Hesiod, Works and Days, Book WD 46:

(헤시오도스, 일과 날, Book WD 46:)

πληιάδων Ἀτλαγενέων ἐπιτελλομενάων ἄρχεσθ’ ἀμήτου, ἀρότοιο δὲ δυσομενάων. αἳ δή τοι νύκτασ τε καὶ ἤματα τεσσαράκοντα κεκρύφαται, αὖτισ δὲ περιπλομένου ἐνιαυτοῦ φαίνονται τὰ πρῶτα χαρασσομένοιο σιδήρου. οὗτόσ τοι πεδίων πέλεται νόμοσ, οἵ τε θαλάσσησ ἐγγύθι ναιετάουσ’, οἵ τ’ ἄγκεα βησσήεντα, πόντου κυμαίνοντοσ ἀπόπροθι, πίονα χῶρον ναίουσιν· γυμνὸν σπείρειν, γυμνὸν δὲ βοωτεῖν, γυμνὸν δ’ ἀμάειν, εἴ χ’ ὡρ́ια πάντ’ ἐθέλῃσθα ἔργα κομίζεσθαι Δημήτεροσ· ὥσ τοι ἕκαστα ὡρ́ι’ ἀέξηται, μή πωσ τὰ μέταζε χατίζων πτώσσῃσ ἀλλοτρίουσ οἴκουσ καὶ μηδὲν ἀνύσσῃσ. ὡσ καὶ νῦν ἐπ’ ἔμ’ ἦλθεσ· ἐγὼ δέ τοι οὐκ ἐπιδώσω οὐδ’ ἐπιμετρήσω· ἐργάζευ, νήπιε Πέρση, ἔργα, τά τ’ ἀνθρώποισι θεοὶ διετεκμήραντο, μή ποτε σὺν παίδεσσι γυναικί τε θυμὸν ἀχεύων ζητεύῃσ βίοτον κατὰ γείτονασ, οἳ δ’ ἀμελῶσιν. δὶσ μὲν γὰρ καὶ τρὶσ τάχα τεύξεαι· ἢν δ’ ἔτι λυπῇσ, χρῆμα μὲν οὐ πρήξεισ, σὺ δ’ ἐτώσια πόλλ’ ἀγορεύσεισ· ἀχρεῖοσ δ’ ἔσται ἐπέων νομόσ. ἀλλά σ’ ἄνωγα φράζεσθαι χρειῶν τε λύσιν λιμοῦ τ’ ἀλεωρήν.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION