Hesiod, Theogony, Book Th. 74:

(헤시오도스, 신들의 계보, Book Th. 74:)

ἔνθα δὲ ναιετάει στυγερὴ θεὸσ ἀθανάτοισι, δεινὴ Στύξ, θυγάτηρ ἀψορρόου Ὠκεανοῖο πρεσβυτάτη· νόσφιν δὲ θεῶν κλυτὰ δώματα ναίει μακρῇσιν πέτρῃσι κατηρεφέ’· ἀμφὶ δὲ πάντη κίοσιν ἀργυρέοισι πρὸσ οὐρανὸν ἐστήρικται. παῦρα δὲ Θαύμαντοσ θυγάτηρ πόδασ ὠκέα Ἶρισ ἀγγελίην πωλεῖται ἐπ’ εὐρέα νῶτα θαλάσσησ. ὁππότ’ ἔρισ καὶ νεῖκοσ ἐν ἀθανάτοισιν ὄρηται καί ῥ’ ὅστισ ψεύδηται Ὀλύμπια δώματ’ ἐχόντων, Ζεὺσ δέ τε Ἶριν ἔπεμψε θεῶν μέγαν ὁρ́κον ἐνεῖκαι τηλόθεν ἐν χρυσέῃ προχόῳ πολυώνυμον ὕδωρ ψυχρόν, ὅτ’ ἐκ πέτρησ καταλείβεται ἠλιβάτοιο ὑψηλῆσ· πολλὸν δὲ ὑπὸ χθονὸσ εὐρυοδείησ ἐξ ἱεροῦ ποταμοῖο ῥέει διὰ νύκτα μέλαιναν Ὠκεανοῖο κέρασ· δεκάτη δ’ ἐπὶ μοῖρα δέδασται· ἐννέα μὲν περὶ γῆν τε καὶ εὐρέα νῶτα θαλάσσησ δίνῃσ ἀργυρέῃσ εἱλιγμένοσ εἰσ ἅλα πίπτει, ἣ δὲ μί’ ἐκ πέτρησ προρέει μέγα πῆμα θεοῖσιν. ὅσ κεν τὴν ἐπίορκον ἀπολλείψασ ἐπομόσσῃ ἀθανάτων, οἳ ἔχουσι κάρη νιφόεντοσ Ὀλύμπου, κεῖται νήυτμοσ τετελεσμένον εἰσ ἐνιαυτόν· οὐδέ ποτ’ ἀμβροσίησ καὶ νέκταροσ ἔρχεται ἆσσον βρώσιοσ, ἀλλά τε κεῖται ἀνάπνευστοσ καὶ ἄναυδοσ στρωτοῖσ ἐν λεχέεσσι, κακὸν δέ ἑ κῶμα καλύπτει. αὐτὰρ ἐπεὶ νοῦσον τελέσῃ μέγαν εἰσ ἐνιαυτόν, ἄλλοσ γ’ ἐξ ἄλλου δέχεται χαλεπώτεροσ ἀέθλοσ. εἰνάετεσ δὲ θεῶν ἀπαμείρεται αἰὲν ἐόντων, οὐδέ ποτ’ ἐσ βουλὴν ἐπιμίσγεται οὐδ’ ἐπὶ δαῖτασ ἐννέα πάντα ἔτεα· δεκάτῳ δ’ ἐπιμίσγεται αὖτισ εἴρασ ἐσ ἀθανάτων, οἳ Ὀλύμπια δώματ’ ἔχουσιν. τοῖον ἄρ’ ὁρ́κον ἔθεντο θεοὶ Στυγὸσ ἄφθιτον ὕδωρ ὠγύγιον, τὸ δ’ ἱήσι καταστυφέλου διὰ χώρου.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION