Hesiod, Theogony, Book Th. 67:

(헤시오도스, 신들의 계보, Book Th. 67:)

οὐδ’ ἄρ’ ἔτι Ζεὺσ ἴσχεν ἑὸν μένοσ, ἀλλά νυ τοῦ γε εἶθαρ μὲν μένεοσ πλῆντο φρένεσ, ἐκ δέ τε πᾶσαν φαῖνε βίην· ἄμυδισ δ’ ἄρ’ ἀπ’ οὐρανοῦ ἠδ’ ἀπ’ Ὀλύμπου ἀστράπτων ἔστειχε συνωχαδόν· οἱ δὲ κεραυνοὶ ἴκταρ ἅμα βροντῇ τε καὶ ἀστεροπῇ ποτέοντο χειρὸσ ἄπο στιβαρῆσ, ἱερὴν φλόγα εἰλυφόωντεσ ταρφέεσ· ἀμφὶ δὲ γαῖα φερέσβιοσ ἐσμαράγιζε καιομένη, λάκε δ’ ἀμφὶ πυρὶ μεγάλ’ ἄσπετοσ ὕλη. ἔζεε δὲ χθὼν πᾶσα καὶ Ὠκεανοῖο ῥέεθρα πόντοσ τ’ ἀτρύγετοσ· τοὺσ δ’ ἄμφεπε θερμὸσ ἀυτμὴ Τιτῆνασ χθονίουσ, φλὸξ δ’ αἰθέρα δῖαν ἵκανεν ἄσπετοσ, ὄσσε δ’ ἄμερδε καὶ ἰφθίμων περ ἐόντων αὐγὴ μαρμαίρουσα κεραυνοῦ τε στεροπῆσ τε. καῦμα δὲ θεσπέσιον κάτεχεν Χάοσ· εἴσατο δ’ ἄντα ὀφθαλμοῖσιν ἰδεῖν ἠδ’ οὐάσι ὄσσαν ἀκοῦσαι αὔτωσ, ὡσ εἰ Γαῖα καὶ Οὐρανὸσ εὐρὺσ ὕπερθε πίλνατο· τοῖοσ γάρ κε μέγασ ὑπὸ δοῦποσ ὀρώρει τῆσ μὲν ἐρειπομένησ, τοῦ δ’ ὑψόθεν ἐξεριπόντοσ· τόσσοσ δοῦποσ ἔγεντο θεῶν ἔριδι ξυνιόντων. σὺν δ’ ἄνεμοι ἔνοσίν τε κονίην τ’ ἐσφαράγιζον βροντήν τε στεροπήν τε καὶ αἰθαλόεντα κεραυνόν, κῆλα Διὸσ μεγάλοιο, φέρον δ’ ἰαχήν τ’ ἐνοπήν τε ἐσ μέσον ἀμφοτέρων· ὄτοβοσ δ’ ἄπλητοσ ὀρώρει σμερδαλέησ ἔριδοσ, κάρτοσ δ’ ἀνεφαίνετο ἔργων. ἐκλίνθη δὲ μάχη· πρὶν δ’ ἀλλήλοισ ἐπέχοντεσ ἐμμενέωσ ἐμάχοντο διὰ κρατερὰσ ὑσμίνασ.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION