헬라어 문장 검색 - Ηεσιοδ́Τηεογον́1́0́074́

(헤시오도스, 신들의 계보, Book Th. 74:)

ἔνθα δὲ ναιετάει στυγερὴ θεὸσ ἀθανάτοισι, δεινὴ Στύξ, θυγάτηρ ἀψορρόου Ὠκεανοῖο πρεσβυτάτη· νόσφιν δὲ θεῶν κλυτὰ δώματα ναίει μακρῇσιν πέτρῃσι κατηρεφέ’· ἀμφὶ δὲ πάντη κίοσιν ἀργυρέοισι πρὸσ οὐρανὸν ἐστήρικται. παῦρα δὲ Θαύμαντοσ θυγάτηρ πόδασ ὠκέα Ἶρισ ἀγγελίην πωλεῖται ἐπ’ εὐρέα νῶτα θαλάσσησ. ὁππότ’ ἔρισ καὶ νεῖκοσ ἐν ἀθανάτοισιν ὄρηται καί ῥ’ ὅστισ ψεύδηται Ὀλύμπια δώματ’ ἐχόντων, Ζεὺσ δέ τε Ἶριν ἔπεμψε θεῶν μέγαν ὁρ́κον ἐνεῖκαι τηλόθεν ἐν χρυσέῃ προχόῳ πολυώνυμον ὕδωρ ψυχρόν, ὅτ’ ἐκ πέτρησ καταλείβεται ἠλιβάτοιο ὑψηλῆσ· πολλὸν δὲ ὑπὸ χθονὸσ εὐρυοδείησ ἐξ ἱεροῦ ποταμοῖο ῥέει διὰ νύκτα μέλαιναν Ὠκεανοῖο κέρασ· δεκάτη δ’ ἐπὶ μοῖρα δέδασται· ἐννέα μὲν περὶ γῆν τε καὶ εὐρέα νῶτα θαλάσσησ δίνῃσ ἀργυρέῃσ εἱλιγμένοσ εἰσ ἅλα πίπτει, ἣ δὲ μί’ ἐκ πέτρησ προρέει μέγα πῆμα θεοῖσιν. ὅσ κεν τὴν ἐπίορκον ἀπολλείψασ ἐπομόσσῃ ἀθανάτων, οἳ ἔχουσι κάρη νιφόεντοσ Ὀλύμπου, κεῖται νήυτμοσ τετελεσμένον εἰσ ἐνιαυτόν· οὐδέ ποτ’ ἀμβροσίησ καὶ νέκταροσ ἔρχεται ἆσσον βρώσιοσ, ἀλλά τε κεῖται ἀνάπνευστοσ καὶ ἄναυδοσ στρωτοῖσ ἐν λεχέεσσι, κακὸν δέ ἑ κῶμα καλύπτει. αὐτὰρ ἐπεὶ νοῦσον τελέσῃ μέγαν εἰσ ἐνιαυτόν, ἄλλοσ γ’ ἐξ ἄλλου δέχεται χαλεπώτεροσ ἀέθλοσ. εἰνάετεσ δὲ θεῶν ἀπαμείρεται αἰὲν ἐόντων, οὐδέ ποτ’ ἐσ βουλὴν ἐπιμίσγεται οὐδ’ ἐπὶ δαῖτασ ἐννέα πάντα ἔτεα· δεκάτῳ δ’ ἐπιμίσγεται αὖτισ εἴρασ ἐσ ἀθανάτων, οἳ Ὀλύμπια δώματ’ ἔχουσιν. τοῖον ἄρ’ ὁρ́κον ἔθεντο θεοὶ Στυγὸσ ἄφθιτον ὕδωρ ὠγύγιον, τὸ δ’ ἱήσι καταστυφέλου διὰ χώρου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hesiod, Theogony, Book Th. 74:

(헤시오도스, 신들의 계보, Book Th. 74:)

상위

목록

SEARCH

MENU NAVIGATION