Hesiod, Theogony, Book Th. 6:

(헤시오도스, 신들의 계보, Book Th. 6:)

τύνη, Μουσάων ἀρχώμεθα, ταὶ Διὶ πατρὶ ὑμνεῦσαι τέρπουσι μέγαν νόον ἐντὸσ Ὀλύμπου, εἰρεῦσαι τά τ’ ἐόντα τά τ’ ἐσσόμενα πρό τ’ ἐόντα, φωνῇ ὁμηρεῦσαι· τῶν δ’ ἀκάματοσ ῥέει αὐδὴ ἐκ στομάτων ἡδεῖα· γελᾷ δέ τε δώματα πατρὸσ Ζηνὸσ ἐριγδούποιο θεᾶν ὀπὶ λειριοέσσῃ σκιδναμένῃ· ἠχεῖ δὲ κάρη νιφόεντοσ Ὀλύμπου δώματά τ’ ἀθανάτων. αἳ δ’ ἄμβροτον ὄσσαν ἱεῖσαι θεῶν γένοσ αἰδοῖον πρῶτον κλείουσιν ἀοιδῇ ἐξ ἀρχῆσ, οὓσ Γαῖα καὶ Οὐρανὸσ εὐρὺσ ἔτικτεν, οἵ τ’ ἐκ τῶν ἐγένοντο θεοί, δωτῆρεσ ἐάων. δεύτερον αὖτε Ζῆνα, θεῶν πατέρ’ ἠδὲ καὶ ἀνδρῶν, ἀρχόμεναί θ’ ὑμνεῦσι καὶ ἐκλήγουσαι ἀοιδῆσ, ὅσσον φέρτατόσ ἐστι θεῶν κράτεί τε μέγιστοσ. αὖτισ δ’ ἀνθρώπων τε γένοσ κρατερῶν τε Γιγάντων ὑμνεῦσαι τέρπουσι Διὸσ νόον ἐντὸσ Ὀλύμπου Μοῦσαι Ὀλυμπιάδεσ, κοῦραι Διὸσ αἰγιόχοιο.

상위

Hesiod (헤시오도스)

목록

일치하는 문장이 없습니다.

SEARCH

MENU NAVIGATION