Hesiod, Theogony, Book Th. 79:

(헤시오도스, 신들의 계보, Book Th. 79:)

Ζεὺσ δ’ ἐπεὶ οὖν κόρθυνεν ἑὸν μένοσ, εἵλετο δ’ ὅπλα, βροντήν τε στεροπήν τε καὶ αἰθαλόεντα κεραυνόν, πλῆξεν ἀπ’ Οὐλύμποιο ἐπάλμενοσ· ἀμφὶ δὲ πάσασ ἔπρεσε θεσπεσίασ κεφαλὰσ δεινοῖο πελώρου. αὐτὰρ ἐπεὶ δή μιν δάμασεν πληγῇσιν ἱμάσσασ, ἤριπε γυιωθείσ, στενάχιζε δὲ γαῖα πελώρη. φλὸξ δὲ κεραυνωθέντοσ ἀπέσσυτο τοῖο ἄνακτοσ οὔρεοσ ἐν βήσσῃσιν ἀιδνῇσ παιπαλοέσσῃσ, πληγέντοσ. πολλὴ δὲ πελώρη καίετο γαῖα ἀτμῇ θεσπεσίῃ καὶ ἐτήκετο κασσίτεροσ ὣσ τέχνῃ ὕπ’ αἰζηῶν ἐν ἐυτρήτοισ χοάνοισι θαλφθείσ, ἠὲ σίδηροσ, ὅ περ κρατερώτατόσ ἐστιν. οὔρεοσ ἐν βήσσῃσι δαμαζόμενοσ πυρὶ κηλέῳ τήκεται ἐν χθονὶ δίῃ ὑφ’ Ἡφαιστου παλάμῃσιν. ὣσ ἄρα τήκετο γαῖα σέλαι πυρὸσ αἰθομένοιο. ῥῖψε δέ μιν θυμῷ ἀκαχὼν ἐσ Τάρταρον εὐρύν.

상위

Hesiod (헤시오도스)

목록

SEARCH

MENU NAVIGATION