헬라어 문장 검색 - Ηεσιοδ́Τηεογον́1́0́032́

(헤시오도스, 신들의 계보, Book Th. 32:)

τῇ δὲ Τυφάονά φασι μιγήμεναι ἐν φιλότητι δεινόν θ’ ὑβριστήν τ’ ἄνομόν θ’ ἑλικώπιδι κούρῃ· ἣ δ’ ὑποκυσαμένη τέκετο κρατερόφρονα τέκνα. Ὄρθον μὲν πρῶτον κύνα γείνατο Γηρυονῆι· δεύτερον αὖτισ ἔτικτεν ἀμήχανον, οὔ τι φατειὸν Κέρβερον ὠμηστήν, Αἴδεω κύνα χαλκεόφωνον, πεντηκοντακέφαλον, ἀναιδέα τε κρατερόν τε· τὸ τρίτον Ὕδρην αὖτισ ἐγείνατο λυγρὰ ἰδυῖαν Λερναίην, ἣν θρέψε θεὰ λευκώλενοσ Ἥρη ἄπλητον κοτέουσα βίῃ Ἡρακληείῃ. καὶ τὴν μὲν Διὸσ υἱὸσ ἐνήρατο νηλέι χαλκῷ Ἀμφιτρυωνιάδησ σὺν ἀρηιφίλῳ Ιὀλάῳ Ηρακλέησ βουλῇσιν Ἀθηναίησ ἀγελείησ. ἣ δὲ Χίμαιραν ἔτικτε πνέουσαν ἀμαιμάκετον πῦρ, δεινήν τε μεγάλην τε ποδώκεά τε κρατερήν τε· τῆσ δ’ ἦν τρεῖσ κεφαλαί· μία μὲν χαροποῖο λέοντοσ, ἣ δὲ χιμαίρησ, ἣ δ’ ὄφιοσ, κρατεροῖο δράκοντοσ, πρόσθε λέων, ὄπιθεν δὲ δράκων, μέσση δὲ χίμαιρα, δεινὸν ἀποπνείουσα πυρὸσ μένοσ αἰθομένοιο. τὴν μὲν Πήγασοσ εἷλε καὶ ἐσθλὸσ Βελλεροφόντησ. ἣ δ’ ἄρα Φῖκ’ ὀλοὴν τέκε Καδμείοισιν ὄλεθρον Ὅρθῳ ὑποδμηθεῖσα Νεμειαῖόν τε λέοντα, τόν ῥ’ Ἥρη θρέψασα Διὸσ κυδρὴ παράκοιτισ γουνοῖσιν κατένασσε Νεμείησ, πῆμ’ ἀνθρώποισ. ἔνθ’ ἄρ’ ὃ οἰκείων ἐλεφαίρετο φῦλ’ ἀνθρώπων, κοιρανέων Τρητοῖο Νεμείησ ἠδ’ Ἀπέσαντοσ· ἀλλά ἑ ἲσ ἐδάμασσε βίησ Ἡρακληείησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hesiod, Theogony, Book Th. 32:

(헤시오도스, 신들의 계보, Book Th. 32:)

상위

목록

SEARCH

MENU NAVIGATION