Hesiod, Works and Days, Book WD 19:

(헤시오도스, 일과 날, Book WD 19:)

αὐτὰρ ἐπεὶ καὶ τοῦτο γένοσ κατὰ γαῖ’ ἐκάλυψε, ‐ τοὶ μὲν ὑποχθόνιοι μάκαρεσ θνητοῖσ καλέονται, δεύτεροι, ἀλλ’ ἔμπησ τιμὴ καὶ τοῖσιν ὀπηδεῖ ‐ , Ζεὺσ δὲ πατὴρ τρίτον ἄλλο γένοσ μερόπων ἀνθρώπων χάλκειον ποίησ’, οὐκ ἀργυρέῳ οὐδὲν ὁμοῖον, ἐκ μελιᾶν, δεινόν τε καὶ ὄβριμον· οἷσιν Ἄρηοσ ἔργ’ ἔμελεν στονόεντα καὶ ὕβριεσ· οὐδέ τι σῖτον ἤσθιον, ἀλλ’ ἀδάμαντοσ ἔχον κρατερόφρονα θυμόν, ἄπλαστοι· μεγάλη δὲ βίη καὶ χεῖρεσ ἀάπτοι ἐξ ὤμων ἐπέφυκον ἐπὶ στιβαροῖσι μέλεσσιν. ὧν δ’ ἦν χάλκεα μὲν τεύχεα, χάλκεοι δέ τε οἶκοι χαλκῷ δ’ εἰργάζοντο· μέλασ δ’ οὐκ ἔσκε σίδηροσ. καὶ τοὶ μὲν χείρεσσιν ὕπο σφετέρῃσι δαμέντεσ βῆσαν ἐσ εὐρώεντα δόμον κρυεροῦ Αίδαο νώνυμνοι· θάνατοσ δὲ καὶ ἐκπάγλουσ περ ἐόντασ εἷλε μέλασ, λαμπρὸν δ’ ἔλιπον φάοσ ἠελίοιο.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION