헬라어 문장 검색 - Ηεσιοδ́Τηεογον́1́0́048́

(헤시오도스, 신들의 계보, Book Th. 48:)

κούρην δ’ Ιἀπετὸσ καλλίσφυρον Ὠκεανίνην ἠγάγετο Κλυμένην καὶ ὁμὸν λέχοσ εἰσανέβαινεν. ἣ δέ οἱ Ἄτλαντα κρατερόφρονα γείνατο παῖδα· τίκτε δ’ ὑπερκύδαντα Μενοίτιον ἠδὲ Προμηθέα ποικίλον αἰολόμητιν, ἁμαρτίνοόν τ’ Ἐπιμηθέα ὃσ κακὸν ἐξ ἀρχῆσ γένετ’ ἀνδράσιν ἀλφηστῇσιν· πρῶτοσ γάρ ῥα Διὸσ πλαστὴν ὑπέδεκτο γυναῖκα παρθένον. ὑβριστὴν δὲ Μενοίτιον εὐρύοπα Ζεὺσ εἰσ Ἔρεβοσ κατέπεμψε βαλὼν ψολόεντι κεραυνῷ εἵνεκ’ ἀτασθαλίησ τε καὶ ἠνορέησ ὑπερόπλου. Ἄτλασ δ’ οὐρανὸν εὐρὺν ἔχει κρατερῆσ ὑπ’ ἀνάγκησ πείρασιν ἐν γαίησ, πρόπαρ Εσπερίδων λιγυφώνων, ἑστηὼσ κεφαλῇ τε καὶ ἀκαμάτῃσι χέρεσσιν· ταύτην γάρ οἱ μοῖραν ἐδάσσατο μητίετα Ζεύσ. δῆσε δ’ ἀλυκτοπέδῃσι Προμηθέα ποικιλόβουλον δεσμοῖσ ἀργαλέοισι μέσον διὰ κίον’ ἐλάσσασ· καί οἱ ἐπ’ αἰετὸν ὦρσε τανύπτερον· αὐτὰρ ὅ γ’ ἧπαρ ἤσθιεν ἀθάνατον, τὸ δ’ ἀέξετο ἶσον ἁπάντη νυκτόσ ὅσον πρόπαν ἦμαρ ἔδοι τανυσίπτεροσ ὄρνισ. τὸν μὲν ἄρ’ Ἀλκμήνησ καλλισφύρου ἄλκιμοσ υἱὸσ Ἡρακλέησ ἔκτεινε, κακὴν δ’ ἀπὸ νοῦσον ἄλαλκεν Ιἀπετιονίδῃ καὶ ἐλύσατο δυσφροσυνάων οὐκ ἀέκητι Ζηνὸσ Ὀλυμπίου ὑψιμέδοντοσ, ὄφρ’ Ἡρακλῆοσ Θηβαγενέοσ κλέοσ εἰή πλεῖον ἔτ’ ἢ τὸ πάροιθεν ἐπὶ χθόνα πουλυβότειραν. ταῦτ’ ἄρα ἁζόμενοσ τίμα ἀριδείκετον υἱόν· καί περ χωόμενοσ παύθη χόλου, ὃν πρὶν ἔχεσκεν, οὕνεκ’ ἐρίζετο βουλὰσ ὑπερμενέι Κρονίωνι. καὶ γὰρ ὅτ’ ἐκρίνοντο θεοὶ θνητοί τ’ ἄνθρωποι Μηκώνῃ, τότ’ ἔπειτα μέγαν βοῦν πρόφρονι θυμῷ δασσάμενοσ προέθηκε, Διὸσ νόον ἐξαπαφίσκων. τοῖσ μὲν γὰρ σάρκασ τε καὶ ἔγκατα πίονα δημῷ ἐν ῥινῷ κατέθηκε καλύψασ γαστρὶ βοείῃ, τῷ δ’ αὖτ’ ὀστέα λευκὰ βοὸσ δολίῃ ἐπὶ τέχνῃ εὐθετίσασ κατέθηκε καλύψασ ἀργέτι δημῷ. δὴ τότε μιν προσέειπε πατὴρ ἀνδρῶν τε θεῶν τε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hesiod, Theogony, Book Th. 48:

(헤시오도스, 신들의 계보, Book Th. 48:)

상위

목록

SEARCH

MENU NAVIGATION