Hesiod, Works and Days, Book WD 55:

εἰ δέ κεν ἠελίοιο τροπῇς ἀρόῳς χθόνα δῖαν, ἥμενος ἀμήσεις ὀλίγον περὶ χειρὸς ἐέργων, ἀντία δεσμεύων κεκονιμένος, οὐ μάλα χαίρων, οἴσεις δ ἐν φορμῷ:? παῦροι δέ σε θηήσονται. ἄλλοτε δ ἀλλοῖος Ζηνὸς νόος αἰγιόχοιο, ἀργαλέος δ ἄνδρεσσι καταθνητοῖσι νοῆσαι. εἰ δέ κεν ὄψ ἀρόσῃς, τόδε κέν τοι φάρμακον εἰή: ἦμος κόκκυξ κοκκύζει δρυὸς ἐν πετάλοισι τὸ πρῶτον, τέρπει δὲ βροτοὺς ἐπ ἀπείρονα γαῖαν, τῆμος Ζεὺς ὑοί τρίτῳ ἤματι μηδ ἀπολήγοι, μήτ ἄρ ὑπερβάλλων βοὸς ὁπλὴν μήτ ἀπολείπων: οὕτω κ ὀψαρότης πρῳηρότῃ ἰσοφαρίζοι. ἐν θυμῷ δ εὖ πάντα φυλάσσεο: μηδέ σε λήθοι μήτ ἐάρ γιγνόμενον πολιὸν μήθ ὡρ´ιος ὄμβρος.?