Hesiod, Works and Days, Book WD 27:

(헤시오도스, 일과 날, Book WD 27:)

ὦ Πέρση, σὺ δ’ ἄκουε δίκησ, μηδ’ ὕβριν ὄφελλε· ὕβρισ γάρ τε κακὴ δειλῷ βροτῷ· οὐδὲ μὲν ἐσθλὸσ ῥηιδίωσ φερέμεν δύναται, βαρύθει δέ θ’ ὑπ’ αὐτῆσ ἐγκύρσασ ἄτῃσιν· ὁδὸσ δ’ ἑτέρηφι παρελθεῖν κρείσσων ἐσ τὰ δίκαια· Δίκη δ’ ὑπὲρ Ὕβριοσ ἴσχει ἐσ τέλοσ ἐξελθοῦσα· παθὼν δέ τε νήπιοσ ἔγνω. αὐτίκα γὰρ τρέχει Ὅρκοσ ἅμα σκολιῇσι δίκῃσιν. τῆσ δὲ Δίκησ ῥόθοσ ἑλκομένησ, ᾗ κ’ ἄνδρεσ ἄγωσι δωροφάγοι, σκολιῇσ δὲ δίκῃσ κρίνωσι θέμιστασ. ἣ δ’ ἕπεται κλαίουσα πόλιν καὶ ἤθεα λαῶν, ἠέρα ἑσσαμένη, κακὸν ἀνθρώποισι φέρουσα, οἵ τε μιν ἐξελάσωσι καὶ οὐκ ἰθεῖαν ἔνειμαν. Οἳ δὲ δίκασ ξείνοισι καὶ ἐνδήμοισι διδοῦσιν ἰθείασ καὶ μή τι παρεκβαίνουσι δικαίου, τοῖσι τέθηλε πόλισ, λαοὶ δ’ ἀνθεῦσιν ἐν αὐτῇ· εἰρήνη δ’ ἀνὰ γῆν κουροτρόφοσ, οὐδέ ποτ’ αὐτοῖσ ἀργαλέον πόλεμον τεκμαίρεται εὐρύοπα Ζεύσ· οὐδέ ποτ’ ἰθυδίκῃσι μετ’ ἀνδράσι λιμὸσ ὀπηδεῖ οὐδ’ ἄτη, θαλίῃσ δὲ μεμηλότα ἔργα νέμονται. τοῖσι φέρει μὲν γαῖα πολὺν βίον, οὔρεσι δὲ δρῦσ ἄκρη μέν τε φέρει βαλάνουσ, μέσση δὲ μελίσσασ· εἰροπόκοι δ’ ὀιέσ μαλλοῖσ καταβεβρίθασιν· τίκτουσιν δὲ γυναῖκεσ ἐοικότα τέκνα γονεῦσιν· θάλλουσιν δ’ ἀγαθοῖσι διαμπερέσ· οὐδ’ ἐπὶ νηῶν νίσσονται, καρπὸν δὲ φέρει ζείδωροσ ἄρουρα.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION