Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 11

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 11)

αὐτοῦ δὲ δὴ πάλιν ἀναμνηστέον ἡμῖν τοῦ τέλουσ, οὗπερ ἕνεκα τοσαῦτά τε καὶ τοιαῦτα τῇ φύσει δεδημιούργηται μόρια. τὸ μὲν οὖν ὄνομα τοῦ πράγματοσ, ὥσπερ καὶ πρότερον εἴρηται, θρέψισ· ὁ δὲ κατὰ τοὔνομα λόγοσ ὁμοίωσισ τοῦ τρέφοντοσ τῷ τρεφομένῳ. ἵνα δ’ αὕτη γένηται, προηγήσασθαι χρὴ πρόσφυσιν, ἵνα δ’ ἐκείνη, πρόσθεσιν. ἐπειδὰν γὰρ ἐκπέσῃ τῶν ἀγγείων ὁ μέλλων θρέψειν ὁτιοῦν τῶν τοῦ ζῳού μορίων χυμόσ, εἰσ ἅπαν αὐτὸ διασπείρεται πρῶτον, ἔπειτα προστίθεται κἄπειτα προσφύεται καὶ τελέωσ ὁμοιοῦται. δηλοῦσι δ’ αἱ καλούμεναι λεῦκαι τὴν διαφορὰν ὁμοιώσεώσ τε καὶ προσφύσεωσ, ὥσπερ τὸ γένοσ ἐκεῖνο τῶν ὑδέρων, ὅ τινεσ ὀνομάζουσιν ἀνὰ σάρκα, διορίζει σαφῶσ πρόσθεσιν προσφύσεωσ. οὐ γὰρ ἐνδείᾳ δήπου τῆσ ἐπιρρεούσησ ὑγρότητοσ, ὡσ ἔνιαι τῶν ἀτροφιῶν τε καὶ φθίσεων, ἡ τοῦ τοιούτου γένεσισ ὑδέρου συντελεῖται. φαίνεται γὰρ ἱκανῶσ ἥ τε σὰρξ ὑγρὰ καὶ διάβροχοσ ἕκαστόν τε τῶν στερεῶν τοῦ σώματοσ μορίων ὡσαύτωσ διακείμενον. ἀλλὰ πρόσθεσισ μέν τισ γίγνεται τῆσ ἐπιφερομένησ τροφῆσ, ἅτε δ’ ὑδατωδεστέρασ οὔσησ ἔτι καὶ μὴ πάνυ τι κεχυμωμένησ μηδὲ τὸ γλίσχρον ἐκεῖνο καὶ κολλῶδεσ, ὃ δὴ τῆσ ἐμφύτου θερμασίασ οἰκονομίᾳ προσγίγνεται, κεκτημένησ ἡ πρόσφυσισ ἀδύνατόσ ἐστιν ἐπιτελεῖσθαι πλήθει λεπτῆσ ὑγρότητοσ ἀπέπτου διαρρεούσησ τε καὶ Ῥᾳδίωσ ὀλισθαινούσησ ἀπὸ τῶν στερεῶν τοῦ σωματοσ μορίων τῆσ τροφῆσ. ἐν δὲ ταῖσ λεύκαισ πρόσφυσισ μέν τισ γίγνεται τῆσ τροφῆσ, οὐ μὴν ἐξομοίωσίσ γε. καὶ δῆλον ἐν τῷδε τὸ μικρῷ πρόσθεν Ῥηθὲν ὡσ ὀρθῶσ ἐλέγετο τὸ δεῖν πρόσθεσιν μὲν πρῶτον, ἐφεξῆσ δὲ πρόσφύσιν, ἔπειτ’ ἐξομοίωσιν γενέσθαι τῷ μέλλοντι τρέφεσθαι. κυρίωσ μὲν οὖν τὸ τρέφον ἤδη τροφή, τὸ δ’ οἱο͂ν μὲν τροφή, οὔπω δὲ τρέφον, ὁποῖόν ἐστι τὸ προσφυόμενον ἢ προστιθέμενον, τροφὴ μὲν οὐ κυρίωσ, ὁμωνύμωσ δὲ τροφή· τὸ δ’ ἐν ταῖσ φλεψὶν ἔτι περιεχόμενον καὶ τούτου μᾶλλον ἔτι τὸ κατὰ τὴν γαστέρα τῷ μέλλειν ποτὲ θρέψειν, εἰ καλῶσ κατεργασθείη, κέκληται τροφή. κατὰ ταὐτὰ δὲ καὶ τῶν ἐδεσμάτων ἕκαστον τροφὴν ὀνομάζομεν οὔτε τῷ τρέφειν ἤδη τὸ ζῷον οὔτε τῷ τοιοῦτον ὑπάρχειν οἱο͂ν τὸ τρέφον, ἀλλὰ τῷ δύνασθαί τε καὶ μέλλειν τρέφειν, εἰ καλῶσ κατεργασθείη. τοῦτο γὰρ ἦν καὶ τὸ πρὸσ Ἱπποκράτουσ λεγόμενον· "Τροφὴ δὲ τὸ τρέφον, τροφὴ καὶ τὸ οἱο͂ν τροφὴ καὶ τὸ μέλλον. " τὸ μὲν γὰρ ὁμοιούενον ἤδη τροφὴν ὠνόμασε, τὸ δ’ οἱο͂ν μὲν ἐκεῖνο προστιθέμενον ἢ προσφνόμενον οἱο͂ν τροφήν· τὸ δ’ ἄλλο πᾶν, ὅσον ἐν τῇ γαστρὶ καὶ ταῖσ φλεψὶ περιέχεται, μέλλον.

일치하는 문장이 없습니다.

SEARCH

MENU NAVIGATION