헬라어 문장 검색 - Γαλεν́ΟντηεΝά1́16́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 16)

Ἐρασίστρατοσ δ’ οὐκ οἶδ’ ὅπωσ ἑτέραισ μέν τισι δόξαισ εὐήθεσιν ἀντεῖπε διὰ μακρῶν, ὑπερέβη δὲ τελέωσ τὴν Ἱπποκράτουσ, οὐδ’ ἄχρι τοῦ μνημονεῦσαι μόνον αὐτῆσ, ὡσ ἐν τοῖσ περὶ καταπόσεωσ ἐποίησεν, ἀξιώσασ. ἐν ἐκείνοισ μὲν γὰρ ἄχρι τοσούτου φαίνεται μνημονεύων, ὡσ τοὔνομ’ εἰπεῖν τῆσ ὁλκῆσ μόνον ὧδέ πωσ γράφων· "Ὁλκὴ μὲν οὖν τῆσ κοιλίασ οὐδεμία φαίνεται εἶναι"· περὶ δὲ τῆσ ἀναδόσεωσ τὸν λόγον ποιούμενοσ οὐδ’ ἄχρι συλλαβῆσ μιᾶσ ἐμνημόνευσε τῆσ Ἱπποκρατείου δόξησ. καίτοι γ’ ἐπήρκεσεν ἂν ἡμῖν, εἰ καὶ τοῦτ’ ἔγραψε μόνον, ὡσ Ἱπποκράτησ εἰπὼν "Σάρκεσ ὁλκοὶ καὶ ἐκ κοιλίησ καὶ ἔξωθεν" ψεύδεται· οὔτε γὰρ ἐκ τῆσ κοιλίασ οὔτ’ ἔξωθεν ἕλκειν δύνανται. εἰ δὲ καὶ ὅτι μήτρασ αἰτιώμενοσ ἄρρωστον αὐχένα κακῶσ εἶπεν "Οὐ γὰρ δύναται αὐτέησ ὁ στόμαχοσ εἰρύσαι τὴν γονήν," ἢ εἰ καί τι τοιοῦτον ἄλλο γράφειν ὁ Ἐρασίστρατοσ ἠξίωσε, τότ’ ἂν καὶ ἡμεῖσ πρὸσ αὐτὸν ἀπολογούμενοι εἴπομεν· ὦ γενναῖε, μὴ Ῥητορικῶσ ἡμῶν κατάτρεχε χωρὶσ ἀποδείξεωσ, ἀλλ’ εἰπέ τινα κατηγορίαν τοῦ δόγματοσ, ἵν’ ἢ πεισθῶμέν σοι ὡσ καλῶσ ἐξέλεγχοντι τὸν παλαιὸν λόγον ἢ μεταπείσωμεν ὡσ ἀγνοοῦντα. καίτοι τί λέγω Ῥητορικῶσ; μὴ γάρ, ἐπειδή τινεσ τῶν Ῥητόρων, ἃ μάλιστ’ ἀδυνατοῦσι διαλύεσθαι, ταῦτα διαγελάσαντεσ οὐδ’ ἐπιχειροῦσιν ἀντιλέγειν, ἤδη που τοῦτο καὶ ἡμεῖσ ἡγώμεθ’ εἶναι τὸ Ῥητορικῶσ· τὸ γὰρ διὰ λόγου πιθανοῦ ἐστι τὸ Ῥητορικῶσ, τὸ δ’ ἄνευ λόγου βωμολοχικόν, οὐ Ῥητορικόν. οὔκουν οὔτε Ῥητορικῶσ οὔτε διαλεκτικῶσ ἀντεῖπεν ὁ Ἐρασίστρατοσ ἐν τῷ περὶ τῆσ καταπόσεωσ λόγῳ. τί γάρ φησιν; "Ὁλκὴ μὲν οὖν τῆσ κοιλίασ οὐδεμία φαίνεται εἶναι. " πάλιν οὖν αὐτῷ παρ’ ἡμῶν ἀντιμαρτυρῶν ὁ αὐτὸσ λόγοσ ἀντιπαραβαλλέσθω· περιστολὴ μὲν οὖν τοῦ στομάχου οὐδεμία φαίνεται εἶναι. καὶ πῶσ οὐ φαίνεται; τάχ’ ἂν ἴσωσ εἴποι τισ τῶν ἀπ’ αὐτοῦ· τὸ γὰρ ἀεὶ τῶν ἄνωθεν αὐτοῦ μερῶν συστελλομένων διαστέλλεσθαι τὰ κάτω πῶσ οὐκ ἔστι τῆσ περιστολῆσ ἐνδεικτικόν; αὖθισ οὖν ἡμεῖσ, καὶ πῶσ οὐ φαίνεται, φήσομεν, ἡ τῆσ κοιλίασ ὁλκή; τὸ γὰρ ἀεὶ τῶν κάτωθεν μερῶν τοῦ στομάχου διαστελλομένων συστέλλεσθαι τὰ ἄνω πῶσ οὐκ ἔστι τῆσ ὁλκῆσ ἐνδεικτικόν; εἰ δὲ σωφρονήσειέ ποτε καὶ γνοίη τὸ φαινόμενον τοῦτο μηδὲν μᾶλλον τῆσ ἑτέρασ τῶν δοξῶν ὑπάρχειν ἐνδεικτικὸν ἀλλ’ ἀμφοτέρων εἶναι κοινόν, οὕτωσ ἂν ἤδη δείξαιμεν αὐτῷ τὴν ὀρθὴν ὁδὸν τῆσ τοῦ ἀληθοῦσ εὑρέσεωσ. ἀλλὰ περὶ μὲν τῆσ κοιλίασ αὖθισ. ἡ δὲ τῆσ τροφῆσ ἀνάδοσισ οὐδὲν δεῖται τῆσ πρὸσ τὸ κενούμενον ἀκολουθίασ ἅπαξ γε τῆσ ἑλκτικῆσ δυνάμεωσ ἐπὶ τῶν νεφρῶν ὡμολογημένησ, ἣν καίτοι πάνυ σαφῶσ ἀληθῆ γιγνώσκων ὑπάρχειν ὁ Ἐρασίστρατοσ οὔτ’ ἐμνημόνευσεν οὔτ’ ἀντεῖπεν οὔθ’ ὅλωσ ἀπεφήνατο, τίν’ ἔχει δόξαν ὑπὲρ τῆσ τῶν οὔρων διακρίσεωσ. ἢ διὰ τί προειπὼν εὐθὺσ κατ’ ἀρχὰσ τῶν καθ’ ὅλου λόγων, ὡσ ὑπὲρ τῶν φυσικῶν ἐνεργειῶν ἐρεῖ, πρῶτον τίνεσ τ’ εἰσὶ καὶ πῶσ γίγνονται καὶ διὰ τίνων τόπων, ἐπὶ τῆσ τῶν οὔρων διακρίσεωσ, ὅτι μὲν διὰ νεφρῶν, ἀπεφήνατο, τὸ δ’ ὅπωσ γίγνεται παρέλιπε; μάτην οὖν ἡμᾶσ καὶ περὶ τῆσ πέψεωσ ἐδίδαξεν, ὅπωσ γίγνεται, καὶ περὶ τῆσ τοῦ χολώδουσ περιττώματοσ διακρίσεωσ κατατρίβει. ἤρκει γὰρ εἰπεῖν κἀνταῦθα τὰ μόρια, δι’ ὧν γίγνεται, τὸ δ’ ὅπωσ παραλιπεῖν. ἀλλὰ περὶ μὲν ἐκείνων εἶχε λέγειν, οὐ μόνον δι’ ὧν ὀργάνων ἀλλὰ καὶ καθ’ ὅντινα γίγνεται τρόπον, ὥσπερ οἶμαι καὶ περὶ τῆσ ἀναδόσεωσ· οὐ γὰρ ἤρκεσεν εἰπεῖν αὐτῷ μόνον, ὅτι διὰ φλεβῶν, ἀλλὰ καὶ πῶσ ἐπεξῆλθεν, ὅτι τῇ πρὸσ τὸ κενούμενον ἀκολουθίᾳ· περὶ δὲ τῶν οὔρων τῆσ διακρίσεωσ, ὅτι μὲν διὰ νεφρῶν γίγνεται, γράφει, τὸ δ’ ὅπωσ οὐκέτι προστίθησιν. οὐδὲ γὰρ οἶμαι τῇ πρὸσ τὸ κενούμενον ἀκολουθίᾳ ἦν εἰπεῖν· οὕτω γὰρ ἂν οὐδεὶσ ὑπ’ ἰσχουρίασ ἀπέθανεν οὐδέποτε μὴ δυναμένου πλείονοσ ἐπιρρυῆναί ποτε παρὰ τὸ κενούμενον· ἄλλησ γὰρ αἰτίασ μηδεμιᾶσ προστεθείσησ, ἀλλὰ μόνησ τῆσ πρὸσ τὸ κενούμενον ἀκολουθίασ ποδηγούσησ τὸ συνεχέσ, οὐκ ἐγχωρεῖ πλέον ἐπιρρυῆναί ποτε τοῦ κενουμένου. ἀλλ’ οὐδ’ ἄλλην τινὰ προσθεῖναι πιθανὴν αἰτίαν εἶχεν, ὡσ ἐπὶ τῆσ ἀναδόσεωσ τὴν ἔκθλιψιν τῆσ γαστρόσ. ἀλλ’ αὕτη γ’ ἐπὶ τοῦ κατὰ τὴν κοίλην αἵματοσ ἀπωλώλει τελέωσ, οὐ τῷ μήκει μόνον τῆσ ἀποστάσεωσ ἐκλυθεῖσα, ἀλλὰ καὶ τῷ τὴν καρδίαν ὑπερκειμένην ἐξαρπάζειν αὐτῆσ σφοδρῶσ καθ’ ἑκάστην διαστολὴν οὐκ ὀλίγον αἷμα. μόνη δή τισ ἔτι καὶ πάντων ἔρημοσ ἀπελείπετο τῶν σοφισμάτων ἐν τοῖσ κάτω τῆσ κοίησ ἡ πρὸσ τὸ κενούμενον ἀκολουθία, διά τε τοὺσ ἐπὶ ταῖσ ἰσχουρίαισ ἀποθνήσκοντασ ἀπολωλεκυῖα τὴν πιθανότητα καὶ διὰ τὴν τῶν νεφρῶν θέσιν οὐδὲν ἧττον. εἰ μὲν γὰρ ἅπαν ἐπ’ αὐτοὺσ ἐφέρετο τὸ αἷμα, δεόντωσ ἄν τισ ἅπαν ἔφασκεν αὐτὸ καθαίρεσθαι. νυνὶ δέ, οὐ γὰρ ὅλον ἀλλὰ τοσοῦτον αὐτοῦ μέροσ, ὅσον αἱ μέχρι νεφρῶν δέχονται φλέβεσ, ἐπ’ αὐτοὺσ ἔρχεται, μόνον ἐκεῖνο καθαρθήσεται. καὶ τὸ μὲν ὀρρῶδεσ αὐτοῦ καὶ λεπτὸν οἱο͂ν δι’ ἠθμῶν τινων τῶν νεφρῶν διαδύσεται· τὸ δ’ αἱματῶδέσ τε καὶ παχὺ κατὰ τὰσ φλέβασ ὑπομένον ἐμποδὼν στήσεται τῷ κατόπιν ἐπιρρέοντι. παλινδρομεῖν οὖν αὐτὸ πρότερον ἐπὶ τὴν κοίλην ἀναγκαῖον καὶ κενὰσ οὕτωσ ἐργάζεσθαι τὰσ ἐπὶ τοὺσ νεφροὺσ ἰούσασ φλέβασ, αἳ δεύτερον οὐκέτι παρακομιοῦσιν ἐπ’ αὐτοὺσ ἀκάθαρτον αἷμα· κατειληφότοσ γὰρ αὐτὰσ τοῦ προτέρου πάροδοσ οὐδεμία λέλειπται. τίσ οὖν ἡμῖν ἡ δύναμισ ἀπάξει πάλιν ὀπίσω τῶν νεφρῶν τὸ καθαρὸν αἷμα; τίσ δὲ τοῦτο μὲν διαδεξαμένη κελεύσει πάλιν πρὸσ τὸ κάτω μέροσ ἰέναι τῆσ κοίλησ, ἑτέρῳ δ’ ἄνωθεν ἐπιφερομένῳ προστάξει, πρὶν ἐπὶ τοὺσ νεφροὺσ ἀπελθεῖν, μὴ φέρεσθαι κάτω; ταῦτ’ οὖν ἅπαντα συνιδὼν ὁ Ἐρασίστρατοσ ἀποριῶν μεστὰ καὶ μίαν μόνην δόξαν εὔπορον εὑρὼν ἐν ἅπασι τὴν τῆσ ὁλκῆσ, οὔτ’ ἀπορεῖσθαι βουλόμενοσ οὔτε τὴν Ἱπποκράτουσ ἐθέλων λέγειν ἄμεινον ὑπέλαβε σιωπητέον εἶναι περὶ τοῦ τρόπου τῆσ διακρίσεωσ. ἀλλ’ εἰ κἀκεῖνοσ ἐσίγησεν, ἡμεῖσ οὐ σιωπήσομεν· ἴσμεν γάρ, ὡσ οὐκ ἐνδέχεται παρελθόντα τὴν Ἱπποκράτειον δόξαν, εἶθ’ ἕτερόν τι περὶ νεφρῶν ἐνεργείασ εἰπόντα μὴ οὐ καταγέλαστον εἶναι παντάπασι. διὰ τοῦτ’ Ἐρασίστρατοσ μὲν ἐσιώπησεν, Ἀσκληπιάδησ δ’ ἐψεύσατο παραπλησίωσ οἰκέταισ λάλοισ μὲν τὰ πρόσθεν τοῦ βίου καὶ πολλὰ πολλάκισ ἐγκλήματα διαλυσαμένοισ ὑπὸ περιττῆσ πανουργίασ, ἐπ’ αὐτοφώρῳ δέ ποτε κατειλημμένοισ, εἶτ’ οὐδὲν ἐξευρίσκουσι σόφισμα κἄπειτ’ ἐνταῦθα τοῦ μὲν αἰδημονεστέρου σιωπῶντοσ, οἱο͂ν ἀποπληξίᾳ τινὶ κατειλημμένου, τοῦ δ’ ἀναισχυντοτέρου κρύπτοντοσ μὲν ἔθ’ ὑπὸ μάλησ τὸ ζητούμενον, ἐξομνυμένου δὲ καὶ μηδ’ ἑωρακέναι πώποτε φάσκοντοσ. οὕτω γάρ τοι καὶ ὁ Ἀσκληπιάδησ ἐπιλειπόντων αὐτὸν τῶν τῆσ πανουργίασ σοφισμάτων καὶ μήτε τῆσ πρὸσ τὸ λεπτομερὲσ φορᾶσ ἐχούσησ ἔτι χώραν ἐνταυθοῖ ληρεῖσθαι μήθ’ ὡσ ὑπὸ τῶν νεφρῶν γεννᾶται τουτὶ τὸ περίττωμα, καθάπερ ὑπὸ τῶν ἐν ἥπατι πόρων ἡ χολή, δυνατὸν ὂν εἰπόντα μὴ οὐ μέγιστον ὀφλεῖν γέλωτα, ἐξόμνυταί τε καὶ ψεύδεται φανερῶσ, οὐ διήκειν λέγων ἐπὶ τοὺσ νεφροὺσ τὸ οὖρον ἀλλ’ ἀτμοειδῶσ εὐθὺσ ἐκ τῶν κατὰ τὴν κοίλην μερῶν εἰσ τὴν κύστιν ἀθροίζεσθαι. οὗτοι μὲν οὖν τοῖσ ἐπ’ αὐτοφώρῳ κατειλημμένοισ οἰκέταισ ὁμοίωσ ἐκπλαγέντεσ ὁ μὲν ἐσιώπησεν, ὁ δ’ ἀναισχύντωσ ψεύδεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 16

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 16)

상위

목록

SEARCH

MENU NAVIGATION