Hesiod, Theogony, Book Th. 22:

(헤시오도스, 신들의 계보, Book Th. 22:)

ἦλθε δὲ νύκτ’ ἐπάγων μέγασ Οὐρανόσ, ἀμφὶ δὲ Γαίῃ ἱμείρων φιλότητοσ ἐπέσχετο καί ῥ’ ἐτανύσθη πάντη· ὃ δ’ ἐκ λοχέοιο πάισ ὠρέξατο χειρὶ σκαιῇ, δεξιτερῇ δὲ πελώριον ἔλλαβεν ἁρ́πην μακρὴν καρχαρόδοντα, φίλου δ’ ἀπὸ μήδεα πατρὸσ ἐσσυμένωσ ἤμησε, πάλιν δ’ ἔρριψε φέρεσθαι ἐξοπίσω· τὰ μὲν οὔ τι ἐτώσια ἔκφυγε χειρόσ· ὅσσαι γὰρ ῥαθάμιγγεσ ἀπέσσυθεν αἱματόεσσαι, πάσασ δέξατο Γαῖα· περιπλομένων δ’ ἐνιαυτῶν γείνατ’ Ἐρινῦσ τε κρατερὰσ μεγάλουσ τε Γίγαντασ, τεύχεσι λαμπομένουσ, δολίχ’ ἔγχεα χερσὶν ἔχοντασ, Νύμφασ θ’ ἃσ Μελίασ καλέουσ’ ἐπ’ ἀπείρονα γαῖαν. μήδεα δ’ ὡσ τὸ πρῶτον ἀποτμήξασ ἀδάμαντι κάββαλ’ ἀπ’ ἠπείροιο πολυκλύστῳ ἐνὶ πόντῳ, ὣσ φέρετ’ ἂμ πέλαγοσ πουλὺν χρόνον, ἀμφὶ δὲ λευκὸσ ἀφρὸσ ἀπ’ ἀθανάτου χροὸσ ὤρνυτο· τῷ δ’ ἔνι κούρη ἐθρέφθη· πρῶτον δὲ Κυθήροισιν ζαθέοισιν ἔπλητ’, ἔνθεν ἔπειτα περίρρυτον ἵκετο Κύπρον. ἐκ δ’ ἔβη αἰδοίη καλὴ θεόσ, ἀμφὶ δὲ ποίη ποσσὶν ὕπο ῥαδινοῖσιν ἀέξετο· τὴν δ’ Ἀφροδίτην ἀφρογενέα τε θεὰν καὶ ἐυστέφανον Κυθέρειαν κικλῄσκουσι θεοί τε καὶ ἀνέρεσ, οὕνεκ’ ἐν ἀφρῷ θρέφθη· ἀτὰρ Κυθέρειαν, ὅτι προσέκυρσε Κυθήροισ· Κυπρογενέα δ’, ὅτι γέντο πολυκλύστῳ ἐνὶ Κύπρῳ· ἠδὲ φιλομμηδέα, ὅτι μηδέων ἐξεφαάνθη. τῇ δ’ Ἔροσ ὡμάρτησε καὶ Ἵμεροσ ἕσπετο καλὸσ γεινομένῃ τὰ πρῶτα θεῶν τ’ ἐσ φῦλον ἰούσῃ. ταύτην δ’ ἐξ ἀρχῆσ τιμὴν ἔχει ἠδὲ λέλογχε μοῖραν ἐν ἀνθρώποισι καὶ ἀθανάτοισι θεοῖσι, παρθενίουσ τ’ ὀάρουσ μειδήματά τ’ ἐξαπάτασ τε τέρψιν τε γλυκερὴν φιλότητά τε μειλιχίην τε.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION