Hesiod, Theogony, Book Th. 42:

(헤시오도스, 신들의 계보, Book Th. 42:)

φοίβη δ’ αὖ Κοίου πολυήρατον ἦλθεν ἐσ εὐνήν· κυσαμένη δὴ ἔπειτα θεὰ θεοῦ ἐν φιλότητι Δητὼ κυανόπεπλον ἐγείνατο, μείλιχον αἰεί, ἤπιον ἀνθρώποισι καὶ ἀθανάτοισι θεοῖσιν, μείλιχον ἐξ ἀρχῆσ, ἀγανώτατον ἐντὸσ Ὀλύμπου. γείνατο δ’ Ἀστερίην ἐυώνυμον, ἥν ποτε Πέρσησ ἠγάγετ’ ἐσ μέγα δῶμα φίλην κεκλῆσθαι ἄκοιτιν. ἢ δ’ ὑποκυσαμένη Ἑκάτην τέκε, τὴν περὶ πάντων Ζεὺσ Κρονίδησ τίμησε· πόρεν δέ οἱ ἀγλαὰ δῶρα, μοῖραν ἔχειν γαίησ τε καὶ ἀτρυγέτοιο θαλάσσησ. ἣ δὲ καὶ ἀστερόεντοσ ἀπ’ οὐρανοῦ ἔμμορε τιμῆσ ἀθανάτοισ τε θεοῖσι τετιμένη ἐστὶ μάλιστα. καὶ γὰρ νῦν, ὅτε πού τισ ἐπιχθονίων ἀνθρώπων ἔρδων ἱερὰ καλὰ κατὰ νόμον ἱλάσκηται, κικλῄσκει Ἑκάτην. πολλή τέ οἱ ἕσπετο τιμὴ ῥεῖα μάλ’, ᾧ πρόφρων γε θεὰ ὑποδέξεται εὐχάσ, καί τέ οἱ ὄλβον ὀπάζει, ἐπεὶ δύναμίσ γε πάρεστιν. ὅσσοι γὰρ Γαίησ τε καὶ Οὐρανοῦ ἐξεγένοντο καὶ τιμὴν ἔλαχον, τούτων ἔχει αἶσαν ἁπάντων. οὐδέ τί μιν Κρονίδησ ἐβιήσατο οὐδέ τ’ ἀπηύρα, ὅσσ’ ἔλαχεν Τιτῆσι μετὰ προτέροισι θεοῖσιν, ἀλλ’ ἔχει, ὡσ τὸ πρῶτον ἀπ’ ἀρχῆσ ἔπλετο δασμόσ, καὶ γέρασ ἐν γαίῃ τε καὶ οὐρανῷ ἠδὲ θαλάσσῃ· οὐδ’, ὅτι μουνογενήσ, ἧσσον θεὰ ἔμμορε τιμῆσ, ἀλλ’ ἔτι καὶ πολὺ μᾶλλον, ἐπεὶ Ζεὺσ τίεται αὐτήν. ᾧ δ’ ἐθέλει, μεγάλωσ παραγίγνεται ἠδ’ ὀνίνησιν· ἔν τε δίκῃ βασιλεῦσι παρ’ αἰδοίοισι καθίζει, ἔν τ’ ἀγορῇ λαοῖσι μεταπρέπει, ὅν κ’ ἐθέλῃσιν· ἠδ’ ὁπότ’ ἐσ πόλεμον φθεισήνορα θωρήσσωνται ἀνέρεσ, ἔνθα θεὰ παραγίγνεται, οἷσ κ’ ἐθέλῃσι νίκην προφρονέωσ ὀπάσαι καὶ κῦδοσ ὀρέξαι. ἐσθλὴ δ’ αὖθ’ ὁπότ’ ἄνδρεσ ἀεθλεύωσιν ἀγῶνι, ἔνθα θεὰ καὶ τοῖσ παραγίγνεται ἠδ’ ὀνίνησιν· νικήσασ δὲ βίῃ καὶ κάρτεϊ καλὸν ἀέθλον ῥεῖα φέρει χαίρων τε, τοκεῦσι δὲ κῦδοσ ὀπάζει. ἐσθλὴ δ’ ἱππήεσσι παρεστάμεν, οἷσ κ’ ἐθέλῃσιν. καὶ τοῖσ, οἳ γλαυκὴν δυσπέμφελον ἐργάζονται, εὔχονται δ’ Ἑκάτῃ καὶ ἐρικτύπῳ Ἐννοσιγαίῳ, ῥηιδίωσ ἄγρην κυδρὴ θεὸσ ὤπασε πολλήν, ῥεῖα δ’ ἀφείλετο φαινομένην, ἐθέλουσά γε θυμῷ. ἐσθλὴ δ’ ἐν σταθμοῖσι σὺν Ἑρμῇ ληίδ’ ἀέξειν· βουκολίασ δ’ ἀγέλασ τε καὶ αἰπόλια πλατέ’ αἰγῶν ποίμνασ τ’ εἰροπόκων ὀίων, θυμῷ γ’ ἐθέλουσα, ἐξ ὀλίγων βριάει κἀκ πολλῶν μείονα θῆκεν. οὕτω τοι καὶ μουνογενὴσ ἐκ μητρὸσ ἐοῦσα πᾶσι μετ’ ἀθανάτοισι τετίμηται γεράεσσιν. θῆκε δέ μιν Κρονίδησ κουροτρόφον, οἳ μετ’ ἐκείνην ὀφθαλμοῖσιν ἴδοντο φάοσ πολυδερκέοσ Ηοὖσ. οὕτωσ ἐξ ἀρχῆσ κουροτρόφοσ, αἳ δέ τε τιμαί.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION