Hesiod, Works and Days, Book WD 53:

εὔχεσθαι δὲ Διὶ χθονίῳ Δημήτερί θ ἁγνῇ, ἐκτελέα βρίθειν Δημήτερος ἱερὸν ἀκτήν, ἀρχόμενος τὰ πρῶτ ἀρότου, ὅτ ἂν ἄκρον ἐχέτλης χειρὶ λαβὼν ὁρ´πηκα βοῶν ἐπὶ νῶτον ἵκηαι ἔνδρυον ἑλκόντων μεσάβων.? ὁ δὲ τυτθὸς ὄπισθε δμῷος ἔχων μακέλην πόνον ὀρνίθεσσι τιθείη σπέρμα κατακρύπτων: ἐυθημοσύνη γὰρ ἀρίστη θνητοῖς ἀνθρώποις, κακοθημοσύνη δὲ κακίστη. ὧδέ κεν ἀδροσύνῃ στάχυες νεύοιεν ἔραζε, εἰ τέλος αὐτὸς ὄπισθεν Ὀλύμπιος ἐσθλὸν ὀπάζοι, ἐκ δ ἀγγέων ἐλάσειας ἀράχνια: καί σε ἐόλπα γηθήσειν βιότου αἰρεύμενον ἔνδον ἐόντος. εὐοχθέων δ ἵξεαι πολιὸν ἐάρ, οὐδὲ πρὸς ἄλλους αὐγάσεαι: σέο δ ἄλλος ἀνὴρ κεχρημένος ἔσται.?