἔκρινε τετάρτῃ, οἱο͂ν τῇ Ἀγλαί̈δου θυγατρί. οἱ μὲν οὖν πλεῖστοι τῶν νοσησάντων ἐν τῇ καταστάσει ταύτῃ τούτῳ τῷ τρόπῳ διενόσησαν, καὶ οὐδένα οἶδα τῶν περιγενομένων, ᾧτινι οὐχ ὑπέστρεψαν αἱ κατὰ λόγον ὑποστροφαὶ γενόμεναι, καὶ διεσῴζοντο πάντεσ, οὓσ κἀγὼ οἶδα, οἷσιν αἱ ὑποστροφαὶ διὰ τοῦ εἴδεοσ τούτου γενοίατο. οὐδὲ τῶν διανοσησάντων διὰ τούτου τοῦ τρόπου οὐδενὶ οἶδα ὑποστροφὴν γενομένην πάλιν. χχΙ. Ἔθνῃσκον δὲ τοῖσι νοσήμασι τούτοισ οἱ πλεῖστοι ἑκταῖοι, οἱο͂ν Ἐπαμεινώνδασ καὶ Σιληνὸσ καὶ Φιλίσκοσ ὁ Ἀνταγόρεω. οἷσι δὲ τὰ παρὰ τὰ ὦτα γενοίατο, ἔκρινε μὲν εἰκοσταίοισι, κατέσβη δὲ πᾶσι καὶ οὐκ ἐξεπύησεν, ἀλλ’ ἐπὶ κύστιν ἐτράπετο. Κρατιστώνακτι, ὃσ παρ’ Ἡρακλεῖ ᾤκει, καὶ Σκύμνου τοῦ γναφέωσ θεραπαίνῃ ἐξεπύησεν‧ ἀπέθανον‧ οἷσι δ’ ἔκρινεν ἑβδομαίοισι, διέλειπεν ἐννέα, ὑπέστρεφεν, ἔκρινεν ἐκ τῆσ ὑποστροφῆσ τεταρταίοισι ‐‐ Παντακλεῖ, ὃσ ᾤκει παρὰ Διονύσιον ‐‐. οἷσι δ’ ἔκρινεν ἑβδομαίοισιν, διέλειπεν ἕξ‧ ὑποστροφή‧ ἐκ δὲ τῆσ ὑποστροφῆσ ἔκρινεν ἑβδομαίοισι ‐‐ Φανοκρίτῳ, ὃσ κατέκειτο παρὰ Γνάθωνι τῷ γναφεῖ. χχΙΙ. Ὑπὸ δὲ χειμῶνα περὶ ἡλίου τροπὰσ χειμερινὰσ καὶ μέχρι ἰσημερίησ παρέμενον μὲν καὶ οἱ καῦσοι καὶ τὰ φρενιτικά, καὶ ἔθνῃσκον πολλοί‧ αἱ μέντοι κρίσιεσ μετέπεσον, καὶ ἔκρινε τοῖσι πλείστοισιν ἐξ ἀρχῆσ πεμπταίοισι, διέλειπε τέσσαρασ, ὑπέστρεφεν, ἐκ δὲ τῆσ ὑποστροφῆσ ἔκρινε πεμπταίοισι, τὸ σύμπαν τεσσαρεσκαιδεκαταίοισ. ἔκρινε δὲ παιδίοισιν οὕτω τοῖσι πλείστοισιν, ἀτὰρ καὶ πρεσβυτέροισιν. ἔστι δὲ οἷσιν ἔκρινεν ἑνδεκαταίοισ, ὑποστροφὴ τεσσαρεσκαιδεκαταίοισ, ἔκρινε τελέωσ εἰκοστῇ. εἰ δέ τινεσ ἐπερρίγουν περὶ τὴν εἰκοστήν, τούτοισιν ἔκρινε τεσσαρακοσταίοισ. ἐπερρίγουν δ’ οἱ πλεῖστοι περὶ κρίσιν τὴν ἐξ ἀρχῆσ‧ οἱ δ’ ἐπιρριγώσαντεσ ἐξ ἀρχῆσ περὶ κρίσιν, καὶ ἐν τῇσιν ὑποστροφῇσιν ἅμα κρίσει. ἐρρίγουν δ’ ἐλάχιστοι μὲν τοῦ ἦροσ, θέρεοσ πλείουσ, φθινοπώρου ἔτι πλείουσ, ὑπὸ δὲ χειμῶνα πολὺ πλεῖστοι. αἱ δὲ αἱμορραγίαι ὑπέληγον. χχΙΙΙ. Τὰ δὲ περὶ τὰ νοσήματα, ἐξ ὧν διεγινώσκομεν, μαθόντεσ ἐκ τῆσ κοινῆσ φύσιοσ ἁπάντων καὶ τῆσ ἰδίησ ἑκάστου, ἐκ τοῦ νοσήματοσ, ἐκ τοῦ νοσέοντοσ, ἐκ τῶν προσφερομένων, ἐκ τοῦ προσφέροντοσ ‐‐ ἐπὶ τὸ Ῥᾷονγὰρ καὶ χαλεπώτερον ἐκ τούτων ‐‐, ἐκ τῆσ καταστάσιοσ ὅλησ καὶ κατὰ μέρεα τῶν οὐρανίων καὶ χώρησ ἑκάστησ, ἐκ τοῦ ἔθεοσ, ἐκ τῆσ διαίτησ, ἐκ τῶν ἐπιτηδευμάτων, ἐκ τῆσ ἡλικίησ ἑκάστου, λόγοισι, τρόποισι, σιγῇ, δια νοήμασιν, ὕπνοισιν, οὐχ ὕπνοισιν, ἐνυπνίοισι, οἱοίσι καὶ ὅτε, τιλμοῖσι, κνησμοῖσι, δάκρυσιν, ἐκ τῶν παροξυσμῶν, διαχωρήμασιν, οὔροισιν, πτυάλοισιν, ἐμέτοισι, καὶ ὅσαι ἐξ οἱών ἐσ οἱᾶ διαδοχαὶ νοσημάτων καὶ ἀποστάσιεσ ἐπὶ τὸ ὀλέθριον καὶ κρίσιμον, ἱδρώσ, Ῥῖγοσ, ψύξισ, βήξ, πταρμοί, λυγμοί, πνεύματα, ἐρεύξιεσ, φῦσαι, σιγῶσαι, ψοφώδεεσ, αἱμορραγίαι, αἱμορροί̈δεσ. ἐκ τούτων καὶ ὅσα διὰ τούτων σκεπτέον. χχΙϝ. Πυρετοὶ οἱ μὲν συνεχέεσ, οἱ δ’ ἡμέρην ἔχουσι, νύκτα διαλείπουσι, νύκτα ἔχουσιν, ἡμέρην διαλείπουσιν‧ ἡμιτριταῖοι, τριταῖοι, τεταρταῖοι, πεμπταῖοι, ἑβδομαῖοι, ἐναταῖοι. εἰσὶ δὲ ὀξύταται μὲν καὶ μέγισται καὶ χαλεπώταται νοῦσοι καὶ θανατωδέσταται ἐν τῷ συνεχεῖ πυρετῷ. ἀσφαλέστατοσ δὲ πάντων καὶ Ῥήϊστοσ καὶ μακρότατοσ πάντων ὁ τεταρταῖοσ‧ οὐ γὰρ μοῦνον αὐτὸσ ἐφ’ ἑωυτοῦ τοιοῦτόσ ἐστιν, ἀλλὰ καὶ νοσημάτων ἑτέρων μεγάλων Ῥύεται. ἐν δὲ τῷ ἡμιτριταίῳ καλεομένῳ συμπίπτει μὲν καὶ ὀξέα νοσήματα γίνεσθαι, καὶ ἔστι τῶν λοιπῶν οὗτοσ θανατωδέστατοσ‧ ἀτὰρ καὶ φθινώδεεσ καὶ ὅσοι ἄλλα μακρότερα νοσήματα νοσέουσιν, ἐπὶ τούτῳ μάλιστα νοσέουσι. νυκτερινὸσ οὐ λίην θανατώδησ, μακρὸσ δέ. ἡμερινὸσ μακρότεροσ‧ ἔστι δ’ οἷσι Ῥέπει καὶ ἐπὶ τὸ φθινῶδεσ. ἑβδομαῖοσ μακρόσ, οὐ θανατώδησ. ἐναταῖοσ ἔτι μακρότεροσ, οὐ θανατώδησ. τριταῖοσ ἀκριβὴσ ταχυκρίσιμοσ καὶ οὐ θανατώδησ. ὁ δὲ πεμπταῖοσ πάντων μὲν κάκιστοσ‧ καὶ γὰρ πρὸ φθίσιοσ καὶ ἤδη φθίνουσιν ἐπιγινόμενοσ κτείνει. χχϝ. Εἰσὶ δὲ τρόποι καὶ καταστάσιεσ καὶ παροξυσμοὶ τούτων ἑκάστου τῶν πυρετῶν. αὐτίκα γὰρ συνεχὴσ ἔστιν οἷσιν ἀρχόμενοσ ἀνθεῖ καὶ ἀκμάζει μάλιστα καὶ ἀνάγει ἐπὶ τὸ χαλεπώτατον, περὶ δὲ κρίσιν καὶ ἅμα κρίσει λεπτύνεται‧ ἔστι δ’ οἷσιν ἄρχεται μαλακῶσ καὶ ὑποβρύχια, ἐπαναδιδοῖ δὲ καὶ παροξύνεται καθ’ ἡμέρην ἑκάστην, περὶ δὲ κρίσιν ἅλισ ἐξέλαμψεν‧ ἔστι δ’ οἷσιν ἀρχόμενοσ πρηέωσ ἐπιδιδοῖ καὶ παροξύνεται καὶ μέχρι τινὸσ ἀκμάσασ πάλιν ὑφίησι μέχρι κρίσιοσ καὶ περὶ κρίσιν. συμπίπτει δὲ ταῦτα γίνεσθαι ἐπὶ παντὸσ πυρετοῦ καὶ νοσήματοσ. δεῖ δὲ καὶ τὰ διαιτήματα σκοπεύμενον ἐκ τούτων προσφέρειν. πολλὰ δὲ καὶ ἄλλα ἐπίκαιρα σημεῖα τούτοισ ἐστὶν ἠδελφισμένα, περὶ ὧν τὰ μέν που γέγραπται, τὰ δὲ καὶ γεγράψεται. πρὸσ ἃ δεῖ διαλογιζόμενον δοκιμάζειν καὶ σκοπεῖσθαι, τίνι τούτων ὀξὺ καὶ θανατῶδεσ ἢ περιεστικὸν καὶ τίνι μακρὸν καὶ θανατῶδεσ ἢ περιεστικὸν καὶ τίνι προσαρτέον ἢ οὒ καὶ πότε καὶ πόσον καὶ τί τὸ προσφερόμενον ἔσται. χχϝΙ. Τὰ δὲ παροξυνόμενα ἐν ἀρτίῃσι κρίνεται ἐν ἀρτίῃσιν‧ ὧν δὲ οἱ παροξυσμοὶ ἐν περισσῇσι, κρίνεται ἐν περισσῇσιν. ἔστι δὲ πρώτη περίοδοσ τῶν ἐν τῇσιν ἀρτίῃσι κρινόντων τετάρτη, ἕκτη, ὀγδόη, δεκάτη, τεσσαρεσκαιδεκάτη, εἰκοστή, τετάρτη καὶ εἰκοστή, τριακοστή, τεσσαρακοστή, ἑξηκοστή, ὀγδοηκοστή, εἰκοστὴ καὶ ἑκατοστή‧ τῶν δ’ ἐν τῇσι περισσῇσι κρινόντων περίοδοσ πρώτη, τρίτη, πέμπτη, ἑβδόμη, ἐνάτη, ἑνδεκάτη, ἑπτακαιδεκάτη, εἰκοστὴ πρώτη, εἰκοστὴ ἑβδόμη, τριακοστὴ πρώτη. εἰδέναι δὲ χρὴ ἔτι, ἢν ἄλλωσ κριθῇ ἔξω τῶν ὑπογεγραμμένων, ἐσομένασ ὑποστροφάσ‧ γένοιτο δὲ ἂν καὶ ὀλέθρια. δεῖ δὴ προσέχειν τὸν νόον καὶ εἰδέναι ἐν τοῖσι χρόνοισι τούτοισι τὰσ κρίσιασ ἐσομένασ ἐπὶ σωτηρίην ἢ ὄλεθρον ἢ Ῥοπὰσ ἐπὶ τὸ ἄμεινον ἢ τὸ χεῖρον. πλάνητεσ δὲ πυρετοὶ καὶ τεταρταῖοι καὶ πεμπταῖοι καὶ ἑβδομαῖοι καὶ ἐναταῖοι, ἐν ᾗσι περιόδοισι κρίνονται, σκεπτέον. α’. Φιλίσκοσ ᾤκει παρὰ τὸ τεῖχοσ‧ κατεκλίνη, τῇ πρώτῃ πυρετὸσ ὀξύσ, ἵδρωσεν, ἐσ νύκτα ἐπιπόνωσ‧ δευτέρῃ πάντα παρωξύνθη, ὀψὲ δὲ ἀπὸ κλυσματίου καλῶσ διῆλθε‧ νύκτα δι’ ἡσυχίησ. τρίτῃ πρωὶ καὶ μέχρι μέσου ἡμέρησ ἔδοξε γενέσθαι ἄπυροσ, πρὸσ δείλην δὲ πυρετὸσ ὀξὺσ μετὰ ἱδρῶτοσ, διψώδησ, γλῶσσα ἐπεξηραίνετο, μέλανα οὔρησε‧ νύκτα δυσφόρωσ, οὐκ ἐκοιμήθη, πάντα παρέκρουσε. τετάρτῃ πάντα παρωξύνθη, οὖρα μέλανα‧ νύκτα εὐφορωτέρην, οὖρα εὐχροώτερα. πέμπτῃ περὶ μέσον ἡμέρησ σμικρὸν ἀπὸ Ῥινῶν ἔσταξεν ἄκρητον‧ οὖρα δὲ ποικίλα, ἔχοντα ἐναιωρήματα στρογγύλα, γονοειδέα, διεσπασ μένα, οὐχ ἱδρύετο‧ προσθεμένῳ δὲ βάλανον φυσώδεα σμικρὰ διῆλθε. νύκτα ἐπιπόνωσ, ὕπνοι σμικροί, λόγοι, λῆροσ, ἄκρεα πάντοθεν ψυχρὰ καὶ οὐκέτι ἀναθερμαινόμενα, οὔρησε μέλανα, ἐκοιμήθη σμικρὰ πρὸσ ἡμέρην, ἄφωνοσ, ἵδρωσε ψυχρῷ, ἄκρεα πελιδνά. περὶ δὲ μέσον ἡμέρησ ἑκταῖοσ ἀπέθανεν. τούτῳ πνεῦμα διὰ τέλεοσ, ὥσπερ ἀνακαλεομένῳ, ἀραιὸν μέγα‧ σπλὴν ἐπήρθη περιφερεῖ κυρτώματι, ἱδρῶτεσ ψυχροὶ διὰ τέλεοσ. οἱ παροξυσμοὶ ἐν ἀρτίῃσιν. β’. Σιληνὸσ ᾤκει ἐπὶ τοῦ πλαταμῶνοσ πλησίον τῶν Εὐαλκίδεω. ἐκ κόπων καὶ πότων καὶ γυμνασιων ἀκαίρων πῦρ ἔλαβεν. ἤρξατο δὲ πονεῖν κατ’ ὀσφῦν‧ καὶ κεφαλῆσ βάροσ καὶ τραχήλου σύντασισ. ἀπὸ δὲ κοιλίησ τῇ πρώτῃ χολώδεα, ἄκρητα, ἔπαφρα, κατακορέα πολλὰ διῆλθεν‧ οὖρα μέλανα, μέλαιναν ὑπόστασιν ἔχοντα, διψώδησ, γλῶσσα ἐπίξηροσ, νυκτὸσ οὐδὲν ἐκοιμήθη. δευτέρῃ πυρετὸσ ὀξύσ, διαχωρήματα πλείω, λεπτότερα, ἔπαφρα, οὖρα μέλανα, νύκτα δυσφόρωσ, σμικρὰ παρέκρουσε. τρίτῃ πάντα παρωξύνθη‧ ὑποχονδρίου σύντασισ ἐξ ἀμφοτέρων παραμήκησ πρὸσ ὀμφαλόν, ὑπολάπαροσ‧ διαχωρήματα λεπτά, ὑπομέλανα, οὖρα θολερά, ὑπομέλανα, νυκτὸσ οὐδὲν ἐκοιμήθη, λόγοι πολλοί, γέλωσ, ᾠδή, κατέχειν οὐκ ἠδύνατο. τετάρτῃ διὰ τῶν αὐτῶν. πέμπτῃ διαχωρήματα ἄκρητα, χο λώδεα, λεῖα, λιπαρά, οὖρα λεπτά, διαφανέα‧ σμικρὰ κατενόει. ἕκτῃ περὶ κεφαλὴν σμικρὰ ἐφίδρωσεν, ἄκρεα ψυχρά, πελιδνά, πολὺσ βληστρισμόσ, ἀπὸ κοιλίησ οὐδὲν διῆλθεν, οὖρα ἐπέστη, πυρετὸσ ὀξύσ. ἑβδόμῃ ἄφωνοσ, ἄκρεα οὐκέτι ἀνεθερμαίνετο, οὔρησεν οὐδέν. ὀγδόῃ ἵδρωσεν δι’ ὅλου ψυχρῷ‧ ἐξανθήματα μετὰ ἱδρῶτοσ ἐρυθρά, στρογγύλα, σμικρὰ οἱο͂ν ἰόνθοι, παρέμενεν, οὐ καθίστατο‧ ἀπὸ δὲ κοιλίησ ἐρεθισμῷ σμικρῷ κοπρανα λεπτά, οἱᾶ ἄπεπτα, πολλὰ διῄει μετὰ πόνου‧ οὔρει μετ’ ὀδύνησ δακνώδεα‧ ἄκρεα σμικρὰ ἀνεθερμαίνετο, ὕπνοι λεπτοί, κωματώδησ, ἄφωνοσ, οὖρα λεπτὰ διαφανέα. ἐνάτῃ διὰ τῶν αὐτῶν. δεκάτῃ ποτὰ οὐκ ἐδέχετο, κωματώδησ, ὕπνοι λεπτοί‧ ἀπὸ δὲ κοιλίησ ὅμοια, οὔρησεν ἀθρόον ὑπόπαχυ‧ κειμένῳ ὑπόστασισ κριμνώδησ λευκή, ἄκρεα πάλιν ψυχρά. ἑνδεκάτῃ ἀπέθανεν. ἐξ ἀρχῆσ τούτῳ καὶ διὰ τέλεοσ πνεῦμα ἀραιόν, μέγα. ὑποχονδρίου παλμὸσ συνεχήσ, ἡλικίη ὡσ περὶ ἔτεα εἴκοσιν. γ’. Ἡροφῶντι πυρετὸσ ὀξύσ, ἀπὸ κοιλίησ ὀλίγα, τεινεσμώδεα κατ’ ἀρχάσ, μετὰ δὲ λεπτὰ διῄει χολώδεα, ὑπόσυχνα‧ ὕπνοι οὐκ ἐνῆσαν, οὖρα μέλανα λεπτά. πέμπτῃ πρωὶ κώφωσισ, παρωξύνθη πάντα, σπλὴν ἐπήρθη, ὑποχονδρίου σύντασισ, ἀπὸ κοιλίησ ὀλίγα διῆλθε μέλανα, παρεφρόνησεν. ἕκτῃ ἐλήρει, ἐσ νύκτα ἱδρώσ, ψύξισ, παράληροσ παρέμενεν. ἑβδόμῃ περιέψυκτο, διψώδησ, παρέκρουσε. νύκτα κατενόει, κατεκοιμήθη. ὀγδόῃ ἐπύρεσσεν, σπλὴν ἐμειοῦτο, κατενόει πάντα, ἤλγησεν τὸ πρῶτον κατὰ βουβῶνα, σπληνὸσ κατ’ ἴξιν, ἔπειτα δὲ πόνοι ἐσ ἀμφοτέρασ κνήμασ. νύκτα εὐφόρωσ, οὖρα εὐχροώτερα, ὑπόστασιν εἶχε σμικρήν. ἐνάτῃ ἵδρωσεν, ἐκρίθη, διέλιπεν. πέμπτῃ ὑπέστρεψεν. αὐτίκα δὲ σπλὴν ἐπήρθη, πυρετὸσ ὀξύσ, κώφωσισ πάλιν‧ μετὰ δὲ τὴν ὑποστροφὴν τρίτῃ σπλὴν ἐμειοῦτο, κώφωσισ ἧσσον, σκέλεα ἐπωδύνωσ‧ νύκτα ἵδρωσεν. ἐκρίθη περὶ ἑπτακαιδεκάτην‧ οὐδὲ παρέκρουσεν ἐν τῇ ὑποστροφῇ. δ’. Ἐν Θάσῳ Φιλίνου γυναῖκα θυγατέρα τεκοῦσαν κατὰ φύσιν καθάρσιοσ γενομένησ καὶ τὰ ἄλλα κούφωσ διάγουσαν, τεσσαρεσκαιδεκαταίην ἐοῦσαν μετὰ τὸν τόκον, πῦρ ἔλαβε μετὰ Ῥίγεοσ‧ ἤλγει δὲ ἀρχομένη καρδίην καὶ ὑποχόνδριον δεξιόν‧ γυναικείων πόνοι‧ κάθαρσισ ἐπαύσατο. προσθεμένῃ δὲ ταῦτα μὲν ἐκουφίσθη, κεφαλῆσ δὲ καὶ τραχήλου καὶ ὀσφύοσ πόνοι παρέμενον, ὕπνοι οὐκ ἐνῆσαν, ἄκρεα ψυχρά, διψώδησ, κοιλίη συνεκαύθη, σμικρὰ διῄει, οὖρα λεπτά, ἄχρω κατ’ ἀρχάσ. ἑκταίη ἐσ νύκτα παρέκρουσε πολλὰ καὶ πάλιν κατενόει. ἑβδόμῃ διψώδησ, διαχωρήματα ὀλίγα χολώδεα κατακορέα. ὀγδόῃ ἐπερρίγωσεν, πυρετὸσ ὀξύσ, σπασμοὶ πολλοὶ μετὰ πόνου, πολλὰ παρέλεγεν‧ ἐξανίστατο βάλανον προσθεμένη‧ πολλὰ διῆλθε μετὰ περιρρόου χολώδεοσ‧ ὕπνοι οὐκ ἐνῆσαν. ἐνάτῃ σπασμοί. δεκάτῃ σμικρὰ κατενόει. ἑνδεκάτῃ ἐκοιμήθη, πάντων ἀνεμνήσθη, ταχὺ δὲ πάλιν παρέκρουσεν‧ οὔρει δὲ μετὰ σπασμῶν ἀθρόον πολὺ ὀλιγάκισ ἀναμιμνῃσκόντων παχὺ λευκόν, οἱο͂ν γίνεται ἐκ τῶν καθισταμένων, ὅταν ἀναταραχθῇ‧ κείμενον πολὺν χρόνον οὐ καθίστατο‧ χρῶμα καὶ πάχοσ ἴκελον οἱο͂ν γίνεται ὑποζυγίου. τοιαῦτα οὔρει, οἱᾶ κἀγὼ εἶδον. περὶ τεσσαρεσκαιδεκάτην ἐούσῃ παλμὸσ δι’ ὅλου τοῦ σώματοσ, λόγοι πολλοί, σμικρὰ κατενόει‧ διὰ ταχέων δὲ πάλιν παρέκρουσεν. περὶ δὲ ἑπτακαιδεκάτην ἐοῦσα ἄφωνοσ. εἰκοστῇ ἀπέθανε. ε’. Ἐπικράτεοσ γυναῖκα, ἣ κατέκειτο παρὰ ἀρχηγέτην, περὶ τόκον ἤδη ἐοῦσαν Ῥῖγοσ ἔλαβεν ἰσχυρῶσ, οὐκ ἐθερμάνθη, ὡσ ἔλεγον, καὶ τῇ ὑστεραίῃ τὰ αὐτά. τρίτῃ δ’ ἔτεκεν θυγατέρα καὶ τἄλλα πάντα κατὰ λόγον ἦλθε. δευτεραίην μετὰ τὸν τόκον ἔλαβε πυρετὸσ ὀξύσ, καρδίησ πόνοσ καὶ γυναικείων. προσθεμένῃ δὲ ταῦτα μὲν ἐκουφίσθη, κεφαλῆσ δὲ καὶ τραχήλου καὶ ὀσφύοσ πόνοσ‧ ὕπνοι οὐκ ἐνῆσαν‧ ἀπὸ δὲ κοιλίησ ὀλίγα χολώδεα λεπτὰ διῄει ἄκρητα‧ οὖρα λεπτὰ ὑπομέλανα. ἀφ’ ἧσ δὲ ἔλαβε τὸ πῦρ, ἐσ νύκτα ἑκταίη παρέκρουσεν. ἑβδομαίῃ πάντα παρωξύνθη, ἄγρυπνοσ, παρέκρουσεν, διψώδησ, διαχωρήματα χολώδεα κατακορέα. ὀγδόῃ ἐπερρίγωσεν καὶ ἐκοιμήθη πλείω. ἐνάτῃ διὰ τῶν αὐτῶν. δεκάτῃ σκέλεα ἐπιπόνωσ ἤλγει, καρδίησ πάλιν ὀδύνη, καρηβαρίη, οὐ παρέκρουεν, ἐκοιμᾶτο μᾶλλον, κοιλίη ἐπέστη. ἑνδεκάτῃ οὔρησεν εὐχροώτερα συχνὴν ὑπόστασιν ἔχοντα‧ διῆγε κουφότερον. τεσσαρεσκαιδεκάτῃ ἐπερρίγωσεν, πυρετὸσ ὀξύσ. πεντεκαιδεκάτῃ ἤμεσε χολώδεα ξανθὰ ὑπόσυχνα, ἵδρωσεν ἄπυροσ, ἐσ νύκτα δὲ πυρετὸσ ὀξύσ, οὖρα πάχοσ ἔχοντα, ὑπόστασισ λευκή. ἑκκαιδεκάτῃ παρωξύνθη‧ νύκτα δυσφόρωσ‧ οὐχ ὕπνωσεν‧ παρέκρουσεν. ὀκτωκαιδεκάτῃ διψώδησ, γλῶσσα ἐπεκαύθη, οὐχ ὕπνωσεν, παρέκρουσε πολλά, σκέλεα ἐπωδύνωσ εἶχεν. περὶ δὲ εἰκοστὴν πρωὶ σμικρὰ ἐπερρίγωσεν, κωματώδησ, δι’ ἡσυχίησ ὕπνωσεν, ἤμεσε χολώδεα ὀλίγα μέλανα, ἐσ νύκτα κώφωσισ. περὶ δὲ πρώτην καὶ εἰκοστὴν πλευροῦ ἀριστεροῦ βάροσ δι’ ὅλου μετ’ ὀδύνησ, σμικρὰ ὑπέβησσεν. οὖρα δὲ πάχοσ ἔχοντα, θολερά, ὑπέρυθρα‧ κείμενα οὐ καθίστατο‧ τὰ δ’ ἄλλα κουφοτέρωσ‧ οὐκ ἄπυροσ. αὕτη ἐξ ἀρχῆσ φάρυγγα ἐπώδυνοσ‧ ἔρευθοσ‧ κίων ἀνεσπασμένοσ‧ Ῥεῦμα δριμύ, δακνῶδεσ, ἁλμυρῶδεσ διὰ τέλεοσ παρέμενεν. περὶ δὲ εἰκοστὴν ἑβδόμην ἄπυροσ, οὔροισιν ὑπόστασισ, πλευρὸν ὑπήλγει. περὶ δὲ πρώτην καὶ τριακοστὴν πῦρ ἔλαβεν, κοιλίη χολώδεσιν ἐπεταράχθη. τεσσαρακοστῇ ἤμεσεν ὀλίγα χολώδεα. ἐκρίθη τελέωσ ἄπυροσ ὀγδοη κοστῇ. σ’. Κλεανακτίδην, ὃσ κατέκειτο ἐπάνω τοῦ Ἡρακλείου, πῦρ ἔλαβε πεπλανημένωσ‧ ἤλγει δὲ κεφαλὴν ἐξ ἀρχῆσ καὶ πλευρὸν ἀριστερόν, καὶ τῶν ἄλλων πόνοι κοπιώδεα τρόπον‧ οἱ πυρετοὶ παροξυνόμενοι ἄλλοτ’ ἀλλοίωσ, ἀτάκτωσ‧ ἱδρῶτεσ ὅτε μέν, ὅτε δ’ οὔ‧ τὰ μὲν πλεῖστα ἐπεσήμαινον οἱ παροξυσμοὶ ἐν κρισίμοισ μάλιστα. περὶ δὲ εἰκοστὴν τετάρτην χεῖρασ ἄκρασ ἐπόνησεν, ἤμεσε χολώδεα ξανθά, ὑπόσυχνα, μετ’ ὀλίγον δὲ ἰώδεα‧ πάντων ἐκουφίσθη. περὶ δὲ τριακοστὴν ἐόντι ἤρξατο ἀπὸ Ῥινῶν αἱμορραγεῖν ἐξ ἀμφοτέρων καὶ ταῦτα πεπλανημένωσ κατ’ ὀλίγον μέχρι κρίσιοσ‧ οὐκ ἀπόσιτοσ οὐδὲ διψώδησ παρὰ πάντα τὸν χρόνον οὐδ’ ἄγρυπνοσ‧ οὖρα δὲ λεπτά, οὐκ ἄχρω. περὶ δὲ τεσσαρακοστὴν ἐὼν οὔρησεν ὑπέρυθρα ὑπόστασιν πολλὴν ἐρυθρὴν ἔχοντα‧ ἐκουφίσθη. μετὰ δὲ ποικίλωσ τὰ τῶν οὔρων‧ ὅτε μὲν ὑπόστασιν εἶχεν, ὅτε δ’ οὔ. ἑξηκοστῇ οὔροισιν ὑπόστασισ πολλὴ καὶ λευκὴ καὶ λείη, συνέδωκε πάντα, πυρετοὶ διελιπον, οὖρα δὲ πάλιν λεπτὰ μέν, εὔχρω δέ. ἑβδομηκοστῇ πυρετόσ, διέλειπεν ἡμέρασ δέκα. ὀγδοηκοστῇ ἐρρίγωσε, πυρετὸσ ὀξὺσ ἔλαβεν‧ ἵδρωσεν πολλῷ‧ οὔροισιν ὑπόστασισ ἐρυθρή, λείη. τελέωσ ἐκρίθη. ζ’. Μέτωνα πῦρ ἔλαβεν, ὀσφύοσ βάροσ ἐπώδυνον. δευτέρῃ ὕδωρ πιόντι ὑπόσυχνον ἀπὸ κοιλίησ καλῶσ διῆλθε. τρίτῃ κεφαλῆσ βάροσ, διαχωρήματα λεπτά, χολώδεα, ὑπέρυθρα. τετάρτῃ πάντα παρωξύνθη, ἐρρύη ἀπὸ δεξιοῦ δὶσ κατ’ ὀλίγον. νύκτα δυσφόρωσ, διαχωρήματα ὅμοια τῇ τρίτῃ, οὖρα ὑπομέλανα‧ εἶχεν ἐναιώρημα ὑπόμελαν ἐόν, διεσπασμένον‧ οὐχ ἱδρύετο. πέμπτῃ ἐρρύη λάβρον ἐξ ἀριστεροῦ ἄκρητον, ἵδρωσεν, ἐκρίθη. μετὰ κρίσιν ἄγρυπνοσ, παρέλεγεν, οὖρα λεπτὰ ὑπομέλανα. λουτροῖσιν ἐχρήσατο κατὰ κεφαλῆσ, ἐκοιμήθη, κατενόει. τούτῳ οὐχ ὑπέστρεψεν, ἀλλ’ ᾑμορράγει πολλάκισ μετὰ κρίσιν. η’. Ἐρασῖνοσ ᾤκει παρὰ Βοώτεω χαράδρην. πῦρ ἔλαβεν μετὰ δεῖπνον, νύκτα ταραχώδησ. ἡμέρην τὴν πρώτην δι’ ἡσυχίησ, νύκτα ἐπιπόνωσ. δευτέρῃ πάντα παρωξύνθη, ἐσ νύκτα παρέκρουσε. τρίτῃ ἐπιπόνωσ, πολλὰ παρέκρουσε. τετάρτῃ δυσφορώτατα‧ ἐσ δὲ τὴν νύκτα οὐδὲν ἐκοιμήθη‧ ἐνύπνια καὶ λογισμοί‧ ἔπειτα χείρω, μεγάλα καὶ ἐπίκαιρα, φόβοσ, δυσφορίη. πέμπτῃ πρωὶ κατήρτητο‧ κατενόει πάντα‧ πολὺ δὲ πρὸ μέσου ἡμέρησ ἐξεμάνη, κατέχειν οὐκ ἠδύνατο, ἄκρεα ψυχρὰ ὑποπέλια, οὖρα ἐπέστη‧ ἀπέθανε περὶ ἡλίου δυσμάσ. τούτῳ πυρετοὶ διὰ τέλεοσ σὺν ἱδρῶτι, ὑποχόνδρια μετέωρα, σύντασισ μετ’ ὀδύνησ‧ οὖρα μέλανα ἔχοντα ἐναιωρήματα στρογγύλα‧ οὐχ ἱδρύετο‧ ἀπὸ δὲ κοιλίησ κόπρανα διῄει‧ δίψα διὰ τέλεοσ οὐ λίην‧ σπασμοὶ πολλοὶ σὺν ἱδρῶτι περὶ θάνατον. θ’. Κρίτωνι ἐν Θάσῳ ποδὸσ ὀδύνη ἤρξατο ἰσχυρὴ ἀπὸ δακτύλου τοῦ μεγάλου ὀρθοστάδην περιιόντι. κατεκλίνη αὐθημερόν, φρικώδησ, ἀσώδησ, σμικρὰ ὑποθερμαινόμενοσ, ἐσ νύκτα παρεφρόνησεν. δευτέρῃ οἴδημα δι’ ὅλου τοῦ ποδὸσ καὶ περὶ σφυρὸν ὑπέρυθρον μετὰ συντάσιοσ, φλυκταινίδια μέλανα, πυρετὸσ ὀξύσ, ἐξεμάνη‧ ἀπὸ δὲ κοιλίησ ἄκρητα, χολώδεα, ὑπόσυχνα. ἀπέθανεν ἀπὸ τῆσ ἀρχῆσ δευτεραῖοσ. ι’. Τὸν Κλαζομένιον, ὃσ κατέκειτο παρὰ τὸ Φρυνιχίδεω φρέαρ, πῦρ ἔλαβε. ἤλγει δὲ κεφαλήν, τράχηλον, ὀσφῦν ἐξ ἀρχῆσ, αὐτίκα δὲ κώφωσισ‧ ὕπνοι οὐκ ἐνῆσαν, πυρετὸσ ὀξὺσ ἔλαβεν, ὑποχόνδριον ἐπῆρτο μετ’ ὄγκου οὐ λίην, σύντασισ, γλῶσσα ξηρή. τετάρτῃ ἐσ νύκτα παρεφρόνει. πέμπτῃ ἐπιπόνωσ. ἕκτῃ πάντα παρωξύνθη. περὶ δὲ ἑνδεκάτην σμικρὰ συνέδωκεν. ἀπὸ δὲ κοιλίησ ἀπ’ ἀρχῆσ καὶ μέχρι τεσσαρεσκαιδεκάτησ λεπτά, πολλά, ὑδατόχολα διῄει‧ εὐφόρωσ τὰ περὶ διαχώρησιν διῆγεν. ἔπειτα κοιλίη ἐπέστη. οὖρα διὰ τέλεοσ λεπτὰ μέν, εὔχρω δέ‧ καὶ πολὺ εἶχεν ἐναιώρημα ὑποδιεσπασμένον‧ οὐχ ἱδρύετο. περὶ δὲ ἕκτην καὶ δεκάτην οὔρησεν ὀλίγῳ παχύτερα‧ εἶχε σμικρὴν ὑπόστασιν‧ ἐκούφισεν ὀλίγῳ‧ κατενόει μᾶλλον. ἑπτακαιδεκάτῃ πάλιν λεπτά, παρὰ δὲ τὰ ὦτα ἀμφότερα ἐπήρθη σὺν ὀδύνῃ‧ ὕπνοι οὐκ ἐνῆσαν, παρελήρει, σκέλεα ἐπωδύνωσ εἶχεν. εἰκοστῇ ἄπυροσ ἐκρίθη, οὐχ ἵδρωσε, πάντα κατενόει. περὶ δὲ εἰκοστὴν ἑβδόμην ἰσχίου ὀδύνη δεξιοῦ ἰσχυρῶσ‧ διὰ ταχέων ἐπαύσατο. τὰ δὲ παρὰ τὰ ὦτα οὔτε καθίστατο οὔτε ἐξεπύει, ἤλγει δέ. περὶ πρώτην καὶ τριηκοστὴν διάρροια πολλοῖσιν ὑδατώδεσιν μετὰ δυσεντεριωδέων‧ οὖρα παχέα οὔρει‧ κατέστη τὰ παρὰ τὰ ὦτα. τεσσαρακοστῇ ὀφθαλμὸν δεξιὸν ἤλγει, ἀμβλύτερον ἑώρα‧ κατέστη. ια’. Τὴν Δρομεάδεω γυναῖκα θυγατέρα τεκοῦσαν καὶ τῶν ἄλλων πάντων γενομένων κατὰ λόγον δευτεραίην ἐοῦσαν Ῥῖγοσ ἔλαβεν‧ πυρετὸσ ὀξύσ. ἤρξατο δὲ πονεῖν τῇ πρώτῃ περὶ ὑποχόνδριον‧ ἀσώδησ, φρικώδησ, ἀλύουσα καὶ τὰσ ἐχομένασ οὐχ ὕπνωσε. πνεῦμα ἀραιόν, μέγα, αὐτίκα ἀνεσπασμένον. δευτέρῃ ἀφ’ ἧσ ἐρρίγωσεν, ἀπὸ κοιλίησ καλῶσ κόπρανα διῆλθεν‧ οὖρα παχέα, λευκά, θολερά, οἱᾶ γίνεται ἐκ τῶν καθισταμένων, ὅταν ἀναταραχθῇ κείμενα χρόνον πολύν‧ οὐ καθίστατο. νύκτα οὐκ ἐκοιμήθη. τρίτῃ περὶ μέσον ἡμέρησ ἐπερρίγωσε, πυρετὸσ ὀξύσ, οὖρα ὅμοια, ὑποχονδρίου πόνοσ, ἀσώδησ, νύκτα δυσφόρωσ, οὐκ ἐκοιμήθη‧ ἵδρωσε δι’ ὅλου ψυχρῷ, ταχὺ δὲ πάλιν ἀνεθερμάνθη. τετάρτῃ περὶ ὑπο χόνδριον σμικρὰ ἐκουφίσθη, κεφαλῆσ δὲ βάροσ μετ’ ὀδύνησ‧ ὑπεκαρώθη‧ σμικρὰ ἀπὸ Ῥινῶν ἔσταξε‧ γλῶσσα ἐπίξηροσ‧ διψώδησ‧ οὖρα σμικρὰ λεπτὰ ἐλαιώδεα‧ σμικρὰ ἐκοιμήθη. πέμπτῃ διψώδησ, ἀσώδησ, οὖρα ὅμοια, ἀπὸ κοιλίησ οὐδέν, περὶ δὲ μέσον ἡμέρησ πολλὰ παρέκρουσε καὶ πάλιν ταχὺ σμικρὰ κατενόει‧ ἀνισταμένη ὑπεκαρώθη, ψύξισ σμικρά, νυκτὸσ ἐκοιμήθη, παρέκρουσεν. ἕκτῃ πρωὶ ἐπερρίγωσεν, ταχὺ διεθερμάνθη, ἵδρωσε δι’ ὅλου‧ ἄκρεα ψυχρά, παρέκρουσεν, πνεῦμα μέγα, ἀραιόν‧ μετ’ ὀλίγον σπασμοὶ ἀπὸ κεφαλῆσ ἤρξαντο, ταχὺ ἀπέθανεν. ιβ’. Ἄνθρωποσ θερμαινόμενοσ ἐδείπνησεν καὶ ἔπιε πλέον. ἤμεσε πάντα νυκτόσ, πυρετὸσ ὀξύσ, ὑποχονδρίου δεξιοῦ πόνοσ, φλεγμονὴ ὑπολάπαροσ ἐκ τοῦ ἔσω μέρεοσ, νύκτα δυσφόρωσ‧ οὖρα δὲ κατ’ ἀρχὰσ πάχοσ ἔχοντα, ἐρυθρά‧ κείμενα οὐ καθίστατο‧ γλῶσσα ἐπίξηροσ, οὐ λίην διψώδησ. τετάρτῃ πυρετὸσ ὀξύσ, πόνοι πάντων. πέμπτῃ οὔρησε λεῖον ἐλαιῶδεσ πολύ‧ πυρετὸσ ὀξύσ. ἕκτῃ δείλησ πολλὰ παρέκρουσεν. οὐδὲ νύκτα ἐκοιμήθη. ἑβδόμῃ πάντα παρωξύνθη‧ οὖρα ὅμοια, λόγοι πολλοί, κατέχειν οὐκ ἠδύνατο‧ ἀπὸ δὲ κοιλίησ ἐρεθισμῷ ὑγρὰ ταραχώδεα διῆλθεν μετὰ ἐλμίγγων. νύκτα ἐπιπόνωσ, πρωὶ δ’ ἐρρίγωσε. πυρετὸσ ὀξύσ. ἵδρωσε θερμῷ, ἄπυροσ ἔδοξε γενέσθαι‧ οὐ πολὺ ἐκοιμήθη, ἐξ ὕπνου ψύξισ‧ πτυαλισμόσ. δείλησ πολλὰ παρέκρουσε, μετ’ ὀλίγον δὲ ἤμεσε μέλανα, ὀλίγα, χολώδεα. ἐνάτῃ ψύξισ, παρελήρει πολλά, οὐχ ὕπνωσεν. δεκάτῃ σκέλεα ἐπωδύνωσ, πάντα παρωξύνθη, παρελήρει. ἑνδεκάτῃ ἀπέθανεν. ιγ’. Γυναῖκα, ἣ κατέκειτο ἐν ἀκτῇ, τρίμηνον πρὸσ ἑωυτῇ ἔχουσαν πῦρ ἔλαβεν‧ αὐτίκα δὲ ἤρξατο πονεῖν ὀσφῦν. τρίτῃ πόνοσ τραχήλου καὶ κεφαλῆσ καὶ κατὰ κληῖδα δεξιήν‧ διὰ ταχέων δὲ γλῶσσα ἠφώνει, δεξιὴ χεὶρ παρελύθη μετὰ σπασμοῦ παραπληγικὸν τρόπον, παρελήρει πάντα. νύκτα δυσφόρωσ, οὐκ ἐκοιμήθη, κοιλίη ἐπεταράχθη χολώδεσιν ἀκρήτοισιν ὀλίγοισιν. τετάρτῃ γλῶσσα ἀσαφὴσ ἦν, ἐλύθη, σπασμοί‧ πόνοι τῶν αὐτῶν παρέμενον, κατὰ ὑποχόνδριον ἔπαρμα σὺν ὀδύνῃ, οὐκ ἐκοιμᾶτο, παρέκρουσε πάντα, κοιλίη ταραχώδησ, οὖρα λεπτά, οὐκ εὔχρω. πέμπτῃ πυρετὸσ ὀξύσ, ὑποχονδρίου πόνοσ, παρέκρουε πάντα, διαχωρήματα χολώδεα. ἐσ νύκτα ἵδρωσεν, ἄπυροσ. ἕκτῃ κατενόει, πάντα ἐκουφίσθη, περὶ δὲ κληῖδα ἀριστερὴν πόνοσ παρέμενε‧ διψώδησ, οὖρα λεπτά, οὐκ ἐκοιμήθη. ἑβδόμῃ τρόμοσ, ὑπεκαρώθη, σμικρὰ παρέκρουσεν, ἀλγήματα κατὰ κληῖδα καὶ βραχίονα ἀριστερὸν παρέμενε, τὰ δ’ ἄλλα διεκούφισεν, πάντα κατενόει. τρεῖσ διέλιπεν ἄπυροσ. ἑνδεκάτῃ ὑπέστρεψεν, ἐπερ ρίγωσεν, πῦρ ἔλαβεν. περὶ δὲ τεσσαρεσκαιδεκάτην ἤμεσε χολώδεα ξανθὰ ὑπόσυχνα, ἵδρωσεν‧ ἄπυροσ ἐκρίθη. ιδ’. Μελιδίῃ, ἣ κατέκειτο παρὰ Ἥρησ ἱρόν, ἤρξατο κεφαλῆσ καὶ τραχήλου καὶ στήθεοσ πόνοσ ἰσχυρόσ‧ αὐτίκα δὲ πυρετὸσ ὀξὺσἔλαβεν‧ γυναικεῖα δὲ σμικρὰ ἐπεφαίνετο‧ πόνοι τούτων πάντων συνεχέεσ. ἕκτῃ κωματώδησ, ἀσώδησ, φρικώδησ, ἐρύθημα ἐπὶ γνάθων, σμικρὰ παρέκρουσεν. ἑβδόμῃ ἵδρωσε, πυρετὸσ διέλιπεν, οἱ πόνοι παρέμενον, ὑπέστρεψεν, ὕπνοι σμικροί‧ οὖρα διὰ τέλεοσ εὔχρω μέν, λεπτὰ δέ‧ διαχωρήματα λεπτά, χολώδεα, δακνώδεα, ὀλίγα, μέλανα, δυσώδεα διῆλθεν, οὔροισ ὑπόστασισ λευκή, λείη‧ ἵδρωσεν. ἐκρίθη τελέωσ ἑνδεκάτῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, EPIDHMIWN A, ἀρ́ρωστοι τεσσαρεσ καίδεκα

(히포크라테스, Hippocrates Collected Works I, EPIDHMIWN A, ἀρ́ρωστοι τεσσαρεσ καίδεκα)

상위

목록

SEARCH

MENU NAVIGATION