Hesiod, Theogony, Book Th. 48:

(헤시오도스, 신들의 계보, Book Th. 48:)

κούρην δ’ Ιἀπετὸσ καλλίσφυρον Ὠκεανίνην ἠγάγετο Κλυμένην καὶ ὁμὸν λέχοσ εἰσανέβαινεν. ἣ δέ οἱ Ἄτλαντα κρατερόφρονα γείνατο παῖδα· τίκτε δ’ ὑπερκύδαντα Μενοίτιον ἠδὲ Προμηθέα ποικίλον αἰολόμητιν, ἁμαρτίνοόν τ’ Ἐπιμηθέα ὃσ κακὸν ἐξ ἀρχῆσ γένετ’ ἀνδράσιν ἀλφηστῇσιν· πρῶτοσ γάρ ῥα Διὸσ πλαστὴν ὑπέδεκτο γυναῖκα παρθένον. ὑβριστὴν δὲ Μενοίτιον εὐρύοπα Ζεὺσ εἰσ Ἔρεβοσ κατέπεμψε βαλὼν ψολόεντι κεραυνῷ εἵνεκ’ ἀτασθαλίησ τε καὶ ἠνορέησ ὑπερόπλου. Ἄτλασ δ’ οὐρανὸν εὐρὺν ἔχει κρατερῆσ ὑπ’ ἀνάγκησ πείρασιν ἐν γαίησ, πρόπαρ Εσπερίδων λιγυφώνων, ἑστηὼσ κεφαλῇ τε καὶ ἀκαμάτῃσι χέρεσσιν· ταύτην γάρ οἱ μοῖραν ἐδάσσατο μητίετα Ζεύσ. δῆσε δ’ ἀλυκτοπέδῃσι Προμηθέα ποικιλόβουλον δεσμοῖσ ἀργαλέοισι μέσον διὰ κίον’ ἐλάσσασ· καί οἱ ἐπ’ αἰετὸν ὦρσε τανύπτερον· αὐτὰρ ὅ γ’ ἧπαρ ἤσθιεν ἀθάνατον, τὸ δ’ ἀέξετο ἶσον ἁπάντη νυκτόσ ὅσον πρόπαν ἦμαρ ἔδοι τανυσίπτεροσ ὄρνισ. τὸν μὲν ἄρ’ Ἀλκμήνησ καλλισφύρου ἄλκιμοσ υἱὸσ Ἡρακλέησ ἔκτεινε, κακὴν δ’ ἀπὸ νοῦσον ἄλαλκεν Ιἀπετιονίδῃ καὶ ἐλύσατο δυσφροσυνάων οὐκ ἀέκητι Ζηνὸσ Ὀλυμπίου ὑψιμέδοντοσ, ὄφρ’ Ἡρακλῆοσ Θηβαγενέοσ κλέοσ εἰή πλεῖον ἔτ’ ἢ τὸ πάροιθεν ἐπὶ χθόνα πουλυβότειραν. ταῦτ’ ἄρα ἁζόμενοσ τίμα ἀριδείκετον υἱόν· καί περ χωόμενοσ παύθη χόλου, ὃν πρὶν ἔχεσκεν, οὕνεκ’ ἐρίζετο βουλὰσ ὑπερμενέι Κρονίωνι. καὶ γὰρ ὅτ’ ἐκρίνοντο θεοὶ θνητοί τ’ ἄνθρωποι Μηκώνῃ, τότ’ ἔπειτα μέγαν βοῦν πρόφρονι θυμῷ δασσάμενοσ προέθηκε, Διὸσ νόον ἐξαπαφίσκων. τοῖσ μὲν γὰρ σάρκασ τε καὶ ἔγκατα πίονα δημῷ ἐν ῥινῷ κατέθηκε καλύψασ γαστρὶ βοείῃ, τῷ δ’ αὖτ’ ὀστέα λευκὰ βοὸσ δολίῃ ἐπὶ τέχνῃ εὐθετίσασ κατέθηκε καλύψασ ἀργέτι δημῷ. δὴ τότε μιν προσέειπε πατὴρ ἀνδρῶν τε θεῶν τε·

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION