Hesiod, Works and Days, Book WD 29:

οἷσ δ’ ὕβρισ τε μέμηλε κακὴ καὶ σχέτλια ἔργα, τοῖσ δὲ δίκην Κρονίδησ τεκμαίρεται εὐρύοπα Ζεύσ. πολλάκι καὶ ξύμπασα πόλισ κακοῦ ἀνδρὸσ ἀπηύρα, ὅσ κεν ἀλιτραίνῃ καὶ ἀτάσθαλα μηχανάαται. τοῖσιν δ’ οὐρανόθεν μέγ’ ἐπήγαγε πῆμα Κρονίων λιμὸν ὁμοῦ καὶ λοιμόν· ἀποφθινύθουσι δὲ λαοί. οὐδὲ γυναῖκεσ τίκτουσιν, μινύθουσι δὲ οἶκοι Ζηνὸσ φραδμοσύνῃσιν Ὀλυμπίου· ἄλλοτε δ’ αὖτε ἢ τῶν γε στρατὸν εὐρὺν ἀπώλεσεν ἢ ὅ γε τεῖχοσ ἢ νέασ ἐν πόντῳ Κρονίδησ ἀποαίνυται αὐτῶν.