Hesiod, Theogony, Book Th. 46:

(헤시오도스, 신들의 계보, Book Th. 46:)

καρπαλίμωσ δ’ ἄρ’ ἔπειτα μένοσ καὶ φαίδιμα γυῖα ηὔξετο τοῖο ἄνακτοσ· ἐπιπλομένων δ’ ἐνιαυτῶν Γαίησ ἐννεσίῃσι πολυφραδέεσσι δολωθεὶσ ὃν γόνον ἄψ ἀνέηκε μέγασ Κρόνοσ ἀγκυλομήτησ νικηθεὶσ τέχνῃσι βίηφί τε παιδὸσ ἑοῖο. πρῶτον δ’ ἐξέμεσεν λίθον, ὃν πύματον κατέπινεν· τὸν μὲν Ζεὺσ στήριξε κατὰ χθονὸσ εὐρυοδείησ Πυθοῖ ἐν ἠγαθέῃ γυάλοισ ὕπο Παρνησοῖο σῆμ’ ἔμεν ἐξοπίσω, θαῦμα θνητοῖσι βροτοῖσιν. λῦσε δὲ πατροκασιγνήτουσ ὀλοῶν ὑπὸ δεσμῶν Οὐρανίδασ, οὓσ δῆσε πατὴρ ἀεσιφροσύνῃσιν· οἳ οἱ ἀπεμνήσαντο χάριν ἐυεργεσιάων, δῶκαν δὲ βροντὴν ἠδ’ αἰθαλόεντα κεραυνὸν καὶ στεροπήν· τὸ πρὶν δὲ πελώρη Γαῖα κεκεύθει· τοῖσ πίσυνοσ θνητοῖσι καὶ ἀθανάτοισιν ἀνάσσει.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION