Hesiod, Works and Days, Book WD 36:

(헤시오도스, 일과 날, Book WD 36:)

οὗτοσ μὲν πανάριστοσ, ὃσ αὐτὸσ πάντα νοήσῃ φρασσάμενοσ, τά κ’ ἔπειτα καὶ ἐσ τέλοσ ᾖσιν ἀμείνω· ἐσθλὸσ δ’ αὖ κἀκεῖνοσ, ὃσ εὖ εἰπόντι πίθηται· ὃσ δέ κε μήτ’ αὐτὸσ νοέῃ μήτ’ ἄλλου ἀκούων ἐν θυμῷ βάλληται, ὃ δ’ αὖτ’ ἀχρήιοσ ἀνήρ. ἀλλὰ σύ γ’ ἡμετέρησ μεμνημένοσ αἰὲν ἐφετμῆσ ἐργάζευ, Πέρση, δῖον γένοσ, ὄφρα σε λιμὸσ ἐχθαίρῃ, φιλέῃ δέ σ’ ἐυστέφανοσ Δημήτηρ αἰδοίη, βιότου δὲ τεὴν πιμπλῇσι καλιήν· λιμὸσ γάρ τοι πάμπαν ἀεργῷ σύμφοροσ ἀνδρί. τῷ δὲ θεοὶ νεμεσῶσι καὶ ἀνέρεσ, ὅσ κεν ἀεργὸσ ζώῃ, κηφήνεσσι κοθούροισ εἴκελοσ ὀργήν, οἵ τε μελισσάων κάματον τρύχουσιν ἀεργοὶ ἔσθοντεσ· σοὶ δ’ ἔργα φίλ’ ἔστω μέτρια κοσμεῖν, ὥσ κέ τοι ὡραίου βιότου πλήθωσι καλιαί. ἐξ ἔργων δ’ ἄνδρεσ πολύμηλοί τ’ ἀφνειοί τε· καὶ ἐργαζόμενοι πολὺ φίλτεροι ἀθανάτοισιν. ἔργον δ’ οὐδὲν ὄνειδοσ, ἀεργίη δέ τ’ ὄνειδοσ. εἰ δέ κε ἐργάζῃ, τάχα σε ζηλώσει ἀεργὸσ πλουτεῦντα· πλούτῳ δ’ ἀρετὴ καὶ κῦδοσ ὀπηδεῖ. δαίμονι δ’ οἱο͂σ ἐήσθα, τὸ ἐργάζεσθαι ἄμεινον, εἴ κεν ἀπ’ ἀλλοτρίων κτεάνων ἀεσίφρονα θυμὸν εἰσ ἔργον τρέψασ μελετᾷσ βίου, ὥσ σε κελεύω. αἰδὼσ δ’ οὐκ ἀγαθὴ κεχρημένον ἄνδρα κομίζει, αἰδώσ, ἥ τ’ ἄνδρασ μέγα σίνεται ἠδ’ ὀνίνησιν. αἰδώσ τοι πρὸσ ἀνολβίῃ, θάρσοσ δὲ πρὸσ ὄλβῳ.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION