헬라어 문장 검색 - Γαλεν́ΟντηεΝά1́11́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 11)

αὐτοῦ δὲ δὴ πάλιν ἀναμνηστέον ἡμῖν τοῦ τέλουσ, οὗπερ ἕνεκα τοσαῦτά τε καὶ τοιαῦτα τῇ φύσει δεδημιούργηται μόρια. τὸ μὲν οὖν ὄνομα τοῦ πράγματοσ, ὥσπερ καὶ πρότερον εἴρηται, θρέψισ· ὁ δὲ κατὰ τοὔνομα λόγοσ ὁμοίωσισ τοῦ τρέφοντοσ τῷ τρεφομένῳ. ἵνα δ’ αὕτη γένηται, προηγήσασθαι χρὴ πρόσφυσιν, ἵνα δ’ ἐκείνη, πρόσθεσιν. ἐπειδὰν γὰρ ἐκπέσῃ τῶν ἀγγείων ὁ μέλλων θρέψειν ὁτιοῦν τῶν τοῦ ζῳού μορίων χυμόσ, εἰσ ἅπαν αὐτὸ διασπείρεται πρῶτον, ἔπειτα προστίθεται κἄπειτα προσφύεται καὶ τελέωσ ὁμοιοῦται. δηλοῦσι δ’ αἱ καλούμεναι λεῦκαι τὴν διαφορὰν ὁμοιώσεώσ τε καὶ προσφύσεωσ, ὥσπερ τὸ γένοσ ἐκεῖνο τῶν ὑδέρων, ὅ τινεσ ὀνομάζουσιν ἀνὰ σάρκα, διορίζει σαφῶσ πρόσθεσιν προσφύσεωσ. οὐ γὰρ ἐνδείᾳ δήπου τῆσ ἐπιρρεούσησ ὑγρότητοσ, ὡσ ἔνιαι τῶν ἀτροφιῶν τε καὶ φθίσεων, ἡ τοῦ τοιούτου γένεσισ ὑδέρου συντελεῖται. φαίνεται γὰρ ἱκανῶσ ἥ τε σὰρξ ὑγρὰ καὶ διάβροχοσ ἕκαστόν τε τῶν στερεῶν τοῦ σώματοσ μορίων ὡσαύτωσ διακείμενον. ἀλλὰ πρόσθεσισ μέν τισ γίγνεται τῆσ ἐπιφερομένησ τροφῆσ, ἅτε δ’ ὑδατωδεστέρασ οὔσησ ἔτι καὶ μὴ πάνυ τι κεχυμωμένησ μηδὲ τὸ γλίσχρον ἐκεῖνο καὶ κολλῶδεσ, ὃ δὴ τῆσ ἐμφύτου θερμασίασ οἰκονομίᾳ προσγίγνεται, κεκτημένησ ἡ πρόσφυσισ ἀδύνατόσ ἐστιν ἐπιτελεῖσθαι πλήθει λεπτῆσ ὑγρότητοσ ἀπέπτου διαρρεούσησ τε καὶ Ῥᾳδίωσ ὀλισθαινούσησ ἀπὸ τῶν στερεῶν τοῦ σωματοσ μορίων τῆσ τροφῆσ. ἐν δὲ ταῖσ λεύκαισ πρόσφυσισ μέν τισ γίγνεται τῆσ τροφῆσ, οὐ μὴν ἐξομοίωσίσ γε. καὶ δῆλον ἐν τῷδε τὸ μικρῷ πρόσθεν Ῥηθὲν ὡσ ὀρθῶσ ἐλέγετο τὸ δεῖν πρόσθεσιν μὲν πρῶτον, ἐφεξῆσ δὲ πρόσφύσιν, ἔπειτ’ ἐξομοίωσιν γενέσθαι τῷ μέλλοντι τρέφεσθαι. κυρίωσ μὲν οὖν τὸ τρέφον ἤδη τροφή, τὸ δ’ οἱο͂ν μὲν τροφή, οὔπω δὲ τρέφον, ὁποῖόν ἐστι τὸ προσφυόμενον ἢ προστιθέμενον, τροφὴ μὲν οὐ κυρίωσ, ὁμωνύμωσ δὲ τροφή· τὸ δ’ ἐν ταῖσ φλεψὶν ἔτι περιεχόμενον καὶ τούτου μᾶλλον ἔτι τὸ κατὰ τὴν γαστέρα τῷ μέλλειν ποτὲ θρέψειν, εἰ καλῶσ κατεργασθείη, κέκληται τροφή. κατὰ ταὐτὰ δὲ καὶ τῶν ἐδεσμάτων ἕκαστον τροφὴν ὀνομάζομεν οὔτε τῷ τρέφειν ἤδη τὸ ζῷον οὔτε τῷ τοιοῦτον ὑπάρχειν οἱο͂ν τὸ τρέφον, ἀλλὰ τῷ δύνασθαί τε καὶ μέλλειν τρέφειν, εἰ καλῶσ κατεργασθείη. τοῦτο γὰρ ἦν καὶ τὸ πρὸσ Ἱπποκράτουσ λεγόμενον· "Τροφὴ δὲ τὸ τρέφον, τροφὴ καὶ τὸ οἱο͂ν τροφὴ καὶ τὸ μέλλον. " τὸ μὲν γὰρ ὁμοιούενον ἤδη τροφὴν ὠνόμασε, τὸ δ’ οἱο͂ν μὲν ἐκεῖνο προστιθέμενον ἢ προσφνόμενον οἱο͂ν τροφήν· τὸ δ’ ἄλλο πᾶν, ὅσον ἐν τῇ γαστρὶ καὶ ταῖσ φλεψὶ περιέχεται, μέλλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 11

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 11)

상위

목록

SEARCH

MENU NAVIGATION