호흡부호 보기
강세부호 보기
장단부호 보기
작은 Iota 보기
모든 부호 보기
οἳ δ’ ἄρ’ ἐνὶ πρώτοισι μάχην δριμεῖαν ἔγειραν Κόττοσ τε Βριάρεώσ τε Γύησ τ’ ἀάτοσ πολέμοιο, οἵ ῥα τριηκοσίασ πέτρασ στιβαρῶν ἀπὸ χειρῶν πέμπον ἐπασσυτέρασ, κατὰ δ’ ἐσκίασαν βελέεσσι Τιτῆνασ, καὶ τοὺσ μὲν ὑπὸ χθονὸσ εὐρυοδείησ πέμψαν καὶ δεσμοῖσιν ἐν ἀργαλέοισιν ἔδησαν χερσὶν νικήσαντεσ ὑπερθύμουσ περ ἐόντασ, τόσσον ἔνερθ’ ὑπὸ γῆσ, ὅσον οὐρανόσ ἐστ’ ἀπὸ γαίησ· τόσσον γάρ τ’ ἀπὸ γῆσ ἐσ Τάρταρον ἠερόεντα. ἐννέα γὰρ νύκτασ τε καὶ ἤματα χάλκεοσ ἄκμων οὐρανόθεν κατιὼν δεκάτῃ κ’ ἐσ γαῖαν ἵκοιτο· ἐννέα δ’ αὖ νύκτασ τε καὶ ἤματα χάλκεοσ ἄκμων ἐκ γαίησ κατιὼν δεκάτῃ κ’ ἐσ Τάρταρον ἵκοι. τὸν πέρι χάλκεον ἑρ́κοσ ἐλήλαται· ἀμφὶ δέ μιν νὺξ τριστοιχεὶ κέχυται περὶ δειρήν· αὐτὰρ ὕπερθεν γῆσ ῥίζαι πεφύασι καὶ ἀτρυγέτοιο θαλάσσησ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기