Hesiod, Works and Days, Book WD 17:

(헤시오도스, 일과 날, Book WD 17:)

αὐτὰρ ἐπεὶ δὴ τοῦτο γένοσ κατὰ γαῖ’ ἐκάλυψε, ‐ τοὶ μὲν δαίμονεσ ἁγνοὶ ἐπιχθόνιοι καλέονται ἐσθλοί, ἀλεξίκακοι, φύλακεσ θνητῶν ἀνθρώπων, οἵ ῥα φυλάσσουσίν τε δίκασ καὶ σχέτλια ἔργα ἠέρα ἑσσάμενοι πάντη φοιτῶντεσ ἐπ’ αἰᾶν, πλουτοδόται· καὶ τοῦτο γέρασ βασιλήιον ἔσχον ‐ , δεύτερον αὖτε γένοσ πολὺ χειρότερον μετόπισθεν ἀργύρεον ποίησαν Ὀλύμπια δώματ’ ἔχοντεσ, χρυσέῳ οὔτε φυὴν ἐναλίγκιον οὔτε νόημα. ἀλλ’ ἑκατὸν μὲν παῖσ ἔτεα παρὰ μητέρι κεδνῇ ἐτρέφετ’ ἀτάλλων, μέγα νήπιοσ, ᾧ ἐνὶ οἴκῳ. ἀλλ’ ὅτ’ ἄρ’ ἡβήσαι τε καὶ ἥβησ μέτρον ἵκοιτο, παυρίδιον ζώεσκον ἐπὶ χρόνον, ἄλγε’ ἔχοντεσ ἀφραδίῃσ· ὕβριν γὰρ ἀτάσθαλον οὐκ ἐδύναντο ἀλλήλων ἀπέχειν, οὐδ’ ἀθανάτουσ θεραπεύειν ἤθελον οὐδ’ ἔρδειν μακάρων ἱεροῖσ ἐπὶ βωμοῖσ, ἣ θέμισ ἀνθρώποισ κατὰ ἤθεα. τοὺσ μὲν ἔπειτα Ζεὺσ Κρονίδησ ἔκρυψε χολούμενοσ, οὕνεκα τιμὰσ οὐκ ἔδιδον μακάρεσσι θεοῖσ, οἳ Ὄλυμπον ἔχουσιν.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION