Hesiod, Works and Days, Book WD 22:

(헤시오도스, 일과 날, Book WD 22:)

μηκέτ’ ἔπειτ’ ὤφελλον ἐγὼ πέμπτοισι μετεῖναι ἀνδράσιν, ἀλλ’ ἢ πρόσθε θανεῖν ἢ ἔπειτα γενέσθαι. νῦν γὰρ δὴ γένοσ ἐστὶ σιδήρεον· οὐδέ ποτ’ ἦμαρ παύονται καμάτου καὶ ὀιζύοσ, οὐδέ τι νύκτωρ φθειρόμενοι. χαλεπὰσ δὲ θεοὶ δώσουσι μερίμνασ· ἀλλ’ ἔμπησ καὶ τοῖσι μεμείξεται ἐσθλὰ κακοῖσιν. Ζεὺσ δ’ ὀλέσει καὶ τοῦτο γένοσ μερόπων ἀνθρώπων, εὖτ’ ἂν γεινόμενοι πολιοκρόταφοι τελέθωσιν. οὐδὲ πατὴρ παίδεσσιν ὁμοίιοσ οὐδέ τι παῖδεσ, οὐδὲ ξεῖνοσ ξεινοδόκῳ καὶ ἑταῖροσ ἑταίρῳ, οὐδὲ κασίγνητοσ φίλοσ ἔσσεται, ὡσ τὸ πάροσ περ. αἶψα δὲ γηράσκοντασ ἀτιμήσουσι τοκῆασ· μέμψονται δ’ ἄρα τοὺσ χαλεποῖσ βάζοντεσ ἔπεσσι σχέτλιοι οὐδὲ θεῶν ὄπιν εἰδότεσ· οὐδέ κεν οἵ γε γηράντεσσι τοκεῦσιν ἀπὸ θρεπτήρια δοῖεν χειροδίκαι· ἕτεροσ δ’ ἑτέρου πόλιν ἐξαλαπάξει. οὐδέ τισ εὐόρκου χάρισ ἔσσεται οὔτε δικαίου οὔτ’ ἀγαθοῦ, μᾶλλον δὲ κακῶν ῥεκτῆρα καὶ ὕβριν ἀνέρεσ αἰνήσουσι· δίκη δ’ ἐν χερσί, καὶ αἰδὼσ οὐκ ἔσται· βλάψει δ’ ὁ κακὸσ τὸν ἀρείονα φῶτα μύθοισιν σκολιοῖσ ἐνέπων, ἐπὶ δ’ ὁρ́κον ὀμεῖται. ζῆλοσ δ’ ἀνθρώποισιν ὀιζυροῖσιν ἅπασι δυσκέλαδοσ κακόχαρτοσ ὁμαρτήσει, στυγερώπησ. καὶ τότε δὴ πρὸσ Ὄλυμπον ἀπὸ χθονὸσ εὐρυοδείησ λευκοῖσιν φάρεσσι καλυψαμένα χρόα καλὸν ἀθανάτων μετὰ φῦλον ἴτον προλιπόντ’ ἀνθρώπουσ Αἰδὼσ καὶ Νέμεσισ· τὰ δὲ λείψεται ἄλγεα λυγρὰ θνητοῖσ ἀνθρώποισι· κακοῦ δ’ οὐκ ἔσσεται ἀλκή.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION