Hesiod, Works and Days, Book WD 98:

πέμπτασ δ’ ἐξαλέασθαι, ἐπεὶ χαλεπαί τε καὶ αἰναί· ἐν πέμπτῃ γάρ φασιν Ἐρινύασ ἀμφιπολεύειν Ὅρκον γεινόμενον, τὸν Ἔρισ τέκε πῆμ’ ἐπιόρκοισ. Μέσσῃ δ’ ἑβδομάτῃ Δημήτεροσ ἱερὸν ἀκτὴν εὖ μάλ’ ὀπιπεύοντα ἐυτροχάλῳ ἐν ἀλωῇ βαλλέμεν, ὑλοτόμον τε ταμεῖν θαλαμήια δοῦρα νήιά τε ξύλα πολλά, τά τ’ ἄρμενα νηυσὶ πέλονται. τετράδι δ’ ἄρχεσθαι νῆασ πήγνυσθαι ἀραιάσ.