Hesiod, Theogony, Book Th. 57:

(헤시오도스, 신들의 계보, Book Th. 57:)

ἐκ τῆσ γὰρ γένοσ ἐστὶ γυναικῶν θηλυτεράων, τῆσ γὰρ ὀλώιόν ἐστι γένοσ καὶ φῦλα γυναικῶν, πῆμα μέγ’ αἳ θνητοῖσι μετ’ ἀνδράσι ναιετάουσιν οὐλομένησ πενίησ οὐ σύμφοροι, ἀλλὰ κόροιο. ὡσ δ’ ὁπότ’ ἐν σμήνεσσι κατηρεφέεσσι μέλισσαι κηφῆνασ βόσκωσι, κακῶν ξυνήονασ ἔργων ‐ αἳ μέν τε πρόπαν ἦμαρ ἐσ ἠέλιον καταδύντα ἠμάτιαι σπεύδουσι τιθεῖσί τε κηρία λευκά, οἳ δ’ ἔντοσθε μένοντεσ ἐπηρεφέασ κατὰ σίμβλουσ ἀλλότριον κάματον σφετέρην ἐσ γαστέρ’ ἀμῶνται ‐ ὣσ δ’ αὔτωσ ἄνδρεσσι κακὸν θνητοῖσι γυναῖκασ Ζεὺσ ὑψιβρεμέτησ θῆκεν, ξυνήονασ ἔργων ἀργαλέων· ἕτερον δὲ πόρεν κακὸν ἀντ’ ἀγαθοῖο· ὅσ κε γάμον φεύγων καὶ μέρμερα ἔργα γυναικῶν μὴ γῆμαι ἐθέλῃ, ὀλοὸν δ’ ἐπὶ γῆρασ ἵκοιτο χήτεϊ γηροκόμοιο· ὅ γ’ οὐ βιότου ἐπιδευὴσ ζώει, ἀποφθιμένου δὲ διὰ κτῆσιν δατέονται χηρωσταί· ᾧ δ’ αὖτε γάμου μετὰ μοῖρα γένηται, κεδνὴν δ’ ἔσχεν ἄκοιτιν ἀρηρυῖαν πραπίδεσσι, τῷ δέ τ’ ἀπ’ αἰῶνοσ κακὸν ἐσθλῷ ἀντιφερίζει ἐμμενέσ· ὃσ δέ κε τέτμῃ ἀταρτηροῖο γενέθλησ, ζώει ἐνὶ στήθεσσιν ἔχων ἀλίαστον ἀνίην θυμῷ καὶ κραδίῃ, καὶ ἀνήκεστον κακόν ἐστιν.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION