Hesiod, Theogony, Book Th. 13:

(헤시오도스, 신들의 계보, Book Th. 13:)

ἦ τοι μὲν πρώτιστα Χάοσ γένετ’, αὐτὰρ ἔπειτα Γαῖ’ εὐρύστερνοσ, πάντων ἕδοσ ἀσφαλὲσ αἰεὶ ἀθανάτων, οἳ ἔχουσι κάρη νιφόεντοσ Ὀλύμπου, Τάρταρά τ’ ἠερόεντα μυχῷ χθονὸσ εὐρυοδείησ, ἠδ’ Ἔροσ, ὃσ κάλλιστοσ ἐν ἀθανάτοισι θεοῖσι, λυσιμελήσ, πάντων δὲ θεῶν πάντων τ’ ἀνθρώπων δάμναται ἐν στήθεσσι νόον καὶ ἐπίφρονα βουλήν. ἐκ Χάεοσ δ’ Ἔρεβόσ τε μέλαινά τε Νὺξ ἐγένοντο· Νυκτὸσ δ’ αὖτ’ Αἰθήρ τε καὶ Ἡμέρη ἐξεγένοντο, οὓσ τέκε κυσαμένη Ἐρέβει φιλότητι μιγεῖσα. Γαῖα δέ τοι πρῶτον μὲν ἐγείνατο ἶσον ἑαυτῇ Οὐρανὸν ἀστερόενθ’, ἵνα μιν περὶ πάντα καλύπτοι, ὄφρ’ εἰή μακάρεσσι θεοῖσ ἕδοσ ἀσφαλὲσ αἰεί. γείνατο δ’ Οὔρεα μακρά, θεῶν χαρίεντασ ἐναύλουσ, Νυμφέων, αἳ ναίουσιν ἀν’ οὔρεα βησσήεντα. ἣ δὲ καὶ ἀτρύγετον πέλαγοσ τέκεν, οἴδματι θυῖον, Πόντον, ἄτερ φιλότητοσ ἐφιμέρου· αὐτὰρ ἔπειτα Οὐρανῷ εὐνηθεῖσα τέκ’ Ὠκεανὸν βαθυδίνην, Κοῖόν τε Κρῖόν θ’ Ὑπερίονά τ’ Ιἀπετόν τε Θείαν τε Ῥείαν τε Θέμιν τε Μνημοσύνην τε Φοίβην τε χρυσοστέφανον Τηθύν τ’ ἐρατεινήν. τοὺσ δὲ μέθ’ ὁπλότατοσ γένετο Κρόνοσ ἀγκυλομήτησ, δεινότατοσ παίδων· θαλερὸν δ’ ἤχθηρε τοκῆα.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION