헬라어 문장 검색 - Ηιπποξ́Ηιπποξρ́2́14́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xiv.)

Καὶ ὁκόσα μὲν ὀλίγον διαφέρει τῶν ἐθνέων παραλείψω, ὁκόσα δὲ μεγάλα ἢ φύσει ἢ νόμῳ, ἐρέω περὶ αὐτῶν ὡσ ἔχει. καὶ πρῶτον περὶ τῶν Μακροκεφάλων. τούτων γὰρ οὐκ ἔστιν ἄλλο ἔθνοσ ὁμοίασ τὰσ κεφαλὰσ ἔχον οὐδέν‧ τὴν μὲν γὰρ ἀρχὴν ὁ νόμοσ αἰτιώτατοσ ἐγένετο τοῦ μήκεοσ τῆσ κεφαλῆσ, νῦν δὲ καὶ ἡ φύσισ συμβάλλεται τῷ νόμῳ. τοὺσ γὰρ μακροτάτην ἔχοντασ τὴν κεφαλὴν γενναιοτάτουσ ἡγέονται. ἔχει δὲ περὶ νόμου ὧδε‧ τὸ παιδίον ὁκόταν γένηται τάχιστα, τὴν κεφαλὴν αὐτοῦ ἔτι ἁπαλὴν ἐοῦσαν μαλθακοῦ ἐόντοσ ἀναπλάσσουσι τῇσι χερσὶ καὶ ἀναγκάζουσιν ἐσ τὸ μῆκοσ αὔξεσθαι δεσμά τε προσφέροντεσ καὶ τεχνήματα ἐπιτήδεια, ὑφ’ ὧν τὸ μὲν σφαιροειδὲσ τῆσ κεφαλῆσ κακοῦται, τὸ δὲ μῆκοσ αὔξεται. οὕτωσ τὴν ἀρχὴν ὁ νόμοσ κατειργάσατο, ὥστε ὑπὸ βίησ τοιαύτην τὴν φύσιν γενέσθαι‧ τοῦ δὲ χρόνου προϊόντοσ ἐν φύσει ἐγένετο, ὥστε τὸν νόμον μηκέτι ἀναγκάζειν. ὁ γὰρ γόνοσ πανταχόθεν ἔρχεται τοῦ σώματοσ, ἀπό τε τῶν ὑγιηρῶν ὑγιηρὸσ ἀπό τε τῶν νοσερῶν νοσερόσ. εἰ οὖν γίνονται ἔκ τε φαλακρῶν φαλακροὶ καὶ ἐκ γλαυκῶν γλαυκοὶ καὶ ἐκ διεστραμμένων στρεβλοὶ ὡσ ἐπὶ τὸ πλῆθοσ, καὶ περὶ τῆσ ἄλλησ μορφῆσ ὁ αὐτὸσ λόγοσ, τί κωλύει καὶ ἐκ μακροκεφάλου μακροκέφαλον γίνεσθαι; νῦν δὲ ὁμοίωσ οὐκέτι γίνονται ὡσ πρότερον‧ ὁ γὰρ νόμοσ οὐκέτι ἰσχύει διὰ τὴν ὁμιλίην τῶν ἀνθρώπων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xiv.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xiv.)

상위

목록

SEARCH

MENU NAVIGATION