Hesiod, Works and Days, Book WD 75:

(헤시오도스, 일과 날, Book WD 75:)

ἄλλοσ δ’ εἰαρινὸσ πέλεται πλόοσ ἀνθρώποισιν· ἦμοσ δὴ τὸ πρῶτον, ὅσον τ’ ἐπιβᾶσα κορώνη ἴχνοσ ἐποίησεν, τόσσον πέταλ’ ἀνδρὶ φανείῃ ἐν κράδῃ ἀκροτάτῃ, τότε δ’ ἄμβατόσ ἐστι θάλασσα· εἰαρινὸσ δ’ οὗτοσ πέλεται πλόοσ. οὔ μιν ἔγωγε αἴνημ’· οὐ γὰρ ἐμῷ θυμῷ κεχαρισμένοσ ἐστίν· ἁρπακτόσ· χαλεπῶσ κε φύγοισ κακόν· ἀλλά νυ καὶ τὰ ἄνθρωποι ῥέζουσιν ἀιδρείῃσι νόοιο· χρήματα γὰρ ψυχὴ πέλεται δειλοῖσι βροτοῖσιν. δεινὸν δ’ ἐστὶ θανεῖν μετὰ κύμασιν. ἀλλά σ’ ἄνωγα φράζεσθαι τάδε πάντα μετὰ φρεσίν, ὡσ ἀγορεύω. μηδ’ ἐν νηυσὶν ἅπαντα βίον κοί̈λῃσι τίθεσθαι· ἀλλὰ πλέω λείπειν, τὰ δὲ μείονα φορτίζεσθαι. δεινὸν γὰρ πόντου μετὰ κύμασι πήματι κύρσαι. δεινὸν δ’, εἴ κ’ ἐπ’ ἄμαξαν ὑπέρβιον ἄχθοσ ἀείρασ ἄξονα. καυάξαισ καὶ φορτία μαυρωθείη. μέτρα φυλάσσεσθαι· καιρὸσ δ’ ἐπὶ πᾶσιν ἄριστοσ.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION