Hesiod, Works and Days, Book WD 30:

(헤시오도스, 일과 날, Book WD 30:)

ὦ βασιλῆσ, ὑμεῖσ δὲ καταφράζεσθε καὶ αὐτοὶ τήνδε δίκην· ἐγγὺσ γὰρ ἐν ἀνθρώποισιν ἐόντεσ ἀθάνατοι φράζονται, ὅσοι σκολιῇσι δίκῃσιν ἀλλήλουσ τρίβουσι θεῶν ὄπιν οὐκ ἀλέγοντεσ. τρὶσ γὰρ μύριοί εἰσιν ἐπὶ χθονὶ πουλυβοτείρῃ ἀθάνατοι Ζηνὸσ φύλακεσ θνητῶν ἀνθρώπων· οἵ ῥα φυλάσσουσίν τε δίκασ καὶ σχέτλια ἔργα ἠέρα ἑσσάμενοι, πάντη φοιτῶντεσ ἐπ’ αἰᾶν. ἡ δέ τε παρθένοσ ἐστὶ Δίκη, Διὸσ ἐκγεγαυῖα, κυδρή τ’ αἰδοίη τε θεῶν, οἳ Ὄλυμπον ἔχουσιν. καί ῥ’ ὁπότ’ ἄν τίσ μιν βλάπτῃ σκολιῶσ ὀνοτάζων, αὐτίκα πὰρ Διὶ πατρὶ καθεζομένη Κρονίωνι γηρύετ’ ἀνθρώπων ἄδικον νόον, ὄφρ’ ἀποτίσῃ δῆμοσ ἀτασθαλίασ βασιλέων, οἳ λυγρὰ νοεῦντεσ ἄλλῃ παρκλίνωσι δίκασ σκολιῶσ ἐνέποντεσ. ταῦτα φυλασσόμενοι, βασιλῆσ, ἰθύνετε δίκασ δωροφάγοι, σκολιέων δὲ δικέων ἐπὶ πάγχυ λάθεσθε.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION