Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 15

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 15)

ἐπεὶ δ’ ἱκανῶσ ἠδολεσχήσαμεν οὐχ ἑκόντεσ, ἀλλ’, ὡσ ἡ παροιμία φησί, μαινομένοισ ἀναγκασθέντεσ συμμανῆναι, πάλιν ἐπὶ τὴν τῶν οὔρων ἐπανέλθωμεν διάκρισιν, ἐν ᾗ τῶν μὲν Ἀσκληπιάδου λήρων ἐπιλαθώμεθα, μετὰ δὲ τῶν πεπεισμένων διηθεῖσθαι τὰ οὖρα διὰ τῶν νεφρῶν, τίσ ὁ τρόποσ τῆσ ἐνεργείασ ἐστίν, ἐπισκεψώμεθα· πάντωσ γὰρ ἢ ἐξ αὑτῶν ἐπὶ τοὺσ νεφροὺσ φέρεται τὰ οὖρα τοῦτο βέλτιον εἶναι νομίζοντα, καθάπερ ἡμεῖσ, ὁπόταν εἰσ τὴν ἀγορὰν ἀπίωμεν· ἤ, εἰ τοῦτ’ ἀδύνατον, ἕτερόν τι χρὴ τῆσ φορᾶσ αὐτῶν ἐξευρεῖν αἴτιον. τί δὴ τοῦτ’ ἔστιν; εἰ γὰρ μὴ τοῖσ νεφροῖσ δώσομέν τινα δύναμιν ἑλκτικὴν τῆσ τοιαύτησ ποιότητοσ, ὡσ Ἱπποκράτησ ἐνόμιζεν, οὐδὲν ἕτερον ἐξευρήσομεν. ὅτι μὲν γὰρ ἤτοι τούτουσ ἕλκειν αὐτὸ προσῆκεν ἢ τὰσ φλέβασ πέμπειν, εἴπερ γε μὴ ἐξ ἑαυτοῦ φέρεται, παντί που δῆλον. ἀλλ’ εἰ μὲν αἱ φλέβεσ περιστελλόμεναι προωθοῖεν, οὐκ ἐκεῖνο μόνον, ἀλλὰ σὺν αὐτῷ καὶ τὸ πᾶν αἷμα τὸ περιεχόμενον ἐν ἑαυταῖσ εἰσ τοὺσ νεφροὺσ ἐκθλίψουσιν· εἰ δὲ τοῦτ’ ἀδύνατον, ὡσ δείξομεν, λείπεται τοὺσ νεφροὺσ ἕλκειν. πῶσ οὖν ἀδύνατον τοῦτο; τῶν νεφρῶν ἡ θέσισ ἀντιβαίνει. οὐ γὰρ δὴ οὕτω γ’ ὑπόκεινται τῇ κοίλῃ φλεβὶ καθάπερ τοῖσ ἐξ ἐγκεφάλου περιττώμασιν ἔν τε τῇ Ῥινὶ καὶ κατὰ τὴν ὑπερῳάν οἱ τοῖσ ἠθμοῖσ ὅμοιοι πόροι, ἀλλ’ ἑκατέρωθεν αὐτῇ παράκεινται. καὶ μήν, εἴπερ ὁμοίωσ τοῖσ ἠθμοῖσ ὅσον ἂν ᾖ λεπτότερον καὶ τελέωσ ὀρρῶδεσ, τοῦτο μὲν ἑτοίμωσ διαπέμπουσι, τὸ δὲ παχύτερον ἀποστέγουσιν, ἅπαν ἐπ’ αὐτοὺσ ἰέναι χρὴ τὸ αἷμα τὸ περιεχόμενον ἐν τῇ κοίλῃ φλεβί, καθάπερ εἰσ τοὺσ τρυγητοὺσ ὁ πᾶσ οἶνοσ ἐμβάλλεται. καὶ μέν γε καὶ τὸ τοῦ γάλακτοσ τοῦ τυρουμένου παράδειγμα σαφῶσ ἄν, ὃ βούλομαι λέγειν, ἐνδείξαιτο. καὶ γὰρ καὶ τοῦτο πᾶν ἐμβληθὲν εἰσ τοὺσ ταλάρουσ οὐ πᾶν διηθεῖται, ἀλλ’ ὅσον μὲν ἂν ᾖ λεπτότερον τῆσ εὐρύτητοσ τῶν πλοκάμων, εἰσ τὸ κάταντεσ φέρεται καὶ τοῦτο μὲν ὀρρὸσ ἐπονομάζεται· τὸ λοιπὸν δὲ τὸ παχὺ τὸ μέλλον ἔσεσθαι τυρόσ, ὡσ ἂν οὐ παραδεχομένων αὐτὸ τῶν ἐν τοῖσ ταλάροισ πόρων, οὐ διεκπίπτει κάτω. καὶ τοίνυν, εἴπερ οὕτω μέλλει διηθεῖσθαι τῶν νεφρῶν ὁ τοῦ αἵματοσ ὀρρόσ, ἅπαν ἐπ’ αὐτοὺσ ἥκειν χρὴ τὸ αἷμα καὶ μὴ τὸ μὲν ναί, τὸ δ’ οὔ. Πῶσ οὖν ἔχει τὸ φαινόμενον ἐκ τῆσ ἀνατομῆσ; τὸ μὲν ἕτερον μέροσ τῆσ κοίλησ ἄνω πρὸσ τὴν καρδίαν ἀναφέρεται, τὸ λοιπὸν δ’ ἐπιβαίνει τῇ Ῥάχει καθ’ ὅλησ αὐτῆσ ἐκτεινόμενον ἄχρι τῶν σκελῶν, ὥστε τὸ μὲν ἕτερον οὐδ’ ἐγγὺσ ἀφικνεῖται τῶν νεφρῶν, τὸ λοιπὸν δὲ πλησιάζει μέν, οὐ μὴν εἰσ αὐτούσ γε καταφύεται. ἐχρῆν δ’, εἴπερ ἔμελλεν ὡσ δι’ ἠθμῶν αὐτῶν καθαρθήσεσθαι τὸ αἷμα, πᾶν ἐμπίπτειν εἰσ αὐτοὺσ κἄπειτα κάτω μὲν φέρεσθαι τὸ λεπτόν, ἴσχεσθαι δ’ ἄνω τὸ παχύ. νυνὶ δ’ οὐχ οὕτωσ ἔχει· πλάγιοι γὰρ ἑκατέρωθεν τῆσ κοίλησ φλεβὸσ οἱ νεφροὶ κεῖνται. οὔκουν ὡσ ἠθμοὶ διηθοῦσι, πεμπούσησ μὲν ἐκείνησ, αὐτοὶ δ’ οὐδεμίαν εἰσφερόμενοι δύναμιν, ἀλλ’ ἕλκουσι δηλονότι· τοῦτο γὰρ ἔτι λείπεται. πῶσ οὖν ἕλκουσιν; εἰ μέν, ὡσ Ἐπίκουροσ οἰέται τὰσ ὁλκὰσ ἁπάσασ γίγνεσθαι κατὰ τὰσ τῶν ἀτόμων ἀποπάλσεισ τε καὶ περιπλοκάσ, ἄμεινον ἦν ὄντωσ εἰπεῖν αὐτοὺσ μηδ’ ἕλκειν ὅλωσ· πολὺ γὰρ ἂν οὕτω γε τῶν ἐπὶ τῆσ ἡρακλείασ λίθου μικρῷ πρόσθεν εἰρημένων ὁ λόγοσ ἐξεταζόμενοσ εὑρεθείη γελοιότεροσ· ἀλλ’ ὡσ Ἱπποκράτησ ἠβούλετο. λεχθήσεται δὲ σαφέστερον ἐπὶ προήκοντι τῷ λόγῳ. νυνὶ γὰρ οὐ τοῦτο πρόκειται διδάσκειν, ἀλλ’ ὡσ οὔτ’ ἄλλο τι δυνατὸν εἰπεῖν αἴτιον εἶναι τῆσ τῶν οὔρων διακρίσεωσ πλὴν τῆσ ὁλκῆσ τῶν νεφρῶν οὔθ’ οὕτω γίγνεσθαι τὴν ὁλκήν, ὡσ οἱ μἠδεμίαν οἰκείαν διδόντεσ τῇ φύσει δύναμιν οἰόνται γίγνεσθαι. τούτου γὰρ ὁμολογηθέντοσ, ὡσ ἔστιν ὅλωσ τισ ἐν τοῖσ ὑπὸ φύσεωσ διοικουμένοισ δύναμισ ἑλκτική, ληρώδησ νομίζοιτ’ ἂν ὁ περὶ ἀναδόσεωσ τροφῆσ ἄλλο τι λέγειν ἐπιχειρῶν.

일치하는 문장이 없습니다.

SEARCH

MENU NAVIGATION