헬라어 문장 검색 - Γαλεν́ΟντηεΝά1́15́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 15)

ἐπεὶ δ’ ἱκανῶσ ἠδολεσχήσαμεν οὐχ ἑκόντεσ, ἀλλ’, ὡσ ἡ παροιμία φησί, μαινομένοισ ἀναγκασθέντεσ συμμανῆναι, πάλιν ἐπὶ τὴν τῶν οὔρων ἐπανέλθωμεν διάκρισιν, ἐν ᾗ τῶν μὲν Ἀσκληπιάδου λήρων ἐπιλαθώμεθα, μετὰ δὲ τῶν πεπεισμένων διηθεῖσθαι τὰ οὖρα διὰ τῶν νεφρῶν, τίσ ὁ τρόποσ τῆσ ἐνεργείασ ἐστίν, ἐπισκεψώμεθα· πάντωσ γὰρ ἢ ἐξ αὑτῶν ἐπὶ τοὺσ νεφροὺσ φέρεται τὰ οὖρα τοῦτο βέλτιον εἶναι νομίζοντα, καθάπερ ἡμεῖσ, ὁπόταν εἰσ τὴν ἀγορὰν ἀπίωμεν· ἤ, εἰ τοῦτ’ ἀδύνατον, ἕτερόν τι χρὴ τῆσ φορᾶσ αὐτῶν ἐξευρεῖν αἴτιον. τί δὴ τοῦτ’ ἔστιν; εἰ γὰρ μὴ τοῖσ νεφροῖσ δώσομέν τινα δύναμιν ἑλκτικὴν τῆσ τοιαύτησ ποιότητοσ, ὡσ Ἱπποκράτησ ἐνόμιζεν, οὐδὲν ἕτερον ἐξευρήσομεν. ὅτι μὲν γὰρ ἤτοι τούτουσ ἕλκειν αὐτὸ προσῆκεν ἢ τὰσ φλέβασ πέμπειν, εἴπερ γε μὴ ἐξ ἑαυτοῦ φέρεται, παντί που δῆλον. ἀλλ’ εἰ μὲν αἱ φλέβεσ περιστελλόμεναι προωθοῖεν, οὐκ ἐκεῖνο μόνον, ἀλλὰ σὺν αὐτῷ καὶ τὸ πᾶν αἷμα τὸ περιεχόμενον ἐν ἑαυταῖσ εἰσ τοὺσ νεφροὺσ ἐκθλίψουσιν· εἰ δὲ τοῦτ’ ἀδύνατον, ὡσ δείξομεν, λείπεται τοὺσ νεφροὺσ ἕλκειν. πῶσ οὖν ἀδύνατον τοῦτο; τῶν νεφρῶν ἡ θέσισ ἀντιβαίνει. οὐ γὰρ δὴ οὕτω γ’ ὑπόκεινται τῇ κοίλῃ φλεβὶ καθάπερ τοῖσ ἐξ ἐγκεφάλου περιττώμασιν ἔν τε τῇ Ῥινὶ καὶ κατὰ τὴν ὑπερῳάν οἱ τοῖσ ἠθμοῖσ ὅμοιοι πόροι, ἀλλ’ ἑκατέρωθεν αὐτῇ παράκεινται. καὶ μήν, εἴπερ ὁμοίωσ τοῖσ ἠθμοῖσ ὅσον ἂν ᾖ λεπτότερον καὶ τελέωσ ὀρρῶδεσ, τοῦτο μὲν ἑτοίμωσ διαπέμπουσι, τὸ δὲ παχύτερον ἀποστέγουσιν, ἅπαν ἐπ’ αὐτοὺσ ἰέναι χρὴ τὸ αἷμα τὸ περιεχόμενον ἐν τῇ κοίλῃ φλεβί, καθάπερ εἰσ τοὺσ τρυγητοὺσ ὁ πᾶσ οἶνοσ ἐμβάλλεται. καὶ μέν γε καὶ τὸ τοῦ γάλακτοσ τοῦ τυρουμένου παράδειγμα σαφῶσ ἄν, ὃ βούλομαι λέγειν, ἐνδείξαιτο. καὶ γὰρ καὶ τοῦτο πᾶν ἐμβληθὲν εἰσ τοὺσ ταλάρουσ οὐ πᾶν διηθεῖται, ἀλλ’ ὅσον μὲν ἂν ᾖ λεπτότερον τῆσ εὐρύτητοσ τῶν πλοκάμων, εἰσ τὸ κάταντεσ φέρεται καὶ τοῦτο μὲν ὀρρὸσ ἐπονομάζεται· τὸ λοιπὸν δὲ τὸ παχὺ τὸ μέλλον ἔσεσθαι τυρόσ, ὡσ ἂν οὐ παραδεχομένων αὐτὸ τῶν ἐν τοῖσ ταλάροισ πόρων, οὐ διεκπίπτει κάτω. καὶ τοίνυν, εἴπερ οὕτω μέλλει διηθεῖσθαι τῶν νεφρῶν ὁ τοῦ αἵματοσ ὀρρόσ, ἅπαν ἐπ’ αὐτοὺσ ἥκειν χρὴ τὸ αἷμα καὶ μὴ τὸ μὲν ναί, τὸ δ’ οὔ. Πῶσ οὖν ἔχει τὸ φαινόμενον ἐκ τῆσ ἀνατομῆσ; τὸ μὲν ἕτερον μέροσ τῆσ κοίλησ ἄνω πρὸσ τὴν καρδίαν ἀναφέρεται, τὸ λοιπὸν δ’ ἐπιβαίνει τῇ Ῥάχει καθ’ ὅλησ αὐτῆσ ἐκτεινόμενον ἄχρι τῶν σκελῶν, ὥστε τὸ μὲν ἕτερον οὐδ’ ἐγγὺσ ἀφικνεῖται τῶν νεφρῶν, τὸ λοιπὸν δὲ πλησιάζει μέν, οὐ μὴν εἰσ αὐτούσ γε καταφύεται. ἐχρῆν δ’, εἴπερ ἔμελλεν ὡσ δι’ ἠθμῶν αὐτῶν καθαρθήσεσθαι τὸ αἷμα, πᾶν ἐμπίπτειν εἰσ αὐτοὺσ κἄπειτα κάτω μὲν φέρεσθαι τὸ λεπτόν, ἴσχεσθαι δ’ ἄνω τὸ παχύ. νυνὶ δ’ οὐχ οὕτωσ ἔχει· πλάγιοι γὰρ ἑκατέρωθεν τῆσ κοίλησ φλεβὸσ οἱ νεφροὶ κεῖνται. οὔκουν ὡσ ἠθμοὶ διηθοῦσι, πεμπούσησ μὲν ἐκείνησ, αὐτοὶ δ’ οὐδεμίαν εἰσφερόμενοι δύναμιν, ἀλλ’ ἕλκουσι δηλονότι· τοῦτο γὰρ ἔτι λείπεται. πῶσ οὖν ἕλκουσιν; εἰ μέν, ὡσ Ἐπίκουροσ οἰέται τὰσ ὁλκὰσ ἁπάσασ γίγνεσθαι κατὰ τὰσ τῶν ἀτόμων ἀποπάλσεισ τε καὶ περιπλοκάσ, ἄμεινον ἦν ὄντωσ εἰπεῖν αὐτοὺσ μηδ’ ἕλκειν ὅλωσ· πολὺ γὰρ ἂν οὕτω γε τῶν ἐπὶ τῆσ ἡρακλείασ λίθου μικρῷ πρόσθεν εἰρημένων ὁ λόγοσ ἐξεταζόμενοσ εὑρεθείη γελοιότεροσ· ἀλλ’ ὡσ Ἱπποκράτησ ἠβούλετο. λεχθήσεται δὲ σαφέστερον ἐπὶ προήκοντι τῷ λόγῳ. νυνὶ γὰρ οὐ τοῦτο πρόκειται διδάσκειν, ἀλλ’ ὡσ οὔτ’ ἄλλο τι δυνατὸν εἰπεῖν αἴτιον εἶναι τῆσ τῶν οὔρων διακρίσεωσ πλὴν τῆσ ὁλκῆσ τῶν νεφρῶν οὔθ’ οὕτω γίγνεσθαι τὴν ὁλκήν, ὡσ οἱ μἠδεμίαν οἰκείαν διδόντεσ τῇ φύσει δύναμιν οἰόνται γίγνεσθαι. τούτου γὰρ ὁμολογηθέντοσ, ὡσ ἔστιν ὅλωσ τισ ἐν τοῖσ ὑπὸ φύσεωσ διοικουμένοισ δύναμισ ἑλκτική, ληρώδησ νομίζοιτ’ ἂν ὁ περὶ ἀναδόσεωσ τροφῆσ ἄλλο τι λέγειν ἐπιχειρῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 15

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 15)

상위

목록

SEARCH

MENU NAVIGATION